வணக்கம் மக்களே,
இந்த மாதத்திற்கான போட்டி தலைப்பு ”ஆக்‌ஷன் படங்கள்” என்று உங்களுக்கு தெரிந்திருக்கலாம்.பதிவில் இருக்கற உதாரண படங்கள் பாத்துட்டு ஆக்‌ஷன் படங்கள் எப்படி எடுக்கலாம் என்று நீங்கள் எல்லாம் யோசித்துக்கொண்டிருக்கலாம். உங்களுக்கு உதவக்கூடிய சில குறிப்புகள் இதோ....


TV Mode: ஆக்‌ஷன் படங்கள் என்றவுடனே கண்டிப்பாக அதிவேக ஷட்டர் ஸ்பீடு தேவைப்படும் என்று நீங்களே கணித்திருப்பீர்கள்.அதனால் உங்களின் ஷட்டர் ஸ்பீடை நீங்களே தீர்மானித்துக்கொள்வதற்கு வசதியாக உங்களின் கேமராவை Tv Mode-இற்கு மாற்றிக்கொள்ளுங்கள்.இது உங்களுக்கே தெரிந்திருக்கலாம்,ஆனால் இது மிக அடிப்படையான குறிப்பு என்பதால் முதலில் சேர்த்துள்ளேன். ஷட்டர் ஸ்பீடு என்றால் என்ன என்று தெரிந்துக்கொள்ள இங்கே க்ளிக்குங்கள், Tv mode பற்றி தெரிந்துக்கொள்ள இங்கே க்ளிக்குங்கள்.




ஷட்டர் வேகம்: இது எந்தளவு வைக்க வேண்டும் என்பது  அந்தந்த இடத்தின் ஒளி அமைப்பை பொருத்தது.ஒரு அடிப்படை புரிதல் என்ன்வென்றால் ஷட்டர் ஸ்பீடு என்பது ஒன்றன் கீழ்  உங்கள் லென்ஸின் குவிய தூரம் என்ற அளவில் இருக்க வேண்டும் என்பதே.

Shutter speed = 1/Focal length

நிச்சயமாக உங்களின் ஷட்டர் ஸ்பீiடு இந்த அளவை விட அதிகமாகத்தான் தேவைப்படும்.நான் பார்த்தவரை இரவில் சில நிகழ்ச்சிகளை படம் பிடிக்க சென்ற போது குறைந்த பட்சம் 1/160 ஆவது தேவை பட்டது. 1/250 முதல் 1/400 வரை இருந்தால் சரியாக இருக்கும் என்று தோன்றியது.சமீபத்தில் ஒரு நண்பர் ஒரு தும்பி பறந்துக்கொண்டிருப்பதை படம் பிடித்திருந்தார்.அந்தப்படத்திற்கு ஷட்டர் ஸ்பீடு 1/1000 ஆக செட் செய்யப்பட்டிருந்தது.இப்படி இடம் பொருள் ஏவலை பொருத்து நீங்கள் செட் செய்ய வேண்டிய அளவு மாறுபடும். கூடவே இது மாதிரியான படங்களை ஒரே ஷாட்டில் எடுப்பது மிகவும் அரிது.பல முறை எடுத்து பார்த்து அதற்கு ஏற்றார்போல் ஷட்டரின் வேகத்தை அதிகமாகவோ,கம்மியாகவோ ஆக்கிக்கொள்ளலாம்.


ISO:ஷட்டர் வேகம் கூட்டிக்கொண்டே போனால் கேமராவிற்குள் வரக்கூடிய ஒளியின் அளவு குறைந்துக்கொண்டே போகும்,அபெர்ச்சரை  முடிந்தவரை பெரிதாக்கிக்கொண்டே போக வேண்டியதுதான். ஆனால் அதுவும் ஒரு அளவுக்கு தான்.உங்கள் லென்ஸின் அதிகபட்ச விட்டத்தை அடைந்த பிறகு என்ன செய்ய முடியும்?? உங்கள் ISO-வை அதிகப்படுத்த வேண்டியது தான்.எப்பவும்போல் அதிகப்படியான ISO-வினால் ஏற்படும் noise ஒரு பெரும் பிரச்சினைதான்.இதில் கேனான் கேமராவை விட நிக்கான் கேமராவில் noise பிரச்சினை கம்மியாக இருப்பதாக தெரிகிறது.சமீபத்தில் ஒரு தடவை, நான் எனது Canon Rebel XTi(400D)வில் யோசிக்காமல் ISO 1600-விற்கு ஏற்றிவிட்டு க்ளிக்கித்தள்ளிக்கொண்டிருக்க,எனது நண்பர் 200-400-ஐ தாண்டவே தயங்கிக்கொண்டிருந்தார்.
பொதுவாக noise பற்றி கவலை படாமல் படம் எடுத்துவிட்டு பின்னால் Noiseware போன்ற மென்பொருட்களால் சரி செய்துக்கொள்ளலாம்.


ப்ளாஷ் : பொதுவாகவே எனக்கு ப்ளாஷ் உபயோகிப்பது முற்றிலும் பிடிக்காத செயல்.முடிந்தவரை இயற்கையான ஒளியில் படம் எடுக்கதான் முயற்சி செய்வேன்.ஆனால் ஆக்‌ஷன் படங்கள் என்று வந்துவிட்டால் ப்ளாஷ் உபயோகிப்பது மிக பிரபலமாக கையாளப்படும் உத்தி.அதுவும் இரவு நேரங்களில் எடுக்கப்படும் ஆக்‌ஷன் படங்களுக்கு ப்ளாஷ் மிக உபயோகமான வரப்பிரசாதம்.ISO-வை மிக அதிகமாக ஏற்றுவதற்கு பதிலாக ப்ளாஷ் சற்றே கம்மியான ISO-வில் படம் எடுக்க உதவும்.


தயாராக இருங்க: ஆங்கிலத்தில் சுருக்கமாக சொல்ல வேண்டும் என்றால் Preparation and Anticipation என்று சொல்லலாம். பொதுவாகவே இந்த வகையான படங்கள் எடுக்க நிறைய முன்னேற்பாடுகள் செய்ய வேண்டி இருக்கும்.நீங்கள் வீட்டிற்குள் எடுக்க நினைக்கும் ஆக்‌ஷன் ஷாட்டாக இருந்தாலும் சரி,அல்லது ஏதாவது பொது இடத்தில் நடக்கும் நிகழ்ச்சியாக இருந்தாலும் சரி,உங்களை தயார் படுத்திக்கொள்வதற்கு போதுமான நேரம் ஒதுக்கிக்கொள்ளுங்கள். வீட்டுனுள் எடுக்க வேண்டிய படம் என்றால் ஒளி அமைப்பு சரியாக வருவதற்கு வேண்டிய ஏற்பாடுகளை செய்ய நேரம் தேவை. வெளியில் நடக்கும் நிகழ்ச்சி என்றால் முன்பாகவே அந்த இடத்திற்கு சென்று ஒழுங்கான இடம் பார்த்து பிடித்து,சரியான ஒளி அமைப்பு உள்ள கோணத்தை யோசித்து வைத்து என பல விஷயங்கள் உள்ளன.


சரியான தருணத்திற்கு காத்திருங்கள்.நான் முன்னமே சொன்னது போல anticipation அல்லது எதிர்பார்த்திருத்தல் இந்த மாதிரி படங்கள் எடுப்பதற்கு மிக மிக மிக அவசியம்.எப்பொழுது ஆக்‌ஷன் நடக்கப்போகிறது என்று ஷட்டரை அழுத்த மிகத்தயாராக இருக்க வேண்டும்.அதற்கு நீங்கள் படம் எடுத்துக்கொண்டிருக்கும் விஷயம் பற்றி உங்களுக்கு தெரிந்திருக்க வேண்டும்.ரன் எடுக்கும் போது தான் ரன் அவுட் நடக்கலாம் என்று தெரிந்தால் தான்,அவுட் செய்யும் போது படம் எடுக்க முடியும்.அதே போல் ஆட்டம் பாட்டம் ஏதாவது படம் எடுத்தால் ஆடுபவரை கூர்ந்து கவனித்து வந்தால் எப்பொழுது என்ன செய்வார் என்று கணித்து அதற்கேற்றார்போல் கிளிக்கலாம்.கேமராவில் உள்ள burst mode-ஐ  உபயோகித்தால் தொடர்ந்து ப்டங்களை எடுத்து அதிலிருந்து சிறப்பான படம் ஒன்றை பெறலாம்.
சாதாரண் point and shoot கேமராவில் ஷட்டரை அழுத்திய ஒரு சில நொடிகள் கழித்து தான் படம் எடுக்கப்படும்.இதற்கு shutter lag என்று பெயர். அதனால் இது போன்ற கேமராவில் ஷட்டரை பாதி அமுக்கி,focus lock செய்து காத்திருப்பது மிக அவசியம்.இதை பற்றி சர்வேசனின் பதிவு இதோ .



பதிவு ஏற்கெனவே பெரிசாகிப்போச்சுன்னு நெனைக்கறேன்.அதனால் இத்தோட நிறுத்திக்கறேன். உங்களிடம் ஏதேனும் கருத்துக்களோ அல்லது சந்தேகங்களோ இருந்தால் பின்னூட்டமிடுங்கள்.
கலந்துரையாடலாம்...
வரட்டா :)

வணக்கம் மக்களே!!
உங்களை எல்லாம் பாத்து எவ்வளவு நாள் ஆச்சு!! எல்லோரும் சுகமா இருக்கீங்களா?? :-)

நம்ம பதிவுல மாசா மாசம் நடத்தற போட்டிகளில் நிறைய படங்கள் பாக்குறோம். பாக்கும்போது நிறைய விஷயங்கள் சொல்லனும்னு தோணுது..ஆனா இதெல்லாம் ஏற்கெனவே பல்வேறு வேளைகளில் நாங்க இந்த வலைப்பதிவில் சொன்ன கருத்துக்கள் தான். அதுவும் நம்ம போட்டிக்கு நிறைய புதுப்புது வாசகர்களும் வருவதால் போட்டியில் வெற்றி பெறுவதற்கான யோசனைகளோடு நாங்கள் இட்ட சில பதிவுகளை இங்கே தொகுத்து வழங்கலாம் என்று எண்ணம்.நம்ம வலைப்பூவில் நல்ல படம் எடுக்க பல்வேறு
பதிவுகள் இருந்தாலும்,போட்டியில் பங்கு பெறுபவர்களுக்கு குறிப்பாக உபயோகமாக இருக்கக்கூடிய சில பதிவுகளை இங்கே பட்டியலிட்டிருக்கிறேன்.
இந்த பதிவை நிரந்தர சுட்டியாக அளித்துவிட்டால் ஒவ்வொரு முறை போட்டி நடத்தும் போது எல்லோரும் பாத்துக்கலாம்!!
என்ன நான் சொலறது சரிதானே?? :-)

சரி..இப்போ பதிவுகளின் பட்டியலை பார்க்கலாம்.


நாம நம்மை சுத்தி பல அழகான விஷயங்களை பார்க்கறோம் ,ஆனா அத்தனையும் அதே அழகோடு படங்களில் பிடிக்க முடிவதில்லை..இந்த விஷயம் சம்பந்த்தமா சர்வேசன் ஒரு பதிவு போட்டிருக்காரு
பாருங்க..
நல்ல படம் எடுக்க ஒரு அட்வைஸு

நம்ம மெகாப்போட்டி முடிவடையும் சமையத்தில்,பல்வேறு தகவல்களோடு நம்ம ஜீவ்ஸ் அண்ணாச்சி போட்ட போஸ்ட் டிப்ஸ் டிப்ஸ் & மெகாப் போட்டி முடிய இன்னும் இரண்டே தினங்கள்...

அடிப்படை தகவல்கள் பலவற்றுடன் ஜீவ்ஸ் அண்ணாச்சியின் இன்னொரு பதிவு இங்கே

போட்டிகளில் வரும் படங்களில் காணப்படும் முக்கியமான குறைபாடுகளும் அதை களைய செய்ய வேண்டிய யோசனைகளும் கூடிய
புகைப்பட போட்டியில் பரிசு பெறுவது எப்படி??

ஜூலை 2007-இல் நாங்கள் நடத்திய முதல் போட்டியின் முடிவில்,முடிவின் கூடவே வெற்றியாளர்களை தேர்வு செய்த விதமும் , தேர்வு செய்யும்போது நடுவர்களின் மனநிலை குறித்தும் விரிவாக அலசி காயப்போட்ட
புகைப்பட போட்டி முடிவுகள் - ஜூலை படம்

படம் எடுக்கும் போது நமக்கு இருக்க வேண்டிய கண்ணோட்டம் பற்றியும், மற்றும் அடிப்படையாக படம் எடுக்கும்போது யோசிக்க வேண்டிய பல விஷயங்களோடு வெளிவந்த,கைப்புள்ள அண்ணாச்சியின்
க்ரூப் ஸ்டடீஸ் பண்ணலாம் வாங்க!


இது தவிர போட்டியின் முடிவில் படங்களுக்கு வரும் விமர்சனங்களை தொடர்ந்து வந்தாலே சில மாதங்களிலேயே உங்கள் படங்களில் பெரிய வித்தியாசத்தை காணலாம். போட்டியில் பங்கேற்று,நண்பர்களிடம் இருந்து பகிர்ந்து/கற்றுக்கொண்டு குருவுக்கு மிஞ்சிய சிஷ்யனாய் வெளுத்து கட்டும் புகைப்பட ஆர்வலர்கள் பலரை இந்த குழுமம் பார்த்துள்ளது.

போட்டியின் தலைப்புக்கு ஏற்றார்போல் சாதாரணத்தை தாண்டி கண்ணோட்டத்தில்,ஒளியோட்டத்தில் என எதிலாவது சிறப்பு இருப்பது போல் ஒரு படத்தை அனுப்ப வேண்டும் என்ற உத்வேகம் இருந்தாலே பாதி கிணறு தாண்டினாற்போலத்தான் :)

அனைவரும் மேன்மேலும் சிறந்த படங்கள் எடுத்து இந்த கலையில் கற்றுத்தேர வாழ்த்துக்கள்..

வரட்டா... ;)

அனைவருக்கும் என் அன்பார்ந்த வணக்கங்கள்!
எல்லோரும் எப்படி இருக்கீங்க?? முதல் கட்டப்போட்டியின் முடிவுகளை ஆவலுடன் எதிர்பார்த்துக்கொண்டிருக்கிறீர்களா?? :-)
சரி விஷயத்துக்க வரேன்.
சமீபத்தில் எனது ப்ளிக்கர் வலைத்தளத்தில் இரு படங்கள் போட்டிருந்தேன்....





இந்த இரண்டு படங்களையும் பாத்தீங்களா ?? படத்தில் கருப்பொருளின் மீது மட்டும் கவனம் செல்லும்படி போகஸ் கருப்பொருளின் மீது மட்டுமிருக்க பின்னணியில் உள்ளவை எல்லாம் தேய்ந்தாற்போல் உள்ளது அல்லவா! அதாவது கருப்பொருள் வேகமாக செல்வது போன்ற ஒரு உணர்வை ஏற்படுத்துகின்றன அல்லவா!! இதற்கு பெயர் தான் panning shots.
ஆஹா!! சுவாரஸ்யமா இருக்கே!!
இதை எப்படி எடுக்கனும்??

Panning படங்களின் அடிப்படை நோக்கம் என்னவென்றால் ஒரு குறிப்பிட்ட நேரத்திற்கு நகர்ந்துக்கொண்டிருக்கும் கருப்பொருள் மீது போகஸை வைத்திருக்க வேண்டும்.அதனால் அந்த சமயத்தில் போகசில் இல்லா பின்னணி தேய்ந்து போனாற்போல் ஆகி விடும்.

இதை எப்படி ஏற்படுத்துவது??
முதலில் உங்கள் கேமராவை Shutter speed மோடிற்கு மாற்றிக்கொள்ளுங்கள். பின்னர் உங்கள் கேமராவின் shutter speed-ஐ 1/25 - 1/30 வாக்கில் வைத்துக்கொள்ளுங்கள்(அப்பொழுதுதான் கருப்பொருள் நகரும்வரை பின்னணி தேயும்வரை ஷட்டர் திறந்திருக்கும்). இப்பொழுது நகர்ந்துக்கொண்டிருக்கும் ஏதாவது கருப்பொருளை தேர்ந்தெடுங்கள்.ரோட்டில் ஓடும் வாகனங்கள் இந்த முயற்சிகளுக்கு நல்ல தேர்வு.
இப்பொழுது வாகங்கள் நகரும் போது அதன் மேல் கேமராவை போகஸ் செய்து அதனோடு வ்யூ பைண்டரில் பார்த்துக்கொண்டே வாருங்கள்.சற்று நேரம் கழித்து ஷட்டர் பொத்தானை அழுத்துங்கள். இப்பொழுது நீங்கள் உங்கள் கருப்பொருள் கூடவே கேமராவோடு தொடர்ந்து வந்ததால் ஷட்டர் திறந்திருந்த சமயத்தில் அது மட்டும் நல்ல தெளிவாகவும் பின்னணியில் உள்ள பொருட்கள் தேய்ந்து போயும் காணப்படும்.

மற்ற எல்லா நுணுக்கங்களையும் போலவும் இந்த நுணுக்கத்திற்கும் நிறைய பயிற்சி வேண்டும்.பல சமயங்களில் கருப்பொருளோடு நம்மால் முழுமையாக தொடர முடியாமல் எல்லாமே தெளிவில்லாமல் இருக்கும்!!
ஆனால் panning-இல் இதெல்லாம் சகஜமப்பா...
திரும்ப திரும்ப முயன்று பாருங்கள்.ஆனால் ஒழுங்காக அமைந்துவிட்டால் Action shots எனப்படும் செயல் படங்கள்(செயலினை உணர்ந்த்தும் படங்கள்) வரிசையில் இந்த panning shots ஒரு இன்றியமையாத வகை.

என்னங்க panning shots-னா என்னன்னு தெரிஞ்சுதா??

படம் எடுக்கும்போது உங்களுக்கோ மற்றவருக்கோ ஏதும் அடிபடாமலும் ,போக்குவரத்துக்கு இடைஞ்சல் இல்லாமலும் படம் எடுப்பது உங்கள் பொறுப்பு!!
வரட்டா?? :-)

முதல் பகுதி இங்கே...

ஒரு கேமராவில் உள்வரும் ஒளியின் அளவு(திறப்பளவு-exposure) போதுமானதா என்பதை நாம் எப்படி அறிந்துக்கொள்வது???

ஒளி அதிகமாகிவிட்டால் ,படம் ஓவர் எக்ஸ்போஸ்ட்(overexposed) ஆகி வெளிரிப்போய்விடும்,அதே ஒளி கம்மியாக இருந்தால் படம் அண்டர் எக்ஸ்போஸ்ட்(underexposed) ஆகி படம் இருண்டுபோய்விடும்!


உங்கள் வ்யூ ஃபைண்டர்(viewfinder) அல்லது LCD திரையின் கீழே ஒரு விதமான அளவுகோள் ஒன்று இருக்கிறதே கவனித்தீர்களா???
பூஜ்ஜியத்தில் இருந்து ஆரம்பித்து ஒரு பங்குக்கு மூன்று புள்ளிகள் எனும் அளவுகளில்,பூஜ்ஜியத்திற்கு அதிகமாகவும்,குறைவாகவும் (positive and negative)இரண்டு அல்லது மூன்று புள்ளிகளுக்கு இருக்கும்.

இதுதான் ஒளியை அளக்கும் அளவுகோளான லைட்மீட்டர்(Lightmeter).உங்கள் கேமராவில் பொருத்தப்பட்டிருக்கும் இந்த கருவி ஒரு காட்சியின் ஓளிக்கு எந்த அளவு திறப்பளவு வேண்டும் என்பதை உங்களுக்கு கணித்துச்சொல்லிவிடும். நீங்கள் ஆட்டோ மோடில் படம் எடுக்கும் போது இந்த லைட்மீட்டரின் கணிப்பை பொருத்து தான் கேமரா லென்ஸின் விட்டம் மற்றும் ஷட்டர் வேகத்தை தீர்மானித்துக்கொள்கிறது.நீங்கள் Manual-இல் படம் எடுக்கும் போதும் நீங்கள் தீர்மானிக்கும் லென்ஸ் விட்டம் மற்றும் ஷட்டர் வேகம் போதுமானதா என்பதை நிர்ணயம் செய்ய இந்த லைமீட்டரைதான் நம்ப வேண்டும்.போன பகுதியில்,பாடத்தின் மிக முக்கியமான விஷயம் ஒன்றை சொல்லப்போகிறேன் என்று சொல்லியிருந்தேன் அல்லவா!!அந்த விஷயம் இதுதான் ... :)


சரி இந்த லைட்மீட்டர் என்னன்னு தெரிஞ்சுகிட்டாச்சு! இதை எப்படி உபயோகப்படுத்தனும்???

உங்க லைமீட்டர்ல அம்புக்குறி பூஜ்ஜியத்துல இருந்துச்சுன்னா அப்போ படம் பிடிக்க சரியான அளவு ஒளி வருதுன்னு அர்த்தம்!! ஆனா சில சமயங்களில் கேமராவின் லைட்மீட்டர் ஒளி அளவை அவ்வளவு துல்லியமாக கணக்கிடாது என்பதால் சிலர் லைட்மீட்டர் அளவை விட சற்று குறைவான ஒளியமைப்போடு படம் எடுப்பார்கள்!! அதை பற்றி பிறகு பார்த்துக்கொள்ளலாம்,ஆனால் இப்போது அதை குழப்பிக்கொள்ள வேண்டாம்.

சரி! உங்கள் கேமராவை Av மோடில் பொருத்திக்கொண்டு கேமராவின் குறைந்தபட்ச f-நம்பர்(அதிகபட்ச லென்ஸ் விட்டம்) செட் செய்துவிட்டீர்களா?

உங்கள் கேமரா, ஷட்டரின் வேகத்தை எவ்வளவு நிர்ணயித்துள்ளது என்று கவனியுங்கள்.அது ஒவ்வொருவரின் காட்சியை பொருத்தது.பொதுவாக 1/60 நொடிகளுக்கு மேல் ஷட்டரின் வேகம் இருந்தால், அவை handheld -இல் எடுத்தால் படம் அதிர்வுக்குள்ளாகும் என்று சொல்லுவார்கள். கேமராவை முக்காலியில் பொருத்தியாகிவிட்டது அல்லவா??முக்காலி இல்லாதவர்கள் தட்டையான மற்றும் கடினமான பரப்பில் கேமராவை வைத்துக்கொள்ளுங்கள்.

இப்பொழுது கேமராவை டைமரில் போட்டுவிட்டு ஒரு படத்தை எடுத்துக்கொள்ளுங்கள்(டைமரில் போட்டால் படத்தை க்ளிக்கும் போது ஏற்படக்கூடிய அதிர்வுகளை தவிர்க்கலாம்).

இப்படி அதிகபட்சமான லென்ஸ் விட்டத்துடன் என் கேமராவில் எடுக்கப்பட்ட படம் கீழே .



பாத்தீர்களா!! படத்தில் நடுவில் பேனாவில் மட்டும் நல்ல தெளிவான ஃபோகஸ் உள்ளது.பின்னால் இருக்கும் தொலைபேசி மற்றும் முன்னால் இருக்கும் லென்ஸ் மூடி இவை சற்றே மங்கலாக காட்சியளிக்கிறது.

என்ன படம் எடுத்தாச்சா???

வாழ்த்துக்கள்!! உங்கள் கேமராவில் முதல் manual படத்தை எடுத்துவிட்டீர்கள்!! படம் எப்படி இருந்தாலும்,உங்கள் பதிவில் போட்டி சுட்டியை பின்னூட்டத்தில் அறிவிக்கலாமே!! ;)


சரி!! இப்பொழுது குறைந்த பட்ச லென்ஸ் விட்டத்தோடு ஒரு படம் எடுத்துப்பார்ப்போம்.

இப்பொழுது உங்கள் கேமராவின் இருப்புநிலையில்(position) மாற்றங்கள் எதுவும் செய்யாமல் உங்கள் லென்ஸ் விட்டத்தின் அளவை மட்டும் குறைத்துக்கொள்ளுங்கள்.அதாவது உங்கள் fநம்பரை கூட்டிக்கொள்ளுங்கள்.அதை எப்படி செய்ய வேண்டும் என்பது ஒவ்வொரு கேமராவிற்கு மாறுபடும்.என் கேனான் கேமராவை பொருத்தவரை ஷ்ட்டர் பொத்தானின் பக்கத்தில் உள்ள ஒரு டயலை திருகினால் fநம்பரை மாற்றிக்கொள்ளலாம்.
எவ்வளவு அதிகப்படுத்துவது???

நீங்கள் Av மோடில் இருப்பதால்,நீங்கள் உங்கள் லென்ஸின் விட்டத்தை குறைக்க குறைக்க,அதற்கேற்றார்போல் சரியான அளவு ஒளியை தக்க வைக்க ஷட்டரின் வேகத்தை உங்கள் கேமரா குறைத்துக்கொண்டே செல்லும்.

ஒவ்வொரு கேமராவிலும் குறைந்த பட்ச ஷட்டர் வேகம் என்று ஒன்று உண்டு.என்னுடைய கேமராவில் அது 30 வினாடிகள்.அதற்கு மேல் ஷட்டரின் வேகம் அமையுமாறு நான் லென்ஸின் விட்டத்தை குறைத்தால் அப்போது திரையில் தெரியும் அளவுகள் விட்டு விட்டு எரிய ஆரம்பிக்கும்!! இப்படி விட்டு விட்டு எரிந்தால் கேமராவின் எல்லைக்கு மேல் அளவுகளை நான் செட் செய்ய முயல்கிறேன் என்று பொருள்.அதுவுமில்லாமல் நீங்கள் சரியான திறப்பளவிற்கு மேலோ கீழோ அளவுகளை நிர்ணயம் செய்தால் உங்கள் லைட்மீட்டர் பூஜ்ஜியத்திற்கு மேலோ கீழோ சென்றுவிடும்.அதனால் சரியான திறப்பளவு உள்ளதா என்பதை நீங்கள் லைட்மீட்டரை கவனித்தாலே தெரிந்துவிடும்.


இப்படி நான் லென்ஸின் விட்டத்தை குறைத்துக்கொண்டே போக (fநம்பர் ஏற்றிக்கொண்டே போக) எனது குறைந்த பட்ச ஷட்டர் வேகமான 30 வினாடிகள் வரும்போது இருந்த லென்ஸ் விட்டம் f14.
இந்த அளவில் எடுத்த படம் கீழே.



இந்த படத்தில் மேலே இருந்த படத்தைவிட தொலைபேசி நல்ல தெளிவாக இருப்பதை பாருங்கள்.நடுவில் உள்ள பேனா மட்டுமல்லாது சற்றே முன்னே பின்னே உள்ள பொருட்கள் கூட ஃபோகஸில் இருப்பது ,லென்ஸின் விட்டம் குறைவாக உள்ளதனால் தான்.
இப்பொழுது Av மோடில் படம் எடுப்பது எப்படி என்று பார்த்துவிட்டோம்.
Tv மோடில் இதே போன்று ஷட்டரின் வேகத்தை மட்டும் மாற்றிவிட்டால் லென்ஸின் விட்டத்தை கேமராவே தீர்மானித்துக்கொள்ளும்.
முழுமையான Manual மோடில் லென்ஸின் விட்டம்,ஷட்டரின் வேகம் ஆகிய இரண்டையும் நாமே மாற்றிக்கொண்டு படம் எடுக்கலாம்.

இது வரை படித்துப்பார்த்து ஆற அமர முயற்சி செய்து பாருங்கள்!!! இதில் ஏதேனும் சந்தேகம் இருந்தால் பின்னூட்டத்தில் தெரிவிக்கவும்.உங்களின் புரிதலைப்பொருத்து Tv,Manual மோட்களுக்கு பதிவு தேவையா என்று பார்க்கலாம்!!

வரட்டா?? :)

நன்றி:
Exposure compensation picture from
http://www.cameras.co.uk/cameraimages/canon-powershot-a510-exposure-compensation.jpg

போன பதிவுல உங்களின் கேமராவில் வெவ்வேறு மோட்கள் பற்றி அறிந்துக்கொண்டோம் அல்லவா! இந்தப்பதிவில் அந்த மோட்களில் படம் பிடிக்க ஆரம்பிக்கலாம் வரீங்களா??

போன பதிவை படிக்காதவங்க,அதை ஒரு சுத்து படிச்சிட்டு வந்துடறது நல்லது.

Manual என்று நான் இங்கு குறிப்பிடுவது, லென்ஸ் விட்டம் அல்லது ஷட்டர் வேகம் அல்லது இரண்டையுமே நாமே தீர்மானித்து படம் எடுக்கும் முறையை சொல்கிறேன்.

முதலில் ஆட்டோ மோடை விட்டு விட்டு Av,Tv,M ஆகிய மோட்களில் படம் பிடிப்பதால் என்ன பயன் என்று தெரிந்துக்கொள்வோம்.

ஆட்டோ மோடில் கேமரா தனக்கு ஏற்றார்போல் எல்லா அளவுகளையும் நிர்ணயித்துக்கொள்ளும் என்பதால் நமக்கு வேண்டியபடி படம் எடுக்க வேண்டும் என்றால் அது சரிப்பட்டு வராது.உதாரணத்திற்கு உங்கள் படத்தில் மிகக்குறைந்த DOF-உடன் (shallow Depth Of Field) உங்கள் கருப்பொருள் தனித்து நிற்பது போன்ற படம் வேண்டும் என்றால்,அதற்கு நீங்கள் உங்கள் லென்ஸின் அதிக பட்ச விட்ட அளவை உபயோகித்துக்கொள்ள விரும்புவீர்கள்.

Lesser f number = wider aperture = shallow DOF

குறைந்த f நம்பர் = அதிக லென்ஸ் விட்டம் = குறைவான குவிய ஆழம்

ஆனால் ஆட்டோ மோடில் படம் எடுத்தால் உங்கள் இஷ்டப்படி உங்களால் லென்ஸின் விட்டத்தை நிர்ணயித்துக்கொள்ள இயலாது!! இது போன்று, நீங்கள் படம் எடுக்கும்போது உங்களுக்கு முழு சுதந்திரம் வேண்டுமென்றால் நீங்கள் Av,Tv,M ஆகிய மோட்களில் படம் எடுக்க பழகிக்கொள்வது நல்லது.

இது கற்பதற்கும் சுலபம்தான்,கூடவே சுவாரஸ்யமான விஷயமும் கூட. சிலருக்கு Manual என்ற பெயரை கேட்டாலே சற்றே தலை சுற்ற ஆரம்பித்து விடும்! எதற்கு இவ்வளவு கஷ்டப்பட வேண்டும் ,ஒரே ஒரு பொத்தானை அழுத்தினால் முடிந்துவிடக்கூடிய விஷயத்திற்கு இவ்வளவு மெனக்கெடுவானேன் என்று விட்டு விடுவார்கள். இந்த பதிவை பார்த்து சற்றே நேரம் செலவழித்து முயன்று பாருங்களேன். சரிப்பட்டு வரவில்லை என்றால் திரும்பவும் ஆட்டோ மோடிற்கே சென்று விடலாம்.முயன்று பார்த்தால் தான் என்ன ?? இதை கற்றுக்கொண்டால் ஒரு விஷயத்தை புரிந்துக்கொண்டு செய்யும் திருப்தியாவது கிடைக்கும். என்ன நான் சொல்வது சரிதானே?? ;)

சரி!! ஆரம்பிப்பதற்கு முன் நம்மிடம் தேவையான பொருட்கள் என்னென்ன என்று பார்க்கலாமா? முதலில் வேண்டியது ஒரு கேமரா! அதில் Av,Tv,Manual ஆகிய மோட்களில் படம் எடுக்கக்கூடியதாக இருக்க வேண்டும். அதன் பின் உங்கள் கேமராவில் வெவ்வேறு அளவுகளை மாற்றிக்கொள்வது எப்படி என்று உங்களுக்கு தெரிந்திருக்க வேண்டும்!! தெரியவில்லை என்றால் உங்கள் கேமராவின் செயல்குறிப்புப்புத்தகத்தை(operation manual) எடுத்து வைத்துக்கொள்ளுங்கள்.அது இல்லையென்றால் இணையத்தில் தேடிப்பிடித்தாலும் சரிதான்.

அப்புறம் உங்களிடம் முக்காலி(ட்ரைபாட்) இருந்தால் ஷட்டர் வேகம் குறைவாக உள்ள படங்கள் எடுக்க வசதியாக இருக்கும். அது இல்லையேல் உங்கள் கேமராவை ஏதாவது தட்டையான மற்றும் கடினமான ஒரு பரப்பில் இருத்திக்கொள்ளுங்கள்.

நீங்கள் கேமராவை பொருத்தும் இடம் உங்கள் கருப்பொருளை படம் பிடிக்க வாட்டமாக இருக்க வேண்டும் என்பதை மறக்க வேண்டாம் ஏற்பாடுகள் எல்லாம் ஆகிவிட்டதா??? சரி இப்போ Manual-இல் படம் எடுக்கலாம் வாங்க.

முதலில் நாம் எடுக்கப்போவது Av மோடில்! போன பதில் குறிப்பிட்டது போல இந்த மோடில் லென்ஸின் விட்டத்தை நாம் தேர்ந்தெடுத்துக்கொள்ள அதற்கேற்ப ஷட்டரின் வேகத்தை கேமராவே தீர்மானித்துக்கொள்ளும். முதலில் இந்த படப்பிடிப்புக்கு தேவையான கருப்பொருளை தேர்ந்தெடுத்துக்கொள்ளலாம். அது என்ன தனியா தேர்ந்தெடுத்துக்கிட்டு?? ஏதோ கண்ணுல மாட்டுனத கப்புனு புடிக்க வேண்டியதுதானே அப்படின்னு கேக்கறீங்களா?? நம்மளோட இன்றைய பாடத்தின் பலனை சுலபமாக புரிந்துக்கொள்ள DOF நிறையவே மாறுபடும் கருப்பொருள் கிடைத்தால் நன்று.

அதாவது உங்கள் கருப்பொருளின் முன்னாலேயும் பின்னாலேயும் பொருட்கள் இருந்தால் ,லென்ஸ் விட்டத்தின் மாறுபாடுகளினால், அவற்றின் மேல் கேமராவின் ஃபோகஸ் எந்த அளவு மாறுபடுகிறது என்பதை புரிந்துக்கொள்ள வசதியாக இருக்கும். உதாரணத்திற்கு ஒரு மேஜையின் மேல் மூன்று பொருட்கள் இருப்பது போன்று தேர்ந்தெடுத்துக்கொள்ளலாம். அப்பொழுதுதான் அந்த பொருட்களில் நடுவில் உள்ள பொருள் மட்டும் தெளிவாக தெரிவது போல ஒரு படம் ,அந்த பொருட்கள் மூன்றுமே தெளிவாக உள்ளது போன்ற படம் என்று மாற்றி மாற்றி எடுத்து லென்ஸ் விட்டத்தின் மகத்துவத்தை பற்றி அறிந்துக்கொள்ளலாம்.

சரி! உங்கள் கருப்பொருளை முடிவு செய்துக்கொண்ட பின்,உங்கள் கேமராவை அதற்கேற்ப பொருத்திவிட்டு,கேமராவின் மோடை Av-கு மாற்றிக்கொள்ளுங்கள். பின்னர் உங்கள் லென்ஸின் விட்டத்தை முடிந்தவரை பெரிதான அளவிற்கு செட் செய்துக்கொள்ளுங்கள்.ஒவ்வொரு லென்ஸின் அதிகபட்ச விட்ட அளவு அந்தந்த லென்ஸின் மேலேயே குறிப்பிடப்பட்டிருக்கும். என்னுடைய கிட் லென்ஸில் அதிகபட்ச விட்ட அளவு f5.6. உங்கள் லென்ஸின் குறைந்தபட்ச எஃப் நம்பர் லென்ஸின் அதிகபட்ச விட்டத்தின் அளவுகோல் என்பதை மறக்க வேண்டாம். இப்பொழுது உங்கள் ஷட்டரை லேசாக அழுத்துங்கள்! உங்கள் கருப்பொருளின் மேல் ஃபோகஸ் செட் ஆகி விடும்.நீங்கள் வைத்திருக்கும் முன்று பொருட்களில் நடுவில் உள்ள பொருளின் மீது உங்கள் கேமராவின் ஃபோகஸ் செட் ஆகுமாறு பார்த்துக்கொள்ளுங்கள்.

உங்கள் காட்சியின் ஒளியமைப்புக்கு ஏற்றார்போல், உங்கள் கேமரா, ஷட்டரின் வேகத்தை தீர்மானித்துக்கொள்ளும்.இப்பொழுது Manual-இல் படம் பிடிக்கும் போது நாம் கவனிக்க வேண்டிய அதிமுக்கியமான விஷயத்தை பற்றி நாம் பார்க்கப்போகிறோம்

அது ரொம்ப முக்கியம் என்பதால் இந்த பகுதியில சொன்னா அதிகப்படியா போயிடும்! அதனால அதை விலாவாரியா அடுத்த பகுதியில சொல்றேன்! சரியா???

அட!! எதுக்குங்க அதுக்குள்ள கல்லை எடுக்கறீங்க?? அடுத்த பகுதியை உடனே போட்டுடறேன்!!

ஒரே பதிவா இருந்தா ரொம்ப நீளமா இருக்குமேன்னு தான் இரண்டாக பிரித்துப்போடுகிறேன்.

ஓகேவா??

இப்போ எனக்கு உத்தரவு கொடுங்க!! வரட்டா?? ;)

--தொடரும்..

மு.கு:
இந்த பதிவில் வரும் aperture,shutter speed போன்ற கலைச்சொற்களுக்கு அர்த்தம் தெரியவில்லை என்றால் சைடுபாரில் உள்ள பதிவுகளில் பார்த்துத்தெரிந்துக்கொள்ளுங்கள்.

நமது கேமராக்களில் பார்த்தீர்கள் ஷட்டர் பொத்தானிற்கு பக்கத்திலேயே ஒரு dial பொருத்தப்பட்டிருப்பதை பார்த்திருப்பீர்கள்.அதில் Av,Tv என்று வெவ்வேறு வகையான modes குறியிடப்பட்டிருக்கும்.ஆனால் நாம் அதை பற்றியெல்லாம் அவ்வளவாக கண்டுக்கொள்வது கிடையாது.எப்போதும் auto mode-இல் கேமராவை பொருத்திவிட்டு அதிலேயே எல்லா படங்களையும் எடுத்துக்கொண்டிருப்போம்.
எனக்கு தெரிந்து ஒருவர் தனது DSLR கேமராவிலும் கூட auto mode மட்டுமே பயன்படுத்தி படங்களை எடுப்பார்!!!
Auto mode பயன்படுத்துவதாக இருந்தால் அவர்களுக்கு SLR எதற்கு?? சாதாரண point and shoot கேமரா மட்டுமே போதுமே என்று நான் நினைத்துக்கொள்வேன்.
இவ்வளவு காசு கொடுத்து வாங்கிவிட்டு நம் கேமராவின் பெரும்பாலான பயன்பாடுகளை இப்படி பயன்படுத்தாமல் இருந்தால் எப்படி??
வாங்க இந்த modes ஒவ்வொன்றாக என்னவென்று பார்க்கலாம்.
கேமரா என்றாலே ஒரு துளையின் விட்டத்தையும் அது திறந்திருக்கும் நேரத்தையும் கட்டுப்படுத்தி ஒளியை சேமிக்கும் கருவி என்று சுருக்கமாக சொல்லிடவிடலாம்.இப்பொழுது வரும் எல்லா கேமராக்களிலும் கண்டமேனிக்கு பல modes இருந்தாலும் ஒளியின் அளவை நேரிடையாக கட்டுப்படுத்தும் சில அடிப்படையான modes-ஐ பற்றி இந்த பதிவில் பார்க்கலாம்.

Auto Mode:
உங்கள் கேமராவில் Auto என்றோ அல்லது ஒரு சிறிய சதுரம் கொண்டு இந்த வகை குறியிடப்பட்டிருக்கும்.பேருக்கேற்றார்போல் இந்த வகையில் அனைத்தும் கேமராவின் கையில்.துளையின் விட்டம்,ஷட்டர் வேகம்,ISO,White balance,ப்ளாஷ் உபயோகிக்கலாமா வேண்டாமா இப்படி சகலமும் கேமராவே தீர்மானித்துக்கொள்ளும்.நீங்கள் காட்சியை நோக்கி க்ளிக் செய்தால் மட்டும் போதும்.ஷட்டரை பாதி அழுத்தும்போதே காட்சியில் எவ்வளவு ஒளி இருக்கிறது என்று தீர்மானித்து அதற்கேற்றார்போன்ற அளவுகளை கேமரா தானே ஊகித்து படம் எடுத்துவிடும்.ஒளி கம்மியாக இருக்கும் பட்சத்தில் ப்ளாஷை தானாக பயன்படுத்திக்கொள்ளும்.
இந்த mode தவிர மற்ற எல்லா mode-களிலும் ISO,White balance,ப்ளாஷ் உபயோகிக்கலாமா வேண்டாமா போன்றவற்றை நீங்களே முடிவு செய்துக்கொள்ளலாம்.
நீங்கள் SLR வைத்திருக்கும் பட்சத்தில் இந்த வகையை உபயோகித்தால் SLR வைத்திருப்பதற்கே அர்த்தம் இல்லை என்றுதான் சொல்லவேண்டும். ஏனென்றால் ஒளியின் அளவு நமது விருப்பத்திற்கேற்க கூட்டவோ குறைக்கவோ பிரத்தியேகமாக உருவாக்கப்படுவது SLR கேமராக்கள்!! அதை வாங்கி வைத்துக்கொண்டு முழுவதுமாக தானியங்கி முறையில் உபயோகித்தால்,ஐந்து கியர் கொண்ட ஒரு காரை வாங்கிவிட்டு ஆட்டோகியரில் ஓட்டுவது போல!


Program Mode:(P)
இந்த வகையில் காட்சிக்கு ஏற்றார்போல் aperture மற்றும் ஷட்டர் வேகத்தை மட்டும் கேமரா முடிவெடுத்துக்கொள்ளும்.மற்றபடி ISO,whitebalance போன்றவற்றை நீங்களே நிர்ணயித்துக்கொள்ளலாம்.காட்சியை பார்த்து பொத்தானை பாதி அழுத்திய உடனேயே ஒளியின் அளவை கணித்து aperture மற்றும் ஷட்டர் வேகத்தை கேமராவே நிர்ணயித்து விடும். ஒளி குறைந்திருந்தால் அதற்கேற்றார்போல் ஷட்டர் வேகத்தை குறைத்துக்கொள்ளுமே தவிர ப்ளாஷ் உபயோகிக்கப்பட மாட்டாது.
முழுவதுமாக auto mode-இல் உபயோகிப்பதை விட இந்த முறை சற்றே தேவலாம். கேமரா வாங்கிவிட்டு புகைப்படக்கலையை கற்க ஆரம்பிக்கும் ஒருவர்,தொடக்கத்தில் manual mode பழக்கமாவதற்கு முன் இந்த வகையை உபயோகிக்கலாம்

Av mode:
பெரும்பாலான SLR பயனர்கள் அதிகமாக பயன்படுத்தும் வகை இது என்று சொல்லலாம்.
உங்கள் கேமராவின் aperture எனப்படும் துளையின் விட்டத்தை நீங்களே முடிவு செய்ய வேண்டும் என்று விரும்பினால் நீங்கள் இந்த வகையை பயன்படுத்தலாம்!!aperute-ஐ பொருத்தவரை அதன் அளவை பொருத்து படத்தில் பெருமளவு மாறுதல் ஏற்படும்.உதாரணத்திற்கு துளையின் விட்டம் குறைவாக இருந்தால் அப்பொழுது தூரத்தில் இருக்கும் பொருள் கூட நன்றாக தெளிவாக பதியுமாறு wider depth of field(DOF)-உடன் படம் எடுக்கப்படும்.கேமராக்களில் இருக்கும் Landscape mode-ஐ நீங்கள் தெரிவு செய்தால் இருக்கும் ஒளிக்கு ஏற்ற மிக குறிகிய துளையின் விட்டத்தை கேமரா தெரிவு செய்துக்கொள்ளும்.ஏனென்றால் அப்பொழுது தான் நீங்கள் எடுக்கும் காடு,நாடு,மேடு மலை ஆகிய எல்லாமும் சரியான தெளிவோடு கேமராவில் பதிவாகும்.
aperture-இன் விட்டம் அதிகமாக அதிகமாக கேமராவின் f-number குறைவாகிக்கொண்டே போகும் என்பதை மறக்க வேண்டாம்.
இதே போல் துளையின் விட்டம் அதிகமாக இருந்தால் காட்சியின் ஒரு சிறு தூரத்திற்கு மட்டும் focus set ஆகுமாறு DOF shallow-வாக அமைந்துவிடும்.கேமராக்களில் உள்ள portrait mode-ஐ நீங்கள் தேர்ந்தெடுத்தால் அது காட்சியின் ஒளிக்கு ஏற்ப முடிந்த வரை அதிகமான துளையின் விட்ட அளவை தெர்ந்தெடுத்துக்கொள்ளும் அப்பொழுதுதான் நீங்கள் எடுக்கும் மக்கள் பிண்ணனியில் இருந்து பிரிந்து பளிச்சென்று தெளிவாக தெரிவார்கள்.
இப்படி துளையின் விட்டத்தை மாற்றுவதால் படத்தின் போக்கே மாறிவிடும் என்பதால்,பலர் இந்த Av mode-ஐ உபயோகிக்கிறார்கள்.இந்த வகையில் துளையின் விட்டத்தை நீங்கள் தேர்ந்தெடுத்துக்கொள்ளலாம்,அதற்கு ஏற்ப ஷட்டரின் வேகத்தை கேமரா தேர்ந்தெடுத்துக்கொள்ளும்.

Higher fnumber - shorter aperture - wider DOF(f/13.0)

Lower fnumber - wider aperture - shallow DOF(f/1.8)

Tv Mode:
இந்த வகையில் கேமராவின் ஷட்டர் வேகத்தை நீங்கள் தேர்ந்தெடுத்துக்கொள்ள,அதற்கேற்ப துளை விட்டத்தை (aperture) கேமரா கணித்துக்கொள்ளும். பல சமயங்களில் நமக்கு ஒரு சில மணித்துளிகளில் ஒரு காட்சி பதிவு செய்யவேண்டியிருக்கும்(உதாரணத்திற்கு தண்ணிர் தெரிக்கும் காட்சி,ஒரு நீச்சல் வீரர் நீரில் குதிக்கும் காட்சி போன்றவை) சில வேறு நேரங்களில் நமக்கு ஷட்டர் குறைவான வேகத்தில் இருக்க வேண்டி வரும்.(இரவில் வாகனங்கள் விட்டுச்செல்லும் ஒளியை கோடு போல படம் பிடிக்க,அருவியில் விழும் நீரை படம் பிடிக்க,இரவில் படம் பிடிக்க.... போன்றவை)
இப்படி ஷட்டர் வேகத்தை நமக்கு மாற்ற வேண்டிய சந்தர்ப்பம் வரும் நேரங்களில் இந்த வகையான mode-ஐ பயன்படுத்திக்கொள்ளலாம்.துளையின் விட்டத்தின்(aperture) அளவை கேமரா பார்த்துக்கொள்ளும்.

Faster shutter speed(1/100s) - capturing action

Slower shutter speed(30s) - Traffic trails

Manual mode:(M)
இது முழுக்க முழுக்க நாமாகவே எல்லாவற்றையும் கட்டுப்படுத்தக்கூடிய ஒரு வகை.இதில் ஷட்டரின் வேகம்,துளையின் விட்டம் என எல்லா அளவையும் நாமே நிர்ணயித்துக்கொள்ளலாம்.புகைப்படக்கலையின் தொடக்கநிலையில் இருக்கும் ஒருவருக்கு இந்த வகையில் படம் பிடிப்பது குழப்பத்தையும்,அயற்சியையும் தரலாம் என்பதால்,சற்றே இந்த கலையை பழகிவிட்ட பின் இதை உபயோகப்படுத்த எல்லோரும் விரும்புவார்கள்.அதிலும் படம் எடுப்பதற்கு முன் நாமே அளவுகளை தேர்ந்தெடுக்க வேண்டும் என்பதால் இதை உடனடியாக படம் எடுக்க வேண்டிய சந்தர்ப்பங்களில(பறவை,மிருகம் போன்ற அசைந்துக்கொண்டிருக்கும் பொருட்கள்)் உபயோகப்படுத்த முடியாது.நல்ல ஆற அமர நேரம் இருக்கும் சமயங்களில்(அசையாத பொருட்கள்) இதனை பயன்படுத்தலாம்!!
ஆனால் நல்ல அனுபவமுள்ள புகைப்படக்கலைஞர்கள் இந்த முறையையே உபயோகிக்க விரும்புவார்கள்!!தனக்கு வேண்டியவாறு படத்தின் தன்மையை நுணுக்கமாக மாற்றியமைக்க முடியும் என்பதால் இந்த முறை அவர்களுக்கு பிடிக்கும்.பழக்கம் காரணமாக பெரிதாக நேரம் எடுத்துக்கொள்ளாமல் கண நேரத்தில் எல்லா அளவுகளையும் நிர்ணயித்து பட்டென படம் எடுத்துவிடுவார்கள்!! :-)

இப்படியாக நமது கேமராவில் வெவ்வேறு Exposure mode-கள் உள்ளன.உங்கள் கருத்துக்களையும் கேள்விகளையும் பின்னூட்டத்தில் தெரிவியுங்கள்.கலந்தாலோசிக்கலாம்.
அப்படியே நீங்கள் உங்கள் கேமராவில் வழக்கமாக எந்த mode-இல் படம் எடுப்பீர்கள் என்று பின்னூட்டத்தில் தெரிவித்து விட்டு செல்லலாமே!!
வரட்டா??? :-)


பி.கு:இது தவிர கேமராவில் auto focussing,manual focussing என்று ஒரு சங்கதி உண்டு.அதை இத்துடன் போட்டு குழப்பிக்கொள்ள வேண்டாம்!

இன்னைக்கு இணையத்துல ஒரு அற்புதமான நிகழ்படம் கிடைத்தது!!

இரவில் புகைப்படங்கள் எடுக்க (Night photography) உங்கள் SLR கேமராவை எப்படி பயன்படுத்தலாம் என்பது தான் அது.எப்படி குழந்தைக்கு சொல்லித்தருவது போல் சொல்லியிருகிறார் பாருங்கள்!!சொன்னது SLR கேமராவிற்கு என்று குறிப்பிட்டாலும் அவர் சொல்லும் குறிப்புகள் aperture மற்றும் ஷட்டர் வேகம் மாற்றக்கூடிய எல்லா கேமராக்களுக்கும் பொருந்தும்.
:-)



அவரு இங்கிலீபீசுல என்னவோ சொல்லுறாரு,எனக்கு ஒன்னும் புரியலபா என்கிறீர்களா???
அவர் சொல்வதின் சாராம்சம் இதுதான்.

1.)இரவுப்புகைப்படக்கலையில் முக்கியமான இரண்டு விஷயங்கள்
அ.) உங்கள் கேமராவில் முடிந்த அளவுக்கு ஒளி உட்புகுமாறு பார்த்துக்கொள்வது.இதற்கு aperture மற்றும் ஷட்டரின் வேகத்தை தேவையான அளவுக்கு மாற்றிக்கொள்ள வேண்டும்.
ஆ.)அப்படி செய்யும் போது உங்கள் கேமரா அதிராமல்/அசையாமல் பார்த்துக்கொள்வது

2.)உங்கள் கேமராவை manual mode-இற்கு மாற்றிக்கொள்ளுங்கள் .

3)உங்கள் லென்ஸின் aperture-ஐ முடிந்த வரை பெரியதாக ஆக்கிக்கொள்ளுங்கள். f number எவ்வளவுக்கெவ்வளவு சிறியதாக இருக்கிறதோ உங்கள் லென்ஸ் துளையின் விட்டம் அவ்வளக்கவ்வளவு பெரியதாக இருக்கிறது என்று பொருள்.இதை பற்றி மெலும் அறிய இந்த பதிவுக்கு செல்லுங்கள்.

4.)இப்பொழுது உங்கள் கேமராவின் ஷட்டர் வேகத்தை மாற்றி மாற்றி போட்டு நல்ல படம் எடுக்க முயலுங்கள்! அதிக மாக வேகம் இருந்தால் ஒளி உட்புகுவதற்கான நேரம் குறைந்து படம் இருட்டாகிவிடும்,வேகம் குறைவாக இருந்தால் உள்ளே உட்புகும் ஒளியின் ஆளவு அதிகமாகி படம் வெளிரிப்போய் விடும்.
உங்கள் SLR கேமராவில் aperture மாற்றுவது எப்படி,ஷட்டரின் வேகத்தை மாற்றுவது எப்படி என்பதை எல்லாம் உங்கள் கேமராவின் manual-ஐ பார்த்தால் தெரிந்து விடும்.

5.)இரவில் புகைப்படம் எடுக்க பொதுவாக குறைந்த அளவு ஷட்டர் வேகம் தேவைப்படும் என்பதால் படம் எடுத்து முடிக்கும் வரை கேமரா அசையாமல் இருக்க முக்காலியை (tripod)பயன்படுத்துங்கள்.
முக்காலி இல்லையென்றால் ஏதாவது நிலையான தரையில் கேமராவை பொருத்தி படம் எடுப்பது உசிதம்.
கேமராவை க்ளிக் செய்யும் பொது கூட சில அதிர்வுகள் ஏற்படும் என்பதால் கேமராவில் timer-ஐ செட் செய்து படம் எடுப்பது மிக உபயோகமான உத்தி!

6.)அப்புறம் என்ன?? ஷட்டர் வேகத்தை மாற்றி மாற்றி படங்களை சுட்டு தள்ளுங்க!! ஒளியின் அளவை மாற்றி மாற்றி போட்டு,படத்திற்கு கனக்கச்சிதமான அளவு ஒளி அமைந்த படத்தை எடுத்து மகிழுங்கள்!! சித்திரமும் கைப்பழக்கம் என்பது போல புகைப்படமும் விரல்ப்பழக்கம் தான்!!

இனிமே இரவில் அழகழகான படங்கள் எடுக்க வாழ்த்துக்கள்!!
போகறதுக்கு முன்னாடி உங்களுக்காக ஒரு உதாரணம்,exif தகவல்களுடன்.


Camera: Canon EOS Digital Rebel XTi
Exposure: 8 sec (8)
Aperture: f/4
Focal Length: 30 mm
ISO Speed: 100

இந்த மாத போட்டி ஆரம்பித்த போதே ஒவ்வொரு படத்துக்கும் விமர்சனம் தர முயல வேண்டும் என்று முடிவெடுத்து விட்டேன். ஒவ்வொரு படத்திற்கும் விமர்சனம் எழுதும் போதும் நிறைய விஷயங்களை திரும்பத்திரும்ப சொல்வது போன்ற ஒரு உணர்வு ஏற்படாமல் இல்லை.அப்படி பரவலாக பல படங்களை பார்த்து சொல்லத்தோன்றிய சில பொதுவான விமர்சனங்கள் இதோ.

அதுக்கு முன்னாடி ஒரு முக்கியமான டிஸ்கி: இந்த விமர்சனங்கள் பல நேயர்களின் விருப்பத்திற்கேற்ப பங்கேற்பாளர்களுக்கு உபயோகமாக இருக்கும் என்ற எண்ணத்தில் வழங்கப்படுகிறது!! இதன் மூலம் யாரையும் புண்படுத்தும் எண்ணம் இல்லை.ஏதாவது விமர்சனம் தவறாக பட்டால் கோபித்துக்கொள்ள வேண்டாம்!! :-)

சரி ! இப்போ விமர்சனங்களுக்கு போலாமா??

தலைப்பு:
தலைப்பு வட்டம்னு வெச்சதால படத்துல எங்கேயாச்சும் வட்டம் இருந்தா போதும்னு நினைத்துக்கொள்ள வெண்டாம். படத்தை பார்த்தால் பார்ப்பவரின் மனதில் போட்டியின் தலைப்பு தோன்றினால் அதுவே தலைப்புக்கு பொருந்தும் படம்!! நிறைய நல்ல படங்கள் வரும்போது தலைப்போடு எந்த அளவுக்கு ஒத்துப்போகிறதோ அந்த அளவுக்கு தேர்ந்துடுக்கப்படுவதற்கான வாய்ப்பு அதிகமாகும் என்பதை மறக்க வேண்டாம்!! போட்டிகளில் படம் தேர்ந்தெடுக்கப்படுவதில் மிக முக்கியமான ஒரு criteria,relevance to topic!

படத்தின் சிறப்பு:
நாம் அன்றாடம் காணும் பொருட்களை அப்படியே படம் பிடித்து அனுப்பினால் அது பார்ப்பவரின் மனதில் எந்த வித மாற்றத்தையும் ஏற்படுத்தாது.பொருட்களை சற்றே மேலே,கீழே,தூரம்,பக்கம் என்று பல்வேறு கோணங்களில் எடுக்க முயற்சி செய்து அந்த பொருளை சற்றே வித்தியாசமான கண்ணோட்டத்தில் படம் பிடிக்க முயலுங்கள். நூற்றுக்கணக்கான படங்கள் வரும் போது உங்கள் படம் பளிச்சென வித்தியாசமாக தெரிய வேண்டும் என்றால்,உங்கள் படத்தின் கோணம்,ஒளியமைப்பு ஆகிய எதிலாவது ஏதேனும் சிறப்பு இருப்பது அவசியம்.

காட்சியமைப்பு:
Rule of thirds,Leading lines மற்றும் இன்னபிற காட்சியமைப்பு உத்திகள் பற்றி இந்த பதிவில் ஏற்கெனவே குறிப்பிட்டிருக்கிறோம்.உங்கள் படத்தில் கருப்பொருள் தெளிவாக அடையாளம் தெரியுமாறு காட்சியில் பொருத்துவது உங்கள் படம் அழகாக தெரிவதற்கு இன்றியமையாதது.கருப்பொருளை நட்ட நடுவில் வைக்காமல் offcenter-ஆக படத்தில் நிறுத்துவது ஒரு அடிப்படையான காட்சியமைப்பு குறிப்பு.

கருப்பொருளை தனிப்படுத்துங்கள்:
உங்கள் படத்தில் கருப்பொருளை தனியாக தெளிவாக தெரியுமாறு செய்வது,திசை திருப்பங்கள் ஏதும் இல்லாமல் பார்வையாளர்கள் படத்தை விட்டு கண்ணை அகலவிடாமல் கட்டிப்போட்டு விடும். DOF,Contrast,colors இப்படி பல விஷயங்கள் மூலம் கருப்பொருள் காட்சியில் தனியாக தெரியுமாறு செய்யலாம்.அதுவுமில்லாமல் பின்னால்,பக்கத்தில் தேவை இல்லாத பொருட்கள் இல்லாமல் பார்த்துக்கொள்வது,மற்றும் பின்னணியில் இருக்கும் காட்சி கருப்பொருளுக்கு complementing ஆக இருப்பது உங்கள் படம் சுவாரஸ்யமாக வழிவகுக்கும்.
போட்டிக்கு அனுப்பும் படங்களில் நேரம்/தேதி ஆகியவை இருந்தால் அந்த படம் ரொம்ப amateurish ஆக தெரியும்.

பிற்தயாரிப்பு:
பிற்தயாரிப்பு செய்வதன் முக்கியத்துவத்தை பற்றி பல இடுகைகள் இந்த பதிவில் பார்த்திருக்கிறோம்.காட்சியமைப்பு,contrast.black and white போன்ற சிறு சிறு வேலைகள் செய்வதன் மூலம் உங்கள் படத்தின் தரம் பல மடங்கு அதிகமாகும். படத்தில் border போட்டு உங்களின் கையொப்பத்தை கலையுணர்வுடன் பதித்து அனுப்பினால் அது அந்த படத்தை வெகு professional ஆக்கி விடும்.

படத்தின் pixel தரம்:
உங்கள் கண்ணோட்டம் காட்சியமைப்பு போன்றவை எவ்வளவு ஆழகாக இருந்தாலும் படம் சொர சொர வென்று பொலிவிழந்து காணப்பட்டால்,அந்த படத்தை யாருக்கும் பிடிக்காது.சரியான ஒளியமைப்பு,resolution setting,ISO இவையெலலாவற்றையும் விட ஒரு ஒழுங்கான கேமரா போன்ற விஷயங்களில் கவனம் செலுத்தி படம் பளிச்சென grainy ஆக இல்லாமல் பார்த்துக்கொண்டால் நலம்.

இப்பொழுது இந்த மாதம் வந்த படங்கள் ஒவ்வொன்றாக பார்ப்போமா?? :-)


இம்சை :
1.)குழந்தை கொள்ளை அழகு! கண்ணில் ஒளி படத்தின் சிறப்பை கூட்டுது!! படம் கொஞ்ச்ச்ச்சம் ஷேக் ஆகி இருக்கு!!மற்ற படங்களோடு ஒப்பிடும் பொழுது தலைப்போடு ஒத்து வராதது போன்ற உணர்வு.
2.) மிக சாதாரணமாக தோன்றும் படம்! ப்ளாஷ் போட்டதால் படத்தின் ஜீவன் குலைந்து விட்டதாக ஒரு உணர்வு.

ரமேஷ்
1.) அழகான வண்ணங்கள்,நல்ல காட்சியமைப்பு,Nice contrast.
2.)நல்ல கண்ணோட்டம் மற்றும் ஒளி அமைப்பு,ஆனாலும் சற்றே மங்கிப்போனது போன்ற தோற்றம் படத்தை சாதாரணமாக்கி விடுகிறது.


ஷோனா
1.)பளிச்சென்ற நிறங்கள்,சிறப்பான க்ளோஸ் அப் படம்,தலைப்போடு ஒத்துப்போவதில் குறைபாடு.
2.)நல்ல நிறங்கள்,சிறப்பான DOF ,நல்ல க்ளோஸ் அப் படம்,திரும்பவும் தலைப்போடு ஒத்துப்போவதில் குறைபாடு.படத்தில் கொஞ்சம் காண்ட்ராஸ்ட் கூட்டி,பிக்காஸாவில் darken செய்திருந்தால் பார்ப்பதற்கு இன்னும் நன்றாக இருக்கும்.

கேசவன்
1.) மிக அருமையான படம்,ஆனால் தலைப்புக்கு அவ்வளவாக பொருந்தவில்லை.

சின்ன அம்மிணி
1.)tight composition.சுத்தி கொஞ்சம் அதிகமாக இடம் கொடுத்திருந்தால் இன்னும் நன்றாக இருந்திருக்கும்.நடு வெயிலில் எடுத்ததால் நிறங்கள் உயிரில்லாமல் ஒரேடியாக பளிச்சென்று இருக்கின்றன.
2.)திரும்பவும் ஒரேயடியாக நெருக்கமாக படம் அமைந்து விட்டது போன்ற உணர்வு.வட்டம் முழுவதுமாக இல்லை,சுற்றிலும் நிறைய distractions வேற.

மஞ்சு
1.)நிமிர்ந்து பார்த்து மேலிருக்கும் வட்டத்தை கவனித்ததை பாராட்டலாம்,Picasa-வில் warmify செய்து,பின் கொஞ்சம் darken செய்திருந்தால் நன்றாக இருக்கும். ஜன்னல்களினால் படத்தில் distraction.காட்சியமைப்பில் இன்னும் சற்று கவனம் செலுத்தியிருக்கலாம்.
2.)கருப்பொருளை நட்ட நடுவே வைக்காமல் சற்றே off center-ஆக வைத்தால் படத்தில் சுவாரஸ்யம் கூடும்.முடிந்தால் ஜூம் செய்து தெரு விளக்கு மற்றும் பக்கத்தில் உள்ள கட்டிட விளக்குகள் ஆகிய distractions ஆகியவற்றை தவிர்த்திருக்கலாம்,அல்லது crop செய்திருக்கலாம்.

சூரியாள்
1.) நல்ல subject selection.படத்தை straighten செய்து மற்றும் darken செய்திருந்தால் நன்றாக இருக்கும். வட்டம் என்பது நமது தலைப்பு என்பதால் காட்சியின் பெருன்பான்மையான பகுதி வட்டமாக அமையுமாறு படத்தை அமைத்திருந்தால் நன்றாக இருந்திருக்கும்.
2.)ஏதோ கிராபிக்ஸ் செய்திருக்கிறார் போல் இருந்தது.

உண்மை
1.) தரமான இரவுக்காட்சி!! சக்கரத்தை இன்னும் கொஞ்சம் வலப்புறம் அமையுமாறு இருந்தால் நன்றாக இருந்திருக்கும்.வலப்புறம் ஒட்டிக்கொண்டிருக்கும் Happy New year banner-ஐ காட்சியமைப்பில் தவிர்த்திருக்கலாம்,அல்லது crop செய்திருக்கலாம்.
2.)மிக அற்புதமான selective coloring. ஆனால் திரும்பவும் காட்சியமைப்பில் சற்றே குறைபாடு. கண் வலது பக்கம் பார்த்துக்கொண்டிருப்பதை போல உள்ளதால் வலது புறம் சற்றே அதிக இடம் விட்டிருக்க வேண்டும்.அல்லது கண் இடது ஓரத்தில் அமையுமாறு crop செய்திருக்கலாம்.என் கணினியில் இதை செய்து பார்த்தால் படம் பல மடங்கு அழகானது போல தோன்றியது.

துளசி டீச்சர்
1.)Nice perspective.ஆனால் பதிவில் உள்ள எல்லா படத்தையும் அதே கோணத்தில் எடுத்திருக்கிறார்.சற்றே காட்சியமைப்பை மாற்றி முயன்று பார்க்கலாம்.படத்தில் தேதி இட்ட புகைப்படங்கள் போட்டியில் பார்க்கும் போது மிக amateurish-ஆக தோன்றிவிடுகிறது.
2.)முதல் படம் போன்றே ஒரே மாதிரியான காட்சியமைப்பு.ஃப்ளாஷினால் படத்தில் செயற்கைத்தனம் ஒட்டிக்கொண்டு விடுகிறது.தரையின் கார்பெட் வண்ணம் வேறு அவ்வளவாக சோபிக்க வில்லை


நியோ
1.)Contrast அதிகமாக்கி சூரியனை சுத்தி உள்ள மற்ற விஷயங்களை கொஞ்சம் இருட்டாகி இருந்தால் அழகாகி இருந்திருக்கும் வட்டமும் highlight ஆகி இருக்கும்.
2.)subject என்ன என்பதில் சற்றே குழப்பம்.வட்டத்தை எடுத்து காட்ட வேண்டும் என்றால் சாலையை முழுமையாக காட்டியிருக்க வேண்டும்.மேலும் குமிழ் போன்ற மேலெழும்பிய தரை பரப்பு மிகவும் ஓரமாகிப்போணாறபோன்ற உணர்வு.Circle is not clearly portrayed in this picture.

லக்ஷ்மணராஜா:
1.)நல்ல creative-ஆன படம்!! ஆனாலும் ஒரே dark and gloomy effect ஆகிபோனாற்போன்ற உணர்வு
2.)Interesting perspective,ஆனா அவ்வளவா தலைப்போடு பொருந்தாதது போன்ற உணர்வு.

தமிழ் பிரியன்
1.)படத்தில் பல்வேறு வட்டங்கள்.கவனம் முழுமையாக செலுத்த ஒரு தெளிவான கருப்பொருள் இல்லாத்தால் படத்தில் சிறப்பாக எதுவும் தெரியவில்லை.
2.) இந்த படமும் மிக சாதாரணமாக தோன்றும் படம்,சற்றே வித்தியாசமான பொருள் ஆல்லது வித்தியாசமான கோணம் ஏதாவது பயன்படுத்தியிருக்கலாம்.


முரளி
நல்ல கேமரா ஒன்னு வாங்குங்க அண்ணாச்சி!! :-)

அழகிய தமிழ்க்கடவுள்
1.)வலது புறம் குடிசை,இடது புறம் ஒரு ஆள் என்று படத்தை கவனம் சிதறுகிறது.தேர்ந்தெடுத்த கருப்பொருளும் அவ்வளவாக சுவாரஸ்யம் கூட்ட வில்லை.
2.)நல்ல composition,ஆனால் படம் கொஞ்சம் நெருக்கமாகி விட்டது போன்ற உணர்வு.இதை விட ஐந்தாவது படம் பார்க்க நன்றாக உள்ளது.

கைலாஷி
1.)மிக சாதாரணமான கோணம்,படத்தில் சிறப்பாக எதுவும் பளிச்சிட மாட்டேன் என்கிறது.
2.)திரும்பவும் மிக சாதாரணமான கோணம்.சிடியில் உங்களது மற்றும் கேமராவின் பிரதிபளிப்பால் கவனம் சிதறுகிறது.படத்தில் clarity-உம் கம்மி.

சூர்யா
1.) படம் மிகவும் grainy-ஆக உள்ளத்,வண்ணங்களும் அவ்வளவாக பளிச்ச்சிடவில்லை.வட்டம்(?!) ரொம்ப சின்னதா இருக்கே அண்ணாச்சி.
2.)முதல் படம் போலவே இந்த படமும் பிக்சல் தரம் சரியில்லை.கருப்பொருள்,கோணம் கூட சுவாரஸ்யம் கூட்டுவதாக இல்லை.

கார்த்திகேயன் குருசாமி
1.) ஆற்புதமான slow shutter speed படம்.முதல் வளையத்தின் நடுவே ஏதொ சிக்கிக்கொண்டிருப்பது போல உள்ளதே? என்னது அது? :-) ஆனா படம் கொஞ்சம் மொட்டையா இருக்கறா மாதிரி உணர்வு,ஏதோ reference point இல்லாம வெறுமையா இருக்கா மாதிரி தோணுது.
2.)வித்தியாசமான கண்ணோட்டம் மற்றும் ஒளியமைப்பு.வட்டம் அவ்வளவாக பளிச்சிடவில்லை.

நானானி
1.)சுவாரஸ்யமான கருப்பொருள்,ஆனால் மிக சாதாரணமான கோணம்,சற்றே வித்தியாசமாக எடுக்க முயற்சித்திருக்கலாம்.போட்டிக்கு படம் எடுக்கும்போது படத்தில் தேதி வராத மாதிரி பார்த்துக்கொள்ளுங்கள்.
2.)படம் dull-ஆக இருப்பது போன்ற உணர்வு.ப்ளாஷ் பிரதிபளிப்பு படத்தின் அழகை இன்னும் குறைத்து விடுகின்றன.


ரிஷான் ஷெரீஃப்
1.)பெரிய படமாக இருந்தால் பார்ப்பதற்கு நன்றாக இருக்கும்.அடுத்த முறை படங்கள் பெரியதாக இருக்குமாறு பார்த்துக்கொள்ளுங்கள்.very tight composition,சற்றே வித்தியாசமான கோணத்தில் எடுக்க முயற்சி செய்திருக்கலாம்.
2.)subject என்ன என்றே தெளிவாக இல்லை.

Peevee
1.)நல்ல வண்ணங்கள மற்றும் contrast! குழுமியிருக்கும் பல சலசலப்புகளுக்கு நடுவிலும் முதன்மையாக பளிச்சென தெரியும் வட்டங்கள்,நல்ல perspective மற்றும் subject selectionஆனால் வட்டம் என்ற தலைப்புக்கு ஏற்றார்போல் படத்தை சற்றே crop செய்து distractions-ஐ விலக்கியிருக்கலாம்.

வீரசுந்தர்்
1.)அவ்வளவாக தனித்தனமை இல்லாமல் சாதாரணமாக தோன்றும் படம்.மிக சாதாரணமான கோணம்,மற்றும் காட்சியமைப்பினால் எதுவும் படம் பெரிதாக கவராமல் சாதாரணமாகி போய்விடுகிறது.

நாதஸ்
1.)Neat!! நீர்த்துளிகளை நீங்கள் பொறுமையாக இடம் விட்டு பொருத்தியிருப்பது நீங்கள் ஒரு நல்ல படம் உருவாக்க எவ்வளவு முயற்சி எடுத்திருக்கிறீர்கள் என்று காட்டுகிறது.இவ்வளவு செய்து விட்டு படத்தை அரை வட்டமாக எடுத்துவிட்டீர்களே.
2.)ரொம்ப நல்ல மெக்ரோ ஷாட்.Matrix படத்துல கணிணி திரையில் எண்கள் விழர காட்சி ஞாபகத்துக்கு வருது.அற்புதமாக படமாக்கப்பட்ட படம்.

பிரபாகரன்
1.)நல்ல படம் மற்றும் காட்சியமைப்பு,ஆனால் ஓவர் பிற்தயாரிப்பு செய்ததாலோ என்னவோ படம் செயற்கையாக தெரிகிறது.(படத்தை அதிக்கபடியா sharpen/contrast adjust பண்ணிட்டீங்களோ??)
2.)சூப்பர் silhoutte படம்!! beautiful colors and tones.பையனை விட சூரியன் கொஞ்சம் கீழே மற்றும் சற்று தள்ளி வந்திருக்கலாம்,அப்படி இல்லாவிட்டாலும் இது அற்புதமான படம்.


செந்தில்
1.)நல்ல காட்சியமைப்பு.வலது ஓர விளக்குகள் nicely complementing.இடது புறம் சற்றே வெட்டி விட்டால் படம் இன்னும் நன்றாக இருந்திருக்கும்.
2.) இலைகள் நன்றாக பரந்து இருக்கின்றன படத்தில்,ஆனால் படத்தில் பார்த்தால் ஒரு இயற்கை காட்சி போல தோன்ற வில்லை.மேலிருக்கும் வெள்ளை தூணை வெட்டி விட்டிருந்தால் படம் இன்னும் நன்றாக இருக்கும்.


முத்துலெட்சுமி
1.) நல்ல ஒளியமைப்பு,காட்சியமைப்பு மற்றும் DOF.Bottom left மூலையில் இன்னும் கொஞ்சம் விட்டிருந்தால் பொருளின் orientation-ஓட ஒத்து போயிருக்கும்,ஆனா இதுவும் நல்லா தான் இருக்கு.
2.)neat capture!! மேலே கொஞ்சம் அதிகமாக இடம் விட்டிருக்கலாம்,படம் சற்றே சின்னதாக/நெருக்கமாகிப்போனது போன்ற உணர்வு.


இல்லத்தரசி
1.) குமிழ் நட்ட நடுவில் இருப்பதை விட சற்றே தள்ளி இருந்தால் நன்றாக இருக்கும்.பின்னால் இருக்கும் வானத்தொடு குமிழ் blend ஆகி விடுகிறது(அதற்கு ஒன்றும் செய்யமுடியாது என்கிறீர்களா?? உண்மைதான்! :-))
2.) நல்ல சிந்தனை.அருமையான காட்சியமைப்பு மற்றும் DOF.

K4K
1.) நிறைய பேர் யோசித்து வைத்த பொருள்.நல்ல perspective மற்றும் குறிப்பாக ஒரு கருப்பொருள் இல்லாத்ததால் சற்றே focus is wavering.குறிப்பாக ஏதாவது புள்ளியின் மேல் focus-ஐ நிறுத்தியிருக்கலாம்.
2.) சி டி யை சில பேர் எடுத்திருந்தாலும் ,இது வித்தியாசமான கண்ணோட்டம்.நல்ல காட்சியமைப்பும் கூட.

எஸ்.குமரன்
1.) Transparent மூடி மற்றும் பஞ்சுக்குச்சிகள்,இதில் வட்டம் சரியாக வெளிப்படவில்லை.ப்ளாஷ் வேறு படத்தை மிக சாதாரணமாக்கிவிடுகிறது.
2.) மிக சாதாரணமாக தோன்றும் கருப்பொருள் மற்றும் காட்சியமைப்பு

சத்தியா
1.)மிக நல்ல கண்ணோட்டம் மற்றும் DOF.வெங்காயம் இடது ஓரம் வந்திருந்தால் இன்னும் நன்றாக வந்திருக்கும்.
2.)வட்டம் முழுமையாக படம் பிடித்திருக்கலாம்,ஆனாலும் மிக நல்ல கண்ணோட்டம் மற்றும் DOF.

தினேஷ்
1.)இரண்டும் ஒரே மாதிரியான படங்கள்.நல்ல படம் ,நல்ல perspective,ஆனால் வட்டம் என்ற தலைப்பு அவ்வளவாக ஒத்துவரவில்லை என்று தோன்றியது.

தர்மா
1.)பின்னாடி உள்ள செய்தித்தாள் படத்தை வெகுவாக பாதிக்கிறது,காசுகளும் சற்றே அழுக்காக இருக்கிறது.படம் dull-ஆக இருப்பதற்கு contrast adjustment செய்து சரி செய்திருக்கலாம்.
2.)இதை போன்று புத்தகத்தில் மோதிரத்தை வைத்து இதயம் போன்ற நிழல் வர வைப்பதை நான் பல இடங்களில் பார்த்திருக்கிறேன்,ஆனால் அதை முயற்சி செய்திருந்தால் வட்டத்தில் இருந்து கவனம் திசை திரும்பி போயிருக்கும்,அதனால் நீங்கள் முயற்சி செய்யாமல் இருந்ததே நல்லது.நல்ல படம் பிற்தயாரிப்பு செய்து contrast கூட்டியிருந்தால் இன்னும் நன்றாக இருந்திருக்கும்.

வாசி
1.)டீ போட்டோவுக்கு lens flare-a???அதுவும் சுத்தி சுத்தி எல்லா இடத்திலையும்?? இந்த படத்துக்கு இந்த effect பொருந்தல.நீங்க இந்த அதிகப்படியான பிற்தயாரிப்பு எடுத்துகிட்ட சிரமத்தை,வித்தியாசமான கோணத்துல எடுக்க செலவிட்டிருக்கலாம்.
2.)திரும்பவும் டம்ப்ளரில் பானம் எடுப்பதை விட வேற ஏதாவது எடுக்க முயற்சித்திருக்கலாம். சுத்தி கொஞ்சம் அதிகமா இடம் விட்டிருக்கலாம்,படம் ரொம்ப நெருக்கமா இருக்கு,குறிப்பா கீழ்ப்பகுதியில்.


ஜெகதீசன்
1.)படத்தில் எந்த பகுதியும் தெளிவாக இல்லாமல் blurred-ஆக ஆக்கப்பட்டிருக்கிறது.பிற்தயாரிப்பு மூலம் அப்படி செய்திருக்கலாம் என்று தோன்றுகிறது,அதுவுமில்லாமல் படத்தில் soft focus உத்தியின் உபயோகிப்பு படத்திற்கு பொருந்துவதாக தோன்றவில்லை.
2.)முதல் படம் போன்றே இரண்டாம் படம்.வேறு ஏதாவது படம் பிடிக்க முயற்சித்திருக்கலாம்.முதல் படத்திற்கான கருத்துக்கள் இந்த படத்துக்கும் பொருந்தும். பழத்தின் நிழல் முழுமையாக காட்சியில் இருப்பது நன்றாக இருக்கின்றது.


ஒப்பாரி
1.)நல்ல கற்பனை ஆனால் முழுவட்டமாக படம் இல்லாமல் போனது வருத்தம். நல்ல சூரிய ஓளி சுரீர் என்று அடிக்கும் நேரத்தில் படம் எடுத்திருப்பதால் படம் ரொம்ப அடிக்கறா மாதிரி வந்திருக்கு. ஏதாவது பிற்தயாரிப்பு செய்து ஒளியின் வீரியத்தை சற்றே குறைத்திருக்கலாம்.
2.)வித்தியாசமான சிந்தனை தான் என்றாலும் மிகவும் சாதாரணமாக தோன்றும் படம்.அவ்வளவாக வசீகரிக்கவில்லை.

சுடரொளி
1.)அற்புதமான படம்!! பின்னால் மங்கிப்போய் இருக்கும் பொருட்கள்,மற்றும் பிரதிபளிப்பு ஆகியவை படத்திற்கு சிறப்பு சேர்க்கின்றன.படத்தில் சற்றே அதிகமாக வெற்றிடம் இருப்பது போன்ற உணர்வு தவிர்க்கமுடியவில்லை.கொஞ்சம் tight cropping செய்திருக்கலாம்.குறிப்பாக வலது பக்கம் வெற்றிடத்தை கொஞ்சம் குறைத்திருக்கலாம் என்று ஒரு உணர்வு!

கோகிலவாணி கார்த்திகேயன்
1.) படம் இன்னும் தெளிவாக இருந்தால் நன்றாக இருந்திருக்கும். படம் மங்கிப்போய் ஒளி குறைந்தும் இருப்பதால் சிறப்பாக தெரியவில்லை.
2.)படம் overexposed ஆகியுள்ளது போன்ற உணர்வு,படமும் தொளிவாக இல்லை! வெளிப்புற வட்டத்தை முழுமையாக படம் பிடித்திருக்கலாம்!! இது போன்று சூரியனை நேரிடையாக படம் எடுத்தால் கேமராவும்,கண்ணும் கெட்டுப்போக வாய்ப்புண்டு,பாத்து.. :-)

ஹரண்
1.) மிக நல்ல fireworks படம்.வட்டம் என்ற தலைப்புக்கு அவ்வளவாக பொருந்தவில்லை. காட்சியமைப்பிலும் இன்னும் சற்று கவனம் செலுத்தியிருக்கலாம்,படத்தில் நிறைய distractions.
2.)நல்ல காட்சியமைப்பு மற்றும் கோணம்.

இரண்டாம் சொக்கன்
1.) மிகச்சாதாரணமாக தோன்றும் படம்.கோணம்,எடுத்துக்கொண்ட கருப்பொருள்,ஒளியமைப்பு எதிலும் பெரிதாக ஒன்றும் சிறப்பில்லாத்து ஏமாற்றம்.
2.)படம் சற்றே ஷேக்காகி இருக்கிறது,அதனால் படத்தின் தெளிவில் குறைவு.சுற்றி கொஞ்சம் அதிகமாகவே காய்ந்த இலைகள் இருப்பது போன்ற உணர்வு.மேலும் கீழும் சற்றே crop செய்திருக்கலாம்.கொஞ்சம் பிக்காஸாவில் darken செய்திருந்தால் படங்களின் வண்ணம் இன்னும் கொஞ்சம் பளிச்சிட்டிருக்கும். இலைகள் எதுவும் வட்டமாக இருப்பது போல் தெரியவில்லை.

நித்யா பாலாஜி
1.) அழகாமன ஒளியமைப்பு,சற்றே இருட்டானது போல் இருந்தாலும் படம் பார்க்க சுவாரஸ்யமாக உள்ளது.வட்டம் முழுமையாக இல்லாதது ஏமாற்றம்.
2.)கொஞ்சம் குனிந்து கடிகாரம் கேமராவை பார்ப்பது போல கம்போஸ் செய்திருக்கலாம்.sepia ஆக்கியிருப்பது நன்று,ஆனால் சற்றே பிக்காசாவில் darken செய்து பின் sharpen செய்திருந்தால் இன்னும் நன்றாக இருந்திருக்கும்.

பிரபாகர் சாமியப்பன்
1.)படம் அவ்வளவாக தெளிவாக இல்லை,கோணமும் மிகச்சாதாரணம். பொருளை சுற்றி சற்றே இடம் விட்டிருக்கலாம்,கொஞ்சமாவது context set ஆகியிருக்கும்.
2.) மஞ்சள் கருவை சுற்றியிருக்கும் திரவத்தை முழுமையாக காட்சியில் பிடித்திருக்கலாம். படத்தில் symmetry-உம் பார்த்து crop செய்திருக்கலாம்.ப்ளாஷினால் படத்தின் ஒளியமைப்பும் அவ்வளவாக திருப்தியளிக்கவில்லை.
ப்ரியா
1.) ரொம்ப சாதாரணமான படம்,கோணத்திலோ காட்சியமைப்பிலோ,ஒளியிலோ ஏதாவது வித்தியாசமாக இருந்தால் படத்தின் சுவாரஸ்யம் கூடும்.
2.)முதல் படம் போன்றே,படத்தில் வசீகரிக்கும் அளவுக்கு பெரிதாக எதுவும் இல்லாதது ஏமாற்றம்.

இசை
1.)கேமராவின் focus நீர்க்குமிழி மேலே இல்லாமல் இலை மேலே இருக்கிறது.நீர்க்குமிழி நட்ட நடுவில் இல்லாமல் சற்று தள்ளி இருந்தால் நன்றாக இருந்திருக்கும்,சற்றே பிற்தயாரிப்பு செய்து வண்ணம,contrast ஆகியவற்றை கூட்டியிருக்கலாம்.பிக்காசாவில் sharpen,darken,warmify ஆகியவற்றை சரியான விகிதத்தில் பயன்படுத்தியிருந்தால் படம் இன்னும் நன்றாகி இருக்கும்.
2.)படம் மிக plain ஆக உள்ளது. இந்த மாதிரி படங்களில் மேகங்கள் போன்ற reference points வைத்தால் படத்தின் சுவாரஸ்யம் கூடும்.

அமான் அப்துல்லா
1.)முந்தைய வாசகருக்கு சொன்னது போல படம் ரொம்ப plain,படத்தில் ஒரு reference point இருந்தால் படத்தின் சிறப்பு கூடி விடும்.
2.)படம் கொஞ்ச்ச்ச்ச்ச்ச்சம் ஷேக்,அதனால் தெளிவில் குறைவு. சுற்றி இன்னும் கொஞ்சம் இடம் விட்டிருக்கலாம் என்று தோன்றுகிறது,சக்கரத்தை கொஞ்சம் ஓரம் கட்டுவது போல இடது புறம் வெற்றிடம் இருந்தால் காம்போசிஷன் நன்றாக வந்திருக்கும்.சக்கரத்தின் அச்சாணி rule of thirds -இன் படி அமையும் படி படத்தை crop செய்திருக்கலாம்.வித்தியசமான சிந்தனைக்கு பாராட்டுக்கள்.

லொடுக்கு
1.)மோதிரத்தின் orientation-ஐ பார்த்தால் அதை நட்ட நடுவில் வைப்பதை விட offcenter-ஆக வைத்திருக்கலாம்.குறிப்பாக வலது கீழ் பக்கம் தள்ளி விட்டால் நன்றாக இருக்கும்.படத்தில நல்ல DOF.மோதிரத்தின் நிறத்திற்கு இந்த background அவ்வளவாக ஒத்து வராதது போல தோன்றுகிறது. வெள்ளை பேப்பர் ஏதாவது வைத்திருந்தால் நன்றாக இருந்திருக்கும் என்று தோன்றியது.
2.)நல்ல perspective மற்றும் DOF.ஆனால் வலது புறம் இன்னும் கொஞ்சம் இடம் இருந்திருக்க வேண்டும்,அது இல்லாத்தால் படம் இறுக்கமாக இருப்பது போல தோன்றுகிறது.

நட்டு
1.) நல்ல படம்.இன்னும் contrast அதிகமாக்கி படத்தை sharpen செய்திருந்தால் படம் நன்றாக தெரியும்.நல்ல படமாக இருந்தாலும் இப்பொழுது மிகவும் dull-ஆக இருப்பதால் அவ்வளவாக சுவாரஸ்யம் கூட்டவில்லை.
2.)நல்ல படம்,ஆனால் மிக மிக நெருக்கமாக crop செய்யப்பட்டிருக்கிறது,சுற்றி இடம் விட்டிருக்க வேண்டும்.

Night Rams
1.)Contrast சற்று அதிகமாக்கியிருக்கலாம்.Subject நட்ட நடுவில் இருப்பதால் படத்தில் பெரிதாக சுவாரஸ்யம் தோன்றவில்லை.
2.)இந்த இடம் mackinac island எனும் இடத்தில் தானே உள்ளது.பல படங்களுக்கு சொன்ன கருத்து தான் இங்கேயும்! உங்கள் கருப்பொருளை நட்டநடுவில் வைத்தால் there is nothing in the picture to arouse interest.

கார்த்திகேயன் சண்முகம்
1.)Neat!! நிழலையும் நீங்கள் முழுமையாக காட்சியில் பிடித்தது படத்திற்கு சிறப்பு சேர்க்கிறது.மூடி மேல் இருக்கும் கூடுதல் ப்ளாஷ் ஒளி இந்த படத்திற்கு பொருந்துகிறது.
2.) நல்ல படம்!! சற்றே மேலிருந்து, கீழிருந்து என்று கோணம் மாற்றி எடுக்க முயற்சித்திருக்கலாம்.நிழலை வெட்டாமல் விட்டிருக்கலாம்.

மோகன்குமார்
1.)சாதாரணமாக தோன்றும் படம்,ஏதாவது சிறப்பம்சம் இருந்தால் பல படங்கள் இருக்கும் ஒரு போட்டியில் உங்கள் படம் தனித்து நிற்கும்.
2.)மேகங்களுடன் எடுத்திருப்பதால் படத்தில் சுவாரஸ்யம் கூடுகிறது!! ஆனாலும் சற்றே பிற்தயாரிப்பு செய்து contrast கூட்டியிருந்தால் படம் பல மடங்கு அழகாகி இருக்கும்.கருப்பு வெள்ளை ஆக்கியதால் பார்க்க சந்திரன் போல படம் உள்ளது.சூரியனின் சக்தி மற்றும் வீரியத்தை காட்ட வேண்டும் என்றால் ஆரஞ்சு மற்றும் மஞ்சள் வண்ணம் இருந்தால் நன்றாக இருந்திருக்கும்.
உங்கள் நிழவு படம் மற்றும் காஸ் அடுப்பு படம் அருமை

இ.கா.வள்ளி
1.)தண்ணிரில் ஒளியின் பிரதிபளிப்பு மிக சுரீரென்று பளிச்சிடுவதால் அதனால் படம் அடிக்கிறார்போல் ஆகிவிடுகிறது.தண்ணீரின் இருண்ட வண்ணம் இலையின் கருப்பு வண்ணத்தோடு சேர்ந்துக்கொண்டு படத்தை சுவாரஸ்யமில்லாமல் ஆக்கி விடுகின்றன.
2.)மிக் சாதாரணமான கண்ணொட்டம்.நிழல் சற்றே செட்டுப்பட்டு இருந்தாலும் அதை முழுமையாக படம் பிடிக்க முயற்சித்திருப்பது நல்லது.பின்னால் இருக்கும் நிழல் பகுதி படத்தை ஒரு வித அரை குறை ஒளி அமைப்போடு படத்தின் தரத்தை குறைத்து விடுகிறது.

கோமா
1.)வித்தியாசமான சிந்தனை,சற்றே பிற்தயாரிப்பு செய்து contrast கூட்டி இருக்கலாம்!! மாற்றும் கருப்பொருள் நட்ட நடுவில் இருப்பதற்கு பதிலாக சற்றே தள்ளி இருந்தால் காட்சியமைப்பு மேம்படும்.
2.)நல்ல கண்ணோட்டம்! வானத்தின் நீலம் இன்னும் கொஞ்சம் நீலமாக இருந்தால் பார்க்க நன்றாக இருக்கும்! பிற்தயாரிப்பு செய்து அதை சரி செய்ய முயற்சித்திருக்கலாம்.வட்டத்தை முழுமையாக எடுத்திருக்கலாம்,சுற்றி எப்படி இருந்தது என்று தெரியவில்லை,அதனால் எடுக்க முடியாத படி வட்டத்தை சுற்றி ஏதாவது இருந்திருக்கலாம் என்று புரிகிறது.

டி.ஜே
1.)படத்துல வட்டத்தை பிரதானப்படுத்தி எதுவும் இல்லாதது ஏமாற்றம்.
2.)உங்கள் கலைக்கண்ணோட்டம் நீங்கள் போகும் இடம் எல்லாம் உங்களை பின் தொடர்ந்து வருவது கண்டு மகிழ்ச்சி!படத்தில் அவ்வலவாக தெளிவில்லை.கீழ்ப்பகுதி பிற்தயாரிப்பு மூலம் மங்கலாக்கப்பட்டிருக்கிறதோ என்று தோன்றுகிறது.Toliet paper மேல் கவனம் நம் கவனம் செல்ல வேண்டும் என்று நீங்கள் எண்ணியிருந்தால் ,flush tank மேலுள்ள குழிழ் அந்த கவனத்தை திசை திருப்புவதாக உள்ளது.

நக்கீரன்
1.)மிக நல்ல Framing! படல் சற்றே grainy ஆகிவிட்டது படத்தின் தரத்தை குறைத்து விடுகிறது,ஆனால் நல்ல கலைத்துவம்,கண்ணோட்டம்,காட்சியமைப்பு நிறம்பிய படம்!
2.)திரும்பவும் நல்ல framing!ஆனால் முதல் படம் அளவுக்கு இல்லை. மரத்தை விட்டு சூரியனை சற்றே தள்ளி பொருத்தியிருக்கலாம்!

குட்டிபாலு
1.)மிக நல்ல ஒளியமைப்பு ,காட்சியமைப்பு மற்றும் கண்ணோட்டம்!!Neat
2.) முதல் படம் அளவுக்கு mind blowing-ஆக இல்லாவிட்டாலும் திரும்பவும் நல்ல காட்சியமைப்பு!

குசும்பன்
1.) நல்ல தெளிவான படம்.வெள்ளைக்கரு முழுமையாக படத்தில் பிடித்திருப்பது நன்று. மிக அதிகமாகவும் இல்லாமல் நெருக்கமாகவும் இல்லாமல் சரியான அளவு காட்சியமைப்பு!!Neat crop!
2.)படம் ரொம்ப அகலமாகி போய் விட்டது போன்ற உணர்வு.Background-ஐ விட்டு foreground தனித்து நிற்காததால் படத்தின் தெளிவு குறைந்து கருப்பொருளின் மேல் போதிய கவனம் செலுத்த முடியவில்லை.

ஆதி
1.) படம் சற்றே கோணல்,பிக்காஸாவில் straighten செய்திருக்கலாம். dials-ஐ சுற்றி முழுமையாக இருட்டாகவும் இல்லாமல் இருப்பது படத்தில் ஏதோ உருத்துவது போன்ற மனநிலையை கொடுத்து விடுகிறது,மற்றபடி காட்சியமைப்பில் பெரிதாக ஒன்றும் வித்தியாசம் இல்லாதது சற்றே ஏமாற்றம் அளிக்கிறது.
2.)மிக சாதாரணமாக தோன்றும் படம்! படத்தில் பார்வையாளரை பெரிதாக ஈர்ப்பது போன்று எதுவும் இல்லாதது ஏமாற்றம்.

சஞ்சய்
1.)படம் ரொம்பவே நீட்டமாகி போய்விட்டது,படத்தில் தெளிவும் குறைவு!!சற்றே பிற்தயாரிப்பு செய்து contrast கூட்டியிருக்கலாம்.
2.)படத்தில் தெளிவில்லை.மேற்புறம் பிற்தயாரிப்பு செய்து இருட்டாக்கியிருப்பது போல இருக்கிறது.அது படத்திற்கு பொருந்தாதது போன்ற உணர்வு,மற்றும் அதனால் படத்தில் வட்டம் பளிச்சிடவில்லை என்றே தோன்றுகிறது.

நந்து f/o நிலா
1.)சாதாரண வளையலையும் அழகான கண்ணோட்டத்தில் எடுத்திருக்கிறீர்கள்.நல்ல காட்சியமைப்பு!!பின்னணி மற்றும் படத்தின் தெளிவில் குறைபாடு.
2.) நல்ல ஒளியமைப்பு,காட்சியமைப்பு மற்றும் கண்ணோட்டம்.

ஜேகே
1.) ஒளி மங்கிப்போனாற்போல் இருப்பது படத்துக்கு மைனஸ். உங்கள் கருப்பொருளின் பின்னால் ஏதேதோ சாமான்கள் இருப்பது திசை திருப்புவதாக இருக்கின்றன.கருப்பொருளும் அவ்வளவாக சுவாரஸ்யமூட்டுவதாக இல்லை! சற்றே குனிந்து எடுத்திருந்தால் காட்சியமைப்பு மேம்பட்டிருக்கும்.கருப்பொருளை நட்ட நடுவில் வைக்காமல் சற்றே தள்ளி அமையுமாறு காட்சியமைத்தால் படத்தின் சுவாரஸ்யம் கூடும்.
2.)சிடியை துடைத்து சற்றே பளபளப்பாக்கியிருக்கலாம்.மிக சாதாரணமான காட்சியமைப்பு,சற்றே வித்தியாசமாக எடுக்க முயற்சி செய்திருக்கலாம்.ப்ளாஷ் ஒளி படத்தை ஜீவனில்லாமல் ஆக்கி விடுகிறது.

ஷிவ்
1.)நல்ல கண்ணோட்டம். சற்றே சாதாரணமான காட்சியமைப்பு. கொஞ்சம் பிற்தயாரிப்பு செய்து contrast அதிகமாக்கியிருக்கலாம்.



==========



இளவஞ்சி

-----------

இம்சை,



உங்களோட இது ஒரு இனிய இம்சைங்க... வட்டம் போடச்சொன்னா பூகோள உருண்டை கணக்கா பாப்பாவோட மொட்டய போட்டிருக்கீங்க! வீட்டுக்குள்ளாக இல்லாம வெளில வைச்சி பேக்கிரவுண்டு ப்ளைனா க்ளிக்கியிருந்தீங்கன்னா சிவாஜி கணக்கா தூக்கியிருக்கும். போட்டிக்கெல்லாம் எதுக்கு? பாப்பா முன்மொட்டைல இந்த மொட்டை மாமாவோட ஒரு உம்மா! :)



பூக்களும் பூக்களனும் அருமையான சப்ஜெக்ட்டுதான் . ஆனால் இந்த இரண்டின் சிறப்புகள் எதுவுமே சிறப்பாக வெளிப்படவில்லை.

பார்க்கற பொருளை பார்க்கறமாதிரியே எடுத்தா சிறப்பா வருமா? அடுத்தமுறை ஆங்கிளை மாத்தி யோசிங்கப்பு.



ரமேஷ்,



அருமையா வந்திருக்கு. சிகப்புக்குள்ள ஆரஞ்சுக்குள்ள மஞ்சளுக்குள்ள வெள்ளை வட்டங்கள்!!! வானம் முழுதும் கருமையடைந்திருப்பது ஒரு குறையோ? சூரியனுக்கே நேருக்கு நேர் போட்டிருக்கீங்க! UV ஃபில்டர் போட்டிங்களா? இல்லாமல் இப்படி அடிக்கடி எடுத்தா சென்சாரு பொத்துக்கும்.



இதுவும் அருமை. கருப்பு வெள்ளை படம் தானே? சிங்கத்தலைய ஏனுங்க மறைச்சு எடுத்தீங்க?



ஷோனா,



முதல் படத்தில் சொல்வதற்கு எதுவும் இல்லை. வட்டம் போட்டிக்குள் வரக்கூடுமா?!



இரண்டாவது அருமை. வட்டம் போட்டிக்கென ஃபோக்கஸை மீனின் கண் மீது வைத்திருந்தீர்கள் எனில் இன்னும் அருமையாக வந்திருக்கும்.



கேசவன்,



அருமையான மனம் மயக்கும் சாலை. அவிங்கவிங்க அவிங்கவிங்க ஆளைக்கூட்டிக்கிட்டு கையக் கோர்த்துக்கிட்டு தோளோடு தோள் உரசிக்கிட்டு நடந்துக்கினே இருக்கலாம் போல அருமையான இடம். அதுவும் நடந்து ஓஞ்சதும் வளைவுல ஒரு பெஞ்ச்சு போட்டு மசாலா பொரி ஒரே ஒரு பாக்கெட்டு வாங்கிட்டு மாறி மாறி துன்னுக்கிட்டே இருக்க அட்டகாசமா இடம்! ஆனா வட்டம் எங்கங்க?



சின்ன அம்மிணி,



பூக்கள், பூக்கள், பூக்கள்!! நின்ன எடத்துல இருந்து இல்லாம இடம் மாறி பார்த்திருந்தா இன்னும் நல்ல இருந்திருக்கும் தானே! வட்ட வட்ட பூக்களை தூரத்துல இருந்து நெட்டுக் குத்தலா பாத்திருந்தா அட்டகாசமா வந்திருக்கும். அதுக்காக ஹெலிகாப்டரு வைச்சாடா படம் புடிக்க முடியும்னு அடிக்க வராதீக! :)



ரெண்டாவது படத்துல வலது ஓரம் மேல்நாட்டு அம்மணீயை பாதியாக வெட்டியதை வண்மையாக கண்டிக்கிறேன்! ஹிஹி....


மஞ்சு,



படம் எடுத்த ஆங்கிள்ல மிஸ் பண்ணிட்டீங்க... படத்தை நேர் செய்யவும் மறந்துட்டீங்க.



ரெண்டாவது படம் இருட்டுல எடுத்திருந்தாலும் பளிச்சுன்னு இருக்கு. வேண்டாத பகுதிகளை நீக்கி க்ராப் செய்து பலூனை வலப்பக்கம் வைச்சிருந்தீங்கன்னா நல்லா வந்திருக்கும்



சூரியாள்,



முட்டை முக்கண்ணன் திகிலைக்கெளப்பராரு. படத்தை நேர் செய்ய மறந்துட்டீங்களா?



ரெண்டாவது படம் அருமை. கிராபிக்ஸா?



உண்மை,



லண்டன் கண்ணை வலப்பக்கமா வைத்திருந்தீர்கள் என்றால் கவனம் முழுதும் அதன் மீதானதாக இருந்திருக்கும். இரவில் எடுத்ததுதான் என்றாலும் இன்னும் ஷார்ப்பாக எடுத்திருக்கலாமோ? ISO, EV எவ்வளவு வைச்சீங்க?



அருமையான வடிவமைப்பு. கண்களின் நீல வண்ண பிரதிபலிப்பும் கண்மணிப்பாப்பாவின் மேற்பரப்பின் பிரதிபலிப்பு இல்லாமையும் இயல்பானதொரு படமில்லையோ என சந்தேகப்படவைக்கிறது.



துளசியக்கா,

படம் இரண்டுமே வித்தியாசமான கோணம்தான். இரண்டாவது படத்துக்கு ஏன் ப்ளாஷ் போட்டீங்க? கூடைக்குள்ளும் சேர் மேலயும் இருந்த பூனைக்குட்டிங்களை என்னா செஞ்சீங்க? அடுத்தமுறை தேதி காட்டற ஆப்ஷனை தூக்கிருங்க.



நியோ,



மஞ்சள் நிறம் நல்லா வந்திருக்கு. பெரிய படத்துல இருந்து க்ராப் செஞ்சிருப்பீங்க போல. ஆதவனை கொஞ்சம் ஓரமா நகர்த்தியிருக்கலாமோ?



இருபக்க சாலைகளும் முழுமையாக வந்திருந்தால் இன்னும் நல்லா வந்திருக்கும். "படமெடுக்க இதுக்கும் மேல பின்னாடி போயிருந்தா பனிச்சரிவுல உருண்டு நானே முழுமையா கிடைக்காம போயிருப்பேன் டா என் வென்று!" ன்னுதானே என்னை திட்டறீங்க?! :)



லக்ஷ்மணராஜா,



டெக்னிக்கலா சில குறைகள் சொல்ல முடியும்னாலும் பார்த்தவுடன் மனசுல சிலீர்னு ஒரு சாரலடிக்க வைக்கும் படம். அருமை.



தமிழ் பிரியன்,



முதல் படம் ஒரு படம். அவ்வளவே!



இரண்டாவது படத்தில்தான் உங்க "பிக்காசோ"த்தனம் தெரியுது. இன்னும் கொஞ்சம் சிரத்தையா எடுத்திருந்திக்கலாம். அதுக்குள்ளார க்வாட்டரை ஒடைச்சு ஒரு டம்ளருல ஊத்தற அவசரமா? :)



முரளி,



Focus, my dear Murali Focus!! ( செல்போன்ல அம்புட்டுத்தான் போகஸ் செய்ய முடியுமா?! )



அழகிய தமிழ் கடவுள்,



முதல் படம் பப்படம். நல்லா இல்லைன்னு சொன்னா என்னை திட்டாதீங்க. ஒரு சிறப்பான பொருளை இருக்கறது இருக்கற மாதிரியே எடுக்கறது அழகுதான். ஆனால், ஒரு சாதாரண பொருளை கொஞ்சமே கொஞ்சம் வித்தியாசமான கோணத்துல எடுத்தாக்கூட அழகாகிடும்.



இரண்டாவது படம் அருமையான இடம். எங்கேங்க இருக்காரு இந்த சிவலிங்கம்? இரண்டாவது படத்தை விட ஐந்தாவது படம் முழுமையாக இருக்கு.



கைலாஷி,



அண்ணே, நல்லா படமெடுத்தீங்களே... அதைச்சரியா வெட்டி போட்டிருக்கலாம் தானே? முதல்பட விநாயகரு தங்கமா? இருங்க IT Dept காதுல போட்டுவைக்கறேன்!



சூர்யா,



நல்லதொரு சூரிய அஸ்தம படம். ஆனால் வட்டத்திற்கு பதிலாக புள்ளிதான் இருக்கு. என்னாது புள்ளியும் வட்டம்தானா? அதுசரி. :)



இரண்டாவது பூக்கோலம் ஜீவனுடன் இருந்தாலும் ஈவனாக இல்லை.



கார்த்திகேயன் குருசாமி,



அட்டகாசமா இருக்குங்க. வட்டமும் விளிம்பில் சிதறும் ஒளித்துகள்களும் நல்லா விழுந்திருக்கு, முன்னாடி ஒரு ஒன்னு போட்டிருந்தீங்கன்னா அந்த மார்க்கு உங்களுக்கே! :)



நானானி,



முதல் படத்தின் படமெடுப்பொருள் ( அதாங்க... சப்ஜெக்ட்டு ) அருமை. தேதிய யாருங்க கேட்டா?



ரிஷான் ஷெரீஃப்,



மனதை மயக்கும் படம். இருந்தாலும் வட்டப்போட்டிக்கு உதவுமான்னு தெரியலை.



இரண்டாவது படம் சுமார்தான்.



PeeVee,



வட்டங்கள், வண்ணங்கள், வெளிச்சம், நிழல், இயல்பானதொரு ப்ரேம் என அனைத்தும் அருமை. பாலிமகேந்திராவின் பாடலுக்கு நடுவில் ஸ்டில் போட்டாப்புல இருக்கு. வாழ்க்கையைச் சொல்லும் வட்டங்கள்!!



வீரசுந்தர்,



நல்ல பூ தான்! வட்டப்போட்டிக்கு இன்னும் அழுத்தமான வட்டம் கிடைக்கலையா?



யோவ் நாதஸ்,



உமக்கெல்லாம் பரிசு வாங்கி போரடிக்கலையா?! :)



முதல் படம் நுட்பரீதியாக அருமை. இருந்தாலும் செயற்கைமீது செயற்கையாக அமர்ந்திருக்கும் நீர்த்துளிகள் மனசுக்கு ஒருவித வெறுமையையே தருகிறது.



இரண்டாவது படத்தில் பிரதிபளிப்பு தெளிவாக விழும்படி எடுத்திருந்தால் அடிபொளியாக வந்திருக்கும். பரவலான பல நீர்த்துளிகளில் கவனத்தை எங்கே வைக்க?! :)

********************************************

வேலை பளு காரணமாக இளவஞ்சி அண்ணாச்சியால் இதற்கு மேல் விமர்சனங்கள் எழுத நேரம் கிடைக்கவில்லை,அதனால் அவர் எழுதிய வரை இந்த பதிவில்! :-)

புகைப்படக்கலை பற்றிய குறிப்புகள் ஆங்காங்கே பார்க்கும் போது இந்த metering mode எனும் சொல்லை அவ்வப்போது கேட்டிருப்பீர்கள்.அதை பற்றி அரசல் புரசலாக தெரிந்திருந்தாலும் ,metering mode என்றால் என்ன அதன் பல வகைகள் என்ன என்பதையும் இந்தப்பதிவில் தெளிவாக பார்க்கலாம் வாங்க.

முதலில் இந்த ஒளிக்கணிப்பு அளவுமுறை (metering mode) என்றால் என்ன என்பதைப் பார்க்கலாம்.

தற்போதையக் கேமராக்களில் பலவிதமான சௌகரியங்கள் மற்றும் உபயோகங்கள் வந்துவிட்டன.கேமரா என்பது ஒளியைப் பதியவைக்கும் கருவி என்பதால் எவ்வளவு ஒளியை அனுமதிக்க வேண்டும் என்பதில் தான் படத்தின் தரம் அடங்கியிருக்கிறது (காட்சியமைப்பு,கோணம் போன்றவற்றை இங்கு குழப்பிக்கொள்ளாதீர்கள்).எவ்வளவு ஒளியை பதிந்தால் படம் நன்றாக வரும் என்பதை நிர்ணயிப்பதற்குத்தான் இந்த ஒளிக்கணிப்பு அளவுமுறைகள் பயன்படுகின்றன.
அதாவது நீங்கள் ஆட்டோமேடிக் மோடில் ஒருக் காட்சியைப் படம் பிடிக்க முயற்சி செய்கிறீர்கள் என்று நினைத்துக்கொள்ளுங்கள்,அப்பொழுது அந்த காட்சியைக் கம்போஸ் செய்து விட்டு கேமராவின் பொத்தானை சற்றே அழுத்தினால்,உங்கள் கேமரா படம் பிடிக்க வேண்டிய ஷட்டர் ஸ்பீடு,அபெர்ச்சர் விட்டம் ஆகியவற்றை கணித்து அவற்றை செயல்படுத்தி விடும்.இது எப்படி நடக்கிறது?? நமது காட்சிக்கு இவ்வளவுதான் அபெர்ச்சர் வேண்டும் என்று கேமராவிற்கு எப்படி தெரிகிறது???
அதை செய்வதற்கு தான் இந்த ஒளிக்கணிப்பு அளவுமுறை.நமது காட்சியின் வெவ்வேறு புள்ளிகளில் ஒளியின் அளவை அனுமானித்து அதற்கு ஏற்றார்போல் கேமராவின் ஷட்டர்,அபர்ச்சர்,ISO,whitebalance போன்ற பல விதமான அளவுகோல்களை நிர்ணயிப்பதற்கு இந்த ஒளிக்கணிப்பு அளவுமுறை பயன்படுகிறது.இதில் உள்ள பல வகைகள் என்னென்ன என்று பார்க்கலாமா?

Spot metering:
இதில் காட்சியின் நட்டநடுவில் உள்ள ஒளியின் அளவு மட்டுமே கருத்தில் கொள்ளப்படுகின்றன.படத்தின் நடு புள்ளியில் என்ன காட்சி இருக்கிறதொ அதை பொருத்தே ஒளியின் அளவு கணிக்கப்படும்!! நடு புள்ளியை சுற்றி எவ்வளவு வெளிச்சமாகவே,இருட்டாகவோ இருந்தாலும் அது ஒளிக்கணிப்பில் எடுத்துக்கொள்ளப்பட மாட்டாது.ஒரு குறிப்பிட்ட புள்ளியில் நம் focus முழுவதுமாக அமைய வேண்டும் என்று விரும்பினால் இந்த வகையான ஒளிக்கணிப்பை பயன்படுத்தலாம்.

Part்ial metering:
இது spot metering போன்றே தான் என்றாலும் spot metering-ஐ விட சற்றே அதிக பகுதிகளை ஒளிக்கணிப்பிற்கு எடுத்துக்கொள்ளும்.அதாவது காட்சியின் நடுப்புள்ளியை மற்றும் பார்க்காமல் அதை சுற்றி கொஞ்சம் காட்சிப்பரப்பை இந்த ஒளிக்கணிப்பில் கணக்கில் எடுத்துக்கொள்ளப்படும(மொத்தக்காட்சியில் 10-15%)்!! partial metering வகை ஒளிக்கணிப்பு பெரும்பாலும் Canon கேமராக்களில் காணப்பெறலாம்.கருப்பொருளின் மீது மட்டுமே கவனம் விழுமாறு high contrast படங்கள் எடுக்க விரும்பினால் இந்த இரண்டு வகை ஒளிக்கணிப்பு அளவுகோல்களை பயன்படுத்திக்கொள்ளலாம்.இவை நடுவில் உள்ள பொருட்களை மட்டுமே பளிச்சென காட்டும் என்றாலும் உங்கள் சௌகரியத்திற்கேற்ப focus lock செய்துவிட்ட பின் உங்கள் படத்தை recompose செய்துக்கொள்ளலாம்.
அதாவது முதலில் உங்கள் படம் எடுக்க நீங்கள் கேமாரவில் பொத்தானை பாதி அழுத்திய பின் கேமராவை நகர்த்தி உங்களுக்கு வேண்டிய இடத்தில் உங்கள் கருப்பொருளை பொருத்திக்கொள்ளலாம்.
இதுக்கு மேலே புரியலன்னா இந்த பதிவை படிங்க.குறிப்பா பதிவின் கடைசி பகுதியை! :-)

Center weighted average metering:
இது மிக பரவலாக பயன்படுத்தப்படும் ஒளிக்கணிப்பு அளவுகோல். பல point and shoot கேமராக்களில் அளவுகோல்கள் மாற்றும் வசதி இருக்காது. அப்படிப்பட்ட கேமராக்களில் default-ஆக இந்த ஒளிக்கணிப்பு தான் உருவாக்கப்பட்டிருக்கும். அதுவுமில்லாமல் சாதாரணமாக SLR கேமராக்களில் கூட இந்த வகை ஒளிக்கணிப்பு தான் பெரும்பான்மையாக உபயோகப்படுத்தப்படும்.
இது காட்சியின் பெரும்பான்மையான பகுதிகளை கருத்தில் கொண்டு கணிக்கப்படும் ஒரு அளவுகோல்.ஓரங்களில் இருக்கும் பகுதிகளை தவிர்த்து,நடுவில் இரூந்து ஆரம்பித்து 60-இல் இருந்து 80 சதவிகிதம் வரை காட்சியின் எல்லா பகுதிகளும் இந்த கணிப்பில் சேர்த்துக்கொள்ளப்படும்.

Evaluative metering:
இந்த வகையான அளவுகோலுக்கு Multizone metering,Honeycomb metering,segment metering,esp(electro selective pattern) என்று பல பெயர்கள் உண்டு.Nikon வகை கேமராக்களில் இந்த வகையான ஒளிக்கணிப்பை Matrix metering என்று கூறுவார்கள்.மற்ற முறைகளை போல இல்லாமல் இது சற்றே வித்தியாசமான ஒளிக்கணிப்பு . காட்சியில் உள்ள பல்வேறு பொருட்களை கொண்டு ஒரு விதமான விசேஷ நெறிமுறை (algorithm) கொண்டு கேமரா காட்சியில் உள்ள முக்கியமான புள்ளிகளையும் அதற்கு வேண்டிய சரியான exposure-ஐயும் கணித்து விடும். அந்த நெறிமுறை என்ன என்பது ஒவ்வொரு நிறுவனத்திற்கும் மாறுபடும்.அதாவது Canon-இன் algorithm மற்றும் Nikon-இன் algorithm இரண்டும் வித்தியாசமாக இருக்கும்.
மற்றும் ஒவ்வொரு நிறுவனமும் தங்கள் நெறிமுறை என்ன என்பதை பரம ரகசியமாக வைத்திருப்பார்கள்
என்ன ஏது என்று தெரியாமல் மந்திரம் போல் காட்சியில்் உள்ள முக்கியமான புள்ளிகளும் அதற்கான focus-உம் கேமராவினால் கணிக்கப்படுவதால் இந்த முறை அனுமானிக்க முடியாத வழிமுறை(unpredictable) என்று சிலர் இதை உபயோகப்படுத்த முனைவதில்லை.

என்ன மக்களே Metering என்றால் என்ன என்றும் ,சில முக்கியமான metering modes பற்றியும் தெரிந்துக்கொண்டீர்களா??
உங்கள் கருத்துக்கள்,சந்தேகங்களை பின்னூட்டமிடுங்கள்! கலந்தாலோசிக்கலாம்!!

சரி இப்போ நான் உத்தரவு வாங்கிக்கறேன்!
இன்னொரு சவாரஸ்யமான புகைப்படக்கலை சார்ந்த தலைப்புடன் உங்களை மீண்டும் சந்திக்கிறேன்!!

வரட்டா?? :-)


References:
http://en.wikipedia.org/wiki/Metering_mode
http://www.dpreview.com/learn/?/Glossary/Exposure/Metering_01.htm
http://photonotes.org/cgi-bin/entry.pl?id=Evaluativemetering
http://digital-photography-school.com/blog/introduction-to-metering-modes/

கேமரா ஷேக் எனப்படும் அதிர்வுகள் தான் நமது படங்களின் தரத்தை குறைக்கும் முக்கியமான ஒரு பிரச்சினை.இதற்கு வழக்கமாக நாம் ட்ரைபாட் எனப்படும் முக்காலியை பயன்படுத்துவோம்.
ஆனால் அதனை எல்லா இடங்களுக்கும் எடுத்துச்செல்வது சௌகரியப்படாது.
இந்த கேமரா ஷேக் ஆவதை குறைக்க ஒரு சுவாரஸ்யமான முறையை இந்த நிகழ்படத்தில் காணலாம்.... :-)




$1 Image Stabilizer For Any Camera - Lose The Tripod - video powered by Metacafe

இந்த லென்ஸ்கள் ஒவ்வொன்னும் இம்புட்டு விலையா இருக்கு!!
அப்படி என்னதான் பண்றாங்க அதுல அப்படின்னு யோசனை வந்திருக்கா உங்களுக்கு??

அப்போ இந்த நிகழ்படத்தை பாருங்கள்!!
என்னமா மெனக்கெடறாங்க!! இவ்வளவு நுணுக்கமான வேலை இருக்கறதுனால தான் அம்புட்டு விலை அகுது போல!!

நான் ரொம்ப நாளா நெனைச்சிட்டு இருந்த எண்ணம் இது!!

நான் போர் அடிக்கற சமயங்களிலே (அதாவது ஒரு நாளிலே பாதிக்கும் மேற்பட்ட நேரம்) Flickr தளத்தின் explore பக்கத்துல வர படங்களை தான் பார்த்துட்டு இருப்பேன்.

நல்ல படங்களை எடுக்கனும்னா நிறைய நல்ல படங்களை பாக்கனும் என்பது என்னுடைய எண்ணம்.

நிறைய நல்ல படங்களை பார்க்கனும்,அது ஏன் நல்லா இருக்குன்னு புரிஞ்சுக்கனும்,நம்மளால ஏன் அந்த மாதிரி எடுக்க முடியலன்னு தெரிஞ்சுகிட்டு அதை சரி செய்ய பாக்கனும்,இதுதான் என்னுடைய சிந்தாந்தம்!

இப்படி நான் பார்க்கும் படங்களை அவ்வப்போது ஜி-டாக்கில் இருக்கும் தமிழ்மண நண்பர்களோடு பகிர்ந்துக்கொள்வேன். ஜீவ்ஸ் அண்ணாச்சி போன்ற புகைப்பட ஆர்வலர்கள் ஆன்லைனில் இருந்துவிட்டால் படங்களை பகிர்ந்துக்கொண்டு அதன் நிறைகுறைகளை பற்றி விவாதிப்பேன்.

இப்படி செய்யும் அரட்டைகளை ஜி டாக்கில் மட்டும் செய்யாமல் இந்த பதிவிலும் செய்யலாமே என்று பல நாட்களாக எண்ணிக்கொண்டிருந்தேன்.இன்றைக்கு செயலாக்க வேளை அமைந்தது!!

அவ்வப்போது Flickr Explore-ல் நான் காணும் படங்கள் சில வற்றை பதிவிட்டு அதை பற்றி என் மனதில் தோன்றும் கருத்துக்களை பகிர்ந்துக்கொள்ளலாம் என்று எண்ணம்.

இந்த பதிவை சார்ந்த பல வல்லுனர்களும்,வாசகர்கள்களும் படங்களை பற்றின தன்னுடைய கருத்துக்களையும் எண்ணங்களையும் பின்னூட்டத்தில் தெரிக்க நாமும் நாலு விஷயங்களை ஆலோசித்து அறிந்துக்கொள்ளலாம்.
என்ன?? ஐடியா நல்லா இருக்கா???

சரி இந்த தடவை என்னென்ன படங்கள் என்று பார்க்கலாம்.



© 2008, Richard Thompson
http://www.flickr.com/photos/richardthompson/2162728730/

Camera: Canon EOS 5D
Exposure: 20 sec (20)
Aperture: f/10
Focal Length: 18 mm
ISO Speed: 100

அடடா!!
என்ன வண்ணங்கள்.படம் எடுக்கறது எப்படின்னு எல்லாம் தெரிஞ்சுக்கறதுக்கு முன்னாடி எந்த நேரத்துல எடுத்தா படம் நல்லா வரும்னு தெரியனும்!! அதை நம்ம அண்ணாச்சி கரீட்டா கண்டுக்கிட்டாருன்னு நெனைக்கறேன். நல்லா மாலை நேரத்தில் இருள் சூழும் முன்னர் போய் எடுத்திருக்காருன்னு தெரியுது!!
அந்த சமயம் இந்த ஊருல எம்புட்டு குளிரா இருக்கும்னு எனக்கு தான் தெரியும் (இவரு படம் எடுத்ததும் மிசிகன் தான்).
சரியான நேரத்துல,சரியான இடத்துக்கு கஷ்டம் பாக்காம போய் சேருவது நாம் புகைப்படக்கலையில் கற்க வேண்டிய முதல் பாடம்.
exposure 20 secs-னு இருக்கறது கவனிங்க!! நிச்சயம் முக்காலி போட்டு தான் எடுத்திருப்பாரு!! படம் என்ன crisp-a இருக்கு பாருங்க.தண்ணீரின் மேல ஓரத்தில் இருக்கும் மரங்களின் பிரதிபலிப்பு எவ்வளவு தெளிவாக படத்தில் அமையுமாறு செய்திருக்கிறார். முப்பகுதி கோட்பாடு மற்றும் வழிநடத்தும் கோடுகள் ரொம்ப அழகா உபயோகப்படுத்தப்பட்டிருக்கிறது!!
சூப்பர் ஷாட்!
----------------------------------------------


http://www.flickr.com/photos/hichako/2176682903/

Camera: Canon EOS 10D
Exposure: 0.001 sec (1/750)
Aperture: f/5.6
Focal Length: 90 mm
ISO Speed: 100

படத்துல மிக அழகான ஒளி அமைப்பு!! நிச்சயமா சற்றே மேக மூட்டமான நாள் ஒன்றில் தான் இந்த படத்தை எடுத்திருப்பாருன்னு நெனைக்கறேன். ஏன்னா ரொம்ப பளிச்சுன்னு இல்லாம,அதே சமயம் ரொம்ப கம்மியாவும் இல்லாம சரியான அளவு குழைந்த ஒளி (diffused light) இந்த படத்துல. நடுவுல இருக்கற பூவுல மட்டும் லேசா கொஞ்சம் நிழல் தெரியுது மத்தபடி படம் முழுக்க மெல்லிய ஒளி அமைப்பு தான்.
அதுவுமில்லாமல் படத்துல முன் இருக்கும் பூக்கள் பின்னிருக்கும் பூக்கள் out of focus ஆகி நடுவில் இருக்கும் பூக்கள் மட்டும் தெளிவாக தெரியுமளவிற்கு மிகக்குறைந்த குவிய ஆழம் (shallow depth of field)
படத்தின் பின்னூட்டங்களை பார்த்தால் அண்ணாச்சி Tamron macro 90mm lens உபயோகிச்சிருக்காருன்னு தெரியுது!! இந்த மாதிரி சிறப்பான ஃபோகஸ் உள்ள படங்கள் பார்த்தாலே நிச்சயம் கிட் லென்ஸில் இல்லாமல் வேறு ஏதாவது வெளியில் வாங்கிய லென்ஸாக இருப்பது நாம் கவனிக்க வேண்டிய இன்னொரு விஷயம்.
----------------------------------------------

http://www.flickr.com/photos/rouleau/2182633497/

Camera: Canon EOS 10D
Exposure: 0.033 sec (1/30)
Aperture: f/1.8
Focal Length: 50 mm
ISO Speed: 400

இந்த படத்தினை பற்றி ஒரே வார்த்தையில் கருத்து கூற வேண்டும் என்றால் நான் சொல்லும் வார்த்தை DOF என்றுதான் இருக்கும்!!
புகைப்படக்கலையில் Shallow DOF எனப்படும் உத்திக்கு சிறந்த உதாரணம் ஒன்றை காட்ட வேண்டும் என்றால் இந்த படத்தை கண்ணை மூடிக்கொண்டு காட்டி விடுவேன்.
தன்னிடம் உள்ள நல்ல தரமான லென்ஸை முழுமையாக பயன்படுத்தி சரியாக துப்பாக்கியின் முனையில் ஃபோகஸை நிறுத்தியிருக்கிறார்!!
சூப்பர்!!
----------------------------------------------
சரி இதே மாதிரி சுவாரஸ்யமான வேறு மூன்று படங்களோடு உங்களை மீண்டும் சந்திக்கிறேன்.
இப்போதைக்கு நான் அப்பீட்டு ஆகிக்கறேன்.
படத்தை பற்றிய உங்கள் கருத்துக்களையும் விமர்சனங்களையும் பின்னூட்டத்துல சொல்லுங்க!
அரட்டை அடிப்போம்!!
வரட்டா?? :-)

புகைப்படக்கலை ஆர்வலர்கள் எல்லோருமே மிக சுலபமாக பழகக்கூடிய பிரிவு என்று ஒரு பிரிவை சொல்ல வேண்டுமென்றால் அது இந்த உட்புற படப்பிடிப்பு அல்லது Indoor Photography தானுங்க!

பின்ன நீங்களே பாருங்களேன். அடிச்சு புடிச்சு வீட்டுக்கு வெளில போய் அலைய வேண்டாம்.இங்கிட்டு மரம் கொஞ்சம் குட்டையா இருந்தா நல்லா இருக்குமேஅங்கிட்டு அந்த வீடு மறைக்காம இருந்தா நல்லா இருக்குமே,அந்த டெலிபோன் கம்பம் மட்டும் கொஞ்சம் தள்ளி இருந்தா நல்லா இருக்குமே அப்படின்னு எல்லாம் கவலை பட வேண்டாம்.யாராச்சும் பாப்பாங்களா,ஏதாச்சும் சொல்லுவாங்களா,என்ன பண்ணுறன்னு கேப்பாங்களா,பொதுமக்களுக்கு இடைஞ்சலா இருக்குமா அப்படின்னு ஏதும் யோசிக்க வேண்டாம்.திடீர்னு சூரியன் மேகத்துல மறைஞ்சு போயிருச்சே,மழை கொட்டுதே,காத்து அடிக்குதே என்ற பிரச்சினைகளும் இல்லை.அப்பப்பா இப்படி சொல்லிக்கொண்டே போகலாம்.

நாம இஷ்டப்படி நமது பக்கத்துல உள்ள ஏதேனும் ஒரு பொருள் அழகாக இருப்பது போல பட்டா் சட்டென் நமது கேமராவை எடுத்து சுட்டு போட்டு விடலாம்.முதன் முறை சரியாக வராவிட்டாலும் திரும்ப திரும்ப எத்தனை முறை வேண்டுமானாலும் முயற்சி செய்து நமக்கு வேண்டியவாறு படம் பிடிக்கலாம்.இப்படி பல வகைகளில் சௌகரியமான ஒரு பிரிவு தான் இந்த உட்புற படப்பிடிப்பு.

அப்படி விழுந்து விழுந்து எடுக்கற அளவுக்கு என்னதான் வீட்டுக்க்குள்ள இருக்குன்னு நெனைக்காதீங்க. எல்லாம் நாம் பாக்கற விதத்துல தான் இருக்கு.இரவு பகல் என நாளின் பல்வேறு நேரங்களில் ஒரே பொருள் பல ஒளி அமைப்புகளோடு வித்தியாசமாக தெரியும். ஒரு பொருளை நாம் வழக்கமாக பார்க்கும் கோணத்தை விட்டு சற்றே மேலே ,கீழே,தூரத்திலிருந்து,பக்கத்திலிருந்து என்று நம் பார்வையை மாற்றி பார்த்தால் நாம் முன்பு எப்போதும் அறிந்திராத அழகு ஒவ்வொரு பொருளிலும் ஒளிந்துக்கொண்டிருக்கும்.அதனை கண்டுக்கொள்வது தான் ஒரு புகைப்படக்கலைஞனின் முதன்மையான திறமை.
இப்படி ஒரு பொருளை புகைப்படம் எடுப்பது என்று தீர்மானித்த பிறகு அடுத்து யோசிக்க வேண்டியது என்ன??
எந்த புகைப்படமாக இருந்தாலும் அந்த படத்தின் தரத்தை தீர்மானிக்கும் முதன்மையான விஷயம் என்றால் ,படத்தின் உள்ள ஒளி அமைப்பு என்றுதான் சொல்ல வேண்டும்.உட்புற படப்பிடிப்பின் முதல் பிரச்சினை போதிய வெளிச்சமின்மை.என்னதான் ஃப்ளாஷ் வந்தாலும் ,பெரிய பெரிய மின் விளக்குகள் வந்தாலும் சூரிய ஒளியை மிஞ்ச முடியாது.அதனால் வீட்டுனுள் வரும் சூரிய ஒளியை முடிந்த வரை பயன்படுத்திக்கொள்ள வேண்டும்.ஜன்னல்களை திறந்து விடுங்கள்,அதன் மூலம் வரும் ஒளி முடிந்தவரை உங்கள் கருப்பொருளின் மேல படுமாறு பார்த்துக்கொள்ளுங்கள்.கண்ணாடிகள் மற்றும் கையில் கிடைத்த ஒளியை பிரதிபலிக்கும் பொருட்களை வைத்து வரும் ஒளியை பிரதிபலித்து பொருளின் மீது ஒளியை கூட்டலாம். ஒரு அட்டையின் வெள்ளை காகிதத்தை ஒட்டி அதையே பிரதிபலிப்பானாக (reflector) பயன்படுத்திக்கொள்ளலாம்.இது போல அலுமினியம் ஃபாயில்(Aluminium foil), தெர்மோகோல் என்று வீட்டில் சாதாரணமாக பல பொருட்களை கொண்டு பிரதிபலிப்பான்களை உருவாக்கிக்கொள்ளலாம்.சில சமயங்களில் சூரியனிடமிருந்து வரும் ஒளி மிகவும் வீரியம் மிக்கதாகவும் நிறைய நிழல்கள் தரவனவாக இருக்கலாம்,அந்த சமயங்களில் இந்த பிரதிபலிப்பான்களை உபயோகித்தால் ஒளி மென்மையாகவும்,குழைந்து போய் (diffused light) புகைப்படம் எடுப்பதற்கு ஏற்றதாகவும் மாறிவிடும்.

ஒளியை கூட்டிக்கொள்ள இன்னொரு உத்தி உங்களின் வீட்டில் உள்ள மின் விளக்குகள் அனைத்தையும் எரிய விட்டுக்கொள்வது.உங்களிடம் ஏதாவது மேஜை விளக்கு அல்லது நடமாடும் விளக்கு (portable lamp) ஏதாவது இருந்தால் அதை பொருளின் பக்கத்தில் வைத்து எரியவிட்டுக்கொள்ளுங்கள். அப்படியும் ஒளி போதவில்லை என்றால் இருக்கவே இருக்கிறது ஃப்ளாஷ். உங்கள் கேமரா தானியங்கி முறையில் (automatic mode) இயங்கினால் படம் எடுக்கும் போது ஃபிளாஷ் தானாக இயங்கிவிடும். ஆனால் ஃப்ளாஷ் உபயோகித்தால் படத்தில் ஒரே செயற்கை தனம் வந்துவிடுவதாலும்,படத்தில் ஜீவனே இல்லாதது போன்ற ஒரு உணர்வு ஏற்படுவதாலும் அதை உபயோகிப்பதை நான் முடிந்த வரை தவிர்த்து விடுவேன்.முடிந்த வரை ஒளியை கூட்டிக்கொள்வது படம் நன்றாக வருவதற்கான சாத்தியக்கூறை அதிகப்படுத்தும்.ஆனால் அதே சமயம் ஒளி அதிகமாகிப்போய் படம் overexposed ஆகாதவாறு பார்த்துக்கொள்ளுங்கள்.

ஒளி குறைந்த சந்தர்ப்பத்தில் நீங்கள் படம் எடுக்கிறீர்கள் என்றால்,உங்கள் கேமரா தானாக போதுமான அளவு ஒளி உள்ளே நுழைவதற்காக ஷட்டரை அதிகப்படியான நேரத்திற்கு திறந்து வைத்துக்கொள்ளும்.இதனால் முக்காலி இல்லாமல் (handheld) எடுக்கப்படும் படங்களில் அதிர்வுகள் (shake) அதிகமாக வரக்கூடிய வாய்ப்பு உண்டு.படத்தில் நேரடியாக தெரியாவிட்டாலும் இந்த அதிர்வுகளால் படங்களின் தெளிவில் குறைபாடு பல சமயங்களில் ஏற்படும்.இதனால் உட்புற படப்பிடிப்பு போன்ற ஒளி குறைந்த சந்தர்ப்பங்களில் முக்காலி பயன்படுத்துவது சாலச்சிறந்தது.உங்களிடம் முக்காலி இல்லாவிட்டால் மேஜை,நாற்காலி என ஏதாவது கடினமான நிலப்பரப்பில் கேமராவை பொருத்தி படம் பிடிப்பது உசிதம்.
அதுவுமில்லாமல் பொத்தானை அழுத்தும்போது சில அதிர்வுகள் ஏற்பட்டு அதனால் படம் தெளிவாக விழாமல் போகக்கூடிய வாய்ப்புகள் உண்டு என்பதால் கேமராவை self timer-இல் போட்டு விட்டு படம் பிடிப்பது மற்றுமொரு பிரபலமான உத்தி.

எடுக்கும் பொருளை சுற்றி நம் கவனத்தை சிதறடிக்க கூடிய பொருட்கள் இருந்தால் அவற்றை நீக்கிவிட பாருங்கள். முடிந்த வரை பொருளை சுற்றி மற்றும் பின்புறம் தெளிவாக அமையுமாறு பார்த்துக்கொள்ளுங்கள்.நமது AN& அண்ணாச்சி எடுத்த இந்த படத்திற்காக என்ன மாதிரி ஏற்பாடுகளை எல்லாம் செய்திருக்கிறார் என்று இந்த சுட்டியில் சென்று அறிந்துக்கொள்ளலாம்.
இதே போல வீட்டுலேயே ஸ்டூடியோ ரேஞ்சுக்கு ஏற்பாடுகள் செய்யறது பத்தி இந்தப்பக்கம் மற்றும் இந்தப்பக்கத்துக்கு சென்று தெரிந்துக்கொள்ளலாம்.


நம்மை எங்கெங்கோ தேடி, உருண்டு புரண்டு படம் பிடிப்பதை விட நம்மை சுற்றி குழுமியிருக்கும் அழகை ரசிக்கத்தெரிந்து கொண்டாலே பல அழகழகான படங்களை பிடிக்கலாம்.எனவே நீங்கள் அனைவரும் இந்தக்கலையை முயன்று பார்த்து நம் போட்டியை சிறப்பிக்க வாழ்த்துக்கள்.
கேள்விகள் கருத்துக்க்கள் ஏதாவது இருந்தால் பின்னூட்டத்தில் தெரிவிக்கவும்.
கலந்தாலோசிக்கலாம்!!

வரட்டா?? :-)

Reflector picture from
www.studiolighting.net/images/alumreflect1.jpg
Table top prop picture from
http://www.flickr.com/photo_zoom.gne?id=1357318708&context=photostream&size=o