மகளிர் தினம் அனுசரிக்கப்படும் இந்த மார்ச் மாதத்தில் ITHI மகளிர் அமைப்பு விழிப்புணர்வுக்காக அறிவித்திருக்கும் ஒளிப்படப் போட்டிதான் FEMME VUE.

ஐடி துறையில் பணியில் இருக்கும் பெண்கள் எதிர்கொள்ள நேரும் பிரச்சனைகளுக்கான தீர்வுகளைக் காணவும், அவர்களுக்கு உறுதுணையாக இருக்கவும் பெங்களூரில் இயங்கி வரும் அமைப்பு ITHI. அவ்வப்போது உழைக்கும் மகளிரின் பிரச்சனைகள், உரிமைகள் குறித்த கருத்தரங்கங்கள், விவாதங்கள், கூட்டங்களை மகளிருக்காகவும், பொதுமக்கள் உணர்ந்து கொள்வதற்காகவும் தொடர்ந்து நடத்தி வருகிறது. அதன் தொடர்ச்சியாக அறிவிக்கப்பட்டிருக்கும் இந்தப் போட்டியின் நோக்கம் ஒத்த கருத்தும் புரிதலும் கொண்டவர்களை ஒன்று சேர்த்து மகளிர் குறித்த உலகின் பார்வையை, மகளிர் பிரச்சனைகளை வெளிக் கொண்டு வருவதேயாகும். வேறு எந்த விதத்திலும் சொல்ல முடியாத கதையை மனதில் தைப்பது போல அழுத்தமாகச் சொல்லக் கூடிய சக்தி வாய்ந்தவை ஒளிப்படங்கள் என நம்புகிற அமைப்பு, அனைவரையும் இதில் பங்கு கொண்டு தம்மைக் கெளரவிக்கக் கேட்டுக் கொள்கிறது.

படங்கள் கண்டிப்பாகப் பின் வரும் கருக்களை வெளிப்படுத்துபவையாக இருக்க வேண்டும்:

• வெவ்வேறு சமுதாயங்கள் பெண்களை எப்படிப் பார்க்கின்றன.. சித்தரிக்கின்றன..

• சமுதாய வளர்ச்சியில் பெண்களின் பங்கு.. அரசியல், கலை, கல்வி, ஆய்வுத் துறை, தொழில் துறை,  ஊடகங்கள் ஆகியவற்றில் பெண்களின் இடம்..

• இன்றைய உழைக்கும் மகளிர்.. சமூகம் அவர்களை எப்படி நடத்துகிறது..

பிரிவுகள்:

• A பிரிவு, தனிப்படங்களுக்கானது.

• B பிரிவு, ஒளிப்படக் கதைக்கானது (அதாவது 2 அல்லது 5 படங்கள் ஒரு குறிப்பிட்டக் கருவை வெளிப்படுத்துவதாக.. அல்லது ஒரு கதையைச் சொல்வதாக.. இருக்க வேண்டும்).

கவனிக்க வேண்டிய முக்கிய  விதிமுறைகள்:

• படங்களை அனுப்பக் கடைசித் தேதி: 27 மார்ச் 2014 மாலை ஐந்து மணி.

• உலகின் எல்லாப் பாகங்களிலிருந்தும் ஆண், பெண் இரு பாலினரும், எந்த வயதினரும், எந்த நாட்டினரும் என யார் வேண்டுமானாலும் போட்டியில் கலந்து கொள்ளலாம்.

• ஒருவர் எத்தனை படங்கள் வேண்டுமானாலும் கொடுக்கலாம். ஆனால் ஒரே படத்தை இரண்டு பிரிவுகளுக்கும் கொடுக்கக் கூடாது.

• அடிப்படை திருத்தங்கள் செய்து படங்களை மேம்படுத்த அனுமதி உண்டு.

• வண்ணம், கருப்பு வெள்ளை இரண்டு வகைப்படங்களும் தரலாம்.

• JPG file ஆக சமர்ப்பிக்க வேண்டும்.

• 1500x2100 பிக்ஸல்; 150-க்கு அதிகமான dpi மற்றும் 20 MB அளவு வரை இருக்கலாம். [வெற்றி பெற்றவர்கள் print செய்யும் வசதிக்காக, அதிக resolution படங்களை போட்டிக்குப் பிறகு சமர்ப்பிக்கக் கேட்டுக் கொள்ளப்படுவார்கள்.]

போட்டிக்குத் தரப்படும் படங்கள் creative commons License_கு கீழ் வரும். அதாவது அவற்றைப் பிரசுரிக்க.., கண்காட்சியில் பயன்படுத்த.., print செய்ய.., விநியோகிக்க.., இணையத்தில் பயன்படுத்த அனுமதியை விரும்புகிறது அமைப்பு. இதற்கென சன்மானங்கள் எதிர்பாராமல், பயன்படுத்தும் ஒவ்வொரு சமயமும் தெரிவிக்க வேண்டுமென நினைக்காமல் இந்த விதிமுறைகளுக்குச் சம்மதம் என்றால் மட்டுமே கலந்து கொள்ளக் கேட்டுக் கொள்கிறது.

படங்களைச் சமர்ப்பிக்கவும் மேலும் விரிவான விவரங்களுக்கும் இங்கே http://itecentre.co.in/ithi/#events செல்லவும்.

30 மார்ச் அன்று போட்டியில் முதல் 3 இடங்களைப் பெற்றவர்களுக்கு கோப்பைகளும், சான்றிதழ்களும் வழங்கப்படும். பெங்களூரில் எந்த இடத்தில்.. என்பது அவர்களது தளத்தில் விரைவில் அறிவிப்பாகும். அத்துடன் அமைப்பின் FB பக்கத்தில் https://www.facebook.com/Ithiforwomen வென்றவர்களது ஒளிப்படங்கள் காட்சிப்படுத்தப்படும்

ஒளிப்பட நுட்பங்கள் பிரமாதமாக அமைய வேண்டும் என்பதை விடவும் எத்தனை வலுவாக படம் கருவை வெளிப்படுத்துகிறது என்பதற்கே அதிக முக்கியத்துவம் தரப்படும்.

***

---

AID பெங்களூர், விழிப்புணர்வுக்காக நடத்திய ஒளிப்படப் போட்டி குறித்த அறிவிப்பு விரிவாக இங்கே. கலந்து கொண்ட படங்களில் கண்காட்சிக்குத் தேர்வான படங்கள் 15 குறித்த விவரங்கள் இங்கே. இவற்றோடு பெங்களூர் குறித்த மேலும் பல ஒளிப்படங்களுடன், மார்ச் 15 மற்றும் 16 தேதிகளில், பெங்களூரின் தொம்லூர் பகுதியிலிருக்கும் தளம் அரங்கில் நடைபெறவிருக்கும் கண்காட்சியில் வாய்ப்புக் கிடைக்கிறவர்கள் கலந்து கொள்ளுங்கள்!

***

வணக்கம் நண்பர்களே,

இந்த பதிவு ஒரு அனுபவ பதிவே. பிட்டில் பொதுவாகவே அனுபவப்பூர்வமான விஷயங்களை வாசகர்களோடு பகிர்ந்துகொள்வதுண்டு. அதுபோலவே சமீபத்தில் இங்கு பிரான்ஸ் நாட்டில் ஒரு சில புகைபடக்கலைஞர்கள் தாங்கள் பயன்படுத்திய பழைய Vintage lensகளை தங்களது புதிய DSLR கேமராக்களில் பயன்படுத்துவதை பார்த்தேன்.

ஏன்? எதற்கு? என்கின்ற ஆர்வம் என்னைத்தொற்றிக்கொள்ள அவர்களிடம் விசாரித்ததில் அவர்கள் கூறியது “ஒரு ஆர்வத்தினாலேயன்றி மற்றபடி புதிய லென்ஸுகளைவிட பழைய லென்ஸுகள் சிறந்தது என்றெல்லாம் கூறமுடியாது.மேலும் இதனைக்கொண்டு மேனுவல் போக்கஸ் மற்றும் மேனுவல் மோடில் தான் படம் பிடிக்க இயலும்,பழைய வகை லென்ஸுகள் என்பதால் அப்பச்சர் மட்டும் நம்மால் லென்ஸிலேயே தேர்வு செய்துகொள்ள இயலும்” எனவும் "மேனுவலாக படம் பிடிக்க விரும்பும் புகைப்பட கலைஞர்களுக்கு இது பொருத்தமாகும்" எனவும் மேலும் "இதனை வைத்து நிதானமாகவே படம் பிடிக்க இயலும். அவசரமாக நடக்கும் நிகழ்வுகளை படம் பிடிக்க இந்த லென்ஸுகளை பயன்படுத்த வேண்டாம்" எனவும் எனக்கு அவர்கள் புரிய வைத்தனர் (உதாரணம் : நடனம்,Street photography,Moving objects etc..).

ஆனால் இந்த Vintage லென்ஸுகளில் அதிக அப்பர்சர்களில் எடுக்கும் படங்களானது நல்ல ஷார்ப்னஸுடனும் மேலும் இவைகள் உருவாக்கித்தரும் Bokehவும் அருமையாக இருக்கும் எனவும் என்னிடம் கூறினார்கள். Portrait,Macro மற்றும் Product photographyக்கு இந்த வகை லென்ஸுகளை பயன்படுத்தலாம் எனவும் கூறினார்கள்.

கடைசியாக அவர்கள் கூறியது "Cost factor" குறைந்தவிலையில் இந்த லென்ஸுகளை தயாரித்து பயன்படுத்த முடியுமெனவும் கூறினார்கள்.

அதாவது இந்த பழைய Vintage M42 வகை பிலிம் ரோல் மாடல் லென்ஸுகள்(1960,70,80,90களில்) e-bayயில் மிக குறைந்த விலையில் வாங்கலாம் என்றும் சில நபர்கள் இலவசமாகவே கொடுத்துவிடுவார்கள் இதற்கு ஒரு Converter ring  மட்டும் வாங்கினால் போதுமெனவும் கூறினார்கள்.

M42 to canon adapter:

M42 to Nikon adapter:

ஒரு பழைய M42 வகை 50mm லென்ஸை சுமார் 20 டாலர்களுக்கு  வாங்கலாம்,அதனுடன் ஒரு converterஅதாவது M42 to DSLR adapter ஒரு 4 டாலர்களிலிருந்து 10 டாலர்களுக்குள்ளாக கிடைப்பதாகவும் ,ஆக 30 டாலர்களில் ஒரு 50mm லென்ஸ் ரெடி …..இந்த 50mm லென்ஸை cropped sensor கேமராவில் 65mm ஆக வெலைசெய்யும் என கூறி முடித்தனர்.

அப்படியென்றால் என்னிடம் இன்றும் இருக்கும் 1980 களில் என்னுடைய மாமா பயன்படுத்திய ஜெர்மானிய தயாரிப்பான Pentacon f2.4 50mm pancake லென்ஸையும் மற்றும் ரஷ்யா தயாரிப்பான‌ Helios 58mm போன்ற லென்ஸுகளை ஏன் நான் என்னுடைய Canon DSLR bodyயில் பயன்படுத்திப்பார்க்ககூடாது என முடிவு செய்தேன்.இதுகுறித்த விளக்கங்களை நட்பு வட்டத்தில் கேட்க என்னுடைய Pentacon lens M42 லென்ஸ் மவுண்ட் கிடையாது எனவே பயன்படுத்த இயலாது என கூறிவிட்டனர்.

அதன்பிறகு நான் இந்த எண்ணத்தை விட்டுவிட்டேன்,ஆனால் சமீபத்தில் FLICKR தளம் மூலமாக அறிமுகமான என்னுடைய சொந்த ஊரான பாண்டிச்சேரியை சேர்ந்த நண்பர் திரு.கருணாகரன் அவர்களிடம் பேசிய போது, அவர் இதுபோன்ற நிறைய லென்ஸுகளை அவரது Canon மற்றும் Nikon பாடிக்கு அவராகவே (M42 வகை அல்லாத மாடல்களுக்கும்)லென்ஸ் மவுண்ட் உருவாக்கி வைத்திருப்பதாக கூற இந்தியா வந்தவுடன் அவரை என்னுடைய நண்பன் விக்கியுடன்  சென்று ச‌ந்தித்தேன்.

             Vicky and Mr.Karunakaran(Canon EOS 500D+Helios 58mm M42 Vintage lens(f4,1/600,ISO200).

என்னுடைய பழைய‌ லென்ஸுகளை பார்த்த அவர் ஒரு வாரம் அவகாசம் கேட்ட அவர் ஒரு வாரத்தில் சரியாக என்னுடைய பழைய லென்ஸ்களான Pentacon 50mm f2.4 Pancake மற்றும் Helios 58mm f2.0 லென்ஸுகளை என்னுடைய Canon bodyக்கு தயார் செய்து கொடுத்துவிட்டார். மேலும் இந்த Pentacon Vintage லென்ஸை வைத்து அவர் எடுத்திருந்த சில Product Photos களையும் எனக்கு மின்னஞ்சலில் அனுப்பியிருந்தார்.

F4,1/13,ISO200 settings இல் Tripodன் உதவியுடன் எடுத்த படங்கள்:

ஆக நான் நினைத்தபடி என்னுடைய பழைய லென்ஸுகள் என்னுடைய கேமராவிற்கு  தயாராகி விட்டது. இனி,லென்ஸை பயன்படுத்தி படமெடுத்து பார்க்கவேண்டும் என்ற எண்ணம் எழ முதலில் Pentacon 50mm f2.4 இல் முயற்சி செய்தேன். இந்த லென்ஸில் focus distance 0.6m எனவே Portrait களைக் காட்டிலும் மேக்ரோ மற்றும் Product போட்டோக்களுக்கு பயன்படும் என முடிவு செய்தேன்.

சரி வெளியே சென்று படம்பிடிக்க நேரமில்லையென்பதால் என் வீட்டு தோட்டத்தையே தேர்வு செய்தேன்.அவ்வாறாக Pentacon 50mm f 2.4 இல் Spot Meteringல் F2.4,1/3200,ISO200 இல் எடுக்கப்பட்ட macro  சாமந்திப் பூ:

பிறகு தோட்டத்தில் மலர்திருந்த ரோஜா பூவை Kenko Extension Tube 12mm ஐ கொண்டு f2.4,1/500,ISO 200 இல் எடுத்த படம்:

பின்னர் f4 இல் 1/80,ISO 200 இல் எடுக்கப்பட்ட பச்சை மிளகாய் படம்:

அடுத்ததாக என் நண்பன் விக்கியை மாடலாக்கி f4,1/320,ISO 400 Exposure compensation +1/3 மற்றும் White Balance,Daylightல் செட் செய்து எடுத்த படம்:

ஒருவழியாக Pentacon லென்ஸை  சோதித்தப்பின்னர் அடுத்ததாக Helios 58mm ஐ என்னுடைய Canonல் சோதிக்க விரும்பினேன் இந்த Helios 58mm லென்ஸானது எனது Cropped Sensorல் 72mm ஆக வேலை செய்வதால் இந்த லென்ஸை நான் பெரும்பாலும் Portraitக்கு பயன்படுத்தலாம் என முடிவு செய்தேன்.

எனவே மீண்டும் என் நண்பன் விக்கியை மாடலாக்கி சில ஷாட்டுகளை எடுத்தேன் f2 இல் இந்த பழைய லென்ஸுகள் உருவாக்கித்தரும் ஷார்ப்னஸ் மற்றும் Bokeh உண்மையில் அருமையாக இருக்கின்றது.

f2 இல் இந்த பழைய லென்ஸுகள் உருவாக்கித்தரும் வண்ணங்கள், ஷார்ப்னஸ் மற்றும் போக்கே உண்மையில் அருமையாக இருக்கின்றது என்பதை அனுபவப்பூர்வமாக உணர்ந்தேன்.

சரி அனுபவத்தினை பகிர்ந்தாகிவிட்டது, இதனை வைத்து வாசகர்களுக்கு என்ன நன்மைகள் என்ன சிரமங்கள் இருக்கின்றது என்பதை தெளிவுபடுத்தியாக வேண்டுமல்லவா?

இது குறித்து பிட் குழுவின் சக அட்மின்களான திரு.கருவாயன் சார், மதிப்பிற்குரிய ராமலக்ஷ்மி ஆகியோரிடம் தொலைபேசியினூடாக பேசி ஒருமித்த கருத்துக்களுடன் சில விஷயங்களை உங்களுக்கு தெளிவு படுத்துகிறோம்.

நன்மைகள்:

1.பழைய Vintageலென்சுகள் விலை மலிவாக கிடைக்கின்றது ,உதாரணமாக 85mm ,135mm Macro லென்சுகள்,Wide angle,Fisheye போன்ற புதிய லென்சுகளின் விலை மிக அதிகம்,ஆனால் இந்த M42 வகை பழைய Vintageலென்ஸுகள் விலை மலிவாக கிடைக்கின்றது.

2. Takumar,Rrevuenon, Jupiter போன்ற அந்த காலத்து கனவு லென்ஸுகள் புதிய லென்ஸுகளைக் காட்டிலும் மலிவாக கிடைப்பதால் இதன் மீது பற்று கொண்டவர்கள் வாங்கி பயன்படுத்தலாம்,மேலும் இந்தவகை லென்ஸுகள் உருவாக்கித்தரும் Swirly bokeh பிற லென்ஸுகளில் காண்பது அரிது.

3.புகைபடக்கலையை ஆர்வமுடம் பழக விரும்புவோர்கள் இதனை பயன்படுத்திப்பார்கலாம்.

4.Manual focus பழக நினைப்பவர்களுக்கு ஏதுவாக இருக்கும்.

சிரமங்கள்:

1.இந்த வகை லென்ஸுகளைக்கொண்டு சுப நிகழ்ச்சிகளையும் Moving objectகளை படம் பிடிப்பது மிகவும் சிரமம்.

2.ஆட்டோ போகஸ் ஆகாததால் மேனுவல் போக்கஸிங் கடினமாக இருக்கும்.

3.Meter Reading வேலை செய்யாததால் உங்களின் அப்பச்சர் மற்றும் ஷட்டர் வேகத்தினை  நீங்களே தான் செட் செய்யவேண்டும்.

4.Nikon  பயனாளர்கள்  infinity focus correction உடன் கூடிய கன்வர்டர்களைத்தான் பயன்படுத்தமுடியும்.

5.நிறைய படங்கள் out of focusஆக வாய்ப்புகள் அதிகம்.

மேற்கண்ட சிரமங்கள் இருப்பினும் Portrait,Macro,Product புகைப்படக்கலையில் ஆர்வம் இருப்பவர்கள் இந்தவகை M42 Vintage Lensகளை மேனுவல் மோடில் கட்டாயம் பயன்படுத்தலாம்.

அன்புடன்,
நித்தி ஆனந்த்

 

தி இந்து நாளிதழின் ஷட்டர்பக் அறிவித்திருக்கும் அகில இந்திய அளவிலான இம்மாதப் போட்டி ‘உழைக்கும்  முதியோர்’.

வயிற்றுக்காக உழைக்க வேண்டிய கட்டாயத்தில் சிலர்; உடம்பில் தெம்பில்லாவிட்டாலும் மன பலத்துடன் வாழும் வரை தன் காலில் நிற்கவேண்டும் என்கிற உறுதியோடு சிலர்; தள்ளாத வயதிலும் குடும்பத்துக்கான தம் பங்களிப்பைக் கொடுத்தாக வேண்டிய சூழலில் சிலர் எனக் காரணங்கள் வெவ்வேறாக இருப்பினும் நாடெங்கிலும் இவர்களது எண்ணிக்கை அதிகரித்தபடியேதான் இருக்கிறது.

இது குறித்த ஒரு விழிப்புணர்வைக் கொண்டுவரும் நோக்கத்துடன் பிர்க்பெக் பல்கலைக் கழகம், லண்டன் மற்றும்  மனித உரிமை காப்புறுதி ஆய்வு மையம், சென்னை ஆகியவற்றோடு கை கோர்த்து ‘தி ஹிந்து’  இப்போட்டியை அறிவித்திருக்கிறது.  இந்நிலையில் மாற்றம் கொண்டு வர இந்த ஆய்வு உதவும் என நம்புகிறது.

பரிசு விவரங்கள்:

முதல் பரிசு ரூ.20000/-, இரண்டாம் பரிசு ரூ.10000/-; மூன்றாம் பரிசு ரூ. 5000/- மற்றும் 3 ஆறுதல் பரிசு பெறுகின்றவருக்குப் பாராட்டுப் பத்திரங்கள். வந்துபடியே இருக்கும் ஆயிரக்கணக்கான படங்களில் அதிக வாக்கு பெறும் ஒரு படத்துக்கு ரூ.5000/-. உழைக்கும் முதியோர் நிலை குறித்த செய்தி எல்லோரையும் சென்றடைய வேண்டும், பலரும் படங்களை பார்வையிட வேண்டும் எனும் நோக்கத்துடன் வாக்களிப்பு ஏற்பாடு செய்யப்பட்டிருப்பதாகக் குறிப்பிடும் அமைப்பாளர்கள் அதற்கானக் கடைசித் தேதி 28 ஜூலை  இரவு 11 மணி வரையில் என அறிவித்து ஒருமாத காலம் ஒதுக்கியிருக்கிறார்கள். போட்டி முடிவுகள் 31 ஜூலை இணையத்திலும், 4 ஆகஸ்ட் பத்திரிகைகளிலும் வெளியாகும்.  விரிவாக இதைப் பற்றி அறிய இங்கேயும் விதிமுறைகளுக்கு இங்கேயும் செல்லலாம்.

விதிமுறைகள் தமிழில் இங்கேயும்:

படங்கள் அனுப்பக் கடைசித் தேதி, நாளை 21 ஜூலை இரவு 11 மணி .

* படங்கள் நீங்கள் எடுத்ததாக இருக்க வேண்டும்.
* இந்தியாவுக்குள் கடந்த 12 மாதங்களுக்குள் எடுத்ததாக இருக்க வேண்டும்.
* ஒருவர் எத்தனை படங்கள் வேண்டுமானாலும் அனுப்பலாம்.
* படங்களின் அளவு 1.5 MB-க்கு மேல் இல்லாமல் பார்த்துக் கொள்ளல் அவசியம். அவர்கள் கேட்கும் பட்சத்தில் அதிக ரெசலூஷனில் (பிக்ஸலில்) கொடுக்கத் தயாராக இருக்க வேண்டும்.
* உங்களுக்குப் பிடித்தமான எத்தனை படங்களுக்கும் வாக்களிக்கலாம். ஆனால் ஒருவர் ஒரு படத்துக்கே வாக்களிக்க இயலும்.
* இணையம் மூலமாக மட்டுமே சமர்ப்பிக்க முடியும்.

பரிசுகளைத் தாண்டி, ஒரு நல்ல நோக்கத்துடன் நடைபெறுகிற போட்டிக்கு உங்கள் பங்களிப்பையும் தரலாமே. நாளை இரவு வரை இருக்கிறது நேரம்.

***

#1  1 GB வேலி முள்

விலகியது:)!

Flickr அபிமானிகளுக்கு ஒரு நற்செய்தி! அன்றாடம் உலவும் சமூக வலைத்தளங்களிலும், பிரத்தியேகமாகப் புகைப்படங்களுக்கென வந்திருக்கும் புதிய பல தளங்களிலுமாக நம் படங்களைப் பகிர எத்தனையோ வழிகள் வந்து விட்டாலும் இவை அனைத்துக்கும் முன்னோடியாகவும் இன்றளவிலும் முதன்மையானதாகவும் இருந்து வருவது FLICKR.

இருவாரங்களுக்கு முன்வரையில் 1 GB வரை (சுமார் 200 படங்கள்) மட்டுமே இலவசமாக ஏற்ற முடிவதாக இருந்தது. அதில் sets உருவாக்க இயலாது. படங்களையும் பார்த்துப் பார்த்து குறைந்த அளவு இருக்குமாறு வலையேற்ற வேண்டிய சூழல். இதனாலேயே 1GB கோட்டா முடிந்ததும், பலரும் அதில் அப்டேட் செய்வதை விட்டுவிட்டு வெளியேறி வந்தனர். ஃப்ளிக்கர் மேல் பற்று கொண்டவர்கள் கூடுதல் வசதிகளை ஆண்டுச் சந்தா கட்டி Pro உறுப்பினர் ஆகித் தொடர்ந்து வந்தனர். நானும் அப்படியே. ஆனாலும் வகைப்படுத்தி சேமித்த ஆயிரத்துக்கும் மேலான படங்கள் எல்லாம் எப்போதேனும் ஆர்வம் குறைகையில் அல்லது தளத்தைக் கவனிக்காமல் விடுகையில் மறைந்து போகுமே எனும் உறுத்தல் இருந்தபடியே இருந்தது. அதாவது சந்தா கட்டத் தவறுகையில் 1GB வரையிலாக நாம் ஏற்றிய படங்களை மட்டுமே நம் கணக்கில் காட்டிக் கொண்டிருக்கும் Flickr.

பலருக்கும் இருந்து வந்த இந்தத் திருப்தியின்மையைத் தீர்க்கும் விதமாகவும்.., ‘Pro உறுப்பினர்கள் மட்டுமே உபயோகிக்க இலாயக்கு’ என்றொரு பொதுக் கருத்து உருவாகி மற்றவர்கள் விலக ஆரம்பித்தது கண்டும் சந்தா கட்டாமலே சகலரும் அனைத்துப் பயன்களையும் பெற்றிடும் விதமாக.. பொதுப் பொலிவோடு மலர்ந்திருக்கிறது ஃப்ளிக்கர் இப்போது.

* அதன் படி சந்தா கட்டியவர் கட்டாதவர் பாகுபாடின்றி அனைவரும் 1 டெராபைட் (1024 GB) கொள்ளளவு வரை (ஏறத்தாழ, 20000 படங்களை) ஸ்டோர் செய்திடும் வசதியைக் கொண்டு வந்திருக்கிறது. படங்களை நாம் பெரிய அளவு கொண்டதாகவே சேமித்து வைத்துக் கொள்ள முடியும்.

*  ‘இதுவரை கட்டிய சந்தா திருப்பித் தரப்படுமா’ எனும் கேள்வி பரவலாக எழுப்பப்பட்டு வருகிறது. சந்தா திருப்பித் தரப்படாது. அவரவர் சந்தாக்காலம் முடிகிற வரையில் (பெரும்பாலும் 2 வருடத்துக்கு செய்து கொள்வது வழக்கம்) 2 டெராபைட் (2048 GB) கொள்ளளவு வழங்கப்படுகிறது. ஆனால் அதனால் பெரிய பயனேதுமில்லை. ஏனெனில் சந்தாக்காலம் முடிந்ததும் மீண்டும் 1 டெராபைட் அளவு படங்களே கணக்கில் இருக்கும் என்பதோடு இனி விரும்பினாலும் ‘சந்தா’ வசதியை ஃப்ளிக்கர் வழங்குவதாய் இல்லை.

* சந்தாக் காலம் முடிகிறவரை விளம்பரங்கள் நம் பக்கங்களில் தோன்றி எரிச்சலூட்டாது.

தோற்றத்திலும் சில மாற்றங்கள்:

* ஒவ்வொருவர் ஃபோட்டோஸ்ட்ரீம் முகப்பிலும் குறிப்பிட்ட அளவில் மட்டுமே படங்களை முன்னர் காட்டி வந்தது. சிறந்த படங்களைத் தேடவோ, அல்லது அனைத்துப் படங்களையும் பார்வையிடவோ ஒவ்வொரு பக்கமாகத் திறந்தபடி செல்ல வேண்டியிருந்தது. இப்போது பிகாஸா ஆல்பங்களைப் போல, scroll செய்து  பார்வையிட வசதி.

* கருப்புப் பின்னணியில் படங்களைக் காண அதன் மேல் மீண்டும் க்ளிக் செய்து லைட் பாக்ஸில் திறக்க வேண்டியிருந்தது. இப்போது பக்கத்தின் மேல்பாகம் கருப்புப் பின்னணியில் படங்களைக் காட்ட, கீழ்பாகம் வெண்ணிறத்தில் உறுத்தாமல் கமெண்ட்ஸை வாசிக்கும் வசதியுடன் உள்ளது. லைட் பாக்ஸ் வசதியும் தொடருகிறது.

*  பழைய தோற்றமே நேர்த்தியாய் இருந்தது என்றும், படங்கள் ஒன்றோடு ஒன்று ஒட்டி கசமுசவென இருக்கிறது இப்போது என்றும் வருந்துகிறார்கள் சிலர்.  மற்றவர் பக்கங்களை அல்லாவிட்டாலும் நம் பக்கத்தை sets-favorites-யை அடுத்து இருக்கும் edit-யை உபயோகித்து பழைய தோற்றத்துக்கு வரவைத்து பார்வையிட, உபயோகிக்க இயலும்.

* முகப்பிலேயே தெரிந்துவந்த exif data மற்றும் sets இப்போது க்ளிக் செய்தால்தான் பார்க்கும்படி ஆகிவிட்டுள்ளது குறை.

இனி பலரும் இதில் இணைந்து பயன்பெறுவார்கள் என நம்பலாம். முன்னர் 200-வுடன் விட்டுச் சென்றவர்கள் மீண்டும் பகிர ஆரம்பித்திருக்கிறார்கள்.

தொடர்ந்து பயன்படுத்துகையில் ஒவ்வொரு பயன்பாட்டையும் நீங்களே அறிந்து கொள்வீர்கள்தான். ஆனாலும் ஏன் சின்னச் சின்ன விஷயங்களையும் இங்கே தரப் போகிறேன் என்றால் இவை ஒவ்வொன்றையும் நான் அனுபவத்தில் அறிந்திட பல நாட்கள், மாதங்கள் ஏன் வருடங்களே பிடித்தன. எனவே புதிதாக இணைகிறவர்களுக்கு பயனாகக் கூடும் எனும் நம்பிக்கையுடன்.. சில குறிப்புகள்:
.

* படங்களுக்கான பாதுகாப்பு (downloading option-யை disable செய்து வைக்கலாம்), அப்லோட் செய்கிற வேகம், படங்களை வகைப்படுத்துகிற வசதி ஆகியன சிறப்பாக உள்ளன.

* படங்களை எடுத்த இடத்தை வரைபடத்தில் (location map) காட்ட முடிவது, விவரங்களை tag செய்ய முடிவது ஆகியவற்றால் கூகுள் போன்ற இணையத் தேடல்கள் மூலமான வருகையையும் படங்கள் பெறுகின்றன.

* வலைப்பதிவுகளை நாம் திரட்டியில் இணைப்பது போல நமக்கேற்ற குழுக்களைக் கண்டுபிடித்து  (உதாரணமாக, நீங்கள் எந்தவகைப் படங்களை அதிகம் எடுக்கிறீர்களோ அதற்கேற்ற க்ருப்களை கீழ்வருமாறு: nature, sun, sea, flowers, nikon, canon மற்றும் வாழும் ஊர், சென்ற இடம் இப்படி..) தேடிக் கண்டு பிடித்து இணைந்து படங்களைப் பகிரலாம். பொதுவாகப் பகிர இருக்கவே இருக்கிரது நமது  PiT Pool . இங்கு இணைக்கப்பட்ட படங்களைக் கொண்டே ‘இந்த வார சிறந்தபடம்’ முன்னர் PiT தளத்தில் தேர்வாகி வெளிவந்து கொண்டிருந்தது உங்களுக்கு நினைவிருக்கலாம்.

* நாம் தொடருபவர்கள் வலையேற்றும் படங்களை உடனுக்குடன் காண இங்கே (Contacts - Recent Posts) செல்லலாம்.

* நமது அனைத்துப் படங்களுக்குமாக வரும் கருத்துகள், நாம் இட்ட கருத்தைத் தொடர, வருகிற தகவல்களைப் பார்க்க ஆகியவற்றுக்கு Recent Activity பக்கம் உதவும்.

* ஒவ்வொரு நாளும் ஃப்ளிக்கர் தேர்வு செய்யும் ஆகச் சிறந்த ஐநூறை இங்கே Explore செய்யலாம். திறமையான புகைபடக் கலைஞர்களின் படங்களை அவதானிப்பதே ஒரு நல்ல பயிற்சியாகவும் அமைந்து போகிறது.

*நமது மற்றும் மற்றவர் படங்களில் விருப்பமான பகுதியைக் கட்டம் கட்டி (பாராட்டவோ, அல்லது suggestion சொல்லவோ) note சேர்க்கும் வசதி ஃப்ளிக்கரின் தனிச் சிறப்பான ஒன்று.

* உறுப்பினர்களைத் தொடர்பு கொள்ள மின்னஞ்சல் வசதி உள்ளது.  அதன் வழியே தொடர்பு கொண்டு நம் படங்களை வாங்குவோரும் உண்டு. make my trip.com-யை அடுத்து map my india நிறுவனமும் மெயில் மூலமாக தொடர்பு கொண்டு லால்பாக் மலர்கண்காட்சிப் படம் (தில்லி தாமரைக் கோவில்) படங்களை தங்களது பெங்களூர் சுற்றுலா வழிகாட்டிப் புத்தகத்துக்காகக் கேட்டு வாங்கிக் கொண்டிருந்தது. நாம் எடுக்கும் படங்களுக்கு இப்படியான அங்கீகாரங்கள் கிடைப்பது மகிழ்ச்சியான ஒன்றுதானே.

எடுக்கும் படங்களை எப்படி கமர்ஷியலாகப் பயன்படுத்துவது என பலருக்கும் ஒரு கேள்வி இருந்து வருகிறது. அதற்கு Getty Images கை கொடுக்கிறது Flickr- வுடன் கைகோர்த்து.

* Getty Images:
ஒவ்வொரு சமயத்திலும் ஒவ்வொரு வகையான படங்களுக்கான தேவை இருக்கிறது இவர்களுக்கு. நமது ஃபோட்டோஸ்ட்ரீமில் அவற்றைத் தேடி எடுத்து நமக்கு அவற்றைத் தர விருப்பமா எனக் கேட்கிறது. அப்படிக் குறிப்பிட்டதைத் தேடும் சமயத்தில் கண்ணில் படுகிற பிற நல்ல படங்களையும் பட்டியலில் சேர்த்துக் கொள்கிறது. அவர்கள் தேர்வு செய்த எனது சில படங்கள்:

இவற்றில் நாம் விரும்புவதை அவர்களுக்கு விலைக்குக் கொடுக்கலாம். அதற்காக அவர்கள் முன் வைப்பது இரண்டு விதமான உரிமைகள். ஒன்று Common license. இன்னொன்று restricted license with royalty.

முதலாவது பொதுவான உரிமைப்படி, படங்களை நாமும் பயன்படுத்தலாம். அவர்களும் பயன்படுத்தலாம். அதே நேரம் வேறுயாரும் கூட பயன்படுத்தலாம். நம்முடனான அவர்களது ஒப்பந்தத்தை ஒவ்வொரு வருட முடிவிலுமாக 3 வருடங்கள் நீட்டித்துக் கொள்கிறார்கள். தேவையானவர்களுக்கு படங்களை விற்று அதில் சுமார் 70% அவர்களுக்கு 30% படம் எடுத்தவர்களுக்கு என நிர்ணயிக்கிறார்கள்.

இரண்டாவது, முழு உரிமையும் அவர்களுக்கே கொடுத்து விடுவது (நாம் பயன்படுத்துவதானாலும் அவர்களிடம் அனுமதி பெற வேண்டும்). இதில் படங்கள் விற்பனையாகும் ஒவ்வொரு முறையும் எடுத்தவர்களுக்கு 40% வரை royalty கொடுக்கிறார்கள்.

அவர்களாக தேர்வு செய்வது போக ‘இந்தப் படங்களைக் கொடுக்கச் சம்மதம்’ என முடிவு செய்பவற்றை அவர்களது group-ல் இணைத்திடும் வசதியை வைத்திருந்தார்கள் முன்னர். இப்போது அது நீக்கப்பட்டு விட்டது. ஆகவே அவர்களது தேடல்களின் போது நாம் கொடுக்க முடிவு செய்யும் படங்களை எளிதாக அவர்கள் கண்டு கொள்ள Getty Images - For your attention போன்றதான தலைப்பில் ஒரு set (folder) உருவாக்கி வைக்கலாம்.

பெரிய அளவிலான வருமானம் என்று கொள்ள முடியாது. எடுத்தது ஏதோ ஒரு வகையில் பயன்படட்டும் என்ற நோக்கில் கொடுப்பவர்கள் முயன்றிடலாம்.

பத்திரிகைகளுக்கானாலும் சரி, வேறு யார் படங்களுக்காக நம்மை அணுகினாலும் சரி, வாட்டர் மார்க் இல்லாத படங்களையே தர வேண்டியிருக்கும். எனவே படங்களின் ஒரிஜனல் கோப்பையும், process செய்த படங்களை வாட்டர் மார்க் இல்லாமலும் தனியாக ஒரு கோப்பில் எப்போதும் சேமித்து வைப்பது அவசியம்.

நான் எடுக்கும் படங்களின் உரிமம் எப்போதும் எனக்கு இருக்க வேண்டும் என்பது எனும் தனிப்பட்ட விருப்பத்தால் (காமன் லைசன்ஸில் அனுமதியின்றி மற்றவரும் பயன்படுத்துவதாக இருப்பது சம்மதமாக இல்லை) நான் enroll செய்து கொள்ளவில்லை. எனவே அவர்களும் முதன்முறைக்குப் பிறகு அணுகவில்லை. இங்கே இன்னொரு விஷயத்தையும் கவனிக்கத் தருகிறேன். தேர்வான 7 படங்களில் 3,5,7 ஆகியவை DSLR உபயோகிக்க ஆரம்பிக்கும் முன் Point and shoot-ல் எடுத்த படங்கள்:

ஷ்ராவணபெலகுலா ‘கோமதீஷ்வரா’

2006-ஆம் ஆண்டில் மகாமஸ்தக அபிஷேகத்தின் போது 
Nikon E3700 பாயின்ட் & ஷூட் கேமராவில் எடுத்த படம்.
 http://www.flickr.com/photos/ramalakshmi_rajan/6812580774/

DSLR ஆக இருந்தால் 18mm-ல் 57 அடிச் சிலையை முழுதாகப் படமாக்கியிருக்க முடியும்தான். அதிக பட்ச தொலைவில் நின்றும் P&S-ல் இவ்வளவே கவர் செய்ய முடிந்தது. இருந்தாலும் தேர்வாகியிருக்கிறது. கூடுதல் வசதிகள் DSLR-ல் இருப்பது உண்மைதான் என்றாலும் பாயிண்ட் அண்ட் ஷூட்டிலும் நல்ல படங்களை நாம் தர முடியும். இப்போது PiT உறுப்பினர் குழுவில் இடம் பெற்று விட்டிருக்கிற நான், இந்தத் தளம் அறிமுகமாகி முதல் மூன்று வருடங்கள் ஒருமாதம் கூட தவறாமல் போட்டிகளில் கலந்து கொண்டு வந்த போது பலரும் குழுவிடம் அடிக்கடி முன் வைத்த கேள்வி இது:‘டி எஸ் எல் ஆர் படங்களுக்குத் தனியாகவும், பாயின்ட் அன்ட் ஷூட் படங்களுக்குத் தனியாகவும் போட்டியைப் பிரித்தால் என்ன?’.  நல்ல படங்களை எந்தக் கேமராவிலும் எடுக்கலாம் என நம்பிக்கையூட்டும் விதமாகக் குழுவினர் தொடர்ந்து தந்து வந்த பதில்: ‘It's not the brush, it's the Painter'. எந்தத் தூரிகையை வைத்துத் தீட்டுகிறோம் ஓவியத்தை என்பது முக்கியமே இல்லை. இதோ Getty Images தேர்வு செய்த இன்னொரு படம் Sony W80-ல் எடுக்கப்பட்ட ஒன்றே:

# நெல்லை காந்திமதி அம்மன் கோபுரம்

http://www.flickr.com/photos/ramalakshmi_rajan/4894130962/

சித்திரமும் கைப்பழக்கம். என்ன சொல்ல வருகிறேன் என்றால் தூரிகையைக் காய விடாதீர்கள்:)! எப்போதும் வண்ணங்களில் குழைந்து ஈரமாகவே இருக்கட்டும் அது. தொடர்ந்து படம் எடுத்துக் கொண்டே இருப்பதுதான் நம் திறனை வளர்க்க சிறந்த வழி. 

கூடு திரும்பும் இப்பறவைகளைப் போல் Flickr-கு திரும்பிக் கொண்டிருக்கிறார்கள் 1GB-யோடு விட்டுச் சென்றவர்கள்.

என்ன செய்யப் போகிறீர்கள், நீங்கள்:)?

அடிக்கடி சுற்றுலா செல்பவர்களா நீங்கள்? உங்கள் படங்கள் சுற்றுலா வளர்ச்சிக்கு உதவ வேண்டுமா? உதவி செய்யக் காத்திருக்கும் தளமே http://www.picsean.com/. சென்ற வருடம் இந்தத் தளம் Flickr (mail) வழியாகத் தொடர்பு கொண்டு, கீழுள்ள படத்தை என்னிடம் விரும்பிக் கேட்டு வாங்கி Make My Trip.com_யிடம் விற்றுக் கொடுத்தது.

டிஸ்கவர் இன்டியா, மிஸ்டிகல் கேரளா, பேரடைஸ் காலிங் எனத் தனது ‘பல’ பேக்கேஜ் டூர்களுக்காக மேக் மை ட்ரிப் டாட் காம் எனது இந்தப் படத்தினைப் பயன்படுத்தி வருகிறது:

சரி, அவர்களுக்குத் தேவையானதை மட்டுமேதான் நாம் கொடுக்க வேண்டுமா? அவர்களின் தேவையை எப்படி அறிவது? எடுத்த எந்தப்படங்களையும் கொடுக்கலாமா? எனும் கேள்விகள் உங்களில் பலருக்கு வரக்கூடும். சற்று விரிவாகப் பார்ப்போம்.

Picsean தளத்தில் ஒரு கணக்கை உருவாக்கிக் கொண்டு நம் படங்களைச் சமர்ப்பித்து வரலாம். தேவையைச் சொல்லி எனது படத்தை வாங்கியிருந்தாலும் தொடர்ந்து எனது படங்களை தங்கள் தளத்தில் சமர்ப்பிக்கக் கேட்டுக் கொண்டிருந்தது பிக்ஸியன். சமீபத்தில் மீண்டும் கர்நாடக, தமிழக கோவில் படங்கள் சிலவற்றை அங்கு பதிந்து வைத்தேன். படம் எடுத்த இடம், விவரங்கள் ஆகியவற்றையும் கூடவே அளித்திடல் நன்று. Landscape image எனில் அகலமும், Portrait image எனில் உயரமும் [அதாவது உயர அகலத்தில் எது அதிகமோ அது] 2200 பிக்ஸல் இருக்குமாறும்; dpi 300 இருக்குமாறும் படங்களை அங்கு வலையேற்ற வேண்டும்.

நம் படங்களுக்கானத் தேவையை அவர்களாகக் கண்டறிந்தோ அல்லது தேவைப்படுகிறவருக்கோ விற்றுத் தருகிறார்கள். இணையதள உபயோகத்திற்கு 10$ எனில் அச்சுப் பத்திரிகைகளின் அரைப் பக்க உபயோகத்துக்கு 50$ முழுப்பக்கத்துக்கு 100$ என்பதாகத் தெரிவித்திருந்தார்கள். பணத்தை நமது paypal கணக்குக்குச் செலுத்தி விடுகிறார்கள். முகப்புத்தகத்தில் http://www.facebook.com/picsean இவர்களைத் தொடர்வதும் அவ்வப்போதைய தேவைகள்,போட்டிகளை அறிய உதவும்.

ஆல்பத்தில் உறங்கும் உங்கள் பயணப் படங்கள் பலரும் பார்க்கும் வகையில் பயனாக இது ஒரு நல்ல வாய்ப்பு.

---

பெண்களுக்கு மட்டுமே ஆன புகைப்படப் போட்டி:

இந்தத் தளத்தில்அறிவிப்பாகியிருக்கும் EVA '12 புகைப்படப் போட்டியில் விருப்பமானவர் கலந்து கொள்ளுங்கள். நாளை மார்ச் 31ஆம் தேதியே படங்களை அனுப்பக் கடைசித் தேதி.

---