Monday, August 31, 2015

வணக்கம் நண்பர்களே!

ஊர்வனவும் ஈரூடக வாழ்வனவும் என்ற தலைப்பிற்கு அனுப்பப்பட்ட படங்கள் முதற் சுற்று இன்றி இறுதித் சுற்றுக்குச் செல்கின்றன. 

வெற்றிபெற்ற படங்களைப் பார்க்குமுன் சில கவனத்தை ஈர்த்த படங்களைப் பார்ப்போம்.

#செந்தில்குமார்


#பிலால்


#மேர்லின்


#மதன்


#சங்கர் குமாரவேல்


#பிரபு


#யமோ

வெற்றி பெற்ற படங்கள்:


3 ஆம் இடம்: கண்ணதாசன்
ஓணான் இன்னும் தெளிவாக அமைந்திருக்க வேண்டும். அப்பாச்சர் அளவு ƒ/5.6 சிறப்பாகக் கைகொடுக்கவில்லை. கருப்பு பின்புலத்தில் நேர்த்தியாகப் படமாக்கப்பட்டுள்ளது.


2 ஆம் இடம்: கார்த்திக்
கூட்டமைவு (Composition) இன்னும் சிறப்பாக அமைந்திருக்க வேண்டும். இடப்பக்கம் கூடுதல் இடைவெளி அமைந்துள்ளது. தெளிவான படப்பிடிப்பு


1 ஆம் இடம்: கார்த்திக் பாபு
கூட்டமைவு (Composition) இன்னும் சிறப்பாக அமைந்திருக்க வேண்டும். எட்டிப்பார்க்கும் இரு தலைகளும் அருமை.



போட்டியில் கலந்து கொண்ட அனைவருக்கும் நன்றி! 
வெற்றி பெற்றவர்களுக்கு வாழ்த்துகள்!

Sunday, August 30, 2015

# கேமரா கிறுக்கன் (D. பரணீதரன்)
டிஸ்கிட் மடாலயம், நூப்ரா பள்ளத்தாக்கு, லடாய்
 இவரது ஃப்ளிக்கர் பக்கம்: இங்கே



# கோகுல்நாத்
சென்னை கடற்கரை
  இவரது ஃப்ளிக்கர் பக்கம்: இங்கே


பரணீதரன், கோகுல்நாத் இருவருக்கும் வாழ்த்துகள்!

தேர்வு: சரவணன் தண்டபாணி
**

Friday, August 28, 2015


***வணக்கம் பிட் மக்கா நலமா,இன்றைய கட்டுரையில் நாம் போட்டோஷாப்பில் படங்களுக்கு சுலபமாக பார்டர் போடுவது எப்படி என பார்க்கலாம்.***

*****முதலில் பார்டர் போட விரும்பும் படத்தை போட்டோஷாப்பில் திறக்கவும்.போட்டோஷாப்பில் படமானது பேக்கிரவுண்டு லேயராக பூட்டு படத்துடன் அமரும்,அதாவது உங்களது படமானது Lock செய்யப்பட்டுள்ளது என்று பொருள்,இதனை நாம் Unlock செய்வதன் மூலமாக படத்தில் நாம் சில மாற்றங்களை செய்ய இயலும்.

இப்போது பேக்கிரவுண்டு லேயரை இருமுறை கிளிக் செய்யவும்.இப்போது தோன்றும் விண்டோவில் உங்களது புதிய லேயருக்கான பெயரை தட்டச்சு செய்துகொண்டு ஓகே செய்துகொள்ளவும்.


 இனி,உங்களது விசைப்பலகையில் CTRL ஐ அழுத்திக்கொண்டு லேயர் பேலட்டில் இருக்கும் Create New Layer  என்பதை அழுத்தவும்.



இப்போது புதிய லேயர் உங்களது படத்திற்கு கீழே உருவாக்கப்பட்டிருக்கும்.



இப்போது அந்த லேயரை தெர்வுசெய்துகொள்ளவும்,Image>Canvas Size ஐ தேர்ந்தெடுக்கவும்.



இப்போது தோன்றும் விண்டோவில் உங்களுக்கு தேவையான பார்டரின் அளவை கொடுத்துக்கொள்ளவும் நான் இந்த கட்டுரைக்காக 2 Inch கள் பார்டர் அளவாக கொடுக்கிறேன்.கீழேயுள்ள படத்தில் நான் காட்டியபடி செட்டிங்குகளை செய்து பின்னர் ஓகே செய்யவும்.



இப்போது உங்களில் படத்தைச்சுற்றி உபரியாக வெற்றிடம் உருவாக்கப்பட்டிருக்கும்.



இனி Edit>Fill என்பதை அழுத்தவும்.



இப்போது தோன்றும் விண்டோவில் Contents ஆப்ஷனில் உங்களுக்கு பார்டர் வெள்ளை நிறத்தில் வேண்டுமென்றால் வெள்ளை நிறத்தையும் கருப்பு வேண்டுமெனில் கருப்பு நிறத்தையும் தேர்வு செய்து கொண்டு ஓகே செய்யவும்.



அவ்வளவே உங்களின் படத்தில் பார்டர் உருவாக்கப்பட்டிருக்கும்.




நன்றி மீண்டும் சந்திப்போம்,

என்ரும் அன்புடன்,
நித்தி ஆனந்த்

Sunday, August 23, 2015

லகளாவிய அளவில் புகைப்பட ஆர்வலர்கள் தங்கள் படங்களைப் பகிரவும் சேமிக்கவும் பயன்படுத்தி வருகிற தளம் FLICKR. நமது PiT வாசகர்கள் ஒருவருக்கொருவர் அறிமுகமாகவும் ஒருவர் படங்களுக்கு மற்றவர் கருத்துகள் இட்டு ஆலோசனைகளைப் பரிமாறிக் கொள்ளவுமென 2007_ஆம் ஆண்டில் தொடங்கப் பட்டதே PiT Group Pool. [வரலாறு முக்கியமாயிற்றே :)!]. 2010_ல் சர்வேசன் இந்த க்ரூப்பை இங்கே அறிமுகம் செய்து ஃப்ளிக்கரில் கணக்கு வைத்திருக்கும் பிட் வாசகர்களை அதில் படங்களைப் பகிர அழைப்பு விடுத்தார். அத்தோடு சமீபமாக க்ரூப்பில் இணைக்கப்பட்ட படங்களிலிருந்து இந்த வாரப் படம் என ஒன்றைத் தேர்ந்தெடுத்து ஞாயிற்றுக் கிழமைகளில் ஒரு பதிவாக PiT-ல் இடம் பெறச் செய்தார். ஒவ்வொரு மாதமும் ஒரு உறுப்பினர் என்ற ரீதியில் நடுவராக இயங்கி அறிவிப்பாகி வந்த நடைமுறை, உறுப்பினர்களுக்கு இருக்கும் வேலைப் பளுவினால் தொடர்ந்து செயல்படுத்த முடியாது போனது.

அந்த நடைமுறையை மீண்டும் PiT-ல் செயல்படுத்த உள்ளோம். குறிப்பாகப் புதிதாகப் படம் எடுக்கிறவர்களுக்கு ஊக்கம் தரக் கூடிய ஒன்றாக அமையும் என நம்புகிறோம்.

ஆர்வமுள்ளவர்கள் இங்கே சென்று கணக்கை உருவாக்கிக் கொள்ளுங்கள். இங்கே சென்று பிட் க்ரூப்பில் இணைந்திடுங்கள். ஒரு நாளைக்கு இரண்டு படங்கள் மட்டுமே க்ரூப்பில் சேர்க்கலாம். பாதுகாப்புக் காரணங்களுக்காகப் பலரும் தங்கள் படங்களை டவுன்லோட் செய்திடும் வசதியை நிறுத்தி வைத்திருக்கிறார்கள். இது புரிதலுக்குரியதே. தேர்வாகும் படத்தை எடுத்தவர் தன் பக்கத்தில் downloading disable செய்திருந்தால் அவர்களுக்கு மின்னஞ்சல் அனுப்பப்படும். நேரமிருந்து அவர்கள் படத்தை photos.in.tamil@gmail.com மின்னஞ்சல் செய்தாலோ அல்லது  அவர்களது அனுமதியின் பேரில் பிரிண்ட் ஸ்க்ரீனோ இங்கு வெளியாகும். பதில் வராது போனால் வேறுபடங்கள் தேர்வு செய்யப்பட்டு விடும் என்பதையும் தெரிவித்துக் கொள்கிறோம்.

தேர்வுகள் எதன் அடிப்படையில் இருக்கும் என்பது குறித்தும் சிறு விளக்கம்...

தேர்வாகும் படம், சில வேளைகளில் சிறந்த கலைஞர்களுடையதாகவும் இருக்கும். சில வேளைகளில் உற்சாகத்துடன் தொடர்ந்து படம் எடுத்துப் பழகும் புதியவர்களுடையதாகவும் இருக்கும். டெக்னிகலாக எவ்வளவு சிறப்பாக உள்ளது என்று மட்டுமே பாராமல், படத்தின் உள்ளடக்கம், உணர்வுகளைத் தொடும் விதம், காட்சி அமைப்புக்காக என மற்ற பல காரணங்களும் கணக்கில் கொள்ளப்படும். ‘இந்தத் தேர்வை விட அந்தப் படம் சிறந்ததில்லையா?’ என்பது போன்ற சிந்தனைகளைத் தவிர்த்து தேர்வாகும் படத்தில் இருந்து கற்றுக் கொள்ள என்ன இருக்கிறது என்பது நம் முதல் எண்ணமாக அமையுமேயானால் இந்த நடைமுறை எல்லோருக்கும் ஒரு சிறந்த அனுபவமாக அமையும். நான் சொல்வது சரிதானே:)?

அடுத்த சில மாதங்களுக்கு இந்த வாரப் படங்களைத் தேர்வு செய்து தர அன்புடன் முன் வந்திருக்கிறார் சிறந்த புகைப்படக் கலைஞரும், PiT Flickr Pool_ல் பல ஆண்டுகளாகத் தொடர்ந்து தன் படங்களைப் பகிர்ந்து வருகிறவருமான சரவணன் தண்டபாணி. இவரது ஃப்ளிக்கர் பக்கம் இங்கே. அவருக்கு PiT-ன் நன்றி. வேலைப் பளு அல்லது வெளியூர் பயணங்களால் அவரால் முடியாது போகும்போது மற்ற உறுப்பினர்கள் நடுவராகத் தேர்வு செய்வார்கள். அல்லது Guest ஆக வேறு அனுபவம் மிக்கக் கலைஞர்கள் உதவுவார்கள். தவிர்க்க முடியாமல் இடைவெளிகளும் நேரலாம். ஏன் வெளியாகவில்லை எனக் கேட்காமல் புரிதலுடன் அடுத்த ஞாயிறுக்குக் காத்திருப்பீர்கள் என நம்புகிறோம். முடிந்தவரை பெரிய இடைவெளி இல்லாமல் இதைக் கொண்டு செல்ல முயன்றிடுகிறோம், எப்போதும் போல உங்கள் அன்பான ஒத்துழைப்புடன்:).

இனி காணலாம் வாருங்கள்..

இந்த வாரப் படத்தை..

அதிகாலைப் பனியில் ஆடுகளோடு மேய்ப்பன்
by 
Sankalan Banik

தேர்வு: சரவணன் தண்டபாணி


வாழ்த்துகள் சன்கலன்! இவரது ஃப்ளிக்கர் பக்கம் இங்கே.
***


Sunday, August 16, 2015

வணக்கம் பிட் மக்கா நலமா? இன்றைய கட்டுரையில் நாம் Auto Levels  பற்றி பார்க்க இருக்கிறோம்.பொதுவாக போட்டோஷாப்பில் பலராலும் பயன்படுத்தப்படும் ஒரு டூல் எது என்றால் அது Levels  எனலாம்.பொதுவாக Levels என்பது நமது படத்தின் Tonal range மற்றும் Color Balance சரி செய்துகொள்ள உதவும் ஒரு டூலாகும். 

** அதாவது உங்களுடைய படத்தின் Histogramமை வைத்து Shadows,Midtones,Highlights பாயிண்டுகளை தேவைக்கேற்றபடி அட்ஜெஸ்ட் செய்து படத்தை திருத்திக்கொள்ளலாம்.


அல்லது Levelsல் இருக்கும் Black,Gray,White Eyedropper டூலினைக்கொண்டு உங்களது படத்திலிருக்கும் கருப்பு,வெள்ளை மற்றும் கிரே புள்ளிகளை கண்டறிந்து திருத்திக்கொள்ளலாம்.

ஆனால் இதனை செய்ய போட்டோஷாப்பில் போதிய அனுபவம் வேண்டும். காரணம் தவறான புள்ளிகளை தேர்ந்தெடுத்துவிட்டால் படம் கெட்டுவிடும்சரி இதுகுறித்த விபரமான கட்டுரையை நான் பின்னாளில் தருகிறேன்.

இப்போதைக்கு போட்டோஷாப்பை ஆரம்பநிலையில் ழகுபவர்களுக்கு ஏதுவானதாக இருக்கவேண்டும் என்பதற்க்காக நான் Auto Levels பற்றி குறிப்பிட இருக்கிறேன்.
அதாவது கருப்பு மற்றும் வெள்ளைபுள்ளிகளை பயன்படுத்தத்தெரியாதவர்கள் மற்றும் Levels மேனுவலாக அட்ஜெஸ்ட் செய்யதெரியாதவர்கள் Auto Levels நாடலாம்.

முதலில் நீங்கள் Correction செய்ய விரும்பும் படத்தை போட்டோஷாப்பில் திறந்துகொள்ளவும்.இங்கு உதாரணத்திற்கு நான் திறந்து வைத்திருக்கும் படமானது மாலை வெயிலில் எடுக்கப்பட்ட படமாகும்


இங்கு என்னுடைய படத்தில் இருக்கும் Yellow நிற Colorcast சற்று இருப்பதை நான் பார்கிறேன். சரி இப்போது லேயர் பேனலில் இருக்கும் New Levels Adjustment Layer தேர்ந்தெடுக்கவும்.


இப்போது Levels பேனலில் இருக்கும் Auto என்பதை அழுத்தவும்.


பெரும்பாலும் Auto Levels எல்லா படத்திற்கும் நாம் எதிர்பார்க்கிற ரிசல்டை தருவது கிடையாது.இந்த படத்திற்கு நான் Auto Levelsஐவல்ஸை பயன்படுத்தியிருக்கிறேன்.எனினும் ரிசல்ட் எனக்கு திருப்தியாக இல்லை.காரணம் இந்த Auto Levels ஆனது பொதுவாக உங்களுடைய படத்திலிருக்கும் Brightness மற்றும் Contrast வைத்து மேம்படுத்துமாறு Default ஆக‌ வடிவமைக்கப்பட்டிருக்கும்சரி இந்த Auto Levesஐ கொஞ்சம் Fine Tune செய்து பார்க்கலாமா?

இப்போது நான் அதே Auto பட்டனை என்னுடைய விசைபலகையிலிருக்கும் ALT அழுதிக்கொண்டு கிளிக் செய்கிறேன்.

இப்போது போட்டோஷாப் Auto Levels எனக்கு மொத்தத்தில் 4 விதமான Alogorithms எனக்கு அளிக்கிறது. இப்போது நீங்கள் 4 ஆப்ஷன்களையும் சோதித்துப்பாருங்கள். உங்களுடைய படம் எந்த Algorithm அடிப்படையில் நீங்கள் விரும்பிய ரிசல்ட் தருகிறதோ அதனை தேர்ந்தெடுத்துக்கொள்ளுங்கள்.
என்னுடைய இந்தப்படத்தில் எனக்கு Find Dark&Light Colors Option நல்ல ரிசல்டை தருகிறது எனவே நான் அதனை தேர்வுசெய்துகொள்கிறேன்.அதே நேரத்தில் படத்திலிருக்கும் Color Cast ஐயும் நான் நீக்க விரும்புகிறேன். எனவே நான் Snap Neutral Midtonesஸையும் டிக் செய்கிறேன்.


இப்போது பாருங்கள் என்னுடைய படம் Auto Levels மூலமாக Color Cast நீக்கப்பட்டு மேம்படுத்தப்பட்டிருக்கிறது.


என்ன "பிட்" வாசகர்களே Auto Levelsஸை எப்படி நேர்த்தியாக பயன்படுத்துவது என கற்றுக்கொண்டீர்களா??
நன்றி மீண்டும் ஒரு கட்டுரையில் சந்திக்கலாம்.
அன்புடன்,
நித்தி ஆனந்த்

Friday, August 14, 2015

ஆகஸ்ட் 19 உலகப் புகைப்பட தினத்தை முன்னிட்டு ‘செல்லமே’ இதழில்..

நிழற்படம் அல்லது புகைப்படம் என்பது நிகழ்வுகளை அல்லது நினைவுகளை ஓரிடத்தில் உறையச் செய்து சேமித்து வைக்கும் கலை. ie.. Freezing  a piece of time in History.  இது ஓவியம் வரைவது போல  ஒரு அழகிய கலை தான். இன்றைய நவீன உலகில்  நம் குழந்தைகளும் செல்பேசி ஆரம்பித்து பெரிய கருவி வரைக்கும் உள்ள கேமராக்களை உபயோகிக்கும் வாய்ப்புகளைப் பெறுகிறார்கள்.  அவர்களின் ஆர்வத்தை தூண்டி அவர்களும் நல்ல புகைப்படக் கலைஞர்களாக வளர்வதில்  நம் பங்களிப்பு எப்படி இருக்க வேண்டும் ?




#1 -  கேமராக்களை எப்படிக் கையாள்வது என குழந்தைகளுக்கு பக்குவமாக சொல்லிக் கொடுங்கள். ​ உதாரணமாக முதலில் அந்த கழுத்துப் பட்டையை கழுத்தில் மாட்டிக் கொள்வது கைத் தவறினாலும் கேமரா கீழே விழாமல் பாதுகாக்கும், கையை லென்ஸின் அடிப்புறம் பிடித்துக் கொள்வது படம் எடுக்கும் போதான அசைவை தடுக்கும்,

கால்களை முன்னும் பின்னுமாக வைத்து ஸ்டெடியாக நிற்பது தடுமாறாமல் இருக்கும். 

2 -  புகைப்படம் எடுக்கும் போது புகைப்படத்தை விட சுய பாதுகாப்பும் கருவியின் பாதுகாப்பும் முக்கியம் என்பதை குழந்தைகளுக்கு
​நாம் உணர்த்த வேண்டும். 

3-  உறுத்தலற்ற பின்னணியை தேர்வு செய்வது மிகவும் அவசியம்.  முன் பக்கம்  இருக்கும் சப்ஜெக்ட் நன்றாக இருந்தாலும் பின்னணி சரியில்லை எனில் மொத்தப் படமுமே சரியில்லை என்றாகிவிடும்.

4-  குழந்தைகளின் கற்பனையை விரிக்க விடுங்கள்.  அவர்கள் விரும்பும் கோணங்களில் படங்களை எடுக்கட்டும்.
அவற்றில் சில இதுவரை நாம் பார்த்திராத கோணங்களாகவும் இருக்கக் கூடும். உங்களின் ஆலோசனையும் கொடுக்கலாம். ஆனால் அது தான் வேண்டும் என்று வற்புறுத்தாதீர்கள். இதனால்குழந்தைகளின் கற்பனை எண்ணம் சிதறும். 

5- படம் எடுக்கும் போது, எடுக்கப் படும் பொருள் முழுமையாக இருக்கும் படி பார்த்துக் கொள்ளவேண்டும். பாதி தலை, ஒருபக்கம் கண், வயிறு மட்டுமான உடல் என்று ஒருவரை படம் எடுத்தால் பார்க்க நன்றாகவா இருக்கும் ? முக்கியமாக  கை கால் முட்டிக்கு கீழ் கொஞ்சம் தெரிவது போல, விட்டுவிடுவது, தலையில் பாதி முடி இருக்க மீதியை விட்டுவிடுவது,  போன்றவற்றை தவிர்க்கலாம். முட்டிக்கு கீழே எடுக்கும் போது பாதமும் / முழு கைகளும் சேர்ந்து வருவது புகைப்படத்தை செம்மையாக்கும். 

6 -  கருவியை நேராக பிடிக்க பழக வேண்டும்.  அந்த துறு துறு  பிஞ்சு கைகளை  ஒரு நிமிடம் கருவியை நேராகப் பிடித்து படங்களை எடுக்கப் பழக்கி விட்டால் பாதி வெற்றி அடைந்துவிட்டீர்கள் என்றே சொல்லுவேன்.

6 -   கேமரா   ஒரு கருவி மட்டுமே, எப்படி ஒரு தூரிகையினால் மட்டும் ஓவியம் அழகுறாதோ, அது போலவே படம் எடுப்பவரின் தனித்தன்மை இல்லாவிட்டால் எந்த கருவியாக இருந்தாலும் அதில் வரும் படங்களில் உயிர் இருக்காது.

7 - படங்கள் இயல்பாக இருக்க யாரையும் வற்புறுத்தி நின்று  போஸ் கொடுக்க வைக்காதீர்கள்.  ஆதார் அட்டை,  ரேஷன் அட்டைகளுக்கு வேண்டுமானால் அப்படி  நின்று கொள்ளலாம்.  ஆனால் அப்படியான விறைப்பு போஸ், இங்கே படங்களின் உயிரோட்டத்திற்கு அவை தடையாகிப் போகலாம். 


9 -  நிறைய படங்களை எடுக்கத் தூண்டுங்கள்.  எந்த இடங்களில் நெருங்கி எடுக்க வேண்டும், எந்த இடத்தில் சற்று தூரத்தில் நின்று எடுக்க வேண்டும் போன்றவற்றிற்கு ஆலோசனை வழங்குங்கள்.

10.  முக்கியமாக எடுக்கக் கூடியன, எடுக்கத் தகாதன  என இருப்பவற்றைகுழந்தைகளுக்கு அறிவுறுத்தலாம். குழந்தைகளையும் நம்மையும் தர்ம சங்கடத்தில் கொண்டு நிறுத்தம் சந்தர்ப்பங்களை இவை தவிர்க்கும். 

11 - புகைப்படத்திற்கு தேவையான முக்கிய காரணி வெளிச்சம். அவற்றை கருவி மூலம் எப்படி கட்டுப் படுத்தலாம் என்பதை அபர்ச்சர், ஐ.எஸ்.ஓ, ஷட்டர் ஸ்பீட் போன்ற அடிப்படை விவரங்க்களை பொறுமையாக குழந்தைகளுக்குப் புரியும்படி விளக்கலாம். ஒவ்வொன்றும் ஒன்றுக் கொன்று தொடர்புடையவை. இவற்றின் சரிவிகித அமைப்புத் தெரிந்துவிட்டால் புகைப்படக் கலை ஒன்றும் கடினமில்லை. மிச்சம்  எல்லாம் உங்கள் மக்களின் கற்பனை வளத்தைப் பொறுத்து படங்கள் மிளிரும். 

12 . எல்லா வயது குழந்தைகளுக்கும் மேற்சொன்ன தொழில் நுட்ப விவரங்களை புரிய வைத்து விட முடியாது ஆகையால். 5 வயதுக்கு கீழான குழந்தைகளுக்குகுறிப்பிட்ட வண்ணங்கள், வடிவங்கள், குறிப்பிட்ட வகை உடை உடுத்திய மக்கள் என அவற்றை அவர்களின் கற்பனைக் கேற்றவாறு கொண்டு வரச்செய்யலாம்.     வயதுக்கேற்றமாதிரி ஒரு கதையை உருவகித்து அதற்கேற்ற பாத்திரங்களை பொம்மைகளில் இருந்தோ, அல்லது மனிதர்களோ எப்படியோ அவர்களின் கற்பனைக்கேற்ற விதத்தில் படமெடுத்துக் கொண்டுவரச் செய்யலாம். அது அவர்களின் இன்னொரு  உலகத்தை விரியச் செய்யும். 

13. ஆறு வயதுக்கு மேற்பட்ட குழந்தைகளுக்கு  மேற்சொன்னவற்றோடு, ரூல் ஆப் தேர்ட் , குறைந்த வெளிச்சத்தில் எடுப்பது, பொருளுக்கு பின்னாடி வெளிச்சம் அதிகம் இருந்தால் அதை எப்படி நமக்கு ஏதுவாக பயன்படுத்துவது, மாலை சூரியனை படம் பிடிப்பது என சற்றே அவர்களின் எல்லையை பெரிதாக்கலாம்.

14.  போகஸிங்க் பற்றி போதிய அளவு தெளிவு இருக்க வேண்டும். இல்லையேல் எடுக்க வேண்டிய பொருள் மங்கிப் போய் தேவையற்ற மற்றவை மிகத் தெளிவாக வரும்.

15. அதி முக்கியமான ஒன்று. குழந்தைகள் எடுத்தப் படத்தை அவர்களுடன் அமர்ந்து அவற்றை பார்வையிடுங்கள். உங்களின் ஆலோசனைகள், திருத்தங்களை சொல்லுங்கள். உங்களுக்குள் முக்கியமாக மனதில் நிறுத்த வேண்டிய கட்டளை. குழந்தைகள் எடுத்த  எல்லாப் படங்களும் மிக அழகியப் படங்களே.. அவை சில சட்டங்களுக்கு கொண்டு வரச்செய்ய ஆலோசனை தருவது மட்டுமே நம் கடமை. 

16 -   நிறைய இணைய தளங்கள்  புகைப்படங்களைப் பகிர இருக்கின்றன. ப்ளிக்கர், ப்ளாக்கர் போன்றவை சில எடுத்துக் காட்டுகள். குழந்தைகளின் படங்களை, அவர்கள் சொல்லும் சிறு குறிப்புடன் பகிருங்கள். அவற்றிற்கு வரும் உற்சாக வரவேற்பை குழந்தைகளிடம் தவறாமல் தெரிவியுங்கள். 


அப்புறம் என்ன ? குழந்தைகள் படம் எடுக்க உதவ வேண்டாமா... இங்கேயே இருக்கிறீர்களே... போங்க சார்.. குழந்தை போட்டோ எடுக்க போஸ் குடுங்க்க.. ப்ளீஸ்....

கட்டுரை: ஐயப்பன் கிருஷ்ணன்
படங்கள்: ராமலக்ஷ்மி

நன்றி செல்லமே!
***

Monday, August 10, 2015

அனைவருக்கும் வணக்கம், 

இம்மாதப் போட்டித் தலைப்பு: ஊர்வனவும் ஈரூடக வாழ்வனவும்

ஆமை, பாம்பு, முதலை, பல்லி, பல்லியோந்திகள், ஓணான், உடும்பு, டைனசோர் போன்றவை ஊர்வன (Reptile) என்ற விலங்கியல் வகுப்பில் அடங்கும் உயிரினங்களாகும். அதேபோல் தவளை, சாலமாண்டர், முதலை போன்றவை நிலத்திலும் நீரிலும் வழக்கூடியன. இவை நிலநீர் வாழிகள் அல்லது ஈரூடக வாழிகள் (Amphibian) என்ற விலங்கியல் வகுப்பில் அடங்கும் உயிரினங்களாகும். இவ்வாறு பல ஆயிரக்கணக்கான உயிரினங்கள் உள்ளன. அவற்றை சிறப்பாகப் படம்பிடித்து இம்மாதப் போட்டிக்கு அனுப்புங்கள். உயிருள்ள உயிரினங்கள் இப்போட்டிக்கு உகந்தன. டைனசோர் போன்றவற்றை உயிருடன் படம் பிடிக்க முடியாது என்பதால் அவற்றின் மொம்மை வடிவங்களும் உகந்தன. ஆயினும் உயிருள்ளவற்றுக்கே முன்னுரிமை. மொம்மையைப் படம் பிடிப்பது இலகு அல்லவா? உயிருள்ளவற்றை விஞ்சும் படங்கள் எடுத்தால் பார்க்கலாம்! 

எடுத்துக்காட்டுக்கு சில படங்கள் இங்கே:

#1

#2

#3

#4

வழமையான போட்டி விதிமுறைகள் இங்கே.

போட்டி அறிவிப்பு தாமதமாகியதால், இம்முறை படங்கள் வந்து சேரவேண்டிய கடைசித் தேதி 25 ஆகஸ்டு 2015
**


இதுவரை போட்டிக்கு வந்திருக்கும் படங்கள்: இங்கே 

Friday, August 7, 2015

வணக்கம் நண்பர்களே,

இந்த தடவை வந்த படங்கள் பலவும் மனதைக் கவரும் வகையில் அட்டகாசமான முறையில் இருந்தது. தேர்வு செய்வதற்கும் நிறைய சிரமத்தைக் கொடுத்துவிட்டீர்கள்.

இருந்தும் .. ஒரு சிலர் யாரோ எடுத்த படங்களை தன்னுடைய படங்கள் என்று அனுப்புவது தவறான விஷயம்.   அப்படியான போட்டிக்கு வரும் படங்கள் ஏற்கப் படமாட்டாது என்பது உங்களுக்கு ஏற்கனவே தெரிவித்தது தான் என்றாலும்,  மறுபடியும் நினைவுறுத்துகிறோம்.

வெற்றி பெற்ற , சிறப்பு கவனம் பெற்ற அனைவருக்கும் என் வாழ்த்துகள்.

சிறப்பு கவனம் : ஜே.பி. கார்த்திக். & மதன்

#ஜே.பி. கார்த்திக்



#மதன் 




மூன்றாம் இடத்தை இரண்டு படங்கள் பகிர்ந்துக் கொள்கின்றன.

மூன்றாம் இடம்  : சந்திரா & ராஜ்

#சந்திரா



#ராஜ் 



இரண்டாம்  இடம் :  வல்லியப்பன்




வெற்றியாளர் : ஆர்.கே.சி



வாழ்த்துகள் நண்பர்களே...
***


Tuesday, August 4, 2015

முதல் சுற்றுக்குத் தேர்வாகியுள்ள 15 படங்கள்.. 
எந்தத் தர வரிசையின் படியும் அல்லாமல்..

அவிஸ் சிவா ;


ராஜ் :


செந்தில் குமார்;


யாமா மோயோ

ஜேபி கார்த்திக்;

வல்லியப்பன் ;


சந்திரா

ராஜ்குமார்:

சதீஷ் குமார்:



ஆர்.கே.சி :

 நரேந்திரன் :



ஜவஹர் ஜெயபால்;


மதன் :


கரிகாலன் :


நாகப்பன் :



போட்டி முடிவுகள் வெகு விரைவில்..
**
 
© 2012. Design by Main-Blogger - Blogger Template and Blogging Stuff