வணக்கம் நண்பர்களே. PiT மாதாந்திரப் போட்டிகள் ஆரம்பித்து, இரண்டு வருடம் நிறைவடைகிறது. சென்ற வருடம், ஜூலை 2008ல், ஓராண்டு நிறைவு விழாவை, 'மெகா' போட்டி நடத்தி க்ளிக்கி மகிழ்ந்தோம்.
இந்த வருஷம் சும்மா விட்ரலாமா?
என்னதான் பொருளாதாரம் சர்ர்ர்ர்ர்ர்ருனு சரிவடைந்து, பலருக்கு பிடுங்க ஆணி இல்லாமல் போனதும், ஆணி பிடுங்கரவங்களுக்கு சகட்டு மேனிக்கு ஆணிகள் வளஞ்சும் நெளிஞ்சும் பிடுங்க பிடுங்க வந்து கொண்டு இருப்பதும், காலத்தின் கோலமாய் நம் கண் முன் வந்து போனாலும், நாம் க்ளிக்குவது துவளாமல் நடந்தேறிக் கொண்டிருக்கிறது.
இந்த இனிய வேளையில், க்ளிக்கிச் சிவந்த உங்கள் கைகளுக்கு, எம் மனமார்ந்த நன்றிகளைத் தெரிவித்துக் கொள்கிறோம்.
இந்த வருட மெகாப் போட்டித்தலைப்பையும் பரிசு விவரங்களையும், பாக்கப் போறதுக்கு முன்னாடி, இதுவரை PiT போட்டியில் வெற்றி வாகை சூடியவர்கள் யார் யார்னு கீழ பாருங்க. ( சில பேரு எந்தத் தலைப்பக் கொடுத்தாலும், 'நச்னு' படம் புடிச்சு, அடிக்கடி ஜெயிக்கராங்க்ய. நெம்ப ஜெலஸ்ஸாவுது போங்க :) )
ஜூலை 2007லிருந்து, ஜூலை 2008 வரை வெற்றி பெற்ற க்ளிக்குகளை சென்ற வருட அறிவிப்பில் பார்க்கலாம்.
ஆகஸ்ட் 2008லிருந்து, ஜூன் 2009 வரை வென்ற க்ளிக் வேந்தர்கள் கீழே.
September 2008 - மெகா போட்டி
1. நாதஸ்
2. Truth
3. MQN
October 2008 - விளம்பரம்
1. Amal
2. TJay
3. Opparee
November 2008 - லீவு விட்டுட்டோம்
December 2008 - நிழல்கள்
1. Vennilaa Meeran
2. Amal
3. Truth
January 2009 - Open topic
1. நந்து
2. சங்கர் பாலசுப்ரமணியம்
3. MQN
February 2009 - Action
1. பிரகாஷ், கைப்புள்ள
2. சூர்யா
3. கருவாயன்
March 2009 - கருப்பு வெள்ளை
1. கருவாயன்
2. அன்பு
3. சத்யா, நந்தகுமார்
April 2009 - உணர்வுகள்
1. Greg
2. கருவாயன்
3. மன்(ணி)மதன்
May 2009 - மிருகங்கள், பறவைகள்
1. கருவாயன்
2. TJay, பிரகாஷ்
3. நந்தகுமார்
June 2009 - முதுமை
1. அன்பு ஆனந்த்
2. Vino
3. கருவாயன்
கலக்கிட்டாங்க இல்ல? இந்த வருட மெகா போட்டி விவரங்கள் பாத்துடலாமா?
போட்டிக்கான தலைப்பு: (Popular) Landmark (எளிதில் அடையாளங்கண்டு கொள்ளக்கூடிய சின்னம்)
உங்க் வீட்டுத் தெரு முனையில் இருக்கும் பஸ் ஸ்டாண்டு, உங்களால் எளிதில் அடையாளம் கண்டு கொள்ள முடியும். ஆனா, மத்தவங்களுக்கு முடியாது. ஸோ, பொதுவா, எல்லாருக்கும், சட்டுனு தெரியர ஓரளவுக்கு ப்ரசித்தி பெற்ற இடங்களா இருக்கணும். உதாரணத்துக்கு சென்னை மெரீனாவில் உள்ள அண்ணா/எம்ஜிஆர் சமாதி, மகாபலிபுரக் கற்கோயில், சென்ட்ரல் ஸ்டேஷன், சிங்கப்பூர் மில்லீனியா டவர், கலிஃபோர்னியா கோல்டன் கேட், இந்த மாதிரி.
படங்கள் எங்களுக்குக் கிடைக்க வேண்டிய கடைசி தேதி: ஜூலை 25ஆம் தேதி
வெற்றியாளர்களை ஆகஸ்ட் 15 ஆம் தேதி அறிவிப்போம்.
முதல் பரிசு: US $50
இரண்டாம் பரிசு: US $25
மூன்றாம் பரிசு: US $10
பரிசுக்கான தொகை, பிட் குழுவினரின் பங்களிப்பிலிருந்து வருகிறது.
பரிசு, பணமாகவோ புத்தகமாகவோ அனுப்பப்படும். ( based on winners location and logistics and possibilities for mailing a cheque vs other options )
நடுவர்கள்: பிட் குழுவினர் (Jeeves, An&, CVR, Nathas, Deepa & Surveysan)
படங்களை எப்படி அனுப்பரதுன்னெல்லாம் உங்களுக்கு ஏற்கனவே தெரிஞ்சிருக்கும். தெரியாதவங்க, இங்கப் போய் பாத்துக்கங்க. (படம் அனுப்பக் கடைசித் தேதி ஜூலை 25).
போட்டிக்கான விதிமுறைகளை தவறாமல் பின்பற்றவும்.
குறிப்பாக, ஒருத்தர் ஒரு படம் மட்டுமே அனுப்பவும்.
குறிப்பாக, படத்தின் ஃபைலுக்கு உங்கள் பெயரை வைத்து, ஈ.மடலின் சப்ஜெக்ட்டுக்கும் உங்கள் பெயரை வைப்பது.
குறிப்பாக, நீங்கள் க்ளிக்கிய உங்கள் 'சொந்தப்' படமாக இருக்க வேண்டும்.
இனி, சாம்பிள் படங்கள் கீழே:
Source: Deepa
Source: Jeeves
Source: CVR
Source: An&
Source: Nathas
Source: Surveysan
ஜமாய்ச்சிடலாம்ல?
க்ளிக்குங்க!
நன்றி!
சமீப இடுகைகள்...
Tuesday, July 7, 2009
PiT மெகா போட்டி அறிவிப்பு - ஜூலை 2009
Wednesday, July 1, 2009
அஸினின் பின்னணி- மாறிய இரகசியம்
பின்னணியை மாத்தும் போது ஒரு பெரிய பிரச்சனையா இருப்பது , இந்தப் படத்தில் இருப்பது போல காற்றில் பறக்கும் வணங்கா/அடங்கா முடி. Selection tools யை உபயோகிச்சி எவ்வளவு கத்தரித்தாலும் இது சரியாக வரவைப்பது கடினம். ஆனால் படத்தில் பின்னணி வெள்ளை நிறமாய் நிறந்தால் இதை செய்வது சுலபம். எப்படி என்று பார்க்கலாம்.
பின்னணியாக இந்தப் படத்தை உபயோக்கிப் போகிறேன்.
படத்தை கிம்பில் திறந்து
அதன் மேல் தேவையான புது பின்னணி படத்தை ஒரு புது லேயராக ஆக்கிக் கொள்ளுங்கள். ( புது பின்னணியை drag and drop செய்தால் அது தானவே இந்த மாதிரி மாற்றிக் கொள்ளும் )
பின்னணி படத்தின் அளவு சரியாக பொருந்தாவிட்டால் Scale Tool ( Shift T) உபயோகித்து சரியாக இருக்குமாறு மாற்றிக் கொள்ளுங்கள்.
இனி லேயர் Mode => Multiply
மூலப் படத்தின் பின்னணி வெள்ளை நிறம் என்பதால் , வெள்ளை நிறம் மறைந்து அங்கு புது பின்னணி நிரம்பி இருக்கும். இனி தேவை இல்லாப் பகுதிகளை ஒரு layer mask மூலம் அழித்து விடலாம்.
ஒரு வெள்ளை லேயர் மாஸ்க் உருவாக்கிக் கொள்ளுங்கள்.
கருப்பு நிற பிரஷ் கொண்டு
அஸின் முகத்தை அலங்கரிக்க வேண்டியதுதான்.
பின்னணி வெள்ளை நிறமாய் இருப்பதன் ஒரு பெரிய நன்மை, முடி இருக்கும் பகுதிகளில் லேயர் மாஸ்கின் தேவை இருக்காது. காற்றில் பறக்கும் முடிப் பகுதிகளில் கவனம் செலுத்தத் தேவையில்லை.
லேயர் மாஸ்க், இது போல குத்து மதிப்பாக இருந்தாலே போதும். காற்றில் அலைபாயும் முடி, நமக்கு வேலை இல்லாமலேயே சரியாக வந்து இருக்கும்.
படம் இப்படி மாறி இருக்கும்.
சில பின்(னணி) குறிப்புகள்.
1. இது போலவே, மேகத்தை சேர்த்து இருக்கும் பாடம் இங்கே.
2. சரி வெள்ளை பின்னணிக்கு Multiply mode என்றால் , மூலப் படம் கருப்பு பின்னணியில் இருந்தால் , புது பின்னணிக்கு என்ன Mode உபயோகிக்க வேண்டும் ??
3 Stock Images பெரும்பாலும் வெள்ளை பின்னணியில் இருப்பதன் இரகசியம் புரிகிறதா ?
Monday, June 29, 2009
PiT ஜூன் 2009 - முதுமை - போட்டி முடிவுகள்
இம்மாத போட்டியில் கலந்து கொண்டு சிறப்பித்த அனைவருக்கும் நன்றி. முதுமையை க்ளிக்கிய நண்பர்களின் படங்கள் மொத்தமும் இங்கே பார்க்கலாம்.
முதல் சுற்றில் தேறிய படங்களை இங்கே பார்க்கலாம்.
இனி, போட்டியில் வென்ற முதல் மூன்று முதுமைகளைப் பார்க்கலாம்.
3. முதுமையில் வரும் இயலாமையை உணர்த்திய கருவாயனின் படம் அருமை. கலர் டோனும் படத்தின் சப்ஜெக்ட்டில் ஒரு வெறுமையை காட்ட உதவியிருக்கு. மூன்றாம் இடம் பிடித்த கருவாயனுக்கு வாழ்த்துக்கள்!
முதுமையை தத்ரூபமாய் ப்ரதிபலித்த ப்ரகாஷும் கவனத்தை ஈர்த்தார். அருமையான க்ளிக்கு அது. பாட்டியா, இல்லை பெரியவரான்னு கொஞ்சம் கொழப்பம் வந்துது. ப்ரகாஷின் கலர் டோனில் கொஞ்சம் செயற்கைத் தனம் இருந்தது. ஷார்ப்னஸும் குறைவு. கீழே இட, வலதில் மங்கலா இருக்கு? வேணும்னா பண்ண ப்ளர்ரா இல்லை லென்ஸில் தண்ணியா?
2. Vinoவின் தாத்தா படத்துக்கு ரெண்டாவது இடம். படத்தில் ஷார்ப்னெஸ் கம்மியாகி, வெளிறிப்போயிருந்து, காம்போஸிஷன் கொஞ்சம் தப்பாத் தெரிஞ்சாலும், ஒவ்வொரு முறை படங்களை அலசும்போதும், கண்ணு வந்து இந்த தாத்தா மேல நிலை குத்தி நிக்குது. படத்திற்கு அமைந்த வெளிச்சம், தாத்தாவின் நிலமை, கறுப்பு வெள்ளை, இதில் ஏதோ ஒண்ணு இந்தப் படத்தை வசியம் செய்ய வைக்குது. இந்த மாதிரி படங்களில், இயன்றவரை, 'கையெழுத்து' லைட்டா இருக்கணும். கண்ணுக்கு உறுத்தர மாதிரி வைக்காதீங்க. வாழ்த்துக்கள் Vino.
1. சிறப்பான சப்ஜெக்ட்டை தேர்ந்தெடுத்துவிட்டாலே, முக்கா கிணறு தாண்டிய மாதிரி. அன்பு ஆனந்தின் இந்த படம் அந்த வகை. பாட்டி முகத்தின் ரேகைகள் அருமையா பதிஞ்சிருக்கு.
நெற்றியின் பாதியிலிருந்து, 'சின்' வரைக்கும் இன்னும் டைட்டா கிராப் பண்ணியிருக்கலாமோ? வாழ்த்துக்கள் அன்பு ஆனந்த்! இந்த மாச ஃபர்ஸ்ட்டு நீங்கதான்.
தலைப்புக்கேற்ற படங்களை அனுப்பி, போட்டியை சிறப்பித்த அனைவருக்கும் நன்றி.
நண்பர்கள் அனைவரும், எல்லா படங்களையும் பார்த்து, உங்கள் விருப்பு வெறுப்புக்களை பகிருமாறு கேட்டுக் கொள்கிறோம்.
நன்றி!
Posts
