Tuesday, November 29, 2011

2011 நவம்பர் மாத புகைப்படப் போட்டி ‘நண்பர்கள்’ முடிவுகள்...

10 comments:
 
வணக்கம் நண்பர்களே..

போட்டியின் முடிவுகளை காண மிக ஆவலுடன் எதிர்பார்த்துக்கொண்டிருப்பீர்கள்.

போட்டிக்கு வந்திருந்த நிறைய படங்கள் நண்பர்களாக இருந்தாலும் பல படங்கள் எளிய குருப் போஸ் போட்டோவாக தான் இருந்தது.. அப்படங்கள் பார்ப்பதற்கு நன்றாக இருந்தாலும் , போட்டி என்று வரும் போது வெறும் குரூப் போஸ் என்பது உதவாது..

அப்படியே போஸ் ஆக இருந்தாலும் , சொல்லி வைத்து எடுத்தது மாதிரி இல்லாமல் இருந்ததால், ஒரு சில படங்கள் மட்டும் முதல் சுற்றில் முன்னேறின..

அப்படி முதல் சுற்றில் முன்னேறிய படத்தில் இருந்து முதல் மூன்று இடங்களை பிடித்த படங்களை பார்க்கும் முன் இந்த சுற்றில் வெளியேறிய படங்களை பார்ப்போம்..


ariya vardhan மற்றும் mangai mano....

ARIYA VARDHAN



MANGAI MANO


இவர்களது படங்கள் இரண்டுமே போஸ் கொடுக்க வைத்த படங்கள் தான்.. இருந்தாலும் சில உணர்வுகள் இருந்ததால் முதல் சுற்றில் முன்னேறியது.. ஆனால் அது மட்டும் இந்த தலைப்புக்கு பத்தாது.. அதே சமயம் இந்த மாதிரி கொஞ்சம் கம்போஸிசன் செய்திருந்தால் படங்கள் இன்னும் கொஞ்சம் நன்றாக இருக்கும்...



அடுத்தது ramabhadran அவர்களின் படம்...


RAMABHADRAN


பெரியவர்களின் இயல்பான சந்திப்பை படமாக்கியுள்ளார், படமும் பார்ப்பதற்க்கு நன்றாக இருக்கின்றது.. இருந்தாலும் அந்த டோன் கொஞ்சம் ஓவர் saturation ,அதே சமயம் நான்கு பேரும் பேசிக்கொண்டிருந்தால் இந்த தலைப்புக்கு நன்றாக இருந்திருக்கும். மூன்றாவதாக இருப்பவர் எங்கேயோ பார்த்துக்கொண்டிருப்பது சிறு குறை.. இந்த படத்தை பார்க்கும் போது நட்பு என்பதை விட ஒரு சந்திப்பு போல் தோன்றுவதால் இப்படம் வெளியேறுகின்றது..

# இந்த டோன்... சிறப்பாக இருந்திருக்கும்..






அடுத்தது rohini அவர்களின் படம்...

ROHINI

பார்ப்பதற்க்கு மிக அழகான படம்.. அந்த குழந்தையும் , பொம்மையும் ஒரே மாதிரி உட்கார்ந்து இருப்பது நன்றாக இருக்கின்றது... இதனால் இந்த சுற்றில் முன்னேறியது.. ஆனால் அந்த குழந்தை பொம்மையிடம் விளையாடுவது போல் இருந்திருந்தால் இன்னும் நன்றாக இருந்திருக்கும்.. இருவரும் தனித்தனியாக இருப்பது, படத்தின் டோன், இரண்டும் சிறு குறை.. எனவே இந்த சுற்றில் இப்படம் வெளியேறுகின்றது.. கொஞ்சம் இப்படி டோன் மாற்றினால் படம் இன்னும் தெளிவாக இருக்கும்...






அடுத்தது gnans அவர்களின் படம்...

GNANS

படத்தில் நட்பின் உணர்வுகள் மிக அழகாக இருப்பதால் இந்த சுற்றில் முன்னேறியது.. படத்தில் வண்ணங்களும் அருமை.. ஆனால் படத்தில் composition என்று வரும் போது சிறு குறையாக தெரிகின்றது.. முடிந்திருந்தால் இன்னும் கொஞ்சம் க்ளோசாக படம் எடுத்திருக்கலாம்.. இப்படத்தை இந்த மாதிரி compose செய்தால் இன்னும் கொஞ்சம் நன்றாக இருந்திருக்கும்..







அடுத்தது ஆதவன் அவர்களின் படம்..

AADHAVAN

நல்ல composition , நல்ல timing, படமும் B& W ல் நன்றாக இருக்கின்றது.. நண்பர்களின் உணர்வுகளை முன்னாடி படம் பிடித்திருந்தால் இந்த தலைப்பிற்கு இன்னும் நன்றாக இருந்திருக்கும் என்று நினைக்கின்றேன்..

அடுத்தது maha tamil prabhakaran அவர்களின் படம்..

MAGA TAMIL PRABHAKARAN


இந்த தலைப்பிற்கு எனக்கு மிகவும் பிடித்த படம் இது.. ஆனால் selective colouring என்ற பெயரில் தேவையில்லாமல் படத்தை சொதப்பிவிட்டார் என்றே சொல்ல வேண்டும்.. அதை முழுவதுமாக b&wல் இருந்திருந்தாலே நன்றாக இருந்திருக்கும்... அதே சமயம் கொஞ்சம் கீழே உள்ள மாதிரி க்ராப் செய்திருக்கலாம்... இருந்தாலும் இப்படம் ஒரு நல்ல moment ஐ பிடித்ததற்காக வாழ்த்துக்கள்..
அடுத்தது sathiya மற்றும் truth அவர்களின் படங்கள்...



SATHIYA





TRUTH



இது வரை நாம் பார்த்த படங்களில் எல்லாம் எதோ ஒரு சிறு குறை படத்தின் composition ல் இருந்தது... ஆனால் இவர்கள் இருவரின் படங்களிலும் அந்த குறை சுத்தமாக இல்லை.. சரியான colour , distraction இல்லாத background,இவைகள் இப்படங்களுக்கு பலம்..

truth படத்தில் புன்னகை மற்றும் சத்தியா படத்தில் விளையாட்டும் மிக அருமை..

ஆனால் இவர்கள் இரண்டு படங்களையும் பார்க்கும் போது படத்தில் இருப்பவர்கள் நண்பர்கள் என்று சொல்வதை விட சொந்தங்கள் என்று தான் சொல்ல தோன்றுகின்றது..

இந்த படங்களில் குறைகள் என்று ஒன்றும் இல்லை.. தலைப்புக்கு என்று வரும் போது சற்று யோசிக்க வேண்டியதாகின்றது..

சொந்தங்கள் அல்லது தெளிவான படங்கள் என்று தலைப்பு இருந்திருந்தால் இப்படங்கள் கண்டிப்பாக பொருத்தமாக இருந்திருக்கும்...


அடுத்தது மூன்றாம் இடத்திற்கு போட்டி போடும் படங்கள்

kuti paya மற்றும் mervin anto

இவர்கள் இருவரின் படமும் கிட்டதட்ட ஒரே மாதிரி படங்கள்.. கடற்கரை , நண்பர்கள் கூட்டம் , பின்னால் இருந்து எடுக்கப்பட்டது...

இவர்களில்,


KUTIPAYA
kutipaya படத்தில் வரும் கடற்கரை மணல் , நீல வானம் ,கடல் இவை அனைத்தும் தெளிவாக படமாக்கப்பட்டுள்ளது.. அதே சமயம் தோழிகள் ரிலாக்ஸாக உட்கார்ந்திருக்கும் அமைப்பு எல்லாம் அருமை.. இவர்களுக்கு முன்னால் வரும் வலது ஓரத்தில் வருபவர் இல்லாமல் படம் எடுத்திருக்கலாம்.. அதே சமயம் வானத்தில் இவ்வளவு negative space தேவையில்லை. கொஞ்சம் க்ராப் செய்திருக்கலாம்.. கீழே உள்ள மாதிரி கம்போஸ் செய்திருந்தால் நன்றாக இருக்கும்...





அடுத்து mervin anto அவர்களின் படம்,


நண்பர்கள் கூட்டம் , மோதும் அலை , நீல கடல், ஒன்றாக கை பிடித்திருப்பது இவையெல்லாம் இந்த படத்திற்க்கு அழகு சேர்க்கின்றது... படத்தின் composition ம் நன்றாக உள்ளது.. இருந்தாலும் நண்பர்களிடத்தில் இன்னும் கொஞ்சம் உற்சாகம் இருந்திருந்தால் இந்த தலைப்பிற்கு இன்னும் நன்றாக இருந்திருக்கும்..அதே சமயம் படத்தில் கொஞ்சம் over saturation ஆக இருப்பது இது பழைய படம் போல் காட்சியளிக்கின்றது ,shadows ம் கொஞ்சம் அதிகம் என்பது மைனஸ்...

இவர்கள் இருவரின் படங்களில் யார் படம் மூன்றாவது என்று பார்த்தால் தெளிவாக படம் எடுத்ததற்காக

kutipaya அவர்கள் மூன்றாமிடம் பிடிக்கின்றார்..


இரண்டாமிடம்,

viswanathan அவர்களின் படத்தில் வரும் நண்பர்கள் , அவர்களிடம் தெரியும் சந்தோசம், விளையாட்டு அனைத்தும் இந்த தலைப்புக்கு கச்சிதம்.. இந்த படத்தை பார்க்கும் போது நட்பின் பசுமை நிறைந்த நினைவுகள் கண்டிப்பாக வரும்.. இந்த படம் பிடிக்கப்படிருக்கும் moment மிகவும் அருமை.. நானும் இந்த நட்பின் கூட்டத்தில் சேர்ந்து கொள்ளலாம் போல் உள்ளது..

VISWANATHAN


ஆனால் சொதப்பல் composition , படத்தில் தெரியும் கேபிள் , கட் செய்யப்பட்ட கைகள்.. இவையெல்லாம் இப்படத்தின் பெரிய மைனஸ்... இந்த படம் மட்டும் சரியாக compose செய்யப்பட்டிருந்தால் கண்டிப்பாக முதலிடம் பிடிக்க வாய்பிருந்திருக்கும்...

என்ன தான் composition குறையாக இருந்தாலும் தலைப்பு என்று வரும் போதும் ,நமது பார்வை சிரிக்கும் நண்பர்கள் கூட்டத்தை விட்டும் நகரவில்லை...

எனவே வந்திருந்த படங்களில்,

viswanathan இரண்டாமிடம் பிடிக்கின்றார்...

இந்த மாதிரி கம்போஸ் செய்திருந்தால் இன்னும் நன்றாக இருந்திருக்கும்..






முதலிடம்,
SARAVANAN

சரவணன் படத்தில் இருக்கும் குட்டி நண்பர்கள் கூட்டம் அருமை... ஒவ்வொருவரும் ஒவ்வொரு ரியாக்‌ஷன்.. படம் போஸ் கொடுக்க வைத்து எடுத்திருந்தாலும் படத்தில் இயல்பான நட்பின் உணர்வுகள் அருமையாக படம் பிடிக்கப்பட்டுள்ளது.. படமும் Black and white ல் அருமையாக உள்ளது.. எந்த distraction ம் இல்லை.. compositionலிம் பெரிதாக குறைகள் இல்லை..

கொஞ்சம் crop மற்றும் sharpness குறைத்திருக்கலாம்... அதுவும் படத்தை பெரிதாக பாதிக்கவில்லை..

எனவே
`நண்பர்கள்` போட்டியில் முதலிடம் பிடிப்பது , saravanan அவர்களின் படம்..



வாழ்த்துக்கள் சரவணன்....

இரண்டாமிடம் மூன்றாமிடம் பெற்றவர்களுக்கும் வாழ்த்துக்கள்..

மேலும் போட்டியில் கலந்து கொண்ட அனைவருக்கும் நன்றிகள்...

விரைவில் அடுத்த தலைப்புடன் `நண்பர்கள்` அனைவரையும் சந்திக்கின்றோம்..

அன்புடன்
கருவாயன்.



























10 comments:

  1. வெற்றி பெற்றவர்களுக்கு மனமார்ந்த வாழ்த்துக்கள்

    ReplyDelete
  2. நல்ல தேர்வு. அருமையான மிகவும் உபயோகமான விளக்கங்கள்...சரவணன் படம் டாப்!

    என்னோட படத்துல குட்டியா இருக்கறது என்னோட பொண்ணு, அவளுக்கு விளையாட்டு காட்டறது என் நண்பரோட பொண்ணு, சொந்தம் இல்லை. இருந்தாலும் இரு நண்பர்கள் அந்த மாதிரி தெரியுறது நல்ல விஷயம் தான்:) நன்றி!

    ReplyDelete
  3. Can you please give your comments for my photograph also? It would help me to learn and correct my mistakes.

    ReplyDelete
  4. Congrats to the winners!!! Top 3 are excellent indeed!! And thanks for the candid comments that will help us rectify our mistakes :)

    ReplyDelete
  5. @R.N.Suriya.. விரைவில் picassa web album ல் பார்க்கலாம்...

    -கருவாயன்

    ReplyDelete
  6. Congrats , Saravanan and winners!
    tnx for the contest!

    ReplyDelete
  7. @sathiya... நீங்கள் சொல்வதும் சரி தான்..

    ReplyDelete
  8. தெளிவான தேர்வு.நல்வாழ்த்துக்கள்..

    ReplyDelete
  9. நன்றி! மூன்றாம் இடத்தில் தேர்வு பெற்றது குறித்து மிக மிக மகிழ்ச்சி!!!
    இப்போது தான் புகைபடங்களுக்கென புதிய வலைப்பதிவு
    http://camerakanavugal.blogspot.com/
    ஒன்றைத் தொடங்கினேன். இந்த நேரத்தில் வந்த இந்த பரிசு ஒரு இனிய ஆரம்பம் :)

    ReplyDelete
  10. Thanks to everyone, I am really very happy to see my photo got selected for the first place.

    ReplyDelete

பிறரைப் புண்படுத்தாமல் உங்கள் கருத்துக்களை இங்கே பதியுங்கள் - நன்றி

 
© 2012. Design by Main-Blogger - Blogger Template and Blogging Stuff