மாலை நேரம். மாலை நேர புகைப்பட்ங்களை எளிதில் கிம்பில் மற்றும் பிகாஸாவில் மெருகேற்றுவது பற்றி இங்கே. பார்க்கலாம்

முதலில் படத்தை கிம்பில் திற்நது லேயரை நகலெடுத்துக்கொள்ளுங்கள்.

பின்னர் லேயர் மோட் Multiply மாற்றிக்கொள்ளுங்கள்

ஒரு புதிய லேயரை திறந்துக் கொள்ளுங்கள்.

பின்னர் Blend தெரிவு செய்துக் கொள்ளுங்கள். Foreground to Transparent தெரிவு செய்துக் கொள்ளுங்கள். மேலிருந்து கீழே நடுவில் கோடு போல இழுங்கள்

இந்த லேயரின் மோட் Soft light என்று மாற்றிக் கொள்ளுங்கள்.

விளைவு அதிகமாய் இருந்தால் Opacity % குறைத்துக் கொள்ளுங்கள்.

அடுத்து இந்தப் படத்தை பிகாஸாவில் மாற்றுவது பற்றி பார்க்கலாம் பிகாஸில் படத்தை திறந்து Boost தெரிவு செய்துக்கொள்ளுங்கள்.

உங்களின் விருப்பத்திற்கு ஏற்ப அளவை மாற்றிக்கொள்வது மட்டும்தான் வேலை,

நீல வானம் படத்தில் தெரியவைக்க நிறைய முறைகள் இருக்கு. பிகாஸாவில் ஒரு எளிய முறை இங்கே !




படத்தை பிகாஸாவில் திறந்து Effects பகுதிக்கு செல்லுங்கள்.



Graduated Tint பொத்தானை தெரிவு செய்யுங்கள்.



படத்தில் ஒரு "+" தெரியும். அதை கிட்டத்தட்ட தொடுவானத்திற்கு (அல்லது நீல வானம் தெரிய வேண்டிய இடம் ) அருகே நகர்த்திக்கொள்ளுங்கள்



Pick Color கிளிக்கினால நமக்குத் தேவையான நீல ( அல்லது வேறு எந்த வண்ணம் வேண்டுமானலும் ) தேர்ந்து எடுத்துக் கொள்ளலாம்.





இனி உங்களின் இரசனைக்கு ஏற்ப, Feather , Shade மற்றும் "+" தேவையான அளவிற்கு மாற்றிக் கொள்ளுங்கள்.




நீல வானம் தயார் .

Screen Shot உபயோகம் பற்றி தமிழ்வலையுலகத்திற்கு விளக்கத்தேவையில்லை. பிகாஸாவில் எளிதாய் எடுப்பது பற்றி இங்கே பார்க்கலாம்.


பிகாஸாவை திறந்து வைத்துகொள்ளுங்கள். வேண்டுமானால் சிறியதாகவும் (Minimize)_ வைத்துக் கொள்ளலாம். பிகாஸா திறந்து வைக்கப்பட்டு இருக்க வேண்டும். அவ்வளவுதான்.





உங்களது முழு கணிணித் திரையையும் நகலெடுக்க வேண்டுமானால், Print Screen பொத்தானை அமுக்கவும். இது உங்கள் விசைப்பலகையின் வலது மேல்பகுதியில் இருக்கும்.








பிகாஸா Screen Captures என்ற பகுதியில் படத்தை சேர்த்துக் கொள்ளும். இனி உங்களுக்குத் தேவையானவற்றை செய்துக் கொள்ளலாம்.





தற்போது உபயோகத்தில் உள்ள சன்னல் ( active window ) பகுதி மட்டும் வேண்டுமெனில் Ctrl + Print Screen அமுக்க வேண்டும்.







அம்ப்புட்டுத்தேன் !

காப்புரிமை பற்றி போன முறை பார்த்தாகிவிட்டது, அடுத்து சட்டம் தான்.

ஒரு எளிய சட்டம்( Frame/Border) பிக்காஸாவில் செய்வது பற்றிய எடுத்துக்காட்டு இந்த இடுகையில்.

படத்தை பிக்காஸாவில் திறந்து. Collage பொத்தானை ஒரு அமுக்கு அமுக்கவும்.




Settings பகுதியில் Picture Pile தேர்ந்து எடுங்கள். இனி பிண்ணனி வண்ணத்தை தேர்ந்து எடுக்க வேண்டும்.




நான் உதாரணதிற்கு வெள்ளை வண்ணத்தை எடுத்துக் கொண்டுள்ளேன்.



படத்தின் மேல் எலிக்குட்டியை அமுக்கி, உங்களுக்குத் தேவையான கோணத்தில், அளவில் படத்தை பெரிதாய்/சிறியதாய் மாற்றிக் கொள்ளுங்கள்



Create collage அமுக்கும் முன், மேலும் சில தெரிவுகள் செய்துக் கொள்ளலாம். உதாரணதிற்கு Drop shadows, Borders-> None



பிகாஸா படத்தின் மீது வேலை செய்து,




Collages என்ற அடவைக்குள்(directory) அடைத்துவிடும்.


இனி உங்களுக்குத் தேவையான பிற்சேர்க்கைகளையும் இதில் செய்யலாம். நான் உதாரணதிற்கு எனது பெயரை சேர்த்துக் கொண்டேன்.



( Watermark பற்றிய முழு விவரம் இந்த இடுகையில் )



Export அமுக்கி, படத்தை சேமித்துக்கொள்ளலாம்.


இனி வலையேற்ற வேண்டியதுதான் பாக்கி.

எனக்கு ஒரு வண்ண சட்டம் பத்தாது என்கிறீர்களா, இப்போது உருவாக்கிய படத்தை கொண்டு முதலில் இருந்து மீண்டும் ஆட்டையை தொடங்க வேண்டியதுதான். கருப்பு மற்றும் வெள்ளை வண்ண இரட்டை சட்டம் தயார்.

பிற்தயாரிப்பில் மிக அதிகமாய் கேட்கப்படும் கேள்விகளில் ஒன்று, இணையத்தில் பொதுப் பார்வைக்கு வைக்கபடும் படத்தில் பெயர்/காப்புரிமை தகவலை (Watermark) எப்படி இணைப்பது என்பது.

பிகாஸா3 இல் இதை எளிதாக எப்படி செய்வது என்று பார்க்கலாம்.

முதலில் தனியா ஒரு படத்துக்கு மட்டும் இணைப்பது எப்படி.

Basic Fixes ->Text பொத்தானை அமுக்கினால், தேவையான் வண்ணத்தில் , அளவில் எழுத்தை தேர்வு செய்துக்கொள்ளலாம்.


அடுத்து உங்களுக்குத் தேவையான தகவலை தட்டச்சிக் கொள்ளலாம். எழுத்தின் அழுத்தம் , .




கோணம்,


மற்றும் இடத்தை தேவைக்கு ஏற்ப மாற்றிக் கொள்ளலாம் .






சரி, பல படங்களுக்கு ஒரே பொத்தானில் செய்வது எப்படி ?

தேவையான படங்களை தேர்ந்து எடுத்துக் கொண்டு, Export அமுக்கினால், Add a Watermark என்ற பகுதியில் உங்கள் தகவலை சேர்த்துக் கொள்ள முடியும்.



இதில் உள்ள குறை, உங்களின் தகவலை, படத்தில் வலது மூலையில் மட்டுமே வரவழைக்க முடியும். இது தற்போதைய பீட்டா வடிவதில் இருப்பதால், இந்த வசதி மெருக்கேற்றப்படலாம்.