Saturday, May 31, 2014

வணக்கம்!

அடுத்த சுற்றுக்கென ஆறு படங்களை தேர்ந்தெடுத்தேன். அதில் வெற்றி வாய்ப்பை தவறவிட்ட படங்கள்...

அலெக்சாண்டர்

ஜெயவேலு


ஸ்ரீனி



முதல் மூன்று இடங்களை பிடிக்கும் படங்கள்.

மூன்றாமிடம் - அமுதா ஹரிஹரன்

இரண்டாமிடம் - அந்தோணி முத்து


முதலிடம் - குணா அமுதன்


வெற்றி பெற்றவர்களுக்கும் & போட்டியில் பங்கேற்றவர்களுக்கும் வாழ்த்துகள்! 

Friday, May 23, 2014


வணக்கம்.

இன்றைய கட்டுரையில் நாம் சில பிரபலமானபழைய கருப்பு வெள்ளை நெகட்டிவ் பிலிம் ரோல்கள் உருவாக்கித்தரும் எபக்ட்டுகளை போட்டோஷாப்/கிம்பில் Channel Mixer  கொண்டு உருவாக்குவதை காணலாம்முன்பெல்லாம் பிற்சேர்க்கை என்பது கலர் படங்களாகட்டும், அல்லது கருப்பு வெள்ளைப் படங்களாகட்டும். அவர்களுக்குத் தேவையான எஃபக்டுகளை உருவாக்க அதற்குத் தகுந்தாரற்போல இருக்கும் நெகட்டிவ் ஃபிலிம்ரோல்களை பயன்படுத்தி எடுப்பார்கள், உதாரணத்திற்கு கருப்பு வெள்ளை படங்களுக்கென நிறைய ஃபிலிம்ரோல் நெகட்டிவ்கள் பயன்படுத்தப்பட்டன ex : Agfa Pan,Ilford Delta,Kodak tri-x etc…ஒவ்வொரு ஃபிலிம் ரோலுக்கும் ஒவ்வொரு மாதிரியான வெளியீடு இருக்கும்.

நாம் இப்போது நெகட்டிவ் ரோல் காலங்களிலிருந்து டிஜிட்டல் உலகத்தில் இருக்கின்றோம். எனினும் இன்றும் பெரும்பாலான புகைப்படக்கலைஞர்கள் கருப்புவெள்ளைப் படங்களைக் கைவிடுவதாக இல்லைஅந்த அளவிற்கு இந்தக் கருப்புவெள்ளைப் படங்களில் உணர்சிகளைக் கொண்டு வரமுடியுமென்கின்றனர் அனுபவம் வாய்ந்த புகைப்படக்கலைஞர்கள்.
சரிஇதுபோல பழைய நெகட்டிவ் ஃபிலிம் ரோல்கள் உருவாக்கிக்கொடுத்த கருப்பு வெள்ளைப் படங்களை போட்டோஷாப்பில் உருவாக்க நாம் Channel Mixer என்ற ஆப்ஷனைப் பயன்படுத்தலாம் என்பதை விளக்குவதே இக்கட்டுரையின் நோக்கமாகும்.

Channel Mixer Adjustment ஐ கொண்டு போட்டோஷாப்பில் தரமான கருப்பு வெள்ளை மற்றும் கலர் படங்களை தயாரிக்க முடியும்இந்த Adjustment ஆனது RGB மற்றும் CMYK மோடில் வேலைசெய்யும். நான் இதுவரை CMYK மோடை பயன்படுத்தியது கிடையாது எனவே RGB மோடில் வேலை செய்வது குறித்து விளக்குகிறேன்.

Channel Mixer இன் அடிப்படைத்தத்துவதை புரிந்துகொள்ளுங்கள் உங்களுடைய படத்திலிருக்கும் Red,Green,Blueஆகிய மூன்று சேனல்களையும் உங்களின் தேவைக்கேற்றவாறு adjust செய்துகொள்வதேயாகும். இதில் நீங்கள் ஒரு சூத்திரத்தை கையாளவேண்டும் அதாவது 3 சேனல்களின் மதிப்பின் கூட்டுத்தொகையானது 100 ஆக இருக்கவேண்டும் என்பதே அந்த சூத்திரம். (R+G+B=100%), மதிப்புகள் மைனஸாக இருந்தாலும்(-) பிளஸ்ஸாக இருந்தாலும்(+) கூட்டிக்கழித்து பார்க்கும் போது +100% வரவேண்டும் என்பதே முக்கியமாகும். Ex:(40+40+20=100),(-50,+65+85=100),(33+ -17+84=100).

சரி செயல்முறைக்கு செல்லலாம் வாங்க,முதலில் உங்களது படத்தை போட்டோஷாப்பிலோ அல்லது கிம்பிலோ திறந்துகொள்ளுங்கள். பின்னர் New Adjustment Layer சென்று Channel Mixer தேர்வு செய்கிறேன்.


இப்போது தோன்றும் விண்டோவில் Monochrome என்பதை டிக் செய்யவும்.



இனி உங்களது Red,Green,Blue சேனல்களின் மதிப்பை உங்கள் விருப்பத்திற்கேற்றவாறு கன்ட்ரோல் செய்துகொள்ளுங்கள் ஆனால் உங்களது R+G+B =100% வருமாறு பார்த்துக்கொள்ளவும். அவ்வாறு 100% மதிப்பை தாண்டும் தருவாயில் ஒரு Warning Symbol வரும். கவனமாக செய்யவும்.


கீழேயுள்ள இந்த அட்டவணையை கொண்டு அதிலுள்ள பிலிம்ரோல்களுக்கான RGB மதிப்புகளைக்கொண்டு 15 வகையான ருப்பு வெள்ளை படங்களை இந்த Channel Mixer மூலமாக உருவாக்கிக்கொள்ளமுடியும்.


பயன்படுத்திப் பாருங்கள். பயனடையுங்கள் !
***


Friday, May 16, 2014

கிராமப் புறங்களில் அழகான படங்கள் பிடித்திட பல வாய்ப்புகள் கிடைக்கும்.  குடிசை வீடுகள், வயல் வெளிகள், களத்து மேடு, கிராம மக்கள் என இப்படிப் பல உங்கள் கண்களைக் கவரும்.  அவற்றை சரியான கோணத்தில், தேவையான வெளிச்சம் பட, சரியான தருணத்தில் எடுத்திருந்தால் கதை சொல்லும் பல அழகிய படங்களை நீங்கள் எடுத்திடலாம்.  உதாரணத்திற்கு சில படங்கள்:
#1
(உழைப்பாளிகள்)
#2
(வறுமைக்கோட்டின் கீழே)
#3
(தொழிலாளி)
#4
(இயற்கை வைத்தியம்)
#5
(கண்ணீர் இன்றித் தண்ணீர்)
கிராமப் புறங்களில் படம் பிடிக்கும் போது மிகுந்த கவனம் தேவை.  இல்லை என்றால் நீங்கள் அனாவசியமாகப் பிரச்சினைகளில் சிக்கித் தவிக்க நேரிடும்.  முதலில் நீங்கள் அவர்களோடு பேசி உங்களை அவர்களோடு ஒருவராக ஆக்கிக் கொண்டு, பின் அவர்களது அனுமதியுடன் படம் பிடிக்க வேண்டும்.  இந்த விதி பெண்களைப் படம் பிடிக்கும் போது கட்டாயம் அனுசரிக்க வேண்டிய ஒன்று.  இல்லை என்றால் ஒரு கிராமத்தில் நாங்கள் பட்ட அவஸ்தையினை நீங்களும் பட வேண்டி வரும்.

ஒரு முறை ஏரிக்கரையில் தலையில் புல்லுக் கட்டோடு வந்து கொண்டிருந்த பெண்கள் பக்கம் தன் கேமிராவைத் தூக்கி என் நண்பர் நோட்டம் விட, அவள் கன்னடத்தில் ஏதோ கத்த, வயல்களில் இருந்து ஐந்தாறு ஆட்கள் கையில் அரிவாளோடு ஓடி வந்து எங்களைச் சூழ்ந்து கொண்டு மிரட்ட, அன்று அவர்களிடம் இருந்து தப்பிக்கப் பட்ட பாடு, அப்பப்பா, சொல்லி மாளாது!

படங்கள் அனைத்தும்: நடராஜன் கல்பட்டு.

-அடுத்த பகுதியுடன் தொடர் நிறைவுறும்.

***

Legend Talks..
திரு கல்பட்டு நடராஜன்
-----------------------------------------------------------------------------------------------------------
தொடர்புடைய முந்தைய பதிவுகள்:




Wednesday, May 7, 2014

வணக்கம் நண்பர்களே, நலமா...

Portrait மற்றும் பேஷன் போட்டோகிராபர்கள் தங்கள் மாடல்களை படம்பிடிக்கும்போது சந்திக்கும் பிரச்சனையைப் பற்றிப் பார்ப்போம். அதாவது மாடல் பார்க்க அழகாக நல்ல நிறத்துடன் காணப்படுவார்கள் ஆனால் ஒருசில மாடல்களின் பற்கள் மஞ்சள் நிறத்தில் காணப்படும்,Portrait போட்டோகிராப்பியோ அல்லது Fashion போட்டோகிராப்பியோ படம் பிரின்ட் செய்யும் முன்பாக  இந்த மஞ்சள் நிற பற்களை சரிசெய்வது அவசியமாகும். 

கீழேயுள்ள படத்தில் வாயெல்லாம் பல்லாக வைத்துக்கொண்டு சிரிக்கும் சிறுவனின் பற்கள் மஞ்சள் நிறம் தோய்ந்து காணப்படுகிறது.இதனை எப்படி போடோஷாப்பில் டூத் பேஸ்ட் இல்லாமலேயே பிரஷ் பண்ணலாம்னு பார்ப்போம்.


முதலில் போட்டோஷாபில் படத்தை திறக்கவும்.
இப்போது New Adjustment லேயரில் Hue/Saturation ஐ கிளிக் செய்யவும்.


இனி நான் படத்தில் காட்டியதுபோல “yellow” வண்ணத்தை தேர்ந்தெடுக்கவும் பின்னர் Saturation மதிப்பை வலமிருந்து இடமாக நகர்த்தவும் மஞ்சள் நிறம் நீக்கப்படும் வரை உங்கள் விருப்பத்திற்கு ஏற்றவாறு வைத்துக்கொள்ளவும்.பின்னர் Lightness ஐ இடமிருந்து வலமாக உங்கள் விருப்பத்திற்கு நகர்த்திக்கொள்ளவும்.



சரி இப்போது ஒரு விஷயம் கவனிக்கப்படவேண்டும்,அதாவது New Adjustments லேயரை  தேர்ந்தெடுக்கும் போது நீங்கள் adjust செய்யும் மதிப்பானது உங்களின் படம் முழவதையும் பாதிக்கும்,குழப்பமாக உள்ளதா?

உங்களது Adjustmentsகள் பற்களுக்காக என்றாலும் இதனால் பற்களைத்தவிர‌ தவிர படத்திலிருக்கும் பிற இடங்களும் பாதிக்கப்படும் உதாரணமாக Skin Tone,நமக்கு தேவையான Adjustments பற்களுக்குத்தான் எனினும் படத்தில் பிறபகுதிகள் பாதிக்காமலிருக்க Invert மாஸ்கை பயன்படுத்தப்போகிறோம்.
ஆம் லேயர் பேலட்டில் Hue/Saturation  லேயரில் இருக்கும் லேயர் மாஸ்க் ஆனது வெள்ளை நிறத்தில் இருக்கிறது அல்லவா?


இதனை நாம் Invert செய்ய விசைப்பலகையில் D அல்லது X ஐ அழுத்தவும். இது உங்களது Foreground மற்றும் Background  நிறங்களை முறையே கருப்பு&வெள்ளையாக மாற்றும்.

இப்போது லேயர் மாஸ்கை தேர்வுசெய்து கொண்டு விசைப்பலகையில் CTRL+I ஐ (Image>Adjustments>invert) அழுத்தவும்.


இப்போது உங்களது படம் பழையமாதிரியே reset செய்யப்பட்டிருக்கும் அதாவது மஞ்சள் நிற பற்களுடன். இப்போது Foreground நிறமாக‌ வெள்ளை நிறத்தை தேர்வு செய்து பின்னர் Brush ஐ தேர்வுசெய்து பற்களின் மீது மட்டும் பிரஷ் செய்யவும். இப்போது பற்கள் வெள்ளை நிறமாக மாறும்.


அவ்வளவே…..வெண்மையாக்கப்பட்ட பளபளக்கும் பற்களைப் பாருங்கள்


என்ன மக்கா போட்டோஷாப்பிலே பேஸ்டே இல்லாம பிரஷ் பண்ண கத்துக்கிட்டீங்களா???

அன்புடன்,
நித்தி ஆனந்த்

Saturday, May 3, 2014

எல்லாருக்கும் வணக்கம்!

கோடை விடுமுறை தொடங்கியாச்சு. ஆட்டமும் பாட்டமுமாய் சிறுவர் சிறுமியர் விடுமுறையை கொண்டாடத்  தொடங்கி விடுவார்கள். விளையாடாத நாளே இருக்காது. அது மட்டுமல்ல, ஆங்காங்கே கிரிக்கெட் போட்டிகளும் நடக்கத் தொடங்கிவிடும். பிறகென்ன நம் பணி க்ளிக்கித் தீர்ப்பதே.

ஆம்.... இம்மாதத் தலைப்பு: விளையாட்டு (Sports)

பெரும்பான்மையான விளையாட்டுப் படங்களை எடுக்க ஷட்டரின் வேகம் அதிகமாக தேவைப்படும். உங்கள் கேமராவில் Shutter Priority mode-ஐ பயன்படுத்தி அசத்துங்கள்.

போட்டி விதிமுறைகள் இங்கே

படங்கள் வந்து சேரவேண்டிய கடைசித்தேதி: 20-05-2014 

மாதிரி படங்கள்:







 
© 2012. Design by Main-Blogger - Blogger Template and Blogging Stuff