ஆன்லைன் கேமரா சிமுலேட்டர்

எல்லாருக்கும் வணக்கம்!

சில நேரங்களில் நாம் இணையத்தில் உலவி வரும்போது பொக்கிஷமாக சில விஷயங்கள் கிடைக்கும். சில நேரங்களில் நாம் கற்பனையில் 'இப்படி ஒரு வசதி இருந்தால் நல்லாருக்குமே' என்று நினைப்பது போல் கிடைக்கும். அப்படி கிடைத்ததுதான் இந்தத் தளம். நான் புகைப்படக்கலை (ஒளிப்படக்கலை?!?) கற்க ஆரம்பித்திருந்த நேரத்தில் இப்படி ஒரு மென்பொருள் (சாஃப்ட்வேர்) இருந்தால் நல்லாருக்குமே/எளிதில் புரியுமே என்று நினைத்ததுண்டு.

இந்தத் தளத்தில் ஒரு அருமையான சிமுலேட்டர் உருவாக்கி வைத்துள்ளார்கள். அதில் மூன்று மோட்களும் (Manual, Aperture priority & Shutter priority) உள்ளன. அதில் நாம் அதிலுள்ள அளவுகளை மாற்றி மாற்றி 'கிளிக்' செய்து படம் எடுப்பதை கற்றுக் கொள்ளலாம். உடனே நாம் எடுத்த படமும் தெரிகிறது. அதைப பார்த்து புரிந்து கொண்டு அளவுகளை மீண்டும் மாற்றி படம் எடுக்கலாம். நிச்சயமாக இது ஒரு நல்ல பயனுள்ள தளமாக இருக்கும் என நம்புகிறேன்.

***