நடனம் - செப்டம்பர் போட்டி முடிவு

வணக்கம் நண்பர்களே. முன்னேறிய பத்தில் வெற்றி பெறும் படங்களைப் பார்ப்போம்.

சிறப்புக் கவனம்:

# சந்தியா

# சரவணன்

வெளியேறும் பிற படங்களில் பெரிய குறையேதுமில்லை வென்ற படங்கள் அவற்றைவிடச் சிறப்பாக இருப்பதானால் என்றாலும் கீழ்வரும் படம் சிறப்புக்கவனம் பெற்றிருக்கும்  கத்திரிப்பில் கவனம் செலுத்தியிருந்தால்.. 

# துளசி கோபால்

  

படத்தின் சப்ஜெக்ட் எந்த பக்கம் நோக்கி இருக்கிறதோ அல்லது படத்திலிருப்பவர் பார்வை எங்கு செல்கிறதோ அந்த இடத்தில் அதிக இடம் விட்டு பின்பக்கமிருக்கும் வெற்றிடத்தை நீக்கி விடுவது அவசியம். இது போன்ற வெற்றிடங்கள் அருமையான சப்ஜெக்டில் முழுமையாகப் பார்வையைச் செலுத்த விடாமல் கவனச் சிதறலுக்கு வழி வகுத்திடும். 

 #

நல்ல லைட்டிங், சரியான சமயத்தில் பாவனையைச் சிறைப்பிடித்த விதம் எனப் பாராட்டுகளைப் பெறும் படம் இப்படி இருந்திருந்தால் இன்னும் சிறப்புதானே?

மூன்றாம் இடம்:
# பூபதி

இசையின்றி நாட்டியமா? இசையையும் அதில் மெய்மறந்த நங்கையையும் செலக்டிவ் கலரிங் மூலமாக பிரித்தும் இணைத்தும் காட்டியிருக்கும் விதம் அற்புதம்.

இரண்டாம் இடம்: 
# ஆயில்யன்

அபிநயம், துல்லியம், ஒளி அமைப்பு, DOF எல்லாம்.. எல்லாமே.. அருமை.

முதலிடம்:
# குணா அமுதன்

ஆடும் நங்கையரை அழகான கோணத்தில், இரவில், ஒளி வெள்ளத்தில் சிறப்பாகப் படமாக்கியிருக்கிறார். மேடை ஓரத்தில் அரை வெளிச்சத்தில் தெரிகிற.. குறு குறுவென்று எட்டிப் பார்க்கிற.. இரண்டு பெண்கள் படத்தின் மீதான நம் ஆர்வத்தை அதிகரிக்கிறார்கள். நாட்டியத் தாரகையரின் கைகளாலும் கால்களாலும் அமைந்த Leading line மிகச் சரியாக அந்த இரண்டு பெண்களை நோக்கி நம்மை அழைத்துச் சென்று (அவர்கள் மேடையை நோக்கி நிற்பதால்) அதே வேகத்தில் மீண்டும் ஒரிஜனல் சப்ஜெக்டான, முன்னால் ஆடும் பெண் மேல் கொண்டு வந்து நம் பார்வையை நிறுத்தும் மேஜிக் சூப்பர். பாராட்டுகள் குணா அமுதன்!

வெற்றி பெற்றவர்களுக்கு வாழ்த்துகள்!

இம்மாதப் போட்டி அறிவிப்பு விரைவில்..