வணக்கம் நண்பர்களே. 'விளம்பரம்' போட்டிப் படங்களை பார்த்தபின், பெருமூச்சுடன், பல நாள் பொட்டிய தொடாம இருந்துட்டேன். :)
வெறும், 'படம் பிடித்தல்' என்ற நுட்பம் மட்டும் அல்லாமல், அதையும் தாண்டி, பயங்கரமான creativity (தமிழில்?) நம்மாட்கள் மத்தியில் இருப்பது தெள்ளத் தெளிவாகத் தெரிந்தது.
இப்படி கலக்குற ஆளுங்களுக்கு, அடுத்து என்ன தலைப்பை கொடுப்பது என்று வழக்கம் போல் எங்கள் குழுவில் கலந்தாலோசித்தோம்.
இந்த மாசத்துக்கு முன் வைத்த எல்லா போட்டிகளிலும், பெரும்பான்மையானோர், தலைப்பை பார்த்தவுடன், தலைப்புக்கு ஏத்தமாதிரி, தங்கள் கைவசம் உள்ள ஏதாவது ஒரு படத்தை டக்னு அனுப்பி வைப்பாங்க.
மெகா போட்டியிலும், 'விளம்பரம்' போட்டியிலும், மக்கள் பல பேர், இந்த போட்டிகளை சீரியஸா எடுத்துக்க ஆரம்பிச்சிருக்காங்கன்னு தெரியுது.
ஒவ்வொருத்தரும், ஒவ்வொரு மாதமும், மெருகேறி மெருகேறி, தங்கள் படங்களை, ஒரு லெவலுக்கு கொண்டு போயிட்டாங்க.
இப்படி கலக்குற உங்களுக்கு, இனி வரும் மாதங்களில், மேலும் பல Creativeஆன தலைப்புகளை வைக்கலாம்னு இருக்கோம்.
இதுக்கு தயாராகிக்கொள்ளவும், போட்டிகளை செம்மை படுத்தவும், இனி வரும் மாதங்களில், PiTன் புகைப்படப் போட்டிகள், இரண்டு மாதத்திரற்கு ஒருமுறை நடத்தப்படும்.
அடுத்த போட்டிக்கான அழைப்பு, நவம்பர் மாத இறுதியில் வெளிவரும்.
போட்டிக்கு இடைப்பட்ட நாட்களில், வழக்கம் போல், பாடங்களும், நுட்பங்களும், செய்திகளும், பகிர்வுகளும், கலந்து கொடுக்கப்படும்.
PiTன் போட்டிகளில் இதுவரை வெற்றி பெற்ற நண்பர்கள் அனைவரும், வெற்றிப் படங்களை எப்படி எடுத்தீங்கன்னு, ஒரு behind-the-scenes விளக்கத்தை எழுதி photos.in.tamil at gmail.comக்கு அனுப்பி வைக்கும்படி கேட்டுக் கொள்கிறேன். இவ்வாறு வரும் விளக்கங்களை, 'இந்தப் படம் எடுப்பது எப்படி?" என்ற தொடர் பதிவுகளாய் தொகுக்கலாம் என்று முடிவு.
இந்த வரிசையில், அமலின், vodka படத்தை பற்றிய விவரங்களை, முதலில் வெளியிடுகிறோம்.
வெற்றியாளர்கள், அனைவரும், இதில் கலந்து கொண்டு சிறப்பித்தால் எல்லோருக்கும் பயனுள்ளதாய் இருக்கும்.
ஓ.கேவா?
இனி வரும் போட்டிகள், creativeஆ இருக்கும்னு சொல்லியாச்சே, அதுக்கு, Creativeஆன தலைப்புகள் தேவை. உங்க ஆலோசனைகளை அள்ளி வீசுங்க.
கீழே உள்ள ஃபாரத்தில், தலைப்பு விவரங்களை தட்டி எங்களுக்கு அனுப்பி வைங்க!
நன்றி! நன்றி! நன்றி!
(belated)தீபாவளி நல்வாழ்த்துக்கள்! (பட உதவி: ஜீவ்ஸ்)
சமீப இடுகைகள்...
Friday, October 31, 2008
மாதாந்திர போட்டிகள் பற்றிய அறிவிப்பு
Friday, October 24, 2008
கருப்பு சினேகா, கலரான காதை !!
இப்படி இருந்த சினேகாவை
இப்படி மாத்தப் போறோம்.
வண்ணப் படத்தில் இருந்து கருப்பு/வெள்ளைக்கு மாற்றுவது பற்றி ஏற்கனவே அறிந்து இருப்பீர்கள். இங்கே கருப்பு/வெள்ளை படத்தை வண்ணத்துக்கு மாற்றுவது பற்றி.
படத்தை கிம்பில் திறவுங்கள்.
முதலில் முகத்தின் வண்ணத்தை தேர்ந்துஎடுக்க வேண்டும். உதாரணத்திற்கு நான் இந்த அளவை எடுத்துக் கொண்டேன்.
ஒரு புதிய லேயரை உருவாக்கி அதை இந்த வண்ணத்தால் நிரப்புங்கள்.
இனி ஒரு கருப்பு லேயர் மாஸ்க் உருவாக்கிக் கொள்ளுங்கள்.
(இந்த இடுகையில் பார்த்தவாறு, கருப்பு லேயர் மாஸ்க் மறைக்கும், வெள்ளை காட்டும். )
ஒரு வெள்ளை பிரஷ் கொண்டு, முகத்தில் தீட்ட ஆரம்பியுங்கள். கண், உதடு, முடி ஆகியவற்றில் படாதவாறு, தேவைக்கு ஏற்ப, பிரஷ்ஷின் அளவை மாற்றி கொள்ளுங்கள்.
அடுத்து Mode Color மாற்றிக் கொண்டு,
உங்களின் இரசனைக்கு ஏற்ப Opacity மாற்றிக் கொள்ளுங்கள்.
வண்ணப் முகப் பூச்சுடன் சினேகா தயார்.
அடுத்து, உடைக்கு, நான் நீல வண்ணத்தை தேர்ந்து எடுத்துக்கொண்டேன்
பிண்ணனி மரங்களுக்கு கரும்பச்சை, உதட்டுக்கு கரும் சிவப்பு.
மேற்கூறிய அதே முறையில் வண்ணம் தீட்டி விட வேண்டியதுதான்.
முடிவில் எனது லேயர்கள் இப்படி இருந்தன.
கருப்பு வெள்ளை சினேகா, கலாராகி விட்டார் !
உங்கள் வீட்டில் இருக்கும் பழைய கருப்பு வெள்ளை படங்களுக்கு, கலரடித்துக் காட்டி, அசரவைய்யுங்கள்.
சர்வேசன் அண்ணாச்சிக்காக. இன்னொரு எடுத்துக்காட்டு !
பயிற்சிக்கு வேண்டுமானல் , மின்னஞ்சல் அனுப்புங்கள். கிம்பின் லேயர்களுடன் கூடிய சினேகா படத்தை அனுப்பி வைக்கிறேன்.
Thursday, October 23, 2008
PIT அக்டோபர் மாத போட்டி - வெற்றியாளர்கள் !!!
வணக்கம் மக்கா,
இந்த முறை மொத பத்து படத்தை தேர்வு பண்றதுக்கே கஷ்டமா இருந்துச்சு. அதுல மொத மூணு ரெம்ப கஷ்டம்பா :(
ஆர்வத்துடன் முயற்சி செய்து போட்டியில் பங்குப்பெற்ற அனைவருக்கும் எங்களுடைய நன்றி மற்றும் வாழ்த்துக்கள். இந்த மாத போட்டி முடிவுகள் கிழே.
முதலிடம் - அமல் 
டாப்பு டக்கரு படம் அண்ணாச்சி. ரொம்ப தொழில் நேர்த்தியா இருக்கு. Nice Lighting, Setup and Background. எளிதாக முதலிடத்துக்கு வந்த படம். செர்ரி அடிக்கிற ஜம்ப் பத்தி கொஞ்சம் சொல்லி தாங்க அமல் :)
இரண்டாமிடம் - TJay மற்றும் வாசி 
அழகு. எளிமையான காட்சி அமைப்பு. செலக்டிவ் கலரிங் நச்சு !!!
சொல்ல வந்த கருத்தை கச்சிதமா படத்துல சொல்லி இருக்கீங்க. நல்ல விளம்பரம். முன்னால இருக்குற காரின் முன் பக்கம் முழுவதுமாக காட்டி இருந்தால் இன்னும் சூப்பரா இருந்து இருக்கும்னு நினைக்குறேன்
மூன்றாமிடம் - ஒப்பாரி மற்றும் கைப்புள்ளை 
அருமையான ஷாட். இந்த மாதிரி எடுக்கறதுக்கு கொஞ்சம் கஷ்டம். கரு பொருள் இன்னும் கொஞ்சம் தெளிவாக இருந்தால், படம் எங்கயோ போய் இருக்கும்
Nice Arrangement and Lighting. "We Touch" அடிக்கற மாதிரி இருக்கு. கொஞ்சம் மைல்டா சின்ன fontla இருந்து இருக்கலாம். உங்களோட குட்டி பொண்ணோட பொருட்களை எல்லாம் எடுத்து படம் எடுத்தீங்கள்ள ? உங்க மகள் கிட்ட permission வாங்கினீங்களா ? :P
போட்டிக்கு வந்த படங்களுக்கு விமர்சனம் இங்கன இருக்கு.
இந்த போட்டிய தொகுத்து வழங்க வாய்ப்பு அளித்த PIT குழுவினர்க்கு நன்றி !!!
ஸ்ஸ்ஸ்ஸ்ப்பா நான் எஸ் ஆகுறேன் :)
டிஸ்கி: மது நாட்டுக்கும், வீட்டுக்கும், உடல் நலத்துக்கும் கேடு !!!
Monday, October 20, 2008
PIT அக்டோபர் மாத போட்டி - முதல் பத்து
அனைவருக்கும் வணக்கம்,
இந்த முறை போட்டி தலைப்பை அறிவிச்சுட்டு எந்த படமும் வரலையேன்னு பாத்துக்கிட்டு இருந்தேன். ஆனா வந்த படங்களை பாத்துட்டு பிரமிச்சு போய் இருக்கேன்.
நாம் தினமும் பார்க்கும் விளம்பரங்களை விட உங்களுடைய விளம்பரங்களின் கருத்தும், காட்சி அமைப்பும் கச்சிதம். பாருங்க சில பேருக்கு இந்த படங்கள் நாம் எடுத்த படங்கள் தானா என்று கூட சந்தேகம் வந்துடுச்சு ;) அப்படி கலக்கிபூட்டீங்க மக்கா!!! ரெம்ப சந்தோசமா இருக்கு. அதே சமயம் கொஞ்சம் கஷ்டம் - எந்த படத்தை தேர்வு செய்வது, எந்த படத்தை விட்டுவிடுவதுன்னு :(
PITன் குறிக்கோள் நமக்கு நாமே திட்டத்துல நாம் அனைவரும் ஒருங்கிணைந்து புகைப்பட கலையை கற்றுக்கொள்வது. இந்த முறை வந்த படங்கள் மிகவும் தொழில் நேர்த்தியுடன் இருக்கு(குறிப்பா lighting, product-setup & concept அருமை). ஒவ்வொருவரும், நீங்க எப்படி இந்த படங்களை எடுத்தீங்கன்னு சிறிய விளக்கம் அளித்தீர்கள் என்றால் அனைவருக்கும் உபயோகமா இருக்கும். இது எங்களுடைய அன்பு வேண்டுகோள். :)
அடுத்த சுற்றுக்கு தேர்வான முதல் பத்து படங்கள் கீழே.(In no particular order)
பங்கு பெற்ற அனைவருக்கும் நன்றி !!!
MQN
கார்த்திக்
கைபுள்ளை
அமல்
நிலாக்காலம்
ஒப்பாரி
வாசி
கோமா
உண்மை
T Jay
விரைவில் முதல் மூன்று படங்களோடு சந்திக்கிறேன் :)
Thursday, October 16, 2008
PIT அக்டோபர் மாத போட்டி "விளம்பரம்" - படங்களின் அணிவகுப்பு.
வணக்கம் மக்கா,
இந்த முறை எல்லோரும் பட்டய கெளப்பி இருக்கீங்க. திக்கு முக்காடி போய் இருக்கேன். நீங்க அனுப்பி வச்ச படமெல்லாம் இங்கன இருக்கு.
எதுக்கும் நீங்க வெரசா பார்த்து முடிக்க கீழ எல்லா படமும் போட்டு இருக்கோம்.
உங்க பெயரும், படமும் சரியா இருக்கான்னு பார்த்து சொல்லுங்கப்பு.
நீங்க அனுப்பிய படம் இங்க இல்லைன்னா உங்க படத்தை பின்னூடத்துல தெரிவிச்சுடுங்க. அதே மாதிரி உங்க பெயரோ, படமோ ஒழுங்கா இல்லாட்டி கூட சொல்லுங்க.
எதுவா இருந்தாலும் அக்டோபர் 18 குள் சொல்லிடுங்க. மேலும் உங்களோட விமர்சனங்களை Picasa-WebAlbuthula எழுதிடுங்க
சீக்கரமா மொத பத்தோட சந்திக்குறேன் :)
1.) ஆதி
2.) அமல்
3.) ஆனந்த்
4.) அப்பாவி
5.) கோமா
6.) இளையகவி
7.) ஜவஹர்
8.) கைபுள்ளை
9.) கார்த்திக்
10.) கருவாயன்
11.) MQN
12.) நந்து f/o நிலா
13.) நிலாக்காலம்
14.) நிமல்
15.) ஒப்பாரி
16.) ஓவியா
17.) பரிசல்காரன்
18.) PMT
19.) ப்ரியா
20.) ராஜ நடராஜன்
21.) ராமலட்சுமி
22.) சரவணகுமரன்
23.) சத்தியா
24.) ஸ்ரேயா
25.) சர்வேசன் (பார்வைக்கு மட்டும்)
26.) திவா
27.) துளசி கோபால்
28.) TJay
29.) உண்மை
30.) வாசி
31.) வள்ளிசிம்ஹன்
32.) வர்ணி ?
33.) கார்கி
Wednesday, October 15, 2008
நீல வானம் !
நீல வானம் படத்தில் தெரியவைக்க நிறைய முறைகள் இருக்கு. பிகாஸாவில் ஒரு எளிய முறை இங்கே !
படத்தை பிகாஸாவில் திறந்து Effects பகுதிக்கு செல்லுங்கள்.
Graduated Tint பொத்தானை தெரிவு செய்யுங்கள்.
படத்தில் ஒரு "+" தெரியும். அதை கிட்டத்தட்ட தொடுவானத்திற்கு (அல்லது நீல வானம் தெரிய வேண்டிய இடம் ) அருகே நகர்த்திக்கொள்ளுங்கள்
Pick Color கிளிக்கினால நமக்குத் தேவையான நீல ( அல்லது வேறு எந்த வண்ணம் வேண்டுமானலும் ) தேர்ந்து எடுத்துக் கொள்ளலாம்.
இனி உங்களின் இரசனைக்கு ஏற்ப, Feather , Shade மற்றும் "+" தேவையான அளவிற்கு மாற்றிக் கொள்ளுங்கள்.
நீல வானம் தயார் .
Tuesday, October 14, 2008
PiT அக்டோபர் போட்டி - படம் அனுப்ப கடைசித் தேதி 15
வந்தனம்!
இம்மாத "விளம்பரம்" புகைப்படப் போட்டிக்கான படங்களை அனுப்ப வேண்டிய கடைசி நாள், அக்டோபர் 15ஆம் தேதி. இம்மாத நடுவர் நாதஸ், படங்களை அலசி ஆராய, வழிமேல் விழிவைத்துக் காத்திருக்கிறார்.
இதற்கான அறிவிப்பும் மேல் விவரங்களும் பாத்திருப்பீங்க.
அறிவிப்புப் பதிவில் சொன்னதைப் போல், இந்த முறை புகைப்படம் அனுப்ப, கீழே உள்ள வழிமுறைகளைப் பின்பற்றவும்.
* அக்டோபர் மாதம் 15ஆம் தேதிக்குள் உங்கள் புகைப்படத்தை இந்த முகவரிக்கு pitcontests.octobercontests@picasaweb.com மின்னஞ்சல் இடவும். (You must send the pic as an attachment. pls dont just send the URL. pls use your name as the file name. Example cvr.jpg, surveysan.jpg.. மடல் அனுப்பியதும், பின்னூட்டத்திலும் தெரிவிக்கவும். சரிபார்க்க உதவும்.)
மிக முக்கியமான தேவை, நீங்கள் ஈ.மடலில் அனுப்பும் படத்துக்கு, உங்களின் பெயரை file பேராக வைக்கவேண்டும். இதுவரை வந்த படங்களில் பலபேர் அப்படி வைக்கவில்லை.
தயவு செய்து, உங்களின் படம் எது என்பதை, பின்னூட்டத்தில் தெரிவிக்கவும்.
அனைத்து படங்களையும் பார்க்க இங்கே சொடுக்கவும்
நன்றி!
Thursday, October 2, 2008
லேயர் மாஸ்க்
லேயர் மாஸ்க் பற்றி போன இடுகையில் ஒரு கேள்வி இருந்தது. அதை ஒரு எளிய எடுத்துக்காட்டுடன் இங்கே பார்க்கலாம்.
உதாரணதிற்கு ஒரு சிவப்பு வண்ண லேயர் உங்களிடம் இருக்கிறது.
அதன் மேல் ஒரு நீல வண்ண லேயர் இருக்கிறது.
Mode-> Normal என்று இருந்தால் சிவப்பு வண்ண லேயர் முழுவதும் மறைக்கப் பட்டு நீல வண்ணம் மட்டும் தெரியும்.
நீல வண்ணத்தின் சில பகுதிகள் உங்களுக்கு வேண்டாம் , அந்த இடத்தில் கீழே இருக்கும் சிவப்பு வண்ணம் வேண்டுமெனில் என்ன செய்யலாம் ?
இந்த இடுகையில் பார்த்தவாறு அழிப்பானைக் கொண்டு தேவை இல்லாத இடங்களை அழித்து விடலாம். அதை விட சிறந்த முறை லேயர் மாஸ்க் உபயோகிப்பது.
நீல வண்ண லேயரில் இடத்தில் படத்தில் குறிக்கப்பட்டவாறு வெள்ளை வண்ண லேயர் மாஸ்க் உருவாக்கி கொள்ளுங்கள்.
லேயர் மாஸ்கில் வெள்ளை வண்ணம் அந்த லேயரை காட்டும், கருப்பு வண்ணம் அந்த லேயரை மறைக்கும்.
ஒரு கருப்பு நிற பிரஷ் கொண்டு லேயர மாஸ்கில் தேவையில்லாத இடங்களில் பூசி விடலாம். அந்தப் பகுதிகளில் நீல வண்ணம் மறைந்து கீழே உள்ள சிவப்பு வண்ணம் தெரியும்.
இதில் என்ன வசதி என்கிறீர்களா ?
அழிப்பானை கொண்டு செய்யும் முறையில் திருத்தங்கள் எளிதாக செய்ய முடியாது, உதாரணதிற்கு, வட்டப் பகுதிப் வேண்டாமெனில்,. வெள்ளை வண்ணம் கொண்டு அந்த இடத்தில் பூசி விடலாம். லேயர் மாஸ்கில் வெள்ளை வண்ணம் அந்த லேயரை காட்டும். படத்தை பாருங்கள் .
இந்த இடுகையில் உள்ள Selective Coloring அழிப்பான் இல்லாமல் லேயர் மாஸ்க் கொண்டு செய்வது எப்படி ?
இடுகையில் உள்ளவாறு கீழே வண்ணப் படம், அதன் மேல கருப்பு/வெள்ளைப் படம், கருப்பு/வெள்ளை லேயரில் ஒரு வெள்ளை நிற லேயர் மாஸ்க்.
கீழே உள்ள வண்ணம் தெரிய வேண்டிய இடங்களில் கருப்பு வண்ணம்.
அவ்வளவுதான் !
ஏதேனும் சந்தேகம் இருப்பின் பின்னூட்டத்தில் தெரியப் படுத்துங்கள்.
PIT - அக்டோபர்-2008 போட்டி அறிவிப்பு
வணக்கம் மக்கா,
நாம் உபயோகிக்கும் சோப்பு, சைக்கிள், செருப்பு போன்றவை ஆகட்டும்; உண்ணும் அரிசி, பால், தண்ணீர் போன்றவை ஆகட்டும்; நம்மை மகிழ்விக்கும் திரைப்படம், கலை நிகழ்ச்சிகள் ஆகட்டும், அவ்வளவு ஏன் நாம் ஓட்டு போடும் கட்சிகளை கூட நமக்கு அறிமுகம் செய்வது விளம்பரங்கள் தான். இப்போ உங்களுக்கு புரிஞ்சி இருக்கும் :)
இந்த மாத தலைப்பு - விளம்பரம்.("Advertisements")
அதனால நீங்க இந்த மாசம் விளம்பரப்படுத்த போறீங்க. எதையா ? அதை நீங்க தான் படம் பிடிச்சு அனுப்பனும் :)
கவனத்தில் வைத்துக்கொள்ள வேண்டியவை:
* புகைப்படம் உங்களுடையதாக இருக்க வேண்டும. மற்றவரால் பிடிக்கப்பட்ட, உங்களை கவர்ந்த படம் போட்டிக்கு எடுத்துக்கப்படாது.
* அக்டோபர் மாதம் 15ஆம் தேதிக்குள் உங்கள் புகைப்படத்தை இந்த முகவரிக்கு pitcontests.octobercontests@picasaweb.com மின்னஞ்சல் இடவும். (You must send the pic as an attachment. pls dont just send the URL. pls use your name as the file name. Example cvr.jpg, surveysan.jpg.. மடல் அனுப்பியதும், பின்னூட்டத்திலும் தெரிவிக்கவும். சரிபார்க்க உதவும்.)
* ஒரே ஒரு படம் தான் போட்டிக்கு அனுப்ப வேண்டும்.
* நன்கு முடிவு செய்தப்பின் படத்தினை அனுப்பவும். என்னென்றால் ஒருமுறை படம் அனுப்பிய பின், உங்கள் படத்தினை மாற்ற முடியாது :(
* மறுபடியும் சொல்கிறோம், ஒருமுறைக்கு மேல் படத்தினை மாற்ற முடியாது, அதனால் நன்கு யோசித்து படத்தினை அனுப்பவும் :)
உங்களோட கற்பனை குதிரைகளை தட்டி விடுங்க. உங்க விளம்பரப் போஸ்டர்களை காண ஆவலாய் இருக்கிறோம். :)
மாதிரி படங்கள்...
Posts
