Thursday, November 28, 2013


பக்கி என்றொரு பறவை.  இதன் ஆங்கிலப் பெயர் நைட் ஜார் என்பதாகும்.  இரவில் காதுக்கு நாராசமான “சச்....சர்ர்ர்ர்ர்ர்ர்ர்” என்று ஒலி (jarring sound) எழுப்புவதனால் இந்தப் பெயர் கொடுத்திருப்பார்களோ இதற்கு?

இந்தப் பறவையை பாதுகைக் குருவி என்று அழைப்பதும் உண்டு.  காரணம் இது தரையில் உட்கார்ந்திருக்கும் போது கவிழ்த்துப் போட்ட பாதுகை, அதான் செருப்பு, போலக் காணப்படும்.

வாகனங்களில் நெடுஞ் சாலைகளில் பயணிக்கும் போது சில சமயம் சாலை ஓரங்களிலோ அல்லது தாழ்வான மரக் கிளைகளிலோ இரு மாணிக்கக் கற்கள் (இதை கெம்பு அல்லது சிவப்பு என்று சொல்வதும் உண்டு) ஜ்வலிப்பது போன்று தோன்றுவதைப் பார்த்திருப்பீர்கள்.  அவை நம் பக்கியின் கண்களே.   பக்கி திடீரெனெப் பறந்து சாலையின் குறுக்கே செல்வதையும் பார்த்திருப்பீர்கள்.  அவை அவ்வாறு பறப்பது வாகனங்களின் விளக்கொளியில் துல்லியமாகத் தெரிந்திடும் பறக்கும் பூச்சிகளைப் பிடித்துத் தின்னதான்.

பறந்திடும் பூச்சிகளைப் பிடிக்கும் போது அவை தப்பி விடாமல் இருக்க பக்கியின் வாயின் இரு புறமும் வரிசையாக பல ‘மீசை’  மயிர்கள் இருக்கும்.

பகலில் பக்கிகள் மரக் கிளைகளிலோ அல்லது செடிகளின் அடியிலோ படுத்துரங்கும்.  அப்போது அவற்றைக் கண்டு பிடிப்பது மிகவும் கஷ்டம்.  காரணங்கள் இரண்டு.  ஒன்று அதன் நிறம் மரப் பட்டைக்ளோடும், தரையில் இருக்கும் சரகு, வேர், காய்ந்த புல் இவற்றோடும் ஒன்றி விடும்.  இரண்டாவது காரணம் அவை மரக் கிளைகளில் உட்காரும் போது மற்ற பறவைகளசிப் போல் குறுக்கு வாட்டத்தில் உட்காராமல் கிளை போகும் வாட்டத்திலேயே உட்காரும்.

 கிளையின் நீள வாட்டத்தில் உறக்கம்.
(படம் நன்றி: இணையம்)
பக்கிகளின் மற்றொரு ஆங்கிலப் பெயர் ‘Goat sucker’ ஆட்டுப் பால் உறிஞ்சி.  இப் பெயர் வரக் காரணம் இரவில் தொழுவங்களில் பறந்திடும் பூச்சிகளைப் பிடித்துத் தின்பதற்காக வந்திடும் பக்கிகளை அவை பாலை உறிஞ்சிக் குடிப்பதற்காக வந்துள்ளதாக மக்கள் எண்ணியது தான்.

சில மிருகங்கள் ஒத்துக் கொள்ளாத பருவ நிலையில் உணவு தேடி அலைந்திடாமல் நீண்ட உறக்கத்தில் ஈடு படுவது போல (Hibernation) அமெரிக்காவில் காணப்படும் பக்கிகள் பல வாரங்கள் பாறை இடுக்குகளில் படுத்துறங்கும்.  பறவை இனத்தில் ஆழ் உறக்கத்தில் ஈடுபடும் ஒரே பிராணி பக்கிதான்.

பக்கி தன் முட்டையையும் குஞ்சையும் அவற்றின் மீது படுத்துறங்கிக் காத்திடும்.
முட்டையைக் காத்திடும் பக்கி
படம்: கல்பட்டு நடராஜன்

குஞ்சின் மீது படுத்துறங்கும் பக்கி
படம்: கல்பட்டு நடராஜன்
குஞ்சின் மீது படுத்திருக்கும் போது அதன் கண்கள் மூடி இருக்குமே ஒழிய அவை முற்றிலுமாக நித்திரையில் ஆழ்ந்து விடுவதில்லை.

ஒரு முறை பக்கி படுத்திருந்த இடத்தை நெருங்கிய போது, குஞ்சு தன் சிறகினை அடித்துத் தாய்ப் பறவையை எழுப்பியது.  தாயோ, “சும்மாக் கிட.  அவுங்களாலெ நம்மெக் கண்டு பிடிக்க முடியாது” என்பது போல இருந்த்து.  அவ்வளவு நம்பிக்கை தன் மாய்மாலத்தின் மீது!

அப்போது என் காலடியில் இருந்து ஒரு கல் நகர்ந்து கூட்டை நெருங்க, திடீரெனப் பறந்தது அது.

கூடு என நான் சொன்ன போது அது எதோ பிரமாதமாகத் தயார் செய்திருக்கும் என்று நினைக்காதீர்கள்.  சிறு கற்களிடையே முட்டையினை (ஒன்றோ இரண்டோ) இட்டிடும்.  அவ்வளவே.  தன் முட்டைக்கோ குஞ்சுக்கோ ஆபத்து என்று தோன்றினால் அவற்றைத் தன் அலகினால் வேறு இடத்திற்கு அப்புறப் படுத்தி விடும்.  இந்த சாமர்த்தியம் இருக்கும் போது தனியாக சொந்த வீடு எதற்கு பக்கிக்கு?

***


Legend Talks..
திரு கல்பட்டு நடராஜன்
-----------------------------------------------------------------------------------------------------------
தொடர்புடைய முந்தைய பதிவுகள்:



Tuesday, November 26, 2013

வணக்கம் பிட் வாசகர்களே, « இரண்டு வர்ணங்கள் » போட்டி முடிவிற்கு செல்வதற்கு முன்னால் இறுதிச்சுற்றிலிருந்து வெளியேறும் படங்களைப் பார்ப்போம்:

கார்த்திக் ராஜா:

நல்ல மேக்ரோ படம்,கருப்பு நிற சப்ஜெக்டும், பச்சை நிற பின்புலமும் படத்திற்கு அழகைகொடுக்கின்றது,எனினும் இந்த படத்தில் பச்சை நிறமே பிரதானமாக தென்படுகிறது,படத்தை இன்னும் கொஞ்சம் கிராப் செய்து சப்ஜெக்ட்டை கொஞ்சம் பெரியதாக கண்முன் கொண்டு வந்திருக்கலாம் எனப்படுகிறது,எனவே இச்சுற்றிலிருந்து வெளியேறுகிறது.

விஸ்வநாத் :




அருமையான படம்,படத்தை கருப்பு&வெள்ளையில் கொடுத்திருப்பது இன்னும் சிறப்பு,போட்டியின் தலைப்புக்கு பொருத்தமாக இருந்தாலும், குழந்தைக்கு Facial Blur apply செய்து படத்திற்கு ஒரு செயற்கைதன்மையை வரவழைக்கிறது.மழலைகளின் தோல்கள் இயற்கையாகவே மென்மையானவை,எனவே பிற்சேர்கை அதிகம் என்பதாலும்,கை மற்றும் கன்னத்தில் சற்று ஓவர் எக்ஸ்போஸ் ஆகியிருப்பதாலும் அடுத்த சுற்றுக்கும்,சிறப்பு கவனம் செல்லும் வாய்ப்பையும் இழக்கிறது.

ஜெயபாண்டி:


கோழிக்குஞ்சின் அலகும்,பின்புல நிறமும் ஏறத்தாழ ஒரே மாதிரி இருப்பது ஒரு குறையாகப்படுகிறது,மேலும் சப்ஜெக்ட்டைவிட பின்புலம் அதிக இடத்தை ஆக்கிரமிப்பதால் பார்வை பின்புலத்தின் மீதே அதிகம் விழுகிறது vignette கூட சற்று உறுத்தலாக இருப்பதாக நான் பார்க்கிறேன்.

ராஜேஷ்குமார்:


படத்தில் மஞ்சள் நிறமே அதிகமாக தெரிகிறது,சப்ஜெக்டையும் பேக்கிரவுண்டையும் தனித்தனியாக காணமுடியாத அளவிற்கு மஞ்சள் டோன் படத்திற்கு குறையாக உள்ளது மேலும் கோழிக்குஞ்சின் பின்புறம் Overexpose ஆகி இருப்பதும் படத்திற்கு குறையாக தெரிகிறது.

வில்லி:


காகத்தை பிரேமிற்குள் கொண்டு வந்த விதம் நன்றாக இருக்கின்றது என்னைபொருத்தவரை இது perfect compo, காகத்தின் இறக்கையில் தெரியும் ஒருவித மயில்நிற கலரை ஒரு குறையாக எடுத்துக்கொள்ளாவிட்டாலும், வெள்ளை நிற பேக்கிரவுண்டில் மஞ்சள் நிறமும் அதிக அளவில் தெரிவதால் அடுத்த சுற்றிற்கு முன்னேறும் வாய்ப்பை இழக்கிறது.

வின்சன்:


படத்தில் சப்ஜெக்டின் நிறம் lightடாகவும் பின்புலம் Darkகாக‌வும் இருப்பது படத்திற்கு மைனஸாக அமைந்துவிட்டதாக நான் பார்க்கிறேன்.இதற்கு காரணம் ஆட்டின் நிறம் சற்று muted color ராக‌ இருந்தது தான். மேலும் ஆட்டின் கழுத்தில் இருக்கும் கயிறும் சற்று உறுத்துகிறது.

சிவா:


அருமையான படம், கருப்புவெள்ளையில் தந்திருக்கிறார் போட்டியின் தலைப்பிற்கு நன்றாக பொருந்தும் படமாக இருந்தும் படத்தை Under Exposure ஆக‌  தந்திருப்பது படத்திற்கு பலவீனமாக ஆகிவிட்டது,மேலும் தண்ணீரில் தெரியும் பிரதிபலிப்பு மிகவும் Darkகாக ஆகிவிட்டதால் அடுத்த சுற்றுக்கு செல்லவில்லை.

எஞ்சியிருக்கின்ற படங்களில் முதல் மூன்று இடங்களை பிடிக்கபோகும் படங்களை பார்க்கலாம்.

மூன்றாமிடம் பிடிப்பது வெங்கட்ராமன் :

அழகிய இரண்டு வண்ணங்களை அழகாக படம்பிடித்திருக்கிறார் கருப்பும் பச்சையுமாக கண்ணுக்கு குளிர்ச்சியாக படம்பிடித்திருக்கிறார்,ஒரே குறை படத்தில் இலைகள் சற்று Over exposure ஆகியுள்ளதால் மூன்றாமிடத்தில் நின்று விட்டது.



இரண்டாமிடம் பிடிப்பது சத்தியா:

இரண்டு வர்ணங்கள் தலைப்பிற்கு கச்சிதமாக பொருந்துகிறது இந்த மேக்ரோ படம். பின்புறம் முழுவதும் ஒரே நிறமாக அமைந்திருப்பது இன்னொரு சிறப்பு,மேக்ரோ போட்டோகிராபியில் தவிர்க்கமுடியாதது Shallow Depth of Field என்பதால் பூ முழுவதும் போகஸ் ஆகாமல் போகவே இரண்டாமிடத்தை பிடிக்கிறது.


முதலிடம் பிடிப்பது காண்டீபன்:



அருமையான படம். பார்க்கும் போது இரண்டு வர்ணங்களைத் தாண்டி வேறெதுவும் உறுத்தவில்லை. கம்பமும், புல்லும் ஒரே நிறமாக அமைந்திருப்பது படத்திற்கு அழகு சேர்க்கிறது. ஒளியானது ஒரே அளவாகக் கையாளப்பட்டிருப்பது இன்னொரு சிறப்பு. அது மட்டுமின்றி, பகல் நேரத்தில் சூரிய ஒளியில் எடுக்கப்பட்ட படமாக இருந்தாலும் நிழலின் ஆதிக்கம் அதிகமில்லாமல் இருப்பது போன்ற சிறப்புகள் நிறைந்திருப்பதாலும், புற்களில் ஆங்காங்கே தெரியும் பச்சை நிறம் கண்களை உறுத்தவில்லை என்பதாலும் முதலிடம் தரப்படுகிறது. வாழ்த்துக்கள் காண்டீபன்!.

வெற்றி பெற்றவர்களுக்குப் பாராட்டுகள்!

பங்குபெற்ற அனைவருக்கும் நன்றி!!

அடுத்தமாத போட்டி அறிவிப்பு விரைவில் வெளியாகும்.


அன்புடன் நித்தி ஆனந்த்.

Saturday, November 23, 2013

பிட் வாசகர்களுக்கு வணக்கம்,

"இரண்டு வர்ணங்கள்" புகைப்பட போட்டியில் எந்த வரிசையின் படியும் அல்லாமல் முன்னேறிய பத்து படங்களாக முதல் சுற்றுக்கு தேர்வானவை இங்கே:

1. விஸ்வநாத்(Vishwanath)






2. ஜெய பாண்டி(E.B.Jayapandi)





3. காண்டீபன்(Kandeepan)



4. கார்த்திக் ராஜா(Karthik raja)






5. ராஜேஷ் குமார்(Rajesh kumar)



6. சத்தியா(Sathya)



7. வெங்கட்ராமன்(Venkatraman)



8. வில்லி(Willy)



9. வின்சன்(Winsen)



10. சிவா(Siva)




தேர்வான பத்துபேர்களுக்கும் PiT-ன் வாழ்த்துக்கள்!
பங்குபெற்ற அனைவருக்கும் நன்றி!

அடுத்த சுற்றில் வெற்றிப்படங்களுடன் உங்களைச் சந்திக்கிறேன்.

வணக்கம்.

அன்புடன்,
நித்தி ஆனந்த்

Tuesday, November 19, 2013

வணக்கம் பிட் வாசகர்களே,

இன்றைய நமது கட்டுரையில் Gradient டூலில் மறைந்திருக்கும் மர்மங்களைப்பற்றி பார்க்கலாம். போட்டோஷாப் அல்லது கிம்ப்பில் இருக்கும் Gradient டூலானது ஏதோ வெப் டிசைனர்களுக்கும் மற்றும் ஸ்டுடியோ வைத்திருப்பவர்கள் விதவிதமாக Backgroundகள் உருவாக்குவதற்கும் தான் பயன்படும் என பலரும் நினைத்துவிடுகின்றனர்ஆனால் Gradient டூலானது புகைப்படக்கலைஞர்களுக்கும் சில நேரங்களில் உதவிபுரிகின்றது என்பது தெரியுமா?


முதலில் Gradient டூலைக்கொண்டு நாம் அதிவேகமாக கருப்பு&வெள்ளை படங்களை உருவாக்கலாம்.ஆம் உங்கள் படத்தினை போட்டோஷாப்பில் திறந்கொள்ளுங்கள் பிறகு உங்களது Foreground மற்றும் Background முறையே கருப்பு&வெள்ளையாக செட் செய்துகொள்ளவும் (D or X on keyboard).
அதன் பின்னர் New Adjustment Layer கொண்டு Gradient Map லேயரை உருவாக்குங்கள்.

Gradient Map விண்டோவில் இருக்கும் கருப்பு வெள்ளை நிறத்தின் மீது கிளிக் செய்யவும்,இப்போது திறக்கும் விண்டோவில் கீழேயிருக்கும் இரண்டு Color stop ஸ்லைடர்களில் கருப்பு நிற ஸ்லைடரை இடமிருந்து வலமாக  நகர்த்த படமானது Darkகாகவும் வெள்ளைநிற ஸ்லைடரை வலமிருந்து இடமாக‌ நகர்த்த படம் Brightடாகவும் மாறும் உங்கள் தேவைக்கேற்ப இரு ஸ்லைடர்களையும் அட்ஜஸ்ட் செய்துகொள்ள நொடிப்பொழுதில் கருப்பு&வெள்ளை படம் தயார்.


Picture Courtesy:Vanitha Kashyap.

அடுத்ததாக இந்த Gradient Editor ஆனது போட்டோஷாப் மற்றும் கிம்ப் இல் Blending modes களுடன் சேர்ந்து எடிட்டிங் செய்கையில் நமக்கு உதவிபுரிகிறது.உதாரணத்திற்கு கிழேயுள்ள படத்தினைப்பாருங்கள் படத்தில் கோபுரமானது சரியாக Expose ஆகி மேலேயிருக்கும் வானம் வெள்ளையாக காட்சியளிக்கிறது.
Picture Courtesy:R.K.Lakshmi

இதனை Gradient டூல் கொண்டு fix செய்வது எப்படியென பார்க்கலாம்.இப்போது நான் புதிய empty  லேயரை உருவாக்குகிறேன் பின்னர் என்னுடைய Foreground மற்றும் Background நிறங்களை முறையே கருப்பு&வெள்ளையாக செட் செய்துகொள்கிறேன்இப்போது Gradient டூலை தேர்வுசெய்துகொண்டு Gradient செட்டிங்ஸில் சென்று Foreground to transparent  என்பதை தேர்வு செய்து வானத்தின் மீது மட்டும் கிரேடியண்டை apply செய்கிறேன்

வானத்தின் மீது மட்டும் கருப்பு நிறமானது apply ஆகியுள்ளது.


இப்போது இந்த லேயரின் Blend mode நான் Overlay அல்லது softlight க்கு மாற்றுகிறேன் இப்போது வெண்நிற வானம் சற்று நீலநிறமாக மாறியிருப்பதைக்காணலாம்.இதுவும் Gradient tool மகிமை.

மேற்சொன்ன இரண்டு வழிமுறைகளையும் நீங்கள் போட்டோஷாப் அல்லது கிம்பில் எந்த பதிப்பு வைத்திருந்தாலும் செய்துகொள்ளலாம்.ஆனால் நீங்கள் போட்டோஷாப் CS 6 அல்லது அதற்கு மேற்பட்ட பதிப்புகளையோ வைத்திருந்தால் இந்த Gradient Mapஇல் நமக்காக  பல‌ presets களை வழங்கியுள்ளது

கருப்பு&வெள்ளை டோன்கள்,Sepia,Selenium,Platinum,Copper,Gold,Cyanotype
போன்ற டோன்களை preset ஆக‌ போட்டோஷாப் நமக்கு அளித்துள்ளது,ஆனால் இது அனைவருக்கும் தெரியாது காரணம் இதனை Default ஆக‌ செட்செய்யப்படவில்லை என்பது குறிப்பிடத்தக்கது. எனவே நாம் தான் அதனை தேர்வு செய்து பயன்படுத்திப்பார்க்கவேண்டும்.

இப்போது ஏதாவது ஒரு படத்தினை போட்டோஷாப்பில் திறக்கவும்,பின்னர் New Adjustment லேயர் சென்று Gradient Map தேர்வுசெய்துகொள்ளவும்.

இப்போது Gradient Map செட்டிங்ஸ் கிளிக்செய்து பின்னர் Photographic Tones  என்பதனை கிளிக் செய்யவும். 
 இப்போது தோன்றும் விண்டோவில் append என்பதை கிளிக் செய்யவும்.
 அவ்வளவுதான் சுமார் 35 வகை Presets உங்களுக்காகவே,பயன்படுத்திப்பாருங்கள் பயன்பெறுங்கள்.
Photographic Tones Sample picture :
அன்புடன்,
நித்தி ஆனந்த்
 
© 2012. Design by Main-Blogger - Blogger Template and Blogging Stuff