Saturday, September 29, 2007

உணவுப்பொருட்களை படம் பிடிப்பது எப்படி??

14 comments:
 
வணக்கம் மக்களே,
நாம வாங்கற மசாலா பொடி பாக்கெட்டுல இருந்து சமையல் புத்தகம் வரைக்கும் பாத்தீங்கன்னா வித விதமா அழகழகா உணவுப்பதார்த்தங்களை போட்டோ புடிச்சு போட்டிருப்பாய்ங்க! அதை பாத்துட்டு உண்மையாவே அந்த பதார்த்தம் பாக்கறதுக்கு ்பாக்கறதுகு நல்லாவும் சாபிடுவதற்கும் சுவையாவும் இருக்கும்னு நம்பி நாமலும் சமைச்சு பாத்தா வேற மாதிரி இருக்கும (பாக்கறதுக்கும் சரி,சுவையிலும் சரி!! :-))்.இவங்க எல்லாம் எப்படி இவ்வளவு அழகா உணவுப்பதார்த்தங்களை படம் எடுக்கறாங்க,அதே மாதிரி நாமலும் எடுக்கனும்னா என்னென்ன பண்ணனும் அப்படின்னு எல்லாம் பாக்கலாமா??

1.)வெளிச்சம்:
இந்த விஷயம் எந்த ஒரு புகைப்படமா இருந்தாலும் மொதல்ல வந்து நிக்கற விஷயம். உணவுப்பொருட்களை பெரும்பாலும் அறையின் உள்ளே குறைந்த வெளிச்சத்தில் எடுப்போம் என்பதால் பெரும்பான்மையான சமயங்களில் படம் ஷேக் ஆகிவிடும். முடிந்த வரை வெளிச்சத்தை அதிகமாக்கிக்கொள்ள பாருங்கள்.சூரிய ஒளி கிடைத்தால் அதை விட சிறந்த வெளிச்சம் தரக்கூடிய விளக்கு கிடையாது.நல்லா சூரிய ஒளி பக்கத்துல வெச்சு படம் எடுங்க. சூரிய ஒளி நேரடியா படாம எதிலாவது பிரதிபலித்து பட்டால் நலம். சூரிய ஒளி இல்லையென்றால் நல்லா சுற்றி விளக்குகளை போட்டுக்கொள்ளுங்கள் ,அல்லது ஃப்ளாஷ் உபயோகித்துக்கொள்ளுங்கள். ஆனால் ஃப்ளாஷ் உபயோகித்தால் படத்தில் ஒரு விதமான செயற்கைத்தனம் ஒட்டிக்கொண்டு விடுவதாக எனக்கு தோன்றும் ,அதனால் அதை அவ்வளவாக உபயோகிப்பதை நான் விரும்புவதில்லை.
வெளிச்சம் ஒழுங்காக இருந்தால்தான் உண்வுப்பொருளின் நிறமும் நன்றாக கேமராவில் பதியும் என்பதை நினைவில் கொள்ளுங்கள்.

2.)அக்கம் பக்கம் பாத்துக்கோங்க:
நீங்க எடுக்கப்போகும் உணவுப்பொருளுக்கு சுற்றி உள்ள விஷயங்களும் படத்தின் தரத்தை நிர்ணயிக்கும். உணவுப்பொருளை வைத்திருக்கும் தட்டு,பாத்திரம் அல்லது பீங்கான் ஓடு போன்றவை சுத்தமாக இருந்தால் படமும் பார்ப்பதற்கு எடுப்பாக இருக்கும்.தட்டை வைத்திருக்கும் இடமும் சுத்தமாக ஒரே களேபரமாக இல்லாமல் பார்த்துக்கொள்ளுங்கள்.டைனிங் டேபிள் மேல் வைத்து எடுக்கப்போகிறீர்கள் என்றால் மேஜையின் மேல் சுத்தமான கண்ணை உருத்தாத துணியை போர்த்திக்கொள்ளலாம்.தட்டிற்கு பக்கத்தில் கத்தி ஸ்பூன் அரிவாள்மணை இப்படி விஷயங்களை நிறப்பி வைக்க வேண்டாம்,அது கவனத்தை சிதறடித்து விடும். முடிந்தால் படம் எடுத்து விட்டு தேவையில்லாத சுற்றியுள்ள விஷயங்களை வெட்டி (crop)விட்டால் உத்தமம்.

3.)தயார் நிலையில் இருக்கவும்
எந்த ஒரு உணவுப்பொருளாக இருந்தாலும் செய்து முடித்த சில நிமிஷங்களுக்கு பார்க்கவும் அழகா இருக்கும்,சூடா சாப்பிடுவதற்கும் சுவையா இருக்கும்.அதனால சமையல் முடியறதுக்கு முன்னாடியே உங்க கேமரா,ட்ரைபாடு எல்லாத்தையும் எடுத்து வெச்சுகிட்டு,எந்த இடத்துல படம் எடுக்கலாம்,எந்த கோணத்துல படம் எடுக்கலாம்னு எல்லாம் யோசிச்சு தயாரா இருந்தா உணவுப்பொருள் தயாரானவுடன் கிடைக்கும் அந்த சில நிமிடங்களை இழக்காமல் இருக்கலாம்.அந்த சமயத்துல ரொம்ப யோசிக்காம சட்டு சட்டுனு நேரத்தை வீணாக்காம படம் எடுக்க பாருங்க!! :-)

4.)ஒழுங்கா பரப்பி வையுங்க:
சமையல் எவ்வளவு சுவையாக இருந்தாலும் வீட்டுல தங்கமணி தொப்புனு கோவத்தோட கொட்டினா சாப்பிட தோணுமா??அதே, முகத்தில் புன்னகையோட நாணிக்கோணி பறிமாறுன உப்பா காரமா என்னன்னே தெரியாம சாப்பாடு உள்ளார போயிரும்ல??? அதே மாதிரி உணவுப்பொருளை எப்படி அடுக்கி/பரப்பி வைக்கறீங்க என்பதை பொருத்துதான் படமும் அதுக்கு ஏற்றார்போல் அழகாக இருக்கும். உணவில் முந்திரி திராட்சை போன்ற விஷயங்கள் சரியான இடத்தில் இருப்பது போல் பார்த்துக்கொள்ளுங்கள். நம் முப்பகுதி கோட்பாடு போன்ற விஷயங்கள் எல்லாம் கூட இங்கே உபயோகமாகும். அதனால உங்க சமயலை தட்டுல/பாத்திரத்துல எப்படி கொட்டி வைக்கப்போறோம் என்பதை பற்றியும் கவனமாக பார்த்துக்கொள்ளுங்கள்.

5.)உணவுக்கு ஒப்பனை:
என்னதான் நம்ம சினிமாவுல நடிக்கறவுங்க எல்லாம் அழகா இருந்தாலும் மணிக்கணக்கா ஒப்பனை போட்டுதான படம் எடுக்கறாங்க. அதே மாதிரி நீங்க சமைக்கற உணவுக்கும் ஒப்பனை போடுங்க!! உதாரணத்திற்கு எண்ணை ,நெய் கொண்டு பதார்த்தம் பளபளபாக இருக்கும் படி லேசாக தடவி விடலாம்.இதே போல நீங்க சமைத்திருக்கும் உணவுக்கு ஏற்றார்போல் கற்பனையை தட்டிவிட்டு அதற்க்கேற்ற பொருளை கொண்டு பளபளப்பாக்குங்கள்.

6.)கோணங்களின் முக்கியத்துவம்.
இந்த விஷயமும் எல்லா விதமான படங்கள் எடுக்கும் போதும் சொல்லப்படுகிற விஷயம். எப்பவும் போல மேலே நின்றுக்கொண்டு எடுப்பதை விட கொஞ்சம் கீழே, பக்கவாட்டில் என்று பற்பல கோணங்களில் படம் எடுக்க முயலுங்கள். சற்றே இப்படி அப்படி மாற்றி மாற்றி எடுத்தால் நாம் கற்பனையே செய்ய முடியாத படங்கள் சில சமயங்களில் அமைந்துவிடும்.க்ளோஸ் அப்பில் பார்க்கும் போது சில விஷயங்கள் பார்ப்பதற்கு வித்தியாசமாகவும்,அழகாகவும் அமைந்துவிடும்

7.)ஆவி பறக்கும் உணவு
உணவு சுவையாக இல்லாவிட்டாலும் கூட பசி நேரத்தில் ஆவி பறக்க உணவு கிடைத்தால் கண்ணை மூடிக்கொண்டு சாப்பிட்டு விடுவோம்.அதனால் உணவுப்பொருளின் மேல் ஆவி பறப்பது போன்ற ஒரு காட்சியை கொண்டுவந்தால் அந்த படம் பார்ப்பதற்கு நன்றாக இருக்கும்.
இதற்கான ஒரு வழிமுறையை நான் பார்த்த ஒரு இணைய தளத்தில் கொடுத்திருந்தார்கள் . அதாவது தண்ணீரில் நனைத்த பஞ்சை மைக்ரோவேவில் சுட வைத்து உணவுப்பொருளின் பின்னால் கண்ணுக்கு தெரியாமல் வைத்தால் ,உணவில் இருந்து ஆவி பறப்பது போல தெரியுமாம்.இது நான் முயன்று பார்த்தது இல்லை,நம்மில் யாராவது இது போன்று செய்வோமா என்றும் தெரியவில்லை,ஆனால் சுவாரஸ்யமாக இருந்ததே என்று சொல்லி வைத்தேன்.முடிந்தால் ஊதிவத்தியை மறைத்து வைத்து ஆவி வருவது போன்ற உணர்வை ஏற்படுத்த முடியுமா என்று பாருங்கள்!!

இப்படியாக உணவுப்பொருட்களை படம் எடுக்க பல சங்கதிகள் உண்டு.வர மாச புகைப்படப்போட்டிக்கு எல்லோரும் தயாரா?? போன தடவை பின்னூட்டத்துல ஒரு நண்பர் போட்டி வைத்தால் அந்த தலைப்புக்கு ஏற்றார்போல் படம் எடுக்கும் டிப்ஸ் அளிக்கவும் என்று கூறியிருந்தார்.அந்த மாதிரி இந்த தடவை யாரும் கேட்க கூடாதே என்றுதான்......
அடாடா!! நானே வாய் தவறி ஏதாவது சொல்லிட்டேனா?? குழுப்பதிவின் உறுப்பினர்கள் என் சட்டையை பிடிப்பதற்குள் நான் எஸ்கேப் ஆகி விடுகிறேன்.
வரட்டா?? :-)

ஆங்கில மூலம் மற்றும் படங்கள்:
http://digital-photography-school.com/blog/food-photography-an-introduction/
http://flickr.com/photos/laraferroni/94294849/in/set-72057594093941047/
http://flickr.com/photos/santos/61479875/
http://flickr.com/photos/hypnotic_aubergine/164960613/

14 comments:

  1. photo "pazani"September 29, 2007 at 8:02 AM

    புரிஞ்சுபோச்சு எனக்கு புரிஞ்சு போச்சு


    அடுத்த டாபிக் என்னான்னு புரிஞ்சு போச்சு


    சாப்டற பொருளைக் கண்ணில பாத்தா போட்டோ எடுங்கறீங்க... :D

    ReplyDelete
  2. Where is Oct PIT potti, Is this going to be the Oct Topic.

    ReplyDelete
  3. photo "pazani"September 29, 2007 at 8:46 AM

    இம்சையண்ணா... எனக்கு தெரிஞ்சு போச்சு... food தான் டாபிக். :D நீங்க ரெடி பண்ணுங்க.. முத தடவையா நானும் கலந்துக்கப் போறேன்

    ReplyDelete
  4. analogue camerala eduththu athai scan panni podalaama ? illatta ennoda friend kitta irunthu thaan camera kadan vanganum..

    ReplyDelete
  5. போட்டோ பழநி, நீங்க கலக்குங்க. இப்பவே நாக்குல தண்ணி ஊருதே..

    ReplyDelete
  6. @பழனி
    உங்க கேமராவிலேயே படம் எடுத்து ஸ்கேன் பண்ணி போடலாம்! :-)

    @இம்சை
    மாசத்தின் மொத நாள் அன்னிக்கு அறிவிப்பு பதிவு கரெக்ட்டா இருக்கும்,வந்து பாருங்க!! :-)

    @சத்தியா
    நீங்களும் நாக்கில் தண்ணீர் வரா மாதிரி படம் எடுத்து போடுங்க தல!! :-)

    ReplyDelete
  7. CVR, Asaththal explanation and tips!

    makes me want to shoot and eat a 'aavi parakkum full-meals' :)

    ReplyDelete
  8. நல்ல குறிப்புகளை கொடுத்திருக்கீங்க நன்றி, சுவாரஸ்யமான (சுவையான) தலைப்பு.

    ஒன்னு கவனிச்சீங்களா aug and sept இரண்டு மாதங்களில் வெற்றி பெற்ற படங்களை தவிற மற்ற படங்களை பற்றிய comments ஆசிரியர் குழு இன்னும் கொடுக்கவில்லை, அது கடினமான வேலையாக இருப்பினும் கொஞ்சம் கவனிங்க.

    மத்தபடி கலக்றீங்க :).

    ReplyDelete
  9. போட்டிக்கு வரும் படங்கள் அனைத்துக்கும் தனிப்பட்ட விமர்சனம் ஒவ்வொரு முறையும் அளிக்கப்படும் என்று நான் எதிர்பார்க்கவில்லை. முதல் முறை சர்வேசனின் சொந்த விருப்பத்தின் பேரில் அவர் ஒவ்வொரு படத்திற்கும் கருத்துக்களை சொன்னாரே ஒழிய அதே போல எல்லா நடுவர்களும் எல்லா போட்டிக்கும் அளிப்பார்கள் என நான் நினைக்கவில்லை.
    படங்களை பற்றிய கூட்டான விமர்சனங்களும் முக்கியமான tips/observation மற்றும் அவற்றிற்கான உதாரணங்கள் சில மட்டுமே ஒவ்வொரு முறையும் எதிர்பார்க்கலாம்.
    மற்றபடி ஒவ்வொரு முறையும் ,ஒவ்வொரு படத்திற்கும் விமர்சனங்கள் தருவது impractical-ஆக இருக்கும் என்று எனக்கு தோன்றுகிறது.

    ReplyDelete
  10. பதிவுக்கு நன்றி CVR. படிக்கும்போது கொடைக்கானல் தற்கொலை முனையில் எதிரே மிதக்கும் மேகங்களைப் பார்த்துக்கொண்டே ஆவி பறக்க மிளகாய் பஜ்ஜி சாப்பிட்ட ஃபீலிங் வந்தது ! :-)

    போட்டியை எதிர்நோக்கி ஆ(அ)வலுடன்!

    ReplyDelete
  11. இத்தனை நாட்களாக வாத்தியார்களுக்கு தெரியாமல் கடைசி பெஞ்சில உட்கார்ந்து பாடங்களை கவனிச்சுகிட்டு வந்ததுல பரிட்சைக்கு போகலாமுன்னு தெகிரியம் வந்திருச்சு.பாஸ் பண்ணாம விடப்போறதில்ல.கேள்விப் பேப்பர மட்டும் ரிலிஸ் செய்யுங்க சீக்கிரம்.

    ReplyDelete
  12. Oppari,

    as CVR said, giving comments to every picture is upto the 'Naduvars' availability.

    We will encourage the Naduvars to give atleast a one line review of the picture - this will certainly help the contestant.

    thanks,

    ReplyDelete
  13. Hello PIT neenga call panna mudiyuma?
    9789042745

    ReplyDelete

பிறரைப் புண்படுத்தாமல் உங்கள் கருத்துக்களை இங்கே பதியுங்கள் - நன்றி

 
© 2012. Design by Main-Blogger - Blogger Template and Blogging Stuff