அன்பார்ந்த பெரியோர்களே தாய்மார்களே ப்ளாக்கால பெருங்குடி மக்களே..வணக்கம் . மொத தடவ உங்களையெல்லாம் போட்டியாளரா இல்லாம நடுவரா சந்திக்கிறதுல ரொம்ப சந்தோசம் ..கிட்டத்தட்ட ஒரு வருசமா போட்டோவ மட்டும் அனுப்பிட்டு, மற்ற போட்டோவை எல்லாம் ஒழுங்கா பார்க்காம , ரிசல்ட்ஐ மட்டும் பார்த்துகிட்டு,நம்ம போட்டோ வெற்றி பெறலைன்னா , ரொம்ப ஈசியா நடுவர கண்டபடி திட்டிட்டு போயிடுவேன்.. ஆனா அது எவ்வளவு தப்புன்னு இப்ப தான் ரொம்ப நல்லாவே உறைக்குது .. நமக்குன்னு ஒரு பொறுப்பு வரும் போது தான் நடுவரா இருக்கிறது எவ்வளவு சிரமம்ன்னு நல்லாவே புரியுது அதுக்கு பரிகாரமா தான் இந்த மாசம் நானும் திட்டு வாங்கலாம்ன்னு வந்திருக்கேன்... பொதுவா நம்ம எல்லோருக்கும் மறக்க முடியாத நாட்கள்,அழகான நாட்கள், அப்படின்னா உடனே நமது மழலை பருவம் தான் கண்டிப்பா தோணும்.. வெயில் படத்துல வர மாதிரி கண்டபடி நண்பர்களோடு சுற்றி திரிந்த அந்த நாட்களை எவ்வளவு தான் பெரிய ஆளா இருந்தாலும் கண்டிப்பா மறக்கவே முடியாது.. நாம பண்ணின சேட்டைகள்,குறும்புகள் பத்தி இன்னிக்கு நெனச்சாலும் பேசிக்கிட்டே இருக்கலாம். இப்போ இருக்கிற இருக்கமான சூழ்நிலைகள்ல, கொஞ்சம் தெரியாத்தனமா பார்க்காம போய்ட்டா கூட அதையே மனசுல வெச்சுக்கிட்டு கண்டபடி கற்பனை பண்ணி கொஞ்சம் கொஞ்சமா வளர்ந்து தெரு சண்ட வரைக்கும் போனதுண்டு.. ஆனா இந்த சின்ன பசங்கல்லாம் ,ரத்தம் வர்ற அளவுக்கு அடிச்சிக்கிட்டு அடுத்த பத்தாவது நிமிசமே சிரிச்சு சந்தோசமா பழசையெல்லாம் மறந்துட்டு தோல் மேல கை போட்டுக்கிட்டு சந்தோசமா நாட்களை `இப்படி தாண்டா வாழனும்ன்னு` நமக்கு புரிய வெப்பாங்க .. நாம பல படங்கள்ல பார்த்திருப்போம் ,ரெண்டு குடும்பம் தீராத பகையோட இருக்கும் , அந்தந்த வீட்டு குழந்தைங்க கொஞ்சம் கொஞ்சமா குறும்பு பண்ணி, குடும்பத்த சேர்த்து வைக்கும்.. அதுக்கு சமீபத்திய உதாரணம் `பசங்க` படம். அவங்க தான் இந்த மாச தலைப்பு, பசங்கன்னு வெச்சா பொண்ணுங்க கோவிச்சுக்குவாங்க, அதனால,இந்த மாச தலைப்பு `வாண்டுகள்` வாண்டுகள்,சில சாம்பிள் படங்கள்.. குறும்பு, (கருவாயன்) அச்சம், (கருவாயன்) விளையாட்டு, (கருவாயன்) சிரிப்பு, (கருவாயன்) நக்கல், (கருவாயன்) பாசம், (கருவாயன்) குதூகலம், (கருவாயன்) வெட்கம் (கருவாயன்) மகிழ்ச்சி, (கருவாயன்) வாண்டுகளின் சிரிப்பு,கோபம்,கேலி,கிண்டல்,குறும்பு,நக்கல்,சோகம்,இன்னும் என்னென்லாம் முடியுமோ அத்தனையும் படம் பிடித்து அசத்துங்க.. இதுக்கு ஒரே ஒரு புது விதிமுறை தான், ஒன்றுக்கும் மேற்பட்ட வாண்டுகள் தான் இருக்கனும்..கண்டிப்பாக ஒரு குழந்தை மட்டும் இருக்க கூடாது. ஒரு சில ஆலோசனைகள்,கட்டாயம் கிடையாது... 1. முடிந்த அளவு வாண்டுகள் மீதே கவனம் இருக்கும் படி பார்த்துக்கொள்ளுங்கள். 2. தேதிகள் போட்டோவில் பதிவு ஆகாமல் பார்த்துக்கொள்ளுங்கள். 3. முடிந்த அளவு flash இல்லாமல் படம் பிடிக்கவும்.. 4. முடிந்த அளவு இயற்கையாக இருக்கட்டும்.அப்போ தான் படம் சிறப்பாக வரும். 5. முடிந்த அளவு வெளியே போய் எடுத்தால் ரொம்ப நல்லா வரும்,flashம் தேவை இருக்காது. போட்டிக்கான மாதாந்திர விதிமுறைகள் ஆகவே உங்கள் பொன்னான படங்களை `வாண்டுகள்`சின்னத்தில் கள்ள ஓட்டு போடாமல் வாக்களிக்குமாறு பனிவன்புடன் கேட்டுக்கொள்கிறேன்.. நன்றி,வணக்கம் கருவாயன்.

"ஏய்! எல்லாரும் பாத்துக்கங்க, நான் கூட ரவுடி தான்"னு நாமே வலுக்கட்டாயமா போய் ஜீப்புல ஏறிக்காம, "டேய் ரவுடி! வந்து ஜீப்புல ஏறுய்யா"னு நமக்கு மரியாதை குடுத்து ஜீப்புல ஏற சொன்னா எப்படி இருக்கும்? PiT மாதாந்திர போட்டிகள்ல டாப் 10ல என்னோட படம் ஒரு ரெண்டு மூனு முறை இடம்பிடிச்சப்போ எனக்கு அப்படி தான் இருந்தது. புரொபஷனல் குரியர் ரேஞ்சுக்குப் படம் எடுக்கறவங்க மத்தியில நம்ம படமும் தேர்வாகியிருக்கேன்னு நெனக்கறப்போ ரொம்ப சந்தோஷமா இருக்கும். அதே மாதிரி சந்தோஷத்தை இந்த மாசப் போட்டியில டாப் 15இல் தேர்வான நீங்களும் அனுபவிச்சிருந்தீங்கன்னா என் சார்பா உங்களை நீங்களே 'சேம் பின்ச்' பண்ணிக்கங்க. ரைட்டு. இந்த மாதப் போட்டி தலைப்பு பொம்மைகள். இந்த தலைப்புல நாங்க எதிர்பார்த்தது இதெல்லாம் தான். 1. - காட்சியமைப்பு. 2. - தெளிவு 3. - இடர்பாடுகள்/கவனச்சிதறல்கள் இல்லாமை 4. - தேர்ந்தெடுக்கப்பட்ட வெளிச்சம் / வெளிச்சத்தை கையாண்ட முறை 5. - பார்த்த உடனே " அட" சொல்ல வைக்கும் க்ரியேட்டிவிடி டாப் 15இல் இடம்பிடிச்ச ரவுடிங்க எல்லாருமே மோசமானவங்க தான்னாலும், மோசமானவங்கள்லேயே முக்கியமான அந்த மூனு பேரோட படங்களை இப்போ பாப்போம். தேர்வாகியுள்ள இந்தப் படங்களை அதுகளைப் பெத்தவங்க என்ன நெனச்சு எடுத்தாங்களோ தெரியாது, ஆனா எங்களை வெகுவாக ரசிக்க வைத்ததுடன் வித்தியாசமான சில விஷயங்களைச் சொல்ல முடிந்ததாகவும் நாங்க நெனைக்கிறோம். முதல் இடம் : MQN டாப் 15இல் இருந்து முதல் இடத்தைப் பிடித்த இப்படத்தைத் தேர்ந்தெடுக்க அதிக நேரம் பிடிக்கவில்லை. இருவரும் ஒருமனதாகத் தேர்ந்தேடுத்துவிட்டோம். புகைப்பட ஆர்வலர்கள் பலரும் இப்படத்தில் இருந்து கற்றுக் கொள்ள வேண்டிய விஷயங்கள் உள்ளன. கறுப்பு பேக்ரவுண்ட் படத்தின் வண்ணத்தை எவ்வாறு மெருகேற்றுகிறது என்று கவனிக்கவும். அடுத்தது ஒளியமைப்பு. கரடியின் முகம் மட்டும் பளிச்சென்று தெரிவதை கவனிக்கவும். நம் கவனம் கரடியின் மீது செல்லவேண்டும் என்பதற்காக மிகக் கவனமாக ஃபோகஸ்சும் செய்திருக்கிறார். கரடி பொம்மைகள் என்றதும் பொதுவாக cute, chubby போன்ற பதங்கள் தான் நினைவுக்கு வரும். ஆனால் இப்படத்தைப் பார்க்கும் போது confident என்ற பதம் தான் என் நினைவுக்கு வருகிறது. தன்னம்பிக்கையுள்ள ஒரு இசை கலைஞனாக இக்கரடி பொம்மையை நாங்கள் பார்க்கிறோம். இப்படத்தைப் பற்றி ஒரு வரியில் சொல்ல வேண்டுமானால் "புது ராகம் படைப்பதாலே நானும் இறைவனே!". இரண்டாம் இடம் : TJay ஒரு பொருளைப் படம் பிடிக்கும் போது அது இருக்கும் சூழ்நிலையையும் காட்ட வேண்டும், ஆனால் அதனால் அப்பொருளின் மீது பார்ப்பவரின் கவனமும் குலையாமல் இருக்க எப்படி படம் எடுக்க வேண்டும் என்பதற்கு இப்படம் ஒரு மிகச் சிறந்த எடுத்துக்காட்டு. இரவு நேரத்தில் ஒரு குழந்தை தூங்காமல் உட்கார்ந்து கொண்டிருக்கிறது போன்றான இப்படத்தில், பின்புறத்தில் உள்ள மின்விளக்கு, குழந்தை பொம்மையின் மீதான நம் கவனத்தைத் திசை திருப்பாமல் படத்திற்கு வலு சேர்ப்பதை கவனிக்கவும். Backgroundஐ out of focus ஆக்கியிருப்பதன் மூலம் foregroundஇல் பொம்மை அழகாகத் தோன்றுவதை கவனிக்கவும். இதை "Background blurring" என்று சொல்வார்கள். குழ்ந்தை தலையைக் கவிழ்ந்து இரவு நேரத்தில் உட்கார்ந்திருப்பது ஒரு 'eerie feeling'ஐக் கொடுக்கிறது. குழந்தை நிமிர்ந்து பார்த்தால் என்ன செய்யுமோ என்று. 'பிள்ளை நிலா' அப்படிங்கிற பேருல பேபி ஷாலினி நடிச்ச படம் ஒன்னும் ஞாபகத்துக்கு வந்துச்சு. மூன்றாம் இடம் : Udayabaskar மற்றும் Truth இந்தப் படத்தில் காட்சியமைப்பு அருமை. சந்தோஷமான முகம் கொண்ட ஒரு குரங்கும் ஒரு குழந்தையும் மகிழ்ச்சியாக இருப்பது போன்ற ஒரு படம். ஒரு நண்பனின் தோளில் சாய்ந்து கொண்டிருப்பது போல குரங்கு சாய்ந்து கொண்டிருப்பது மிக அழகு. படத்தில் ஒரு சில இடங்களில்(முக்கியமான் இடங்களில் அல்ல) ஃபோகஸ் குறைவது போல இருப்பதை தவிர்த்திருந்தால் படம் இன்னும் சிறப்பாக இருந்திருக்கும். இப்படத்தைப் பார்த்ததும் எங்களுக்குச் சொல்லத் தோன்றியது "தோழா! தோழா! தோள் கொடு கொஞ்சம் சாய்ஞ்சுக்கனும்" இந்த மாதப் போட்டியில் நிறைய பிள்ளையார் படங்கள் வந்தன. அதற்கு காரணம் பிள்ளையாரை "friendly neighbourhood" தெய்வமாகப் பலரும் பார்ப்பதாக இருக்கக் கூடும் :) ஆனால் டைட் க்ளோசப்பில் அழகிய நயனத்தைக் காட்டும் இந்த 'நயன்தாரா பிள்ளையார்' Truth அவர்களுக்கு கூட்டு மூன்றாவது இடத்தைப் பெற்று தருகிறார். சிறப்பு கவனம் : அமல். ஒவ்வொரு முறையும் உங்களின் காட்சியமைப்பு முறை பிரமாதப் படுத்துகிறது அமல். வாழ்த்துகள். கூடிய சீக்கிறம் உங்களை பிட்டில் சேர்த்துடனும். ஸ்பெஷல் பாராட்டு : பிரியதர்ஷன். MQN மாதிரி கொஞ்சம் வெளிச்சத்தை சரியா புடிச்சிருந்தீங்கன்னா.. முதல் படமா இது தான் வந்திருக்கும். சிரத்தையுடன் கூடிய உங்கள் உழைப்புக்கு எங்கள் குழுவின் பாராட்டுகள். இந்தப் படம் எப்படி எடுக்கப்பட்டது என்பதற்கான விளக்கம் இங்கே இப்போ மோசமான மத்த பதினோரு பேர் - இவர்கள் ஏன் முதல் மூன்றுக்கு வரவில்லை என்பதற்கான காரணம் - மேலே குறிப்பிட்ட அஞ்சு பாயிண்ட்டுல ஒன்றோ அல்லது சிலவோ குறைவதுடன் நடுவர்களின் இரசனைக்கு ஏற்ப இல்லாமல் போயிருக்க வேண்டும். ஆனால் இவை அனைத்துமே அருமையானவை. இவர்கள் பட்டைத் தீட்டப் படக் காத்திருக்கும் வைரங்கள். வாழ்த்துக்கள் நண்பர்களே!

Aadav		Amal
Jeya		Kamal
Nila's Mom
Nundhaa		Oviya
Priyadarshan		Rajesh Natarajan
Ramalakshmi		Thulasi Gopal
From PiT Oct 2009 - பொம்மைகள்

முதல் மூன்றிடங்களைப் பெற்றவர்கள் படங்களை எடுத்த முறையை பகிர்ந்து கொண்டால் மற்றவர்களுக்கும் உதவியாக இருக்கும். மோசமானவங்கள்லேயே முக்கியமானவங்க, மோசமானவங்க இவங்கள்லாம் எப்படி இப்படி எல்லாம் படம் எடுக்கிறாங்கன்னு நெனச்சு ஆச்சரியப்பட்டு இந்த மாசம் தேர்வாகாதவங்க யாரும் மோசம் போயிட்டதா மட்டும் நெனச்சிடாதீங்க. காலங்கள் மாறும் காட்சிகள் மாறும் நீங்களும் மோசமானவங்களா மாறி 'லந்து பண்ணும்' காலமும் வரும். அதை மட்டும் மறந்துடாதீங்க. இந்த மாதப் போட்டியில் கலந்து கொண்டு சிறப்பித்த அனைவருக்கும் எங்கள் வாழ்த்துகளும் நன்றிகளும். முதல் மூன்றிடங்களைப் பெற்றவர்கள் படங்களை எடுத்த முறையை பகிர்ந்து கொண்டால் மற்றவர்களுக்கும் உதவியாக இருக்கும்

வணக்கம் மக்கா, வழக்கமா நாம படம் எடுக்கும் போது அபெர்ட்சர்(aperature) மற்றும் மூடுதிரை வேகம்(shutter speed) ஆகியவற்றை கருத்திற்கொண்டு எடுப்போம், இப்போ மூனாவதா ஒரு விடயத்தை பற்றி பாப்போம்.

ISO என்றால் (சர்வதேச நியதிகள் நிறுவனம் -International Organization for Standardization) .இவங்க பல பொருட்களின் அளவு, வடிவம், தரம், செந்தர வரையேடுகள்(standards) மற்றும் செயல் வழிமுறைகளை முறைப்படுத்தும் பணியினை செய்கிறார்கள். புகைப்படகலையில் ISO என்பது ஒளிபெட்டியின் உணரியின்(sensor) உணர்திறன்(sensitivity) அளப்பீடு. ISO அதிகரிக்க அதிகரிக்க உணரியின் ஒளி கிரகிக்கும் திறன் கூடுகிறது. இதனால் குறைந்த ஒளியில் கூட முக்காலி இல்லாமல் படம் எடுக்கலாம். பொதுவா ISO பின்வரும் அளபீடுகளில் இருக்கும் (100, 200, 320, 400, 640, 800, 1600 ....). ISO 100 என்பது அடிப்படை அளவு, இந்த ISO வில் தான் பெரும்பான்மையான நேரங்களில் படம் எடுப்போம். நீங்க ஒரு மீன்காட்சியகத்திலோ அல்லது உள்அரங்கு மேடை நிகழ்ச்சிகளை படம் பிடிக்கிறீர்கள் என்று வைத்துக்கொள்வோம். இவை இரண்டுமே ஒளி குறைவான இடங்கள். ISO 100 வச்சு படம் எடுக்கும்போது மூடுதிரை வேகம் மிக குறைவா தான் இருக்கும்( <>ஒளி இரைச்சல் அதிகமாக இருக்கும். DSLR ஒளிபெட்டியில் சத்த அளவு குறைவு. சத்தத்தின் அளவு ஒளிபெட்டியின் உணரியின் படத்துணுக்கு(pixel) அளவை பொருத்தது. படத்துணுக்கு அளவு சிறியதாக இருந்தால் படங்களில் ஒளி இரைச்சல் அளவு கூடும். (அதிகம் மெகாபிக்சல் உள்ள காமிராக்களில்[குறிப்பா பாயிண்ட் அண்ட் சூட்] படதுணுக்கின் அளவு குறைவாக இருக்கும், இதனால் ஒளி இரைச்சல் அதிகம் வரும்) பொதுவா ISO 100 வைத்தே படம் எடுங்கள். ஒளி குறைபாடு இருக்கும் போது மற்ற அதிக ISO அளவுகளை பயன் படுத்துங்கள். சிறிது ஒளி இரைச்சல் படங்களில் இருந்தால் கவலை படவேண்டாம். படங்களில் சத்தத்தை நீக்கும் இலவச மென்பொருட்கள் இணையத்தில் இருக்கின்றன. சில சமயங்களில் நல்ல ஒளி இருந்தும் கூட ISO கூட்டி வைக்கும் சூழ்நிலை ஏற்படும். விளையாட்டு நிகழ்ச்சிகளை படம் எடுக்கறவங்களுக்கு மூடுதிரை வேகம் 1/1000, 1/2000 இப்படி தேவை படும்(சிறு சிறு அசைவுகளை படம் பிடிக்க). உங்களுடைய ஒளிபெட்டியின் ISO செயல் முறைகளை அறிந்து கொண்டு முயற்சி செய்து பாருங்கள். கவனத்தில் வைத்து கொள்ள கூடிய ஒன்று இருக்கு. முதல் நாள் ISO அதிகம் வச்சு படம் எடுத்துட்டு அடுத்த நாள் காலையில் நல்ல வெளிச்சம் இருக்கும்போதும் கூட ISO அளவை மாத்த மறந்துட்டு ஒளி இரைச்சல் உள்ள படங்களை எடுக்க நேரிடலாம். அதனால் ஒவ்வொரு முறை ஒளிபெட்டியினை பயன் படுத்தும்போதும் ISO அளவினை சரி பார்த்துக் கொள்ளுங்கள். மற்றுமொரு விடயம், இப்பொழுது வரும் காமிராக்களில் "ஆட்டோ ISO" என்ற நுட்பம் வருகின்றது. இதன் பயன் என்னவென்றால், குறைந்தப்பட்ச மூடுதிரை வேக அளவை குறிப்பிட்டால், சூழ்நிலைக்கு ஏற்றாற்போல் ஒளிபெட்டி தானே ISO அளவுகளை மாற்றி அமைத்து கொண்டுவிடும். "Long Exposure" போன்று முக்காலி உதவியுடன் படம் எடுக்கும் போது இந்த "ஆட்டோ ISO" வை நிறுத்தி விடுங்கள். இன்னும் வேற எதாவது இருந்தா பின்னூட்டத்துல சொல்லுங்க. நன்றி !

இந்த மாதப் போட்டியில் முதல் சுற்றில் தேர்வான படங்களைப் பாக்கறதுக்கு முன்னாடி ஒரு விஷயம் சொல்லனும்னு நெனைக்கிறோம்ங்க. புகைப்படம் எதுக்கு எடுக்கறோம்னு யோசிச்சு பாத்திருக்கீங்களா? இரண்டு கண்களால் காண முடியாததை எதையும் நாம புகைப்படமா எடுக்கறதில்லை. அதுவும் நாம எடுக்கற புகைப்படம் மாதிரியே ஏற்கனவே யாராவது எடுத்து தான் வச்சிருப்பாங்க. அப்படியிருந்தும் நாமெல்லாம் புகைப்படம் எடுத்துக்கிட்டுத் தான் இருக்கோம். நாம எடுக்கற புகைப்படத்தைப் பாத்து நல்லாருக்குன்னு நாலு பேரு பாராட்டத் தான் செய்யறாங்க. ஏன்? புகைப்படம் எடுக்கறது ஒரு கலை - Work of Art. மற்ற கலை வடிவங்களை மாதிரியே தான் இதுவும். உதாரணத்துக்கு சினிமாங்கிற கலையை எடுத்துக்குவோமே. இருபத்தஞ்சு வருஷத்துக்கு முன்னாடி வந்த படத்தோட கதையை மறுபடியும் கொஞ்சம் வேற மாதிரி சொன்னா ரசிக்கத் தான் செய்யறோம். ஆக ரசனைங்கிறது சினிமா, இசை, புகைப்படக்கலைன்னு எல்லா விஷயத்துலயும் நமக்கு தேவைப்படுது. எந்த ஒரு கலை வடிவமும் மக்களோட ரசிப்புத்தன்மையை ரசனையை வளர்க்கனும். அப்போ தான் அது கலை. எனவே நம்முடைய ரசனையையும் அடுத்தவர்களுடைய ரசனையையும் வளர்த்துக் கொள்ள/வளர்ப்பதற்காக நாம புகைப்படம் எடுக்கறோம்னு சொல்லலாம்ங்களா? சரியா? சும்மா படம் எடுக்கறதே ரசனையை வளர்க்கன்னு சொல்லும் போது, ஒரு போட்டிக்குன்னு கொடுக்கப்பட்ட தலைப்புல புகைப்படம் எடுக்கும் போது எப்படி இருக்கனும்? போட்டியில பங்கு கொள்ளற ஒவ்வொருத்தரும் தன்னோட சிறப்பான புகைப்படங்களைத் தேர்வு செய்து போட்டிக்கு அனுப்பும் போது போட்டி ரொம்ப பலமா இருக்கும். போட்டியில பங்குபெறவங்களுக்குத் தங்களோட படம் ஒரு வேளை தேர்வு ஆகலைன்னா ஏன் தேர்வாகலைன்னு தெரிஞ்சுக்கற ஆர்வம் கண்டிப்பா இருக்கும். நான் இதே போட்டிகள்ல போட்டியாளரா இருக்கும் போது என்னோட படம் ஏன் தேர்வாகலைன்னு தெரிஞ்சுக்கற ஆர்வம் இருந்தது. ஆனா போட்டிக்கு வர்ற மொத்தப் படங்களின் எண்ணிக்கையைப் பார்க்கும் போது ஒவ்வொரு படத்துக்கும் கருத்து சொல்லறதுங்கறது கொஞ்சம் கஷ்டமான காரியம் தான்னு இப்போ எனக்கு புரியுது. இருந்தாலும் ஒவ்வொருத்தரும் ஒவ்வொரு நம்பிக்கையில, மனசுல ஒவ்வொரு கருத்தை வச்சிக்கிட்டு படம் எடுத்துருப்போம். உங்களோட அந்த நம்பிக்கைக்கு மரியாதை பண்ணும் பொருட்டு புகைப்படம் எடுக்கறப்போ கவனத்துல கொள்ள வேண்டிய விஷயங்களைப் பத்தி இந்த மாதப் போட்டி படங்களையே உதாரணமா வச்சிப் பார்ப்போம். ஏற்கனவே போட்டிகளில் ஜெயிப்பது எப்படின்னு நம்ம PiT தளத்துலேயே பதிவு போட்டிருக்காங்க. இருந்தாலும் அதை உதாரணத்தோட சொன்ன நல்லாருக்கும்னு உடம்பை ரணகளம் ஆக்கிக்கற ஒரு முயற்சில ஈடுபட்டிருக்கோம். அதுக்கு முன்னாடி ஒரு ஷார்ட் கமெர்ஷியல் பிரேக் எடுத்துக்கிட்டு இந்த மாதப் போட்டியில் தேர்வான முதல் பதினைஞ்சு படங்களை ஆங்கில அகர வரிசையில் பாத்துட்டு வந்துடுங்க. Top 15

1.Aadav		2. Amal .
3 . Jeya		4. Kamal
5. MQN		6. Nila's Mom
7. Nundhaa		8. Oviya
9. Priyadarshan		10. Rajesh Natarajan
11. Ramalakshmi		12. Thulasi Gopal
13. Tjay		14. Truth
15. Udayabaskar
From PiT Oct 2009 - பொம்மைகள்

உங்க படம் என்ன சொல்லுது? ஒவ்வொருத்தரும் ஒவ்வொரு நம்பிக்கையில, ஒரு கருத்தை மனசுல வச்சிப் படம் எடுத்துருப்பாங்கன்னு சொன்னோமில்லையா? நம்ம படம் மூலமா நாம சொல்ல வந்த கருத்து அல்லது நாம காட்ட நெனச்ச கருப்பொருள் பாக்கறவங்களோட ரசனையை எப்படி தூண்டுச்சுன்னும், அவங்களை எப்படி சென்று சேர்ந்துச்சும்னும் தெரிஞ்சுக்கனுமில்லியா? நம்ம படத்தைப் பத்தி பாக்கறவங்க என்ன உணருறாங்கன்னு எப்படி தெரிஞ்சுக்கறது? தெரிஞ்சுக்கனும்னா எத்தனை பேரைப் போய் கேக்க முடியும்? பாக்கறவங்க எல்லாரையும் போய் கேக்கறதுங்கறது நடக்கக் கூடிய காரியமா? அதை தெரிஞ்சுக்க ஒரு வழி இருக்குங்க. போட்டிக்குப் படத்தை எடுக்கறீங்கல்லியா? எடுத்து முடிச்சுட்டு போட்டிக்கு அனுப்பறதுக்கு முன்னாடி நீங்க எடுத்த படத்தை ஒரு முறை பாருங்க. அதை பாத்துட்டு உங்க படத்தைப் பத்தி உங்களுக்கு என்ன தோனுதுன்னு ஒரு வரி ஒரு பேப்பர்ல எழுதுங்க...இல்லை மனசுல நெனச்சுக்கங்க. இப்போ நீங்க நெனச்சது/பேப்பர்ல எழுதுனதுக்கும் போட்டிக்குக் கொடுக்கப்பட்ட தலைப்புக்கும் எந்தளவுக்கும் சம்பந்தம் இருக்கும்னும் பாருங்க. உதாரணத்துக்கு Sriniயோட இந்த படத்தை எடுத்துக்குவோம். இந்த படத்தைப் பார்த்ததும் என் மனசுக்குத் தோனுறது - "சாலையோரத்தில் இரு குழந்தைகள் பொம்மைகளை விற்கிறார்கள்." ஆனா நீங்க போட்டிக்குப் படத்தை அனுப்பும் போது நெனச்சது வேற எதாச்சும் இருக்கலாம். இந்த படத்துல சாலை, இரு பெண் குழந்தைகள், மரம், விளம்பரப் பலகை என போட்டிக்குத் தொடர்பில்லாத பல பொருட்கள் இருக்கின்றன. அப்பொருட்களோடு பொம்மைகளும் இருக்கின்றன. பொம்மைகளைப் பற்றி நீங்கள் சொல்ல விரும்புவது என்னவென்று பார்ப்பவருக்குக் குழப்பம் வரும். இந்த விஷயத்தில் benefit of doubt எப்போதும் பார்வையாளருக்குத் தான் :) பொம்மைகளின் அழகு, அவற்றின் வண்ணங்கள், சிரிக்கிற மாதிரி, அழுகிற மாதிரி எதாவது உணர்ச்சிகள் காட்டுகின்றன என்றால் அதை எல்லாம் பார்வையாளருக்குத் தெரிவிப்பதற்கு நீங்கள் பொம்மைகளுக்கு மிக அருகாமையில் செல்ல வேண்டும். எனவே தான் போட்டி அறிவிப்பு பதிவில் கீழ்கண்ட இவ்வழிமுறைகளைக் கூறியிருந்தோம். //2. உங்கள் பொம்மைகள் ஏதாவது உணர்வுகளை உணர்த்த முயற்சிக்கிறதான்னு பாருங்கள். அதை புகைப்படத்தில் சொல்ல முயற்சியுங்கள். 3. பொம்மைகளின் backgroundகளின் மீது கவனம் செலுத்துங்கள். Backgroundகளை எளிமையாக வைத்திருக்க முயற்சியுங்கள். படத்துக்கு வலு சேர்க்காத பொருட்களை உங்கள் படத்தில் வர அனுமதிக்காதீர்கள்.// கீழே உள்ள விவியனின் படத்திலும் கிட்டத்தட்ட இதே குறைபாடு தான் - "ஒரு சிறுவன் பொம்மைகளோடு விளையாடுகின்றான்". என்பதே உங்கள் படத்தில் இருந்து எங்களுக்கு கிடைக்கும் கருத்து. ஆகவே போட்டியின் கருப்பொருளான பொம்மைகளை உங்கள் படத்தில் முதன்மை படுத்துங்கள். உங்கள் படத்தைப் பார்க்கும் போது சிறுவனின் மீது பார்வையாளனின் கவனம் செல்லவே கூடாது. உங்கள் படத்தைப் பார்த்து நீங்களே ஒரு வாக்கியத்தினைக் கூறும் போது பொம்மைகளைப் பற்றிய கருத்துகள் மட்டுமே வருமாறு கவனமாகப் பார்த்து கொள்ளுங்கள். அப்படி போட்டி தலைப்புடன் அதிகமாக ஒத்து வராத வார்த்தைகள் உங்கள் வாக்கியத்தில் வருமேயானால் உங்கள் படம் போட்டி தலைப்பிலிருந்து வெகுவாக மாறுபடுகிறது என அறிந்து கொள்ளவும். நாம இந்த பதிவுல பார்த்தது போட்டிக்குன்னு எடுக்கற படங்கள் தேர்ந்தெடுக்கப்படாததற்கான மிக முக்கியமான காரணங்களுன் ஒன்றான "போட்டித் தலைப்புக்கு ஏற்றாற் போல் படம் இல்லாதிருத்தல்" பற்றி. இது மாதிரி பல காரணங்கள் இருக்கு. ஆனா எல்லாத்தையும் ஒரே பதிவுல சொல்லறதுங்கிறது கொஞ்சம் கஷ்டமான விஷயம். அதனால ஒவ்வொரு மாசமும் இந்த முயற்சியைத் தொடரலாம்னு எதிர்பார்க்கறோம். இந்த மாதப் போட்டியில் தேர்ந்தெடுக்கப்படாத வேறு சில படங்களும் அதற்கான காரணங்களும் கீழே. அ. போட்டி தலைப்புக்கு ஏற்றாற் போல இல்லாதிருத்தல் 1. Mathan 2. Madhan.S. 3. Vivian 4. Srini ஆ. படத்தில் குறுக்கீடுகள், வெளிச்சம் இல்லாமை, ஃபோகஸ் போதாமை 1. Goma 2. Somayajalu Shastri 3. Gowthaman 4. Jackie sekar 5. karthik_49870043 6. Nanani 7. MohanKumar இ. தட்டையான ஒளியமைப்பு/காட்சியமைப்பு 1. Vasanth 2. Valli simhan 3. Oppaaree 4. Mathanlal 5. Murugesh 6. Kavaiprabhakaran 7. Boopathi 8. Jovin 9. Manivasagam 10. அருண் 11. Gadha 12. Kaaviyam 13. Nagappan 14. Nandhakumar 15. Rajesh. 16. Thiva 17. Vedivaal ஈ. கீழுள்ள படங்கள் நன்றாக இருந்தும் சில காரணிகளால் முதல் பதினைந்துக்குள் வர இயலவில்லை. 1. Karuran - Background Distraction makes it to looks like tight cropping and deviating the concentration. 2. Manivannan - hmm... Selective lighting is good but too much of dead space on the frame. 3. Narayanan M - Background distortion 4. PMT - Pretty tight cropping 5. Parthasarathi - Probably contrasting background would have give nice perspective ? & bit more concentration needed with lighting on glossy surface like this 6 . S.M.Anbu Anand - Tho' it looks good on first look but overall Many distraction. 7. Sathiya - I really miss this in top 15. Lil wider angle with covering dog tail aswell would have made this shot perfect. Some what it gives incomplete feeling 8. TJ Vinodh - Nice try Vinodh. but it doesnt have punch which it needs for final 15 கலந்து கொண்டு சிறப்பித்த அனைவருக்கும், முதல் பதினைந்துக்குள் வந்தவர்களுக்கும், மீண்டும் மீண்டும் முயற்சித்து தங்களின் வெற்றிப் பாதைகளை சீரமைஇத்துக் கொண்டு வரும் அனைத்து போட்டியாளர்களுக்கும் குழும வாசகர்களுக்கும் குழுமம் சார்பில் நன்றியும் வணக்கமும். கூடிய விரைவில் முதல் மூன்றோடு சந்திப்போம்.

PiT 2009 அக்டோபர் மாத புகைப்படப் போட்டிக்கு படங்கள் அனுப்ப வேண்டிய நாள் நேற்றுடன் நிறைவுக்கு வந்தது. இம்மாதப் போட்டிக்கு கீழே உள்ள படங்கள் மட்டுமே கணக்கில் கொள்ளப்படும். உங்கள் பேருக்கு எதிரே உங்கள் புகைப்படத்தின் சுட்டியைக் கொடுத்திருக்கிறோம். ஒரு எட்டு போய் சரியாயிருக்கான்னு பாத்துடுங்க. சில படங்களில் பங்கேற்பாளரின் பெயர் விடுபட்டுள்ளது. அத்தகைய படங்களை அனுப்பியவர்கள் உங்கள் பெயரினைத் தெரியப்படுத்துமாறு கேட்டுக் கொள்கிறோம். 1.Kamal http://picasaweb.google.com/pitcontests/PiTOct2009#5387478210797616802 2.Karuran http://picasaweb.google.com/pitcontests/PiTOct2009#5389672468780115010 3.Manivannan http://picasaweb.google.com/pitcontests/PiTOct2009#5389877487282936898 4.MQN http://picasaweb.google.com/pitcontests/PiTOct2009#5390144298550504546 5.Karthik http://picasaweb.google.com/pitcontests/PiTOct2009#5390215717190446498 6.Mathan http://picasaweb.google.com/pitcontests/PiTOct2009#5390278007063692466 7.karthik_49870043 http://picasaweb.google.com/pitcontests/PiTOct2009#5390586791815725058 8.NarayananM http://picasaweb.google.com/pitcontests/PiTOct2009#5390763197898847618 9.Vedivaal http://picasaweb.google.com/pitcontests/PiTOct2009#5391361051312980866 10.Gadha http://picasaweb.google.com/pitcontests/PiTOct2009#5391582704346080738 11.Srini http://picasaweb.google.com/pitcontests/PiTOct2009#5391660940358382642 12.Parthasarathy http://picasaweb.google.com/pitcontests/PiTOct2009#5392014906999067714 13.ஓவியா http://picasaweb.google.com/pitcontests/PiTOct2009#5392205359184134978 14.Aadav http://picasaweb.google.com/pitcontests/PiTOct2009#5392377270035888994 15.Nila's Mom http://picasaweb.google.com/pitcontests/PiTOct2009#5392787818542578194 16.Opparee http://picasaweb.google.com/pitcontests/PiTOct2009#5392839648771522338 17.PMT http://picasaweb.google.com/pitcontests/PiTOct2009#5392860967558729042 18.Nanaani http://picasaweb.google.com/pitcontests/PiTOct2009#5393407000292311314 19.VASANTH http://picasaweb.google.com/pitcontests/PiTOct2009#5387937558521595682 20.Mathanlal http://picasaweb.google.com/pitcontests/PiTOct2009#5390278892591571730 21.Nandakumar http://picasaweb.google.com/pitcontests/PiTOct2009#5390891675813124770 22.Sathiya http://picasaweb.google.com/pitcontests/PiTOct2009#5391370009109669090 23.Vivian http://picasaweb.google.com/pitcontests/PiTOct2009#5392456503115353602 24.Rajesh Natarajan http://picasaweb.google.com/pitcontests/PiTOct2009#5393099545107465666 25.Amal http://picasaweb.google.com/pitcontests/PiTOct2009#5393486875213487586 26.Murugesh http://picasaweb.google.com/pitcontests/PiTOct2009#5388629179029749426 27.Rajesh http://picasaweb.google.com/pitcontests/PiTOct2009#5390930130569643266 28.Jackiesekar http://picasaweb.google.com/pitcontests/PiTOct2009#5391417605023316770 29.Jeya http://picasaweb.google.com/pitcontests/PiTOct2009#5391602815342661826 30.Ramalakshmi http://picasaweb.google.com/pitcontests/PiTOct2009#5392508000650586290 31.Gowthaman http://picasaweb.google.com/pitcontests/PiTOct2009#5393529229460040738 32.Nundhaa http://picasaweb.google.com/pitcontests/PiTOct2009#5391012687109677202 33.Nagappan http://picasaweb.google.com/pitcontests/PiTOct2009#5391449475433662818 34.Manivasagam http://picasaweb.google.com/pitcontests/PiTOct2009#5391647061705371810 35.S.M.Anbu Anand http://picasaweb.google.com/pitcontests/PiTOct2009#5392545707745195938 36.Udayabaskar http://picasaweb.google.com/pitcontests/PiTOct2009#5389135047477711058 37.துளசி கோபால் http://picasaweb.google.com/pitcontests/PiTOct2009#5392642351944748850 38.Jovin http://picasaweb.google.com/pitcontests/PiTOct2009#5389145544818147330 39.Boopathi http://picasaweb.google.com/pitcontests/PiTOct2009#5392656495521124162 40.Truth http://picasaweb.google.com/pitcontests/PiTOct2009#5393576961485989682 41.Kavaiprabhakaran http://picasaweb.google.com/pitcontests/PiTOct2009#5392687940082946514 42.Thiva http://picasaweb.google.com/pitcontests/PiTOct2009#5393594581469996802 43.Somayajula Sastry http://picasaweb.google.com/pitcontests/PiTOct2009#5392717328900984914 44.Goma http://picasaweb.google.com/pitcontests/PiTOct2009#5393631086774107250 45.வல்லிசிம்ஹன் http://picasaweb.google.com/pitcontests/PiTOct2009#5392736347672098354 46.Kaaviyam http://picasaweb.google.com/pitcontests/PiTOct2009#5393172805612868050 47.Tjay http://picasaweb.google.com/pitcontests/PiTOct2009#5392738505974670706 48.Arun http://picasaweb.google.com/pitcontests/PiTOct2009#5393269470444988482 49.Mohan Kumar http://picasaweb.google.com/pitcontests/PiTOct2009#5393635580097344850 50.Priyadharsan http://picasaweb.google.com/pitcontests/PiTOct2009#5392744118893680962 51.TJVinoth http://picasaweb.google.com/pitcontests/PiTOct2009#5393276636800869394

இழைநய அமைப்பு சேர்ப்பது எப்படி ? முதலில் கூகுளாண்டவரிடம் சரணடைந்து இலவச textures தேடி வைத்துக் கொள்ளுங்கள். ( free Textures என்று தேடினால் ஏராளமாய் இலவசமாய் கிடைக்கும். ) தேவையான ப்டத்தை கிம்பில் திறவுங்கள் . இனி இதற்கு தோதான படத்தை தேர்ந்து எடுக்க வேண்டும். உதாரணதிற்கு நான் இந்த கருங்கல் படத்தை எடுத்துக்கொண்டேன். இனி கருங்கல் படத்தை முழுவதுமாய் நகலெடுத்து, ஒரு புதிய லேயராய், மூலப் படத்தில் உருவாக்கி்க் கொள்ளுங்கள் ( Ctrl +A, Ctrl +C, Ctrl+V. நமக்கு நன்றாக தெரிந்த cut and paste தான் ). இனி கருங்கல் படம் தேவை இல்லை, அதை மூடி விடலாம். இனி இந்த லேயரை படத்தோடு இணைய வைக்க வேண்டும். லேயர் Mode Overlay என்று மாற்றிக் கொள்ளுங்கள் . ( இங்கே கொஞ்சம் விளையாடிப் பார்க்க வேணும். உங்களின் படத்துக்கு Soft light, Hard light, Multiply. Screen என்று எது சரியாகத் தோன்றுகிறதோ அதற்கு மாற்றிக் கொள்ளுங்கள் ). விளைவு அதிகம் போலத் தோன்றினால் opacity குறைத்துக் கொள்ளுங்கள். அவ்வளவுதான் மொத்த வேலை. இனி வரும் பகுதிகள், மேலும் மெருக்கூட்டவே. படத்திற்கு ஒரு சிவப்பு சாயல் வர, ஒரு புதிய லேயரை சிவப்பு வண்ணத்தால் நிரப்பி, அதை Color mode க்கு மாற்றி தேவைக்கு ஏற்ப அதன் opacity குறைத்துக் கொண்டேன். இந்த முறை , வண்ணப்படத்தில் மேற்கூறிய முறைகளை செய்யாமல், படத்தை முதலில் கருப்பு வெள்ளைக்கு மாற்றிக் கொண்டேன். விளையாடிப் பாருங்கள். மேலும் சில எடுத்துக்காட்டுக்கள்: