Friday, September 9, 2016

அனைவருக்கும் வணக்கம்,
இந்த மாதப் போட்டிக்கு ஓரளவுக்கு படங்கள் வந்திருந்தன. மகிழ்ச்சி! இருந்தாலும் ஆயிரக்கணக்கில் பின்தொடரும் ஒரு குழுமத்தில் இது மிகவும் குறைவான எண்ணிக்கையே. வரும் போட்டிகளில் அதிகமானோர் பங்கேற்று புகைப்படக் கலையைக் கற்றுச் சிறக்க வாழ்த்துகள்!
இம்மாதப் போட்டி முடிவுகளுக்கு வருவோம்.
முதலாமிடம் : Selvakumar Mani

இரண்டாமிடம் : Viji Ram

மூன்றாமிடம் 1 : Kanna Dhasan

மூன்றாமிடம் 2 : Venkat Pharmacist

சிறப்புக் கவனம் பெற்ற படங்கள்:
Athik Ali

போட்டியில் பங்கேற்ற/வெற்றி பெற்றவர்களுக்கு வாழ்த்துகள்!
***

Saturday, August 6, 2016

வணக்கம்.

நீண்ட நாட்களுக்குப் பிறகு போட்டி அறிவிப்பதில் மகிழ்ச்சி.

இம்மாத போட்டிக்கான தலைப்பு 'Street Photography'. 

சில மாதிரிப் படங்கள்:
#1

#2

#3

படங்களை அனுப்பக் கடைசித் தேதி: 25 ஆகஸ்ட் 2016.

போட்டியில் கலந்துகொள்ள முதலில் https://www.facebook.com/groups/488597597986621/ Face Book குழுமத்தில் இணைந்திடுங்கள்.

அதன் பிறகு ஆகஸ்ட் மாதப் போட்டிக்கான படத்தை கீழ்கண்ட இணைப்பில் வலையேற்ற வேண்டும்: ஆகஸ்ட் 2016 போட்டி - Street Photography
குழும சுவற்றில் பதியாமல், மேலுள்ள இணைப்பைத் திறந்துதான் பதிய வேண்டும். ஒவ்வொரு போட்டி அறிவிப்பின் போதும் அந்தந்த மாதப் போட்டிக்கான ஆல்பத்தின் இணைப்பு பதிவில் தரப்படும். படங்கள் PiT குழுவினரின் அனுமதிக்குப் பிறகே ஆல்பத்தில் இடம் பெறும்.
விதிமுறைகள் இங்கே: http://photography-in-tamil.blogspot.ae/2009/02/pit.html

போட்டியில் கலந்துகொண்டு வெற்றி பெற வாழ்த்துகள்!
***

Thursday, June 2, 2016

சாய்வு மாற்ற ஒளிப்படம் (Tilt–shift photography) என்பது  புல ஆழ தோற்றமிக்க படங்களை உருவாக்க வல்லது. சுருங்கச் சொல்லுவதாயின் ஒரு காட்சியை மிகச் சிறிய அளவில் காட்டும் ஒரு நுட்ப முறையாகும். எடுத்துக்காட்டு: ஒரு சாலையைப் படம் பிடித்தால், அச்சாலையிலுள்ள வாகனங்கள், கட்டடங்கள், மக்கள் என்பவற்றையெல்லாம் பொம்மைகள் போல் காட்டுவதாகும்.

உதாரணம் 1:

இது இஸ்ரேலிலுள்ள ஹைபா எனும் நகரத்தின் ஒரு பகுதி. சாய்வு மாற்ற நுட்பம் மூலம் இங்குள்ள கட்டடங்கள் பார்வைக்கு சிறியதாக, தீப்பெட்டிகள் போல் தெரிகின்றன.

உதாரணம் 2:

இஸ்ரேலுக்கும் ஜோர்தானுக்கும் இடைப்பட்ட சாக்கடலில் உல்லாசப் பயணிகள். சிலர் மிதக்கின்றனர். சிலர் நிற்கின்றனர். சிலர் நடக்கின்றனர்.

நுட்பம் என்ன?

எவ்வளவு பெரிய விடயத்தையும் சாதாரணமான மொம்மைகள் போன்று மாற்றி, பார்வைக்கு இனிமையாக தெரிய வைப்பதுதான் இதன் நுட்பம். படத்தின் நடுப்பகுதியைத் தவிர்த்த கீழும் மேலும் உள்ள பகுதிகள் குவிவற்ற (unfocused), ஆழமற்ற புலக் குவிவை (shallow depth of field) வழங்குவதால் இது ஏற்படுகிறது. கிட்டத்தட்ட இது ஒரு நுண் ஒளிப்படவியல் (macro photography) போன்றது. உதாரணத்திற்கு, நுண் ஒளிப்படவியல் மூலம் ஒரு தேனியை அதன் சுற்றுப்புறத்துடன் படமாக்க முற்பட்டால் தேனிக்கு முன்னும் பின்னும் உள்ள பகுதிகள் (பொதுவாக f/2 aperture அளவில்) குவிவற்றுத் தெரியும். நுண் ஒளிப்படவியல் ஒரு சிறு இடத்தில் மேற்கொள்ளப்படும். அதனை ஒரு பரந்த இடத்தில் (landscape photography) மேற்கொண்டால் எப்படியிருக்குமோ அப்படித்தான் இந்த சாய்வு மாற்ற ஒளிப்படமும் இருக்கும்.

சுமார் $2,000 விலைமதிப்புள்ள (Nikon PC-E Micro-NIKKOR 45mm f/2.8D ED) Tilt-Shift Lens
இதனை சாதாராண வில்லைகள் (lens) மூலம் மேற்கொள்ள முடியாது. இதற்கு சாய்வு மாற்ற வில்லை (Tilt-shift lens) தேவையாகவுள்ளது (மேலேயுள்ள படம்). இதன் ஊடாக படம் பிடித்தால் அழகான சாய்வு மாற்ற படங்களைப் பெறலாம். தேவை, விலை போன்ற காரணங்களினால் இதனை பெரிதாக யாரும் வாங்குவதில்லை. ஆகவே நம்மைப் போன்றவர்கள் எப்படி படம் பிடிப்பது என்ற கேள்வி எழலாம். இப்படியானவர்கள் படம் பிடிக்க இயலாது. ஆனால், பிடித்த படத்தை போட்டோசொப் கொண்டு மாற்றிவிடலாம்.

சாய்வு மாற்ற படம் பிடிக்கவோ அல்லது பிடித்த படத்தை போட்டோசொப் கொண்டு மாற்றவோ சரியான இடம் அல்லது படம் அவசியம். மேலிருந்து கீழ் நோக்கி இருக்கும் இடம் அல்லது படம் பொருத்தமாக இருக்கும். (உதாரணப் படங்களைப் பாருங்கள்)

போட்டோசொப்பில் செய்வது எப்படி?

1. பொருத்தமான படத்தை போட்டோசொப்பில் திறந்து கொள்ளுங்கள். அதனை Quick Mask Mode (Photoshop CS5: Menu > Select > Edit in Quick Mask Mode [குறுக்குவழி Q]) என்பதற்கு மாற்றுங்கள். (படத்தில் 1 என்று கட்டமிடப்பட்டுள்ளது)

2. Tool bar இல் Gradient Tool [குறுக்குவழி Q] என்பதை தேர்வு செய்து (படத்தில் 2 என்று கட்டமிடப்பட்டுள்ளது), Reflected Gradient என்பதை (Gradient Tool இற்கான மெனுவில் நான்காவது) தேர்வு செய்யுங்கள் (படத்தில் 3 என்று கட்டமிடப்பட்டுள்ளது).

3. Gradient Tool மூலம் செங்குத்தாக (மேலிருந்து கீழாக) ஒரு கோடு வரையுங்கள். இப்போது Quick Mask Mode இல் இருப்பதால் அங்கு சிவப்பு பட்டி உருவாகியிருக்கும். Quick Mask Mode இல் இருந்து வெளியேறி வழமையாக நிலைக்கு (Standard Mode) வாருங்கள் [குறுக்குவழி Q]. (படத்தில் 1 என்று கட்டமிடப்பட்டுள்ளது)

4. இப்போது படத்தின் கீழ்ப்பக்கம் தெரிவு செய்யப்பட்டிருக்கும். இது நமது சாய்வு மாற்றத்திற்கு உதவாது. எனவே, சரியாக தெரிவு செய்ய வேண்டும். ஆகவே, படத்தில் காட்டப்பட்ட A முதல் B வரை Gradient Tool மூலம் செங்குத்தாக (நேராக) ஒரு கோடு வரைந்துவிட்டு, வழமையான நிலைக்கு (Standard Mode) வாருங்கள். இப்போது படத்தில் உள்ளவாறு படத்தில் இடைப்பகுதி தவிர்த்த பகுதிகள் (மேல், கீழ் பகுதிகள்) தெரிவு செய்யப்படும். தெரிவு செய்யப்படாத பகுதிதான் நாம் எங்கு காட்சியை முக்கியத்துவப்படுத்தப்போகிறோம் என்பதற்கான பகுதி. எனவே உங்கள் படத்திற்கேற்ப சரியான பகுதியை இனங்கண்டு அதற்கேற்ப Gradient Tool மூலம் தெரிவு செய்யுங்கள்.

5. படத்தில் உள்ளவாறு இடைப்பகுதி தவிர்த்த பகுதிகள் தெரிவு செய்யப்பட்டிருக்கையில் Lens Blur என்பதைத் தெரிவு செய்யுங்கள் (Menu > Filter > Blur > Lens Blur…).

6. உங்கள் விருப்பத்திற்கு ஏற்ப தெரிவுகளை அமையுங்கள். என்பதை கூட்டிக் குறைப்பதன் மூலம் வேண்டிய மாற்றத்தைச் செய்யலாம். உதாரணத்திற்கான படத்தில் 40 என்றுள்ளது. பின்னர் Ok என்பதைச் சொடுகி வெளியேறுங்கள்.

7. இப்போது உங்களுக்கு வேண்டிய சாய்வு மாற்றம் உருவாகியிருக்கும். எனவே மிகுதியாக CTRL-D என்ற குறுக்குவழியூடான தெரிவு செய்யப்பட்டதை இல்லாது செய்யுங்கள்.

8. படத்தை மேலும் மெருகூட்ட வேண்டிய மாற்றங்களைச் செய்யலாம். குறிப்பாக, Hue/Saturation, Curves செய்வதால் சாய்வு மாற்ற படத்திற்கு மேலும் மெருகூட்டும்.

9. Menu > Image > Adjustments > Hue/Saturation… [குறுக்குவழி CTRL-U] என்பதைத் தெரிவு செய்து Saturation தேவையான அளவு கூட்டிக் கொள்ளுங்கள். எ.கா: 40
10. Menu > Image > Adjustments > Curves… [குறுக்குவழி CTRL- M] என்பதைத் தெரிவு செய்து தேவையான அளவு படத்தை மாற்றிப்பாருங்கள். எ.கா: Input = 7, Output = 9



இப்போது உங்களுக்கு அழகான படம் கிடைத்திருக்கும்.

***



Tuesday, May 24, 2016

எல்லாருக்கும் வணக்கம்,

மார்ச் போட்டி அறிவிப்பு முடிவு தாமதமானதற்கு மன்னிக்கவும். ஆர்வத்துடன்பங்கேற்பவர்கள் குறைவானதால், நடத்தும் நாங்களும் சிலமாற்றங்கள்கொண்டுவரவேண்டியதாகிவிட்டது. மாற்றங்கள் குறித்த அறிவிப்பு விரைவில் வரும்.

மார்ச் போட்டி - குரூப்புல டூப்பு - முடிகள் இதோ :

சிறப்புக் கவனம் - முரளி தரன் 

அழகான படம். இன்னும் கொஞ்சம் துல்லியமா (ஷார்ப்) எடுத்திருந்தா சிறப்பா வந்திருக்கும்.




மூன்றாமிடம் - நவோதயா செந்தில் ஆனந்தம் 

அழகான வண்ணமயமான படம். அந்த ஆண் நடுவில் இருந்திருந்தால் இன்னும் சிறப்பா வந்திருக்கும்.

இரண்டாமிடம் - முனீஷ் குமார் 

உயிரோட்டமான கேண்டிட் படம். நம்மையறியாமல் நம் முகத்தில் ஒரு சிறிய புன்னகையை வரவைக்கும் படம். 



முதலிடம் - வில்லியம் ஜான்சன் 

ஆகா, அழகு! என்ன ஒரு அற்புதமான backlight!! அதை கிளாசிக் நிறம் அப்படியே கவர்ந்து விடுகிறது. 


போட்டியில் பங்கேற்ற, வெற்றி பெற்ற அனைவருக்கும் வாழ்த்துகள்! அடுத்த அறிவிப்புடன் விரைவில் சந்திக்கிறோம்.
***

Sunday, March 6, 2016

எல்லாருக்கும் வணக்கம்,

மார்ச் போட்டிக்கான அறிவிப்புடன் உங்களை சந்திப்பதில் மகிழ்ச்சி.
இம்மாதத் தலைப்பு : குரூப்புல டூப்பு (Odd one out - பொருந்தாத ஒன்று)
படங்களை அனுப்பக் கடைசித் தேதி: 25 மார்ச் 2016
அதாவது நீங்கள் எடுக்கும் படத்தில் ஏதாவது ஒன்று மட்டும் மற்றவற்றுடன் வேறுபட்டிருக்க வேண்டும். மாதிரிப் படங்களை பாருங்கள் புரியும்.

போட்டியில் கலந்துகொள்ள முதலில் https://www.facebook.com/groups/488597597986621/ குழுமத்தில் இணைந்திடுங்கள்.
அதன் பிறகு பிப்ரவரி மாதப் போட்டிக்கான படத்தை கீழ்கண்ட இணைப்பில் வலையேற்ற வேண்டும்: மார்ச் 2016 போட்டி - பொருந்தாத ஒன்று (Odd One Out) https://www.facebook.com/media/set/…
குழும சுவற்றில் பதியாமல், மேலுள்ள இணைப்பைத் திறந்துதான் பதிய வேண்டும். ஒவ்வொரு போட்டி அறிவிப்பின் போதும் அந்தந்த மாதப் போட்டிக்கான ஆல்பத்தின் இணைப்பு பதிவில் தரப்படும். படங்கள் PiT குழுவினரின் அனுமதிக்குப் பிறகே ஆல்பத்தில் இடம் பெறும்.

புதிய மாற்றமாக, இனிமேல் ஒரு நபர் இரண்டு படங்களை அனுப்ப அனுமதி. மற்றபடி வழக்கமான விதிமுறைகள்தான்.

மாதிரிப் படங்கள்:
# ராமலக்ஷ்மி



படங்கள் வந்து சேர வேண்டிய கடைசித் தேதி: 25 மார்ச் 2016.
***

Friday, March 4, 2016

வணக்கம்!
புதிய முயற்சியாக நாங்கள் முன்னெடுத்த ஃபேஸ்புக்கில் போட்டி நடத்தும் முயற்சிக்கு ஆதரவளித்து போட்டியில் பங்கேற்ற அனைவருக்கும் நன்றி மற்றும் வாழ்த்துகள். இன்னும் இந்தப் புதிய முயற்சியில் நாங்கள் சில மாற்றங்களுடன் போட்டிகளை சிறப்பாக நடத்த முயற்சி செய்கிறோம். உங்களுடனான நேரடி தொடர்புகளை (கமெண்ட்டுகள்/அனுப்பியிருக்கும் inbox messageகளுக்கு பதிலளிக்க) சிறப்பாக தர முயல்கிறோம். இதில் பங்கேற்றிருக்கும் நிர்வாகிகள் அனைவரும் தன்னார்வலர்களே.
சரி இம்மாத போட்டிக்கு வருவோம். இம்மாத போட்டிக்கு வழக்கத்துக்கு மாறாக நிறைய படங்கள் வந்து குவிந்தன. அதிலிருந்து சிறந்த பத்தை தேர்ந்தெடுத்து முடிவு அறிவிப்பது சற்று சிரமமே.

சிறப்புக் கவனம் பெற்ற படங்கள்:




மூன்றாமிடம் 2 :  Mohamed Nasmy Nasar Kottagoda


மூன்றாமிடம் 1: Vairam Clicks



இரண்டாமிடம்: Navodaya Senthil Anantham



முதலிடம் : Ramesh Kumar



வெற்றி பெற்ற போட்டியாளர்களுக்கு வாழ்த்துகள். படங்கள் இந்த ஆல்பத்தில் உள்ளது.

Sunday, February 21, 2016

***வணக்கம் பிட் மக்கா நலந்தானா?...


பொதுவாக‌ புகைப்பட கண்காட்சி, ஓவிய கண்காட்சி போன்ற இடங்களுக்கு சென்று படம்பிடிக்கும்போது பிரேம்களுக்கு நேராக நின்று நாம சப்ஜெக்ட்ட போகஸ் பண்ணும்போது நம்மளோட பிம்பம் படத்தில் பிரதிபலிக்கும் அல்லது வருகின்ற வெளிச்சத்த நாமளே எதிரில் நின்னு மறைத்துவிடுவதால் நாம் பிடிக்கும் படத்திற்கு போதிய வெளிச்சமில்லாமல் படம் இருட்டடிக்க ஆரம்பிக்கும், நாம படத்திற்கு சற்று அருகில் சென்று படம்பிடிக்கலாம்னு பார்த்தா தடுப்பு வேலி அமைத்திருப்பார்கள் இல்லேன்னா கூட்ட நெரிசலில் நாம விரும்புறமாதிரி படம்பிடிக்க இயலாத சூழலில் படம்பிடிக்கும் போதோ, அல்லது நாம சற்று பக்கவாட்டில் சென்று படம்பிடிக்கும் போது கண்டிப்பாக படத்தின் perspective மாறிவிடும் என்பதில் சந்தேகம் இல்லை.

** 
கீழேயுள்ள படம் இதுபோன்ற சூழ்நிலையில் எடுக்கப்பட்ட படமாகும் படத்தை சரியான exposure கொண்டு எடுத்திருந்தாலும் படத்தில் perspective சரியில்லாமல் இருப்பது ஒரு குறையே.
#

சரி,படத்த எடுத்தாச்சு அத எப்படியாவது சரிசெய்துகொள்ளனும் இல்லையா?இதுபோன்ற குறைகளை சரிசெய்துக்கொள்ள போட்டோஷாப் அறிமுகம் செய்திருக்கும் டூல் தான் Perspective Crop Tool ஆகும். 
முதலில் படத்தை போட்டோஷாப்பில் திறந்துகொள்ளவும். இப்போது பேக்கிரவுண்டு லேயரை இருமுறை கிளிக் செய்ய உங்களது background  லேயர் editable லேயராக மாறிவிடும்.
#

#

இப்போது கிராப் டூலில் இருக்கும் Perspective Crop Tool ஐ தேர்வு செய்துகொண்டு படத்தின் சப்ஜெக்டடின் நான்கு  மூலைகளையும் மார்க் செய்து கொண்டு விசைபலகையில் என்டர் ஐ அழுத்த பெர்ஸ்பெக்டிவ் சரி செய்யப்பட்டு படமானது நேராக வந்துவிடும்.

#

#


Final output:
#

#

என்ன பிட் மக்கா கட்டுரை பயனுள்ளதாக அமைந்ததா? மீண்டும் ஒரு கட்டுரையில் உங்களை சந்திக்கிறேன்

என்றும் அன்புடன்,
நித்தி ஆனந்த்.






Wednesday, February 3, 2016


புகைப்படக் கலையில் தமிழ் நண்பர்கள் திறனையும் ஆர்வத்தையும் வளர்த்துக் கொள்ள வேண்டுமென்கிற ஒரே நோக்கத்துடன் பாடங்கள், அனுபவக் குறிப்புகளோடு எட்டரை ஆண்டுகளாக இயங்கி வருகிறது நம் PiT என்பதை அறிவீர்கள். இடைவிடாமல் வேறுவேறு தலைப்புகளில் நடத்தப்பட்டு வந்த மாதாந்திரப் போட்டிகள், இனி https://www.facebook.com/groups/488597597986621/ குழுவின் மூலமாக தொடர உள்ளன. ஃபேஸ்புக்கில் கணக்கு இல்லாதவர்கள் முதலில் ஒரு கணக்கை உருவாக்கிக் கொள்வது அவசியம். அதன் பின் மேற்சொன்ன குழுமத்தில் இணைந்திடுங்கள். ஆர்வமுள்ள உங்கள் நண்பர்களையும் சேர்த்திடலாம்.

அதன் பிறகு பிப்ரவரி மாதப் போட்டிக்கான படத்தை கீழ்கண்ட இணைப்பில் வலையேற்ற வேண்டும்: “Feb'2016 போட்டி” https://www.facebook.com/media/set/?set=oa.488598547986526&type=1 

குழும சுவற்றில் பதியாமல், மேலுள்ள இணைப்பைத் திறந்துதான் பதிய வேண்டும். ஒவ்வொரு போட்டி அறிவிப்பின் போதும் அந்தந்த மாதப் போட்டிக்கான ஆல்பத்தின் இணைப்பு  பதிவில் தரப்படும். படங்கள் PiT குழுவினரின் அனுமதிக்குப் பிறகே ஆல்பத்தில் இடம் பெறும்.

புதிய மாற்றமாக, இனிமேல் ஒரு நபர் இரண்டு படங்களை அனுப்ப அனுமதி. மற்றபடி “வழக்கமான விதிமுறைகள்தான்.

இம்மாதத் தலைப்பு : உயிருள்ளவை (Living things) . படம் மனிதர்களாகவோ வேறு உயிரினங்களாகவோ இருக்கலாம்.

 படங்களை அனுப்பக் கடைசித் தேதி: 25 பிப்ரவரி 2016

போட்டியில் கலந்து கொண்டு வெற்றி பெற வாழ்த்துகள்!
*** 

Sunday, January 17, 2016

 ***வணக்கம் பிட் மக்கா, நலமா? அனைவருக்கும் தைப் பொங்கல் பண்டிகைக் கால வாழ்த்துகள்!

இன்றைய கட்டுரையில் நாம் கேமரா உருவாக்கிக் தரும் கருப்பு வெள்ளை படங்களையும், வண்ணப்படமாக எடுத்து அதனை கருப்புவெள்ளையாக மாற்றம் செய்யும் படங்களை பற்றிய நிறை குறைகளை பார்க்கலாமா?
அதாவது முந்தைய காலத்தில் கருப்புவெள்ளை படங்களை எடுக்க அதற்க்கென சில பிலிம் ரோல்கள் உருவாக்கப்பட்டு அவற்றைக்கொண்டு கருப்பு வெள்ளை படங்களை எடுத்துக்கொண்டிருந்தனர்.ஆனால் இன்றைய டிஜிட்டல் உலகத்தில் இந்த பணியை செம்மையாக செய்ய நிறைய மென்பொருட்கள் இருக்கின்றன.


பொதுவாகவே கருப்பு வெள்ளை படங்கள் என்பது நம்மில் பலராலும் விரும்பப்படுகிறது என்பதனாலேயே இன்றைய நவீன கேமரா உலகில் பாயிண்ட் & ஷூட் கேமரா முதல் விலையுயர்ந்த புரொபஷனல் கேமரா வரை கருப்பு வெள்ளை மற்றும் செபியா படங்களை கேமராவே தயாரிக்கும் வகையில் சென்சார்களை வடிவமைத்துள்ளனர்.

சரி இப்போது நாம் விவாதிக்க இருப்பது அவ்வாறாக கேமராக்கள் உருவாக்கிக்தரும் கருப்பு வெள்ளை படங்கள் சிறந்ததா அல்லது வண்ணப்படமாக எடுத்து பின்னர் அதனை மென்பொருள் கொண்டு கருப்பு வெள்ளையாக மாற்றிக்கொள்வது நல்லதா என பார்க்கலாம்.

பொதுவாக கேமராக்களிலேயே Monochrome மோடில் படம்பிடிக்கும் போது உங்களது சென்சாரனது கலர் டேட்டாக்களை விட்டுவிட்டு வெறும் luminance information மட்டுமே தக்கவைத்துக்கொள்ளும். சுருங்கசொன்னால் "Grayscale"படம்.

நீங்கள் உங்களது கேமராவில் JPG பார்மேட்டில் படம்பிடிப்பவராக இருந்து கேமராவில் « Monochrome »மோடில் படம்பிடிக்கும் போது
படத்தினை கலரில் காணமுடியாது, பின்நாளில் இதே படத்தை கலரில் காண விரும்பினாலும் இயலாது.

அதேபோல கேமராக்கள் உருவாக்கித்தரும் « Grayscale » படங்கள் ஒரு  சாதராண கருப்பு வெள்ளை படமாகவே இருக்குமே தவிர தாங்கள் விரும்பிய வெளியீடுகளாக இருப்பதில்லை காரணம் உங்களது RED, GREEN, BLUE சேனல்கள் neutral செய்யப்பட்டிருக்கும்.

சரி ஒரு உதாரணம் :

கீழேயிருக்கும் படமானது என்னுடைய கேமராவில் Monochrome முறையில் எடுக்கப்பட்ட படம்,இங்கு எனது கேமராவே எனக்கு ஒரு கருப்பு வெள்ளை படங்களை Grayscale மோடில் உருவாக்கிக்கொடுத்துவிட்டது.


நான் இப்போது இதனை போட்டோஷாப்பில் திறந்து இப்படத்தின் RGB சேனல்களை பார்க்கிறேன்.இங்கு எனது மூன்று சேனல்களும் கிட்டதட்ட ஒரேமாதிரியான தகவல்களைக்கொண்டுள்ளது.


சரி அடுத்ததாக இதே படத்தை கலரில் படம் பிடித்திருக்கிறேன்.இதனை நான் போட்டோஷாப்பில் திறந்து இதே மூன்று சேனல்களை பார்க்கிறேன்.
இங்கு எனக்கு வெவ்வேறு மாதிரியான தகவல்களை எனது சேனல்கள் எனக்கு அளிப்பதால் என்னுடைய வெளியீட்டை நான் விரும்
பும் வகையில் அமைத்துக்கொள்ள இயலுகிறது.

உதாரணத்திற்கு,இந்தப்படம் நல்ல சூரிய ஒளியின் தாக்கத்தில் எடுக்கப்பட்டிருப்பதால் படத்தில் நாய்குட்டியின் ரோமங்கள் சற்று overexpose ஆகியிருப்பதை பார்க்கிறேன்.எனவே,அதனை சரி செய்ய என்னுடைய blue சேனலில் இருக்கும் கான்ட்ராஸ்டினை சேனல் மிக்ஸர் டூலைக்கொண்டு ஈடுசெய்து கொள்ள படத்தின் கான்ட்ராஸ்டு இங்கே கூடியிருக்கிறது.



பாருங்கள் கேமரா உருவாக்கித்தரும் கருப்புவெள்ளை படங்களை காட்டிலும் கலரில் படம்பிடித்து பின்னர் கருப்புவெள்ளையாக உங்கள் விருப்பத்திற்கேற்றவாறு மாற்றம் செய்யப்படும் படங்கள் இன்னும் கூடுதல் ஈர்ப்பாக அமையும் என்பதில் ஐயமில்லை.


சில டிப்ஸ்கள் :

1.கருப்பு வெள்ளை படங்கள் எடுக்கபோகிறீர்களா? முதலில் கேமராவை "RAW" பார்மேட்டிற்க்கு மாற்றுங்கள் அல்லது "RAW+JPG" க்கு மாற்றுங்கள்.

2."RAW"வில் கருப்புவெள்ளையாக படம்பிடித்தாலும் போட்டோஷாப் அல்லது லைட்ரூமில் படத்தை திறக்கும் போது கலர் படமாகவே திறக்கும். RAW எடிட்டரில் இருக்கும் « Convert to grayscale » டூல் கொண்டு கருப்புவெள்ளை படங்களை உருவாக்கிக்கொள்ளலாம்.


3.போடோஷாப்பில் படத்தை திறந்து பின்னர் சேனல்களை ஆராய்ந்து பின்னர் Channel Mixer கொண்டு மூன்று சேனல்களையும் உங்களின் ரசனைக்கேற்ப மிக்ஸ் செய்து கொள்ளலாம்.

பிற்சேர்க்கை முடிந்ததும் கேமரா உருவாக்கித்தந்த கருப்பு வெள்ளை படத்தை நீங்கள் கன்வர்ட் செய்த கருப்பு வெள்ளையோடு ஒப்பிட்டு பாருங்கள் எது பிடித்திருக்கிறதோ அதனை பயன்படுத்திக்கொள்ளுங்கள்.

நன்றி மக்கா,மீண்டும் மற்றுமொரு கட்டுரையில் சந்திப்போம்!!!

என்ரும் அன்புடன்,
நித்தி ஆனந்த்

Thursday, January 7, 2016

ராபின் ராஜ்:

#இ.வா.ப
https://www.flickr.com/photos/robinraj/23006307239/in/pool-pit-group/
வாழ்த்துகள் ராபின் ராஜ்!

சென்ற மாதத்தில் தேர்வான “இந்த வாரப் படத்துடன்”  இந்தத் தொடர் தற்காலிகமாக நிறுத்தப்பட வேண்டியுள்ளது. பெரும்பாலானவர்களின் ஃப்ளிக்கர் பக்கங்களில் படங்களை நேரடியாகத் தரவிறக்கம் செய்யும் வசதி மூடப்பட்டிருக்கும் நிலையில் தகவல் அனுப்பி அனுமதி வருவதில் சில சிரமங்களும், தாமதங்களும் ஏற்படுகின்றன. வேறு வகையில் இதைத் தொடருவது குறித்து ஆலோசிக்கப்படுகிறது.

இதுவரையிலும், நேரம் எடுத்து படங்களை ஆராய்ந்து தேர்வு செய்து அளித்த சரவணன் தண்டபாணிக்கு PiT குழுவினரின் நன்றி!

**

மாதாந்திரப் போட்டிகளில் வரவிருக்கும் மாற்றங்கள் குறித்து புதிய அறிவிப்பு விரைவில் வெளியாகும்.
***

Wednesday, January 6, 2016

வணக்கம்!

வாசகர்களுக்கு இனிய புத்தாண்டு வாழ்த்துகள்!

இந்த முறை போட்டிக்கு மிகக் குறைந்தளவு படங்களே வந்திருந்தன. ஆகவே, விரைவாக போட்டி முடிவுகள்.

மூன்றாமிடம்: Dinesh

இரண்டாமிடம்: Sabinkumar

முதலாமிடம்: Yamo.moya

வெற்றிபெற்றவர்களுக்கு வாழ்த்துக்கள்! பங்கேற்ற அனைவருக்கும் நன்றி!
***
 
© 2012. Design by Main-Blogger - Blogger Template and Blogging Stuff