'என் நகரின் காட்சிகள்'[Frames of My City] புகைப்படப்போட்டி 2011-யை அறிவித்து ரெட் ஃப்ரேம்ஸ் ஒரு பொன்னான வாய்ப்பை ஏற்படுத்திக் கொடுத்துள்ளது அனைத்து புகைப்பட ஆர்வலர்களுக்கும். நீங்கள் இத்துறையில் பெரிய தொழில் நுட்ப வல்லுநராக இருக்க வேண்டுமென்பதில்லை. வளர்ந்து வரும் கலைஞராயினும் சரி. பொழுது போக்குக்காக (amateurs) கேமராவும் கையுமாகச் சுற்றுபவராயினும் சரி. உங்கள் திறமையைக் காட்ட ஒரு நல்வாய்ப்பு.
நீங்கள் நேசிக்கும் ஒரு ஊரின் இடங்களையும், மக்களையும், அதன் கலாச்சாரம் மற்றும் பழக்க வழக்கங்களைப் பிரதிபலிக்கும் காட்சிகளையும் படமாக்க வேண்டும். அது பிறந்த ஊரோ, வசிக்கும் ஊரோ அல்லது குறிப்பிட்ட சிறப்புகளினால் மனதைப் பறிகொடுத்த ஊரோ எதுவாயினும் இருக்கலாம்.
படமாக்குவதில் அத்தனை அனுபவம் இல்லையே என்றெல்லாம் கவலைப் படாதீர்கள். வித்தியாசமான கேமரா பார்வையும் ரசனையுமே உங்களுக்குக் கை கொடுக்கப் போகின்றன. உற்சாகமாய் களமிறங்குங்கள்.
இனி கவனிக்க வேண்டிய சில விஷயங்கள்..
போட்டி அறிவிப்பான தேதி: 29 ஆகஸ்ட் 2011. ‘அடடா, கிட்டத்தட்ட ஒரு மாசம் ஓடிப் போயிருச்சே’ என உட்கார்ந்து விடாதீர்கள்.
போட்டி முடிவு தேதி: 29 அக்டோபர் 2011. ‘ஆகா, இன்னும் ஒரு மாசம் கிடக்கே’ எனத் துள்ளி எழுங்கள்:)!!
தேனீ போல சுறுசுறுப்பா படமெடுத்து, உடனுக்குடன் சமர்ப்பித்து வாரப் பரிசுகளையும் அள்ளப் பாருங்கள்!
தகுதி: பதினெட்டு வயதான அனைத்து இந்தியர்களும் கலந்து கொள்ளலாம்.
கலந்து கொள்ள கட்டணம் ஏதுமில்லை.
ஒருவர் பத்து படங்கள் மட்டுமே சமர்பிக்கலாம்.
மூன்று இலட்சம் ரூபாய் பெறுமானமுள்ள பரிசுகள் காத்திருக்கின்றன.
படங்களின் உரிமை முழுக்க முழுக்க எடுத்தவரையே சாரும். பரிசினை வெல்லும் பட்சத்தில் அவற்றை ரெட் ஃப்ரேம்ஸ் ப்ரோமோட் செய்ய உங்கள் அனுமதியைத் தர வேண்டும்.
படங்கள் வேறு போட்டிகளில் பரிசினை வென்றவையாக இருக்கக் கூடாது.
இரண்டு வருட காலத்துக்குள் எடுத்தவையாக இருக்க வேண்டியது அவசியம்.
சிலைகள், சிற்பங்கள், ஓவியங்கள் எனக் கலை சம்பந்தமானவற்றையும் காட்சிப் படுத்தலாம். ஆனால் சட்டத்துக்குப் புறம்பாக எடுத்தவையாக இருக்கக் கூடாது.
போட்டி பற்றிய விரிவான விவரங்களுக்கு: www.redframes.in/contest/
கவனமாக அத்தனை விதிமுறைகளையும் வாசித்திடுங்கள்.
மேலதிகத் தகவல்களுக்கு: fomc@redframes.in
பிறந்த மண்ணின் பெருமையை
வசிக்கும் ஊரின் அருமையை
பிடித்த ஊரின் அழகை
உலகுக்குச் சட்டமிட்டுக் காட்டுங்கள்!
வசிக்கும் ஊரின் அருமையை
பிடித்த ஊரின் அழகை
உலகுக்குச் சட்டமிட்டுக் காட்டுங்கள்!
பங்கு பெறவிருக்கும் PiT குடும்பத்தினரை PiT குழுமம் அன்புடன் வாழ்த்துகிறது:)!!
ALL THE BEST!!!
***
***
Posts
Only Indians???
ReplyDeleteஅறிய தந்தமைக்கு மிக்க நன்றி..! நானும் கலந்துக்கலாம்னு இருக்கேன்..!
ReplyDeleteவிதிமுறைகளில், தகுதி குறித்த அறிவிப்பில்...
ReplyDeleteThe Red Frames™ Photography is open to all Indian Nationality who have reached the age of majority in their jurisdiction of residence at the time of entry.
தகவலுக்கு நன்றி.
ReplyDeleteஐயோ இலங்கையில் இருக்கும் நான் இதுல பங்குகொள்ள முடியாதா
ReplyDelete