ஏப்ரல் '12 போட்டி - வழி நடத்தும் கோடுகள்

நண்பர்களே,

மீண்டும் நடுவராக வந்து உங்களைச் சந்திப்பதில் மகிழ்ச்சி. அடிப்படை விசயங்களை வைத்து போட்டி நடத்தி வெகு நாட்களாகி விட்டன. அதனால், இம்மாத போட்டி புகைப்படக் கலையில் அடிப்படைக் கோட்பாடுகளில் ஒன்றான 'வழி நடத்தும் கோடுகள்' (Leading Lines) வைத்து நடத்துவோம்.

வழி நடத்தும் கோடுகள் என்றால் என்ன?
முன்பே நமது தளத்தில் இதைப் பற்றி ஒரு பதிவிட்டிருந்தோம். இதோ அதிலிருந்து...

.......
அதாவது ஒரு படத்துல ஏதாவது கோடு இருந்துச்சுனா,நம்ம கண்ணு அந்த கோட்டை பின்பற்றியே தான் செல்லுமாம்!! அதாவது நம் படத்தில் இருக்கும் கோடு நம் படத்தின் கருப்பொருள் (Subject)-ஐ சென்று சேருகிறார் போல் பார்த்துக்கொண்டால் நம் படம் பார்ப்பதற்கு அழகாகத் தெரியுமாம். அதே போல் நம் படத்தில் இருக்கும் கோடுகள் நம் படத்தின் கருப்பொருளை நீங்கி செல்வது போலவோ அல்லது படத்தை விட்டு வெளியே செல்வது போலவோ இருந்தால் படம் பார்ப்பதற்கு ஒரு மாதிரி இருக்குமாம்.

நல்லா இருக்கு!! இதுக்காக நான் எங்கே இருந்து கோடுகளை தேடி போவது??? நானே படங்களுக்கு ஸ்கேல் வெச்சுகிட்டு கோடு வரையணுமா?? அப்படின்னு எல்லாம் டென்ஷன் ஆகாதீங்க!!!

கோடுகள் என்றால் எதில் வேண்டுமானாலும் இருக்கலாம். கட்டிடங்கள்,ரோடுகள்,வேலிகள், வானம்,கடல்,நிலப்பரப்பு என எதுவாக இருந்தாலும் கோடுகளாகத்தானே தெரிகிறது. அந்த கோடுகளை எல்லாம் நமக்கு சாதகமாக உபயோகப்படுத்திக்கொள்ள வேண்டியது தான்!! :-))


ஹ்ம்ம்!! புரியறாப்போல இருக்கு ஆனா புரியலை!! இருக்கு ஆனா இல்லை அப்படின்னு சொல்றீங்களா???

சரி இருங்க!! ஒரு சில படங்கள் கீழே இருக்கு!! அதை பாருங்க!! உங்களுக்கே தெளிவாத்தெரியும்!! :-)

----------------

எடுத்துக்காட்டாக இதோ சில படங்கள்:

# படம் 1: MQN

இந்த படத்தை பாருங்கள்... பாம்பன் ரயில் பாலம் நம் கண்களை இராமேஸ்வரம் தீவை நோக்கி இழுத்துச் செல்கிறது. கடைக்கோடிக்கு நம் கண்கள் தானாக செல்வதை தவிர்க்க முடியாது.

# படம் 2: ராமலக்ஷ்மி

இந்த பூக்களின் வரிசை நம்மை அங்கிருக்கும் மணி மண்டபம் நோக்கி இழுத்துச் செல்கிறது.

# படம் 3: MQN

இந்த படத்தில.. படிக்கட்டின் ஓரத்தில் அமைந்திருக்கும் அந்த கோடுகள் நம்மை அந்த வாசலை நோக்கி அழைத்துச் செல்கிறது.

# படம் 4: MQN

இந்த சாலை உங்களை தூரத்தில் தெரியும் எனது ஊருக்கு அழைத்துச் செல்லும். :)

#படம் 5: ராமலக்ஷ்மி

இந்த சிங்கப்பூர் சாலை... நம்மை தூரத்தில் தெரியும் கட்டிடத்திற்கு வழி நடத்திச் செல்வதுபோல் அதில் கோடுகள் அமைந்துள்ளன.

# படம் 6: MQN

இந்த படத்தில் அமைந்துள்ள கோடுகள்... படத்தில் நிற்கும் மனிதனையும் நம் கண்களையும் சுரங்கப் பாதையினுள் இழுத்துச் செல்கிறது.

# படம் 8: சர்வேசன்
கட்டிடங்களும், நீரில் தெரிகிற அவற்றின் நிழல்களும் பாலத்தின் அடிவழியே பயணிக்க அழைக்கின்றன.

# படம் 9: ராமலக்ஷ்மி
இந்தப் படம் மலையொட்டிய பாதையில் நம்மையும் அழைத்துச் செல்கிறது.

# படம் 10: ராமலக்ஷ்மி
இந்தப் பாலமோ ஜிவ்வென வேகமாக ஊருக்குள்ளே நம்மைக் கூட்டிச் செல்கிறது.

# படம் 11: ஜீவ்ஸ்
கோடுகள் கொண்டு நிறுத்துகின்றன பார்வையைப் பந்தின் மேலே..

# படம் 12: ஜீவ்ஸ்
சாலையோடு நாமும் வழுக்கிச் செல்லும் உணர்வு.



விதிமுறைகள் இங்கே.

கடைசித் தேதி: ஏப்ரல் - 20

மீண்டும் நினைவூட்டுகிறோம்:

படங்களை 111715139948564514448.submit@picasaweb.com என்ற மின்னஞ்சல் முகவரிக்கு இணைப்பாக அனுப்பவும். கூடவே photos.in.tamil@gmail.com முகவரிக்கு cc அனுப்பவும்.

படங்கள் 1024x768 எனும் அளவில் படங்கள் இருக்குமாறு பார்த்துக் கொண்டால் நல்லது.