2010 மார்ச் மாத போட்டி அறிவிப்பு..

அன்பு மக்களே,

அனைவருக்கும் வணக்கம்.. இந்த மாத போட்டிக்கான அறிவிப்பு சில வேலை பளு காரணமாக தாமதமாக அறிவிக்க வேண்டியதாகிவிட்டது.. அதற்காக வருந்துகிறோம்..

கடந்த மாதங்களில் சில காரணங்களால் வெற்றியை தவறவிட்டவர்கள்,கலந்து கொள்ள முடியாதவர்கள், மற்றும் அனைவரும் ஒரு வெறியோட இந்த மாத போட்டிக்கு ஆவலா இருப்பீங்க..

இந்த மாதம் என்ன போட்டி வைக்கலாம் என்று யோசித்துக கொண்டிருந்த போது இதெல்லாம் மனசுல வந்தது..

சிங்கம் ஸிங்கிலா தான் வரும்.
ஒன்றே குலம் ஒருவனே தேவன்,
தனிமையிலே இனிமை கான முடியுமா?
ஒன்றே செய், நன்றே செய், அதுவும் இன்றே செய்.
நாம் இருவர் நமக்கு ஒருவர்

சரி விசயத்துக்கு வருவோம்,

இந்த மாத தலைப்பு.. ஒன்று (SINGLE)

இது எந்த சப்ஜெக்டாகவும் இருக்கலாம்,

portrait,
silhoutte,
tree,
plant,
face,
bird,
insect
etc..etc..இந்த மாதிரி எப்படி வேண்டுமானாலும் அனுப்புங்கள்..

ஆனால் நீங்கள் எடுத்து அனுப்ப வேண்டிய படத்தில் சப்ஜெக்ட் என்பது ஒன்றே ஒன்று தான் இருக்க வேண்டும்..

உதாரணமாக,

• ஒரு கார் படம் அனுப்பினால் கார் மட்டும் தான் இருக்க வேண்டும்,ஓட்டுனர் இருக்க கூடாது..
• ஒரு பறவை படம் எடுத்தால்,பறவை மட்டும் முக்கிய சப்ஜெக்டாக இருக்க வேண்டும்,மரங்கள் இருக்க கூடாது.
• அதுக்காக ஒரு முகத்தை எடுத்தால் வாய்,கண்கள் இருக்க கூடாது என்று நினைத்து கொள்ள வேண்டாம்..

அதாவது, ஒரு சப்ஜெக்ட் மற்றும் ஒரு பேக்கிரவுண்ட். அவ்வளவு தான் இருக்க வேண்டும்..

உதாரணமாக,

இந்த மாதிரி படங்கள் அனுப்பலாம்

’







இந்த மாதிரி படங்கள் வேண்டாம்,


(ஏனென்றால் ஒரு நபர் டைவ் அடிப்பது நன்றாக தெரிந்தாலும், இன்னொரு நபர் தெரிவதால்)

.
( ஒரே ஒரு சிறுவன் மட்டும் இருந்தாலும், கோவில் மணி உள்ளது)

.
(இதிலும் இரண்டு நபர்கள் உள்ளதால் வேண்டாம்)

.
(வண்டு ஒன்று தான் என்றாலும் மலர்கள் அதிகமாக தெரிகிறது)

இதை எதற்காக சொல்கிறோம் என்றால், ஒரு சப்ஜெக்டை மட்டும் ப்ரதானமாக வைத்து எடுக்கும் போது ஒரு சிறு இடையூறு தெரிந்தாலும் நமது கண்கள் சிதறும்..

ஒரு பெரிய வெள்ளைக்குள் மிக சிறிய கருப்பு புள்ளி இருந்தாலும் நமக்கு அந்த கருப்பு தான் அதிக கவனம் போகும், வெள்ளை மீது இருக்காது. இதனால் அந்த சப்ஜெக்ட் என்பது கொஞ்சம் அடிபடும்..

அதுவுமில்லாமல் இந்த மாதிரி கவனித்து எடுப்பதால் நமக்கு ஒரு படத்தை நன்றாக எடுக்ககூடிய அனுபவம் எளிதில் கிடைக்கும்.

இந்த மாதிரி படம் எடுப்பது உங்களுக்கு சிரமம் இருக்காது என்று நினைக்கின்றேன்..

மாதாந்திர போட்டிக்கான விதிமுறைகள்,தகவல்கள்..

போட்டிக்கான படங்களை அனுப்ப வேண்டிய கடைசி தேதி : 20-3-2010.

சிங்கம் ஸிங்கிலா தான் வரும்.. எனவே, புகைப்பட சிங்கங்களே, வாருங்கள் ஸிங்கில் சப்ஜெக்ட் படத்துடன்..

-கருவாயன்.

Share

Tweet