PIT மார்ச் 2009 போட்டி அறிவிப்பு

• இந்த மாத தலைப்பு - கருப்பு வெள்ளை கருப்பு வெள்ளை

• கடைசித் தேதி மார்ச் 15, 23:59 இ.நே.

• போட்டிக்கான விதிகள்

• பார்த்து பரவசப்பட, உணர்ச்சி வசப்பட்டு கேமராவை உடனே கையில் எடுக்க, கையில் இருக்கும் கேமராவை தூக்கி எறிய சில அற்புதமான கருப்பு வெள்ளைப் படங்கள்.

• PiT கருப்பு வெள்ளை இடுகைகள்: கிம்ப் மற்றும் பிகாஸா



• நாங்க ரெடி, நீங்க ரெடியா ?
  

...மேலும் படிக்க...

... பதிவுச்சுருக்கம்...

PiT மாதாந்திர போட்டி விதிமுறைகள்

PiT மாதாந்திர போட்டி விதிமுறைகள்


படம் அனுப்ப வேண்டிய கடைசி தேதி : 20 ம் தேதி, 23:59 IST

போட்டி விதிமுறைகள்:-

1. படங்கள் நீங்களே எடுத்த, உங்களின் சொந்த படமாக இருக்க வேண்டும்.
   
2. படங்களை 111715139948564514448.submit@picasaweb.com என்ற மின்னஞ்சல் முகவரிக்கு இணைப்பாக அனுப்பவும். Please also CC photos.in.tamil@gmail.com .
   
   [தயவு செய்து படத்தின் சுட்டி (அதாவது வேறுதளங்களில் பதிந்ததின் URL) மட்டும் அனுப்ப வேண்டாம்,அவை ஏற்றுக்கொள்ளபட மாட்டாது. புகைப்படத்தின் சுட்டி(URL) மட்டும் இணைத்து, புகைப்படம் இல்லாத மடல்கள் நிராகரிக்கப் படும்.]
   
3. நீங்கள் அனுப்பும் படத்தின் பெயர் உங்களின் பெயராக இருக்க வேண்டும்( Eg Deepa.jpg, CVR.jpg etc ...மேற்குறிப்பிட்டபடி பெயரிடப்படாத படங்கள் போட்டிக்கு ஏற்றுக்கொள்ளப்பட மாட்டாது.
   
4. மின் அஞ்சல் செய்யும்போது Subject : Deepa.jpg / CVR.jpg ( Replace it with your name ) ன்னு கண்டிப்பாக தெரிவிக்கவும்.
   
5. ஒரு படம் மட்டுமே சமர்ப்பிக்கவும் , பின்னூட்டத்திலும் மறக்காமல் தெரிவிக்கவும். சரிபார்க்க ரொம்பவே உதவியாக இருக்கும்.
   
6. ஒரு மின்னஞ்சல் முகவரியில் இருந்து ஒரு படம் மட்டுமே போட்டிக்கு ஏற்றுக் கொள்ளப்படும்
   
   அதுக்காக, இலவசமா கிடக்குதுன்னு மானாவாரியா 5-10 ன்னு மின்னஞ்சல் முகவரி தயார் செய்து 10 படம் எல்லாம் அனுப்பாதீங்கன்னு "மனிதாபிமான அடிப்படையில்" தாழ்மையுடன் கேட்டுக்கொள்கிறோம்
   
7. ஒரு முறை படத்தை நிர்ணயித்து PiT க்கு அறிவித்துவிட்டால், எக்காரணத்தாலும் அதை மாற்ற முடியாது.தலைப்புல சந்தேகம் இருந்தா பின்னூட்டத்திலோ அல்லது photos.in.tamil@gmail.com.என்ற முகவரிக்கு மடலிட்டு தீர்த்துக்கொள்ளவும்.
   
8. போட்டிக்கு அனுப்பப்படும் படம் ஏதாவது பார்வையாளர்களுக்கு சங்கடத்தை ஏற்படுத்தும் என்று பிட் குழுவினரால் கருதப்படும் பட்சத்தில்,அந்தப்படம் போட்டியில் இருந்து நீக்கப்படும்.(Pictures not suitable for public viewing shall be removed from contention based on PIT moderators discretion)
   
9. எங்களின் போட்டிக்கு ஏற்கெனவே அனுப்பிய படத்தை மறுபடியும் அனுப்ப வேண்டாம்.
   
10. அனுப்பும் படங்கள் 1024x768 எனும் அளவில் இருக்குமாறு பார்த்துக் கொண்டால் நல்லது.

போட்டிக்கான உங்களின் படம், எங்களது PICASAWEB பக்கத்தில் இடம்பெற்றதும், படத்தின் கீழ், படம் எடுத்த விதம் பற்றியும், மற்ற மேல் விவரங்கள் பற்றியும் பின்னூட்டமாய் தெரிவிக்கலாம். இது, படத்தை பார்க்கும் மற்றவர்களுக்கு உபயோகமாய் இருக்கும். இந்தப் படத்தை பற்றிய விவரங்கள் வேறெங்கேனும் பதிந்திருந்தால், அந்த பக்கத்தின் உரலையும், நீங்கள் பின்னூட்டமாய் சொல்வதும் உதவும்.

...மேலும் படிக்க...

... பதிவுச்சுருக்கம்...

பிப்ரவரி 2009 பிட் போட்டி முடிவுகள்

வணக்கம் மக்களே,
முதல் பத்து படங்களை எவ்வளவு கஷ்டப்பட்டு தேர்ந்தெடுத்தேன் அப்படின்னு முன்ன்மே சொல்லியிருந்தேன் .அடுத்த கட்ட தேர்வு அதை விட சிரமமாக இருந்தது என்று நான் சொல்லிதான் தெரிந்தாக வேண்டுமா???
குழப்போ குழப்பென்று குழப்பி,கடைசியில் சரி இதுதான் தேர்வு என்று என் மனதை கல்லாக்கிகொண்டு இப்படங்களை இறுதி செய்தேன்.

சரி இப்போ தேர்வான படங்களை பார்க்கலாம்.


மூன்றாவது இடம்:
நம்ம ஊருல குளிர் அவ்வளவா கிடையாது பாருங்க!! அதனால நம்ம பயபுள்ளைக அத்தன பேரும் செம சுறுசுறுப்பு!! அட!! மனுசப்புள்ள மவன் தான் அப்படின்னா நம்ம ஊரு புழு பூச்சிங்க கூட ஒன்னும் கொறைஞ்சது கெடயாது.
எப்பயாச்சும் ஒரு தடவை தட்டாம்பூச்சி படம் புடிக்கறேன்னு கேமராவை தூக்கிகிட்டு போங்க அப்போ தெரியும் நான் சொல்லுறது....

அப்படி இருக்கையில ஒரு பூச்சிய செடியிலையோ இல்லனா பூவிலையோ ஒரு நிமிசம் அசால்ட்டா இருக்கும்போது படம் புடிக்கறதே பெரிய்ய்ய விசயம்!!
அதே அந்த பூச்சிகள் இரண்டு நடு காத்துல டான்ஸு ஆடிட்டு இருக்கும்போது அலேக்கா நமக்கு படம் புடிச்சு காட்டினா எப்படி இருக்கும்????
காட்டியிருக்காரே ஒருத்தரு!!!!
அந்தரத்தில் உலாவும் பூச்சியை அம்சமாக படம் பிடித்து காட்டிய கருவாயன் இந்த போட்டியில்
மூன்றாவது இடத்தை பிடிக்கிறார்.



இரண்டாவது இடம்:
நம்ம ஊருல படம் புடிக்கறாப்போல வெளிநாட்டுல படம் புடிக்கறது அம்புட்டு சுலபம் இல்லீங்க!! நம்ம ஊருல நெறைய இடங்கள்ள படம் எடுக்க ஆரம்பிச்சா மக்களும் ஆசையா போஸ் குடுக்க வந்துருவாய்ங்க,நம்மளுக்கும் படம் எடுக்க சந்தோசமா இருக்கும்!!
ஆனா வெளிநாட்டுல யாரு என்ன சொல்லுவாய்ங்கன்னே தெரியாது!! நாம பாட்டுக்கு எக்குத்தப்பா மாட்டி “யக்கா யக்கா,சும்மானாச்சுக்கும் எடுத்தேன்கா...நீங்க சொன்னீங்கன்னா இப்போ இப்போ இப்போவே அழிச்சிடறேன்கா” அப்படின்னு நமக்கு தெரிஞ்ச இங்கிலீசுல அவிங்களுக்கு புரியறா மாதிரி சொல்லுறதுக்குள்ள அவிங்க போலீசு மிலிட்டரி எல்லாத்தையும் கூப்டு விட்டிருவாய்ங்க!!!
அப்படியான சூழ்நிலையில் கடற்கரை ஓரம் விளையாடிக்கொண்டு இருக்கும் இரு குழந்தைகளை அட்டகாசமாக படம் பிடித்த சூர்யா இரண்டாவது இடத்தை பிடிக்கிறார்.



முதல் இடம்
எல்லா படங்களுமே கண நேர கண்ணாடிதான்.எல்லாமே சரியான நேரத்துல க்ளிக்கினா கிடைக்கும் படங்கள் தான்!! இதுல மொத பரிசு எதுக்கு தரது???முதல் பரிசுக்கு தேர்ந்தெடுக்க நான் எடுத்துக்கொண்டகாரணம் என்ன???
எல்லாமே சரியான நேரத்தில் எடுக்கப்பட்டாலும் சில தருணங்களை ஒரு முறை தப்பவிட்டால் திரும்ப எப்பொழுது கிடைக்கும் என்று சொல்ல முடியாது.
அப்படியான மிக மிக அரிதான தருணங்களில் படமாக்கப்பட்ட படங்கள் என் பார்வையில் முன்னேரின.அதிலும் சரியான நேரத்தோடு காட்சியமைப்பும்(composition) சிறப்பாக அமைந்தால்???அதுதான் நான் எடுத்துக்கொண்ட அனுகுமுறை.இப்படி வடிகட்டியும் கூட எனது தேர்வில் இரண்டு படங்கள் முதல் இடத்தை பிடித்து விட்டது.அவை என்னவென்று பார்க்கலாமா???

பிரகாஷ்:
குழந்தையின் துள்ளல்,கைகளை தூக்கிக்கொண்டு,செருப்பை இன்னொரு கையில் எடுத்துக்கொண்டு கால்கள் நடனாமாட, ஓடும் அந்த சரியான தருணம்.....மிக மிக அழகான தருணம்.அலைகளின் ஆர்பரிப்போடு மிக அழகாக அமைந்துள்ள காட்சியமைப்பு இந்த படத்தை முதல் இடத்திற்கு இட்டுசெல்கிறது....
வாழ்த்துக்கள் பிரகாஷ் :)



கைப்புள்ள:
இரு கைகளையும் தூக்கிக்கொண்டு குதிக்கும் சமயத்தில் ,பின்னாலிருக்கும் மேகத்தின் வென்மையோடு பொருத்தமான காண்ட்ராஸ்ட்(contrast),சட்டத்தில் சரியான இடத்தில் அமைந்திருக்கும் கருப்பொருள் (subject placement in the frame) போன்ற காரணங்களால் இந்தப்படம் என் மனதில் முதல் இடத்திற்கு முந்திச்சென்றது.
வாழ்த்துக்கள் கைப்புள்ள ;)



அப்பாடா ஒரு வழியா இந்த மாசம் சமாளிச்சாச்சு!!! ஒவ்வொரு மாதமும் நமது வாசகர்களின் திறமை வளர்ந்துக்கொண்டே வருகிறது.எங்களது பணியும் சிரமமாகிக்கொண்டே வருகிறது.இந்த நிலையில் , இனி வரப்போற நடுவரை நெனச்சு பாத்தா நெம்ப பாவமா இருக்கு.
மேலும் மேலும் அட்டகாசமான படங்கள் எடுத்து எங்களை மேலும் மண்டை காய வைக்கவேண்டும் என்று கேட்டுக்கொண்டு,பங்கேற்றவர்களுக்கும் வெற்றி பெற்றவர்களுக்கும் வாழ்த்துக்களை தெரிவித்துக்கொண்டு,வாய்ப்பளித்து அன்பு உள்ளங்களுக்கு நன்றிகளை தெரிவித்துக்கொண்டு உங்களிடம் இருந்து விட பெறுவது.
உங்கள் அன்பு சீவீஆர்...


வரட்டா :)

...மேலும் படிக்க...

... பதிவுச்சுருக்கம்...

சேனல் மிக்ஸர்

இது டீவி சேனல் மிக்ஸர் இல்லைங்க, கிம்பில் இருக்கும் வண்ணங்களை கட்டுப்படுத்தும்/மட்டுப்படுத்தும் ஒரு நீட்சி. இதன் பெரிய பலம் வண்ணப் படங்களை கருப்பு/வெள்ளைக்கு மாற்றும் போது கிடைக்கும் கட்டுப்பாடுகள்.


வண்ணப்படங்கள் RedGreenBlue என்ற மூன்று பகுதிகளாக இருக்கும் என்பது தெரிந்ததுதான்.
இந்த வண்ணங்களை தனித்தனியாக தேவையான அளவிற்கு சேர்ப்பது/குறைப்பதின் மூலம் வேண்டிய முறையில் கருப்பு வெள்ளைப்படங்களைப் பெற முடியும்.


உதாரணதிற்கு திரிஷாவின் இந்தப் படத்தை எடுத்துக் கொள்வோம்.



சேனல் மிகஸ்ர் கிம்பில் Colors-> Components-> Channel Mixer பகுதியில் இருக்கு.

MononChrome , Preserve Luminosity இரண்டும் தேர்ந்து எடுத்துக் கொள்ளவேண்டும். முதலில் Red 100 Green 0 Blue 0 என்று சிவப்புப் பகுதிமட்டும்.






சிவப்புப் பகுதியில் Contrast அதிகமாக இருக்கும். முகத்தின்/தோலின் குறைகள் தெரியாது.


இனி அடுத்து Red 0 Green 100 Blue 0 . பச்சைப் பகுதியில் விவரங்கள் தெளிவாய் தெரியும்.


அடுத்து Red 0 Green Blue 100 . நீல பகுதியில் இரைச்சல்கள் அதிகமாய் இருக்கும். முகத்தில்/தோலில் இருக்கும் அனைத்து குறைகளும் தெளிவாய் தெரியும்.



இது போன்ற Portrait படங்களுக்கு பச்சை பகுதியும், சிவப்பு பகுதியும் நிறைய இருக்கவேண்டும். நீலப் பகுதியை அறவே தவிர்க்கலாம். நான் இந்த படத்தில் பச்சை 70 சிவப்பு 57.8 சேர்த்துள்ளேன்.



படம் இப்படி கருப்பு வெள்ளைக்கு மாறிவிட்டது.



சரி , அடுத்து இயற்கை காட்சி படங்களுக்கு என்ன மாதிரி அளவில் வண்ணக் கலவை இருக்க வேண்டும் ?

இந்தப் படத்தில்



இது சிவப்பு மட்டும் ( Red 100 Green 0 Blue 0 )




இது பச்சை மட்டும் ( Red 0 Green 100 Blue 0 )



இது நீலம் மட்டும் ( Red 0 Green 0 Blue 100 )




மரங்கள் நீலப் பகுதியில் அழகாகவும், நீல வானம் சிவப்புப் பகுதியில் தெளிவாகவும் தெரியும். உங்களின் விருப்பத்திற்கு ஏற்ப விளையாட வேண்டியதுதான்.

நான் இந்த படத்திற்கு இந்த விகிதத்தில் சேர்த்துக் கொண்டேன்.



படம் இப்படி மாறியது.



பழகிப் பாருங்கள். கூடிய விரைவில் PiTல் பிட்டுப் போட உதவக் கூடும் .

...மேலும் படிக்க...

... பதிவுச்சுருக்கம்...

பிப்ரவரி 2009 மாத பிட் போட்டி - முதல் பத்து இடங்கள்

அநியாயத்துக்கு படுத்திட்டீங்க மக்களே....
இப்படி ஆளாளுக்கு அழகழகா படம் எடுத்தா அப்புறம் என்னை மாதிரி நடுவர்கள் என்ன செய்வது.


மிகவும் சிரமப்பட்டு தேர்ந்தெடுத்த முதல் பத்து(எந்தவித வரிசைப்படுத்தலும் இல்லாமல்)



ஒப்பாரி


சூர்யா


அமல்


கைப்புள்ள


காரூரன்


கருவாயன்


கயல்விழி முத்துலெட்சுமி


பிரகாஷ்


MQN


நந்து


முதல் பத்தில் வராவிட்டாலும் கடைசியில் என்னை மண்டை காய வைத்த பிற படங்கள் சில (Special mention)
இவை மிக நல்ல படங்கள் தான் ,ஆனால் முதல் பத்து படங்களின் உயர் தரத்தினால் இவைகளின் சிறிய குறைகளும் பெரியதாக தெரிகிறது..

ஸ்ரீராம்

மறுக்க முடியாத ஆக்‌ஷன் படம்,ஆனால் காட்சியமைப்பில் சற்றே குறைபாடு.இடது பக்கம் தேவையில்லாமல் இருக்கும் மனிதரால் கவனம் சிதறடிக்கப்படுகிறது.சற்றே சுற்றியிருக்கும் பகுதிகளை வெட்டி விட்டு இன்னும் கவனத்தை ஆக்‌ஷனுக்கு எடுத்து சென்றிருக்கலாம்.

Truth

முகத்தை சுற்றிய இடங்கள் எல்லாம் overexposed.கூடவே அதிகப்படியான ப்ளாஷினால் படத்தில் செயற்கைத்தனம் சற்று அதிகமாகவே இருப்பது போன்ற உணர்வு.பிற்பகுதி வெள்ளையாக இல்லாமல் கருப்பாக இருந்தால் படம் எங்கேயோ போயிருக்கும்.சட்டையும் வெள்ளையாக இருப்பதால் படத்தில் contrast பெருமளவு அடிப்பட்டு போய்விட்டது.

நந்தகுமார்

இவரு அந்த இடத்துக்கு வருவாருன்னு அனுமானித்து காத்திருந்து எடுத்தீங்களா?? இல்லனா வரது பாத்து உடனே எடுத்தீங்களான்னு தெரியாது,ஆனா வருபவர் உங்களுக்கு தெரியாதவராக இருக்கும் பட்சத்தில் இது சூப்பர் டைமிங்.படத்தில் ஒளியமைப்பு மற்றும் framing வெகு பிரமாதம்.ஆனா படத்தை பார்த்தா ஆக்‌ஷன் படம் என்ற உனர்வு வராதது படத்தின் மிகப்பெரிய மைனஸ் :(

வெங்கட்நாராயணன்

அற்புதமான ஒளியமைப்பு இந்தப்படத்தில்.அதனால தான் இதே மாதிரி எடுக்கப்பட்ட ஜோவின் வசந்தகுமார் அவர்களின் படத்தை பின்னுக்கு தள்ளி இந்தப்படம் எனது கடைசி பதினான்கில் இடம் பிடித்தது.ஆனா படம் ரொம்ப சாதாரணமாக (cliched) இருந்ததால் மற்ற படங்களோடு ஒப்பிடும்போது அடிப்பட்டு போய் விட்டது.

இந்த முதல் பத்து படங்களை நான் தேர்ந்தெடுக்கும் போது பார்த்த விஷயங்கள்.

1.)தலைப்பிற்கு பொருத்தம்
2.)ஈர்ப்புத்தன்மை(இது மனிதருக்கு மனிதர் மாறுபடும்.ஒருத்தருக்கு பிடிச்சது ஒன்னொருத்தருக்கு பிடிக்காம போகலாம்.ஒருத்தருக்கு ரொம்ம்ம்ம்ப பிடிச்சது இன்னொருத்தருக்கு கம்மியா பிடிக்கலாம்.Its a variable factor)
3.)சாதாரண கோணத்தில் எடுக்காமல் வித்தியாசமாக எடுக்கப்பட்ட படங்கள்.வித்தியாசமான கருப்பொருள்களை கொண்ட படங்கள்
4.)ஷேக் ஆகாமல் தெளிவு,contrast,காட்சியமைப்பு,ஒளியமைப்பு சிறப்பாக அமைந்த படங்கள்.

சீக்கிரமே முதல் மூன்று படங்களோடு சந்திக்கிறேன். தனியாக உங்கள் படங்களை பற்றிய கருத்துக்கள் வேண்டுமென்றால் பின்னூட்டத்திலோ அல்லது மின்மடலிலோ தொடர்பு கொள்ளுங்கள்.நேரம் கிடைக்கும்போது மறுமொழி அளிக்கிறேன்.
வரட்டா?? :-)

...மேலும் படிக்க...

... பதிவுச்சுருக்கம்...

LAB மகிமை

வண்ணங்கள் அனைத்தும் சிவப்பு, நீலம் மற்றும் பச்சையின் மூலம் அடையமுடியும் என்பது வண்ணத்தொலைக்காட்சியில் நெடும்தொடர் பார்த்து கண்ணீர் விடும் அனைவரும் அறிந்ததுதான். வண்ணப்புகைப்படங்களையும் அதேப் போல அனைத்து பிற்தயாரிப்பு மென்பொருட்களும் RedGreenBlue (RGB) என்ற முறையிலேத்தான் கையாளுகின்றன.





இதில் பல குறைகள் இருக்கு. உதாரணதிற்கு சிவப்புப் பகுதியில் மாற்றம் செய்தால் அது படத்தின் வெளிச்ச அளவையும் பாதிக்கும். வெளிச்சப்பகுதியில் மாறுதல் செய்தால் அது அனைத்து வண்ணங்களயும் பாதிக்கும். RGB போல மற்றொரு வகை, LAB , இதில்
L - Luminance ( வெளிச்சப்பகுதி )
A - Red/Green
B - Blue/Yellow
என்று மூன்று வகையாக வண்ணப்படம் பிரிக்கப்பட்டு விடும். சரி இதில் என்ன நன்மை ? பல நன்மைகள் . இந்த இடுகையில் ஒரு நன்மையை பார்ப்போம்.

முதலில் படத்தை எப்படி LAB க்கு மாற்றுவது பற்றி.


படத்தை கிம்பில் திறந்து Colors->Components->Decompose தேர்ந்து எடுங்கள்.



Color Model பகுதியில் LAB தேர்ந்து எடுங்கள்.




ஒரு புதிய சன்னலில் கருப்பு வெள்ளைக்கு மாற்றப்பட்ட படத்தை கிம்ப் உருவாக்கும்.
L, A , B என்று மூன்று பகுதிகளாக படம் பிரிக்கப்பட்டு இருக்கும்.



ஏற்கனவே கூறிய மாதிரி A பகுதியில் வெள்ளைப்பகுதிகள் சிவப்பு நிற்த்தையும், கருப்புப் பகுதிகள் பச்சை நிறத்தையும் குறிப்பவை. இப்போது சிவப்பு நிற காரை பச்சை நிற்த்துக்கு மாற்ற வேண்டுமானல், அதை LABல் செய்வது மிக எளிது.


A தேர்ந்து எடுத்துக் கொண்டு ,


Colors->Invert செய்தால், சிவப்பு பகுதிகள் பச்சையாக மாறிவிடும்.




படத்தை மீண்டும் RGB மாற்றினால் இந்த மாறுதலை பார்க்கலாம்.மீண்டும் RGB க்கு மாற்ற

Colors->Components->Compose





Color Model -> LAB




சிவப்பு காரு பச்சையாச்சு ..




அடுத்த இடுகையில் LAB மூலம் கிடைக்கும் பிற நன்மைகளை பார்க்கலாம்.

...மேலும் படிக்க...

... பதிவுச்சுருக்கம்...

ஆக்‌ஷன் படங்கள் எடுப்பது எப்படி??

வணக்கம் மக்களே,
இந்த மாதத்திற்கான போட்டி தலைப்பு ”ஆக்‌ஷன் படங்கள்” என்று உங்களுக்கு தெரிந்திருக்கலாம்.பதிவில் இருக்கற உதாரண படங்கள் பாத்துட்டு ஆக்‌ஷன் படங்கள் எப்படி எடுக்கலாம் என்று நீங்கள் எல்லாம் யோசித்துக்கொண்டிருக்கலாம். உங்களுக்கு உதவக்கூடிய சில குறிப்புகள் இதோ....


TV Mode: ஆக்‌ஷன் படங்கள் என்றவுடனே கண்டிப்பாக அதிவேக ஷட்டர் ஸ்பீடு தேவைப்படும் என்று நீங்களே கணித்திருப்பீர்கள்.அதனால் உங்களின் ஷட்டர் ஸ்பீடை நீங்களே தீர்மானித்துக்கொள்வதற்கு வசதியாக உங்களின் கேமராவை Tv Mode-இற்கு மாற்றிக்கொள்ளுங்கள்.இது உங்களுக்கே தெரிந்திருக்கலாம்,ஆனால் இது மிக அடிப்படையான குறிப்பு என்பதால் முதலில் சேர்த்துள்ளேன். ஷட்டர் ஸ்பீடு என்றால் என்ன என்று தெரிந்துக்கொள்ள இங்கே க்ளிக்குங்கள், Tv mode பற்றி தெரிந்துக்கொள்ள இங்கே க்ளிக்குங்கள்.




ஷட்டர் வேகம்: இது எந்தளவு வைக்க வேண்டும் என்பது  அந்தந்த இடத்தின் ஒளி அமைப்பை பொருத்தது.ஒரு அடிப்படை புரிதல் என்ன்வென்றால் ஷட்டர் ஸ்பீடு என்பது ஒன்றன் கீழ்  உங்கள் லென்ஸின் குவிய தூரம் என்ற அளவில் இருக்க வேண்டும் என்பதே.

Shutter speed = 1/Focal length

நிச்சயமாக உங்களின் ஷட்டர் ஸ்பீiடு இந்த அளவை விட அதிகமாகத்தான் தேவைப்படும்.நான் பார்த்தவரை இரவில் சில நிகழ்ச்சிகளை படம் பிடிக்க சென்ற போது குறைந்த பட்சம் 1/160 ஆவது தேவை பட்டது. 1/250 முதல் 1/400 வரை இருந்தால் சரியாக இருக்கும் என்று தோன்றியது.சமீபத்தில் ஒரு நண்பர் ஒரு தும்பி பறந்துக்கொண்டிருப்பதை படம் பிடித்திருந்தார்.அந்தப்படத்திற்கு ஷட்டர் ஸ்பீடு 1/1000 ஆக செட் செய்யப்பட்டிருந்தது.இப்படி இடம் பொருள் ஏவலை பொருத்து நீங்கள் செட் செய்ய வேண்டிய அளவு மாறுபடும். கூடவே இது மாதிரியான படங்களை ஒரே ஷாட்டில் எடுப்பது மிகவும் அரிது.பல முறை எடுத்து பார்த்து அதற்கு ஏற்றார்போல் ஷட்டரின் வேகத்தை அதிகமாகவோ,கம்மியாகவோ ஆக்கிக்கொள்ளலாம்.


ISO:ஷட்டர் வேகம் கூட்டிக்கொண்டே போனால் கேமராவிற்குள் வரக்கூடிய ஒளியின் அளவு குறைந்துக்கொண்டே போகும்,அபெர்ச்சரை  முடிந்தவரை பெரிதாக்கிக்கொண்டே போக வேண்டியதுதான். ஆனால் அதுவும் ஒரு அளவுக்கு தான்.உங்கள் லென்ஸின் அதிகபட்ச விட்டத்தை அடைந்த பிறகு என்ன செய்ய முடியும்?? உங்கள் ISO-வை அதிகப்படுத்த வேண்டியது தான்.எப்பவும்போல் அதிகப்படியான ISO-வினால் ஏற்படும் noise ஒரு பெரும் பிரச்சினைதான்.இதில் கேனான் கேமராவை விட நிக்கான் கேமராவில் noise பிரச்சினை கம்மியாக இருப்பதாக தெரிகிறது.சமீபத்தில் ஒரு தடவை, நான் எனது Canon Rebel XTi(400D)வில் யோசிக்காமல் ISO 1600-விற்கு ஏற்றிவிட்டு க்ளிக்கித்தள்ளிக்கொண்டிருக்க,எனது நண்பர் 200-400-ஐ தாண்டவே தயங்கிக்கொண்டிருந்தார்.
பொதுவாக noise பற்றி கவலை படாமல் படம் எடுத்துவிட்டு பின்னால் Noiseware போன்ற மென்பொருட்களால் சரி செய்துக்கொள்ளலாம்.


ப்ளாஷ் : பொதுவாகவே எனக்கு ப்ளாஷ் உபயோகிப்பது முற்றிலும் பிடிக்காத செயல்.முடிந்தவரை இயற்கையான ஒளியில் படம் எடுக்கதான் முயற்சி செய்வேன்.ஆனால் ஆக்‌ஷன் படங்கள் என்று வந்துவிட்டால் ப்ளாஷ் உபயோகிப்பது மிக பிரபலமாக கையாளப்படும் உத்தி.அதுவும் இரவு நேரங்களில் எடுக்கப்படும் ஆக்‌ஷன் படங்களுக்கு ப்ளாஷ் மிக உபயோகமான வரப்பிரசாதம்.ISO-வை மிக அதிகமாக ஏற்றுவதற்கு பதிலாக ப்ளாஷ் சற்றே கம்மியான ISO-வில் படம் எடுக்க உதவும்.


தயாராக இருங்க: ஆங்கிலத்தில் சுருக்கமாக சொல்ல வேண்டும் என்றால் Preparation and Anticipation என்று சொல்லலாம். பொதுவாகவே இந்த வகையான படங்கள் எடுக்க நிறைய முன்னேற்பாடுகள் செய்ய வேண்டி இருக்கும்.நீங்கள் வீட்டிற்குள் எடுக்க நினைக்கும் ஆக்‌ஷன் ஷாட்டாக இருந்தாலும் சரி,அல்லது ஏதாவது பொது இடத்தில் நடக்கும் நிகழ்ச்சியாக இருந்தாலும் சரி,உங்களை தயார் படுத்திக்கொள்வதற்கு போதுமான நேரம் ஒதுக்கிக்கொள்ளுங்கள். வீட்டுனுள் எடுக்க வேண்டிய படம் என்றால் ஒளி அமைப்பு சரியாக வருவதற்கு வேண்டிய ஏற்பாடுகளை செய்ய நேரம் தேவை. வெளியில் நடக்கும் நிகழ்ச்சி என்றால் முன்பாகவே அந்த இடத்திற்கு சென்று ஒழுங்கான இடம் பார்த்து பிடித்து,சரியான ஒளி அமைப்பு உள்ள கோணத்தை யோசித்து வைத்து என பல விஷயங்கள் உள்ளன.


சரியான தருணத்திற்கு காத்திருங்கள்.நான் முன்னமே சொன்னது போல anticipation அல்லது எதிர்பார்த்திருத்தல் இந்த மாதிரி படங்கள் எடுப்பதற்கு மிக மிக மிக அவசியம்.எப்பொழுது ஆக்‌ஷன் நடக்கப்போகிறது என்று ஷட்டரை அழுத்த மிகத்தயாராக இருக்க வேண்டும்.அதற்கு நீங்கள் படம் எடுத்துக்கொண்டிருக்கும் விஷயம் பற்றி உங்களுக்கு தெரிந்திருக்க வேண்டும்.ரன் எடுக்கும் போது தான் ரன் அவுட் நடக்கலாம் என்று தெரிந்தால் தான்,அவுட் செய்யும் போது படம் எடுக்க முடியும்.அதே போல் ஆட்டம் பாட்டம் ஏதாவது படம் எடுத்தால் ஆடுபவரை கூர்ந்து கவனித்து வந்தால் எப்பொழுது என்ன செய்வார் என்று கணித்து அதற்கேற்றார்போல் கிளிக்கலாம்.கேமராவில் உள்ள burst mode-ஐ  உபயோகித்தால் தொடர்ந்து ப்டங்களை எடுத்து அதிலிருந்து சிறப்பான படம் ஒன்றை பெறலாம்.
சாதாரண் point and shoot கேமராவில் ஷட்டரை அழுத்திய ஒரு சில நொடிகள் கழித்து தான் படம் எடுக்கப்படும்.இதற்கு shutter lag என்று பெயர். அதனால் இது போன்ற கேமராவில் ஷட்டரை பாதி அமுக்கி,focus lock செய்து காத்திருப்பது மிக அவசியம்.இதை பற்றி சர்வேசனின் பதிவு இதோ .



பதிவு ஏற்கெனவே பெரிசாகிப்போச்சுன்னு நெனைக்கறேன்.அதனால் இத்தோட நிறுத்திக்கறேன். உங்களிடம் ஏதேனும் கருத்துக்களோ அல்லது சந்தேகங்களோ இருந்தால் பின்னூட்டமிடுங்கள்.
கலந்துரையாடலாம்...
வரட்டா :)

...மேலும் படிக்க...

... பதிவுச்சுருக்கம்...